至憎諗名的個人專頁

環球大廈分店想拎匙羹時發現有一隻超級污糟（無影相）。成餐飯用佢地派嘅叉，膽顫心驚咁樣食。因為實在唔敢拎佢地d自助餐具。食物質素差差地。無薯條食。灣仔分店餐具衛生ok，食物好味，又有薯條。完。…查看更多

今次食外賣試吓shake shack，同某蛋一樣又係美國過黎，但某蛋真係無得同shake shack比，shake sahck又好食，包裝又好，食得方便同俐落，唔論盡。今次叫咗磨菇芝士漢堡、波浪薯條、雞粒同埋開心果奶昔。當中我最推薦開心果奶昔，真係好好飲，飲第一啖已經好香濃開心果味，甜又唔會太甜，甜度啱啱好。顏色好靚。磨菇芝士漢堡，我走咗生菜蕃茄。個包都幾細，我加咗煙肉，但d料無爆哂出黎，呢個係重點要讚嘅，食得好方便，好爽，好俐落乾淨，多謝shake shack💚我覺得shake shack用嘅包同平時香港食開嘅包有唔同咁，佢地嘅包係黃黃地色，亦都係比較軟身。我加嘅煙肉，真心好香好好食，少少juicy，食過咁多真煙肉漢堡，只係「美國兄弟」同埋shake shack可以食得出係蘋果木烤製，好香，不過shake shack香過「兄弟」💚芝士磨菇，驚喜嘅係無諗過係吉列炸嘅，同埋無諗過芝士係釀喺磨菇入面❤️🥰最完美嘅味道應該係連埋生菜蕃茄咁樣食，不過我唔食呢兩樣野🤣❌我食完芝士煙肉波浪薯條覺得有少少漏，我應該試咗漢堡先😭波浪薯條，我叫咗芝士煙肉波浪薯條，佢地將芝士同煙肉碎分開裝俾我，淨係純薯條都已經脆口好好食，點埋芝士仲正，正宗美國薯條❤️煙肉我就咁空口食，咸咸地，好香嘅烤味😍😍😍炸雞粒有分10粒同6粒，我叫咗6粒，好食。就咁食好食過點醬食。可能因為外賣哥哥走咗好多轉ORDER再俾我，d野有少少凍咗，但shake shack好貼心，外賣袋係保温袋黎🥰😍更加貼心嘅係 開心果奶昔係另一個保温袋仲有冰包凍住😍🥰好貼心…查看更多

中午諗到頭爆唔知食咩好，又成日落雨，見呢間好似好好食咁，想試吓佢同「炸雞博士」邊間好食d。叫咗個細盤辣肉腸獨享餐、「肉嘅蒜蓉包」、薯球、同埋開心果冬甩。pizza我就認為淡咗少少，但都ok好食嘅。湯種呢樣野我真係麻麻地，我覺得湯種好淋好軟。蒜蓉包佢地用pizza形，每塊嘅尖角都有蒜蓉同埋牛油(熱溶式) ，係幾好食嘅，但油太多啦😵‍💫😵‍💫😵‍💫開心果冬甩係ok嘅，不過開心果白朱古力變咗開心果「汁」，一咬就瀉哂出黎，搞不掂。薯球份量好足，價錢算合理，可能本身好鍾意食炸薯，覺得呢個最好食👍🏻…查看更多

呢間野我之前睇報導已經想試吓，個個都吹奏到佢好好食咁雞肉腸蛋芝士三文治個蛋的確唔係難食，但根本普通質素，傳媒同埋一眾「美食家」吹大咗，唔值咁貴。最嬲係佢整到d餡好滿，我拎起食嘅時候已經拎得好小心，d蛋都仲係跌哂落張紙，塊雞漢堡跟住個蛋sir埋落張紙執返又不停sir落去，食得我好狼狽食得勁辛苦，好谷氣，俾錢買難受咁我係叫一個包，我加咗錢加蛋沙律同埋雙倍煙肉，無諗過佢俾d料係多到佢地都要拆開做兩個包咁俾我，fine，服務係做得好好要讚，＊＊＊我都無叫過火箭菜，佢落勁多火箭菜俾我夾埋落個拆出黎嘅包度，咁即係點呢？？？🤡貼心服務係好事，但做多咗就變咗多事囉，搞到我又要自己揀返哂d火箭菜出黎，成手都整污糟哂，d蛋沙律同個炒滑蛋一樣，多到跌哂出黎又食食得勁痛苦，d煙肉，味道無咩特別，追單份18蚊，我追加咗雙倍32蚊，但煙肉嘅味道都唔值用18蚊去追加到薯餅，佢寫係寫松露薯餅，但係食落口完全係零松露味，完全係無，咪道同質地根本就係KXC隔哂d油好乾爽嘅薯餅，咁就31蚊，份量應該有KXC嘅兩塊半唔會再幫襯，貼錢買難受我當買個教訓…查看更多

又係衰到我要寫評嘅一餐，自己喺屋企煮都好食同乾淨過佢，又唔洗谷氣。同家人食晚飯，本身諗住食元氣，家人身體情況唔等得，去咗附近嘅敏華冰廳，呢一間野。入到去已經好似自生自滅咁，侍應根本都完全唔想招呼我地咁款，唔知仲以為食緊自助餐添呀，咁都算啦，問侍應想要隻杯，完全唔同你交流，一句「好呀 / 請等等」都無，就咁行咗去拎杯過黎。叫野食，一睇餐牌，小菜得三款，想食吓一人火鍋啦，點知得一隻湯底，仲要除咗牛肉之外乜肉都無，所謂嘅西式晚餐又係得三款，想叫黑糖飲品啦，又全部黑糖嘅飲品都無。谷氣，咁叫個叉燒飯俾家人食完就算啦，叫佢地走豉油，家人唔可以食豉油嘅。個飯送到黎，個侍應鬼食泥咁lur咗句：「落咗豉油呀要唔要」，一句唔好意思都無。送野飲黎又pea吓pea吓咁連飲管都可以整跌。食飯隻羹係笠癡癡嘅，d侍應都已經咁樣態度完全零服務，裡面都唔知有無洗碗。…查看更多

呢間我返工咁耐未幫襯過，尋日諗住午餐食吓飯唔食意粉，走入去食。全個餐都正常ok可以接受，唔算好難食，但唔係好好食。仲有我叫南蠻炸雞，佢俾錯咗柚子炸雞我，但呢d我都接受，只有一樣絕對不能接受：就係佢地嘅所謂日式炸餃，細細粒，但食落口係完全另一種餃黎，根本就係中式潮州韮菜餃嘅珍珠版。好過份。我係鍾意食餃嘅，尤其是炸餃子，韮菜餃我成日都食，好鍾意食添，但係，重點係：吉野家喺點餐機/餐牌寫明係日式炸餃子，食落口就變成潮州炸韮菜餃，呢一樣我就絕對接受唔到。…查看更多

今日要去銀行拎野，拎完食個快飯就要返工。本身食銀行樓下嘅XX家，但太多人排隊，即刻諗起堅信號翻檯好快應該唔洗得好耐！而且我次次去都唔洗等，所以翻檯快其實都可以係優點今次食上海粗炒午餐，因為唔慣就咁飲野唔用飲管，所以無叫野飲。之前食幾次生煎包，個溫度我都可以即時放入口食嘅，呢個溫度我自己就覺得適合我食，但之前見有d食評都有提及食物溫度問題要改善。但係今次我叫的生煎包，送來之後我無辨法即時放入口真係有熱辣辣咗雖然我要等凍少少先食得，但我就覺得已經係算進步同埋上海粗炒，份量啱啱好，夠飽，唔會少，送上黎時我見到有煙熱辣辣同之前食一樣咁好味小籠包都係ok嘅，熱辣辣穩陣我諗灣仔店應該係我最鍾意嘅分店，員工好有禮貌，無負能量感覺，辛苦店員！多謝你地努力盡心服務…查看更多

最近去咗灣仔返工，已經去過好幾次食午飯了。通常唔係特別深刻好食/唔係伏嘅我係唔會寫食評，但我忍唔住要幫佢寫👍🏻我會綜合埋上幾次咁寫已經食過新嘅蔥油撈麵，上海粗炒，今日試埋湯麵，同埋小籠包，生煎包食得多，今次有機會試小籠包。蔥油撈麵真係唔錯的，個感覺唔會好油膩，份量啱啱好。上海粗炒ok一般，唔係唔好食，係好食嘅，但平平無特別。係我第一次去嗰日，唔知係唔係坐冷氣風口，個粗炒的確有d凍。但之後再去食個溫度已經正常返，所以我就覺得食物變凍應該係我坐風口位問題。到今日食嘅豬扒湯麵，其實主要都係想讚呢個豬扒湯麵，所以決定寫食評。我一向好怕食清淡嘅麵，因為食過好多都唔好食，「滾水麵」，d麵質又差，所以我都係抱住「唔好食嘅大日就改返食撈麵粗炒算了」嘅心去試食嘅，食落口，麵質係彈牙嘅👍🏻有掛到湯👍🏻個湯睇落去無色亦無咩濃香，但原來個湯係有味道的！連帶個麵食每一啖都有味道。雖然我都有加咗少少辣醬食，但真心感謝呢間堅信號真係識煮清湯麵👍🏻個豬扒都好好食，有d甜味嘅，我嘴細，有d難咬開，但唔硬，味道亦都新鮮嘅👍🏻小籠包好食嘅，但我感覺味道係蒸嘅生煎包，同我食開嘅「蔗渣級小籠包」好唔同👍🏻一一一因為我去親都係午飯時間，好忙好多人，好多時要搭檯，我都明白嘅，不過今次係搭卡位，覺得有少少唔係咁好。員工同經理真係好有禮貌！呢度食評係無講錯的！👍🏻唯一嘅缺點，就係堅信號有d貴啊😭…查看更多

一直知道麥乜麥物的麵店都好有名（但係我都係唔識分），最近有緣喺果邊返工，知道有兩間麥乜麥物，今次先試食這一間，下次再去轉角試吓。平日路過總係感覺個店無咩人幫襯，見佢無對外標價錢，我望一兩眼就會繼續行，但係今日喺公司睇到魚蛋粉麵的外賣紙，勾起我想食雲吞麵的癮，就想起正正喺樓下的麥兆記。網上睇食評大半都話佢唔係真係咁好食同埋好無禮貌，我本來都係抱住中伏的準備入去。入到去原來都幾好生意，都滿人。店員姐姐其實又唔係網上講咁無禮貌，姐姐們都好友善，我唔想搭檯都無逼我，又無逼我坐細檯。無錯的確唔係四五星級的禮貌和服務，但亦無網上食評講到咁差，點餐時係一呼即應的，叫咗一個牛腩麵同埋蝦子雲吞撈，好快就有得食，都唔洗點等。味道無網上講到咁不外如是，可能我窮，平時食食埋埋街邊牛腩麵雲吞麵唔識野所以我會覺得麥兆記好好食。…查看更多