Yuenyee925的個人專頁

利豐園韓國菜位於旺角通菜街入面地鋪， 好容易就搵到。 因為天氣凍凍地， 我同我老公好想食火鍋， 於是經過利豐園時， 被利豐園既部隊鍋吸引了。 佢地每款菜式價格都便宜， 就可以食到正宗韓國菜。 短短1個月內， 我和我老公已經光顧了兩次。 加上老闆親切又健談， 每次都會問菜式如何、喜唔喜歡等， 每次都會親自送上熱熱的湯， 我們吃完了前菜， 老闆又再添送前菜， 而且員工服務周到， 絕對要光顧的韓國菜， 有如家的感覺。光顧了兩次都必定要食部隊鍋， 材料足， 份量多， 最緊要真係好好味。 無論我和我老公兩人去食， 或同埋朋友四人一起去食， 個份量十份充足，加上材料多， 有茄汁焗豆、火腿、午餐肉、韓國年糕、腸仔、煙肉、豆腐、芝士、 麵， 仲有其他材料....因為多到忘記了， 最後仲有最重要既泡菜。 湯底好有濃郁既泡菜味， 鐘意食泡菜既我， 就最鐘意個湯底， 味道辣辣地， 辣度剛好適中， 再配上麵一齊食， 非常惹味， 值得一試必定要食部隊火鍋。 最後老闆仲加碼送多我地一個麵食， 正呀海鮮煎餅一上枱就快d趁熱食， 因為剛剛煎好的煎餅， 皮薄脆口十足， 十分香口， 口感十足， 而且一點都不油膩。老闆仲親自下廚煎了翠肉瓜煎餅， 老闆話係新菜， 還沒放入餐牌中， 先煮給我們試試口味。 翠肉瓜煎餅比起海鮮煎更加好味。 因為外層係香脆又香口既薄薄一層皮， 包住裡面好新鮮又鮮甜既翠肉瓜， 清清甜甜， 感覺好新鮮好好味， 都是一道值得推介既一道菜。最後有鐵板豚肉和牛肉， 牛肉肉質軟熟無筋， 配上佢地特製醬汁， 味道更昇華了。…查看更多

今年我生日， 我老公神神秘秘話帶我去山頂蠟像館度玩， 之後就話去頂層睇維港全夜景， 去到差唔多最頂層時就見到Bubba Gump Restaurant。  經過餐門口時， 我老公就話一早Book 好枱， 所以驚喜地入左Bubba Gump 餐廳食飯慶祝生日。一坐低， 枱面有個牌仔有紅藍兩面。  如果要Service 就掀去紅色STOP FORREST STOP， 自自然然有Staff走埋黎。   枱上除左有牌仔外， 仲有個似啤酒桶的桶， 裡面有乾濕紙巾、 蕃茄醬、 辣椒仔等等。老公order 左甘草洋蔥圈配美式燒烤汁和香草汁、阿甘蝦雜錦小食拼盤、 美式秘製豬仔骨配特式醬汁及炸薯條， 飲品係芒果沙凍和士多啤梨汁。  飲品隻杯都幾特別， 底部有燈發出閃光及圖案， 飲用完畢後，Staff會清洗乾淨完就送左給我們。  甘草洋蔥圈配美式燒烤汁和香草汁份量都十分多， 洋蔥圈薄切如絲， 再炸到好香脆， 啖啖都外脆內軟。  點少少燒烤汁和香草汁, 更香口。阿甘蝦雜錦小食拼盤望落去每樣少少， 似乎不多， 但去到享用時先發覺份量都好多。  拼盤有炸海鮮蝦球、酥炸鮮蝦、凍蝦和辣汁雞塊， 全部放在船仔內， 賣相好得意又特別。  凍蝦， 用最傳統方法上碟， 沒有添加任何醬汁， 吃到最鮮甜鮮蝦味道。  咬落去啖啖爽口彈牙， 蝦鮮味十足， 最值得讚既係凍蝦的腸都已經挑走了。  酥炸鮮蝦沾滿麵包糠， 炸到外香脆內彈又夠鬆化， 點些醬汁更好味， 整個鮮味也大大提昇。  辣汁雞塊味道甜甜酸酸帶辣， 第一啖品嚐到甜酸， 而辣味會在口裡慢慢滲出黎， 到最後都幾辣下， 但十分開胃的一道菜。  美式秘製豬仔骨配特式醬汁及炸薯條呢道菜係個Staff 極力推薦。  豬仔骨配燒烤汁， 一上枱已經芬香樸鼻， 香到不得了。  咬落去豬仔骨既肉質嫩滑又香口，入口即溶， 再配上佢地特製既汁，juicy十足， 味道剛好適中， 十分香濃。最後食食下飯， Sfaff 就突然熄燈及棒住已點了生日蠟燭既甜品入黎，  就叫我先起身， 再要我棒住碟甜品， D Staff 就開始Rap 住唱生日歌， 最後仲叫附近鄰近既枱一齊拍掌歡呼， 驚喜十足。   我非常surprise簡直笑到停唔到。  …查看更多

雅苑座既自助餐真係無得頂   無論食物質素、 環境、 服務都做得非常好   內裡環境十分舒服， 在柔和燈光下， seats位設在空曠既超高樓底下， 可以望到各樓層， 加上四周佈置得似花園一樣， 有水池、椰子樹等等， 彷彿置身如庭園中， 感覺十分舒服， 氣氛充足， 而且十分浪漫 。  台上有琴手和歌手唱歌伴樂， 大家可以一邊嘆美食、一邊聽音樂， 仲可以點唱。  當晚是慶祝我老公生日，  餐廳驚喜地送上了生日蛋糕， 而且歌手和員工會一起唱生日歌慶祝， 全場在場每位客人都會拍手歡呼， 慶祝生日氣氛十分充足。  雅苑座既食物品種多， 海鮮吧有龍蝦仔、長腳蟹、 凍鮮蝦、 籃青口、麵包蟹、煙三文魚等， 每款都十分新鮮、 鮮味十足， 特別是長蟹腳， 蟹肉汁多又鮮甜， 蟹肉又夠鮮嫩， 真係百吃不厭   所以長蟹腳特別搶手，每次refill完， 就已經被其他客人一掃而空， 但酒店會不停地refill， 所以大家不用著急。  餐桌上， 酒店已經放好了剪刀和消毒濕紙巾， 令到大家在享受美食過程中更舒適更方便， 非常體貼既服務。  Parma ham配蜜瓜廚師體貼地將蜜瓜逐件地包上火腿， 火腿入口香軟， 咸香味十足， 再配搭甜爽甜多汁既蜜瓜， 非常好味又絕配。 日本料理這方面選擇都多， 例牌必有三文魚、吞拿魚腩、 墨魚、 八爪魚、油甘魚......款款刺身都夠新鮮，三文魚夠肥美又夠滑溜、 吞拿魚腩無筋軟林、  墨魚又夠哂爽口。  此外， 亦有火炙壽司，  必食推介係三文魚火炙壽司和玻璃蝦火炙壽司。冰鎮鮑魚當晚每人都可以享用冰鎮鮑魚一客， 體貼既酒店廚師把鮑魚已經切好細小件， 方便大家進食。  呢款冰鎮鮑魚無須加任何調味醬汁都已經好好味。  食落去鮑魚味道甜甜地， 質感就黏口得黎夠彈牙， 口感十足， 令人回味冇窮， 想一試再試， 每人一客的而且確會吊癮十足。 海鮮檔望落去好像平平無奇， 但內有乾坤必定要試。  首先要先選擇湯底， 有冬蔭公和蕃茄湯底。  我同我老公怕辣所以order 左蕃茄湯底。  至於選擇材料方面， 因材料眾多， 有鮮蝦、蟹鉗、扇貝、蜆、東風螺、 貢丸、墨魚丸、龍蝦丸、芝士包心丸、牛丸............真的好想每樣都試一口， 向我毫無頭緒之際， 廚師就體貼地話幫我選擇一個雜錦海鮮繪， 我十分高興地返回座位等。     個蕃茄湯底味道夠香濃， 每款海鮮鮮味十足， 啖啖惹味。 1855牛肉如果喜歡吃牛肉， 呢款1855牛必定要試下。 以BBQ方式炮製既1855牛肉， 肉質極度幼嫩香滑， 而且牛肉味十足，  肉味十分濃厚， 即使不配搭任何醬汁下， 味道都已經十分充足又濃厚。  但亦可按照個人喜好選擇來配搭燒汁、黑椒汁或芥辣， 點了醬汁令到整啖牛肉的味道更昇華。 鴨肝多士配黑松露廚師即場煎製新鮮鴨肝多士， 熱辣辣既黑松露鴨肝多士， 多士面包底烤焗到香脆， 上面放了黑松露鴨肝， 聞落去已經香味十足，  吃落去油香豐富， 非常惹味。 北京填鴨廚師把鴨切好放上盤子上， 自己包製北京填鴨， 可以按個人喜好黎選擇配料。  鴨肉和鴨皮肥瘦分明，鴨肉質鮮嫩， 配搭大蔥絲、青瓜、甜麵醬， 味道十分好。燒味部必定要推介海南雞、叉燒和乳豬。  乳豬皮烤到十分香脆， 肉質幼嫩； 叉燒夠爽口， 軟林度適中； 最正係海南雞， 雞肉鮮嫩幼滑， 脂肪少， 咬落去啖啖香濃雞肉味十足， 簡直不得不試。熱盤熱盤種類繁多， 由於個胃空間有限， 已經沒有再逐一試熱盤。  熱盤亦相當吸引， 有避風塘炒蝦、 廣島炸蠔、燒羊架、炸子雞、咖哩雞....... 當晚中湯係椰子燉雞， 材料好充足， 溫度夠熱暖， 但飲落去仲差了一點火喉。…查看更多

今晚陪老公去完觀塘整完文件之後就一齊放工。  由於觀塘大部份地方舊區重建中， apm入面既食肆又迫滿人， 所以要搵地方食晚飯都幾頭痛。  於是我提議去到旺角先再諗， 因為旺角食肆開得比較夜dd。  去到旺角由朗豪向油麻地方向行， 經過間拉麵店， 感覺裝修都新， 好似新開張不久咁， 就入去試下菜， 原來係舊鋪搬新鋪。岩手拉麵湯底是好香濃既豬骨味， 非常香口。  拉麵是幼拉麵， 口感非常好又好彈牙。  用湯匙將彈牙既幼拉麵連埋湯底一齊吸啜入口， 味道和感覺簡直非常非常好味;  但師傅會建議你先用湯匙從碗底最深處盛一口細味品嚐， 之後第二口再吸啜長長的拉麵， 最後連湯都要飲清。  我老公就吃完佢碗日本廣島生蠔拉麵， 就連湯都飲完了， 但由於我肚皮有限， 我只吃到半碗既岩手拉麵， 我又不想浪費食物， 最後我同我老公一齊分享岩手拉麵。  材料配有豬軟骨、肩肉和溏心溫泉蛋等。  豬軟骨既濃厚肉汁鎖在肉層內， 入口即溶， 十分香口。  溏心溫泉蛋味道不濃， 有少許流質但不夠流心， 若果再整流心d、半固體狀態會更好。  日本廣島生蠔拉麵拉麵亦都一樣是很彈牙既幼拉麵。 先喝一口湯，湯底清且香， 生蠔放在湯上， 不會被湯味蓋過蠔的味道。  廣島生蠔十分肥美， 入口多汁， 鮮味十足， 十分好味既拉麵。松葉蟹海膽薯蓉球這個薯蓉球既薄薄既外層一點兒也不厚， 而且被炸到外層十分香脆。  海膽和蟹子放在金黃色的薯蓉球上， 首要在趁熱時， 立即把海膽和蟹子推入薯蓉球裡， 內裡既蟹肉忌廉同海膽蟹子混和一起食， 咬落去係外脆內裡軟林林既creamy十分好味， 極力推介。沖繩餃子餃子好特別， 比起煎餅更薄更扁身。  最外面白白地色的環形是炸到好香脆又脆口， 咬落去有"索索聲" 似足薯片咁脆。  內環有些少肉碎和雜菜做材料， 但因為要做到超扁身效果， 所以餃子材料極輕量。  餃子有個甜甜酸酸醬汁， 沾少少醬汁一齊食， 提昇了味道和感覺去另一層次。…查看更多

Check-in Taipei 店向公司附近新開業一段日子， 終於有機會同同事一齊黎試下。  同事先去排隊等位， 等左大約5-8分鐘就有得入座， 位與位之間都夠闊落， 就算坐滿了人， 都唔會覺得太擠迫。  我點了紅燒牛肉配台式滷肉飯， 而同事點了香酥炸雞配台式滷肉飯。 紅燒牛肉配台式滷肉飯這個滷肉汁味道調到甜甜咸咸， 甜咸度適中， 滷肉半肥瘦不會有太多肥肉， 用黎伴飯都唔錯。紅燒牛肉肥瘦比例岩岩好， 有些少牛腩肉夾住牛筋， 肉質夠柔軟唔會太靭。  伴碟有住蔬菜， 但三款蔬都比較油左些少， 如果少些油就更好。香炸鹽酥雞配台式滷肉飯鹽酥雞被炸到外脆內嫩， 新鮮熱辣要盡快趁熱食。 外層的炸粉薄薄又香脆，不會過厚， 咬到內裡時嫩滑的雞肉夾雜著油脂的香， 都十分香口。另外點了2杯台式飲品， 味道普普通通都唔太特別。…查看更多

星期六同老公買完模型後先發覺成十點鐘， 拿拿林去附近商場搵野食。  味吉拉麵館唔使等位， 拿拿林攞位入去坐低叫野食， 點了醬油湯牛肉拉麵加糖心蛋、 豬骨沾麵、 蟹子沙律和燒豬頸肉。醬油湯牛肉拉麵加糖心蛋糖心蛋熟左DD， 唔夠流心。  半生熟粉粉地既牛片食落都有牛味， 但的而且確瘦左少少都唔會太靭。  個湯味道咸咸地都不過不失。豚骨沾麵這個沾麵個湯都幾咸， 因為個湯用黎沾麵食， 所以個湯調較得較稠。  當D麵一沾完湯後， 成住麵變得好咸好重口味。  除了用咸來形容湯底味道外， 都難以用更貼切的詞語來形容個湯。   豚肉骨半肥瘦， 都幾香口。燒豬頸肉小食 呢個小食都十份值得推介， 豬頸肉燒既生熟程度剛剛好， 唔會過熟而乾靭。  咬落去有D彈牙多肉汁， 沾少少醬汁都好好味。蟹子沙律~ 同平日一樣， 普普通通不太大特別。…查看更多

今日老公早放工， 老公話一定要帶我去Doraya食吞拿魚。  我平日本身唔太好吞拿魚， 但老公話一定要試下呢間既大腩吞拿魚。  落單時waiter 話當日既大腩吞拿魚售罄， 但仍然有中腩吞拿魚， 老公就二話不說點了中腩吞拿魚定食俾我。  香蔥伴藍鰭吞拿魚腩蓉這個定食前菜有玉子兩件, 泡菜, 蘿蔔及味噌湯等等,  成個定食既重點就係中腩吞拿魚。  一開始先品嚐中腩吞拿魚， 一入口已經有香濃吞拿魚既魚油甘香味道， 整片中腩都十分肥美又鮮美， 油脂均勻分佈， 入口係即溶， 而且軟熟無筋。  在吞嚥後， 中腩吞拿魚的油脂依然留在嘴裡，  齒夾留香， 簡直令人十分回味。   若把魚蓉伴飯後， 加片中腩一起吃， 那份魚油甘香， 份外特別香甜。  雖然差不多要二百蚊個定食， 但非常值得。薄燒牛肉定食老公就試薄燒牛肉定食， 薄切牛肉上鋪了香蔥和洋蒽。  牛肉的脂肪都唔算太多， 食落去一D油膩感覺都無而且一D都唔韌。  幼嫩的牛肉，充滿了牛香味濃，  配上佢地特製燒汁， 非常配搭和香口。  …查看更多

荃灣街頭既韓式小菜店， 店鋪雖小但冷氣唔太充足有點熱， 夏天如果食火鍋會滴汗。  除了部隊火鍋， 呢度食物款式都幾多。  今次同老公試下韓式伴飯(豬)+炸醬拉麵+韓式小食拼盤。韓式伴飯(豬)材料有翠玉瓜、大豆芽、紅蘿蔔、菇、豆苗仔和豬肉。  將全部伴勻後， 飯既份量都充足夠黏口， 味道辣辣地都幾好。炸醬拉麵:)這碗炸醬拉麵，同圖片有些少不一樣， 因為碗麵既汁比較好多， 似湯麵多些， 所以以為自己點錯了菜。  這碗麵食落去味道甜甜地。  最後點了個韓式小食拼盤有炸雞、紫菜粉絲卷、泡菜餃子。  泡菜餃子炸到外皮脆， 再沾韓式甜辣醬， 令到味道更昇華了。  紫菜粉絲卷， 外皮被薄薄的紫菜包住柔軟的粉絲一齊炸， 一咬落去外脆內軟。  …查看更多

今晚同一位老友記吃晚飯， 老友知我鐘意食日本菜， 剛巧落雨， 反正順道經過錦丼， 大家就試下呢間。我order 左海膽三文魚飯， 我老友記order 左雜錦刺身飯。  我一見到碗飯既份量至知道個份量都十分多， 我只吃到3份1碗， 但我老友記可能係男仔， 所以佢全部都吃哂。  老友記見我吃剩咁多， 我都覺得真係不好意思。三文魚大致上都肥美， 油脂都均勻， 大約有7-8片左右; 而海膽伴在三文魚旁， 味道甘甘地不太濃， 整個飯普普通通不太特別。  伴著餐仲有日式蒸蛋和麵豉湯， 個蒸蛋都滑尚算可以但咸左少少， 一個set dinner 盛惠二百蚊左右。  …查看更多

放假同老公去左屯門碼頭行下， 順道食個下午茶。  老公點左淨雲吞、炸鯪魚球和菜芯。雲吞D肉質地不新鮮不彈牙， 肉太林而且個湯都幾鹹， 太重味。炸鯪魚球亦都一樣， D魚肉不新鮮不彈牙， 而且太厚炸粉， 整體而言, 有待改善!…查看更多

當晚向又一城買左戲飛, 距離開場只有一個小時， 為左節省時間和準時到達cinema， 就向離cinema唔遠地方開餐。  見到Queen Cafe 唔使點等位排隊， 所以今次就同老公試下Queen Cafe。  入到去, 整個環境氣氛都幾好， 環境幽雅又靜靜地， Seat位夠闊夠大都幾舒服.老公order 左兩個set dinner, 牛柳餐和美國肉眼扒餐。  是日餐湯有紅白兩款，白湯係忌廉湯， 都十分重忌廉味， 裡面有菇類作湯料。  但我比較喜歡羅宋湯， 湯料多，重蕃茄味道，酸酸尾尾中帶有微微香辣， 非常開胃。美國肉眼扒餐和牛柳餐都係order左7成熟配薯菜。  美國肉眼扒燒到現格仔紋， 加上order 七成熟， 熟嫩程度剛好適中， 肉質柔軟、 肉汁味道十分濃厚亦被鎖住肉層內， 配特製黑椒汁，味道更上一層樓。牛柳餐既前菜有幾款， 但我選擇了薯蓉焗田螺， 田螺size適中又夠彈牙; 而牛柳既肉質無肉眼咁柔軟，帶有嚼口， 配了洋蔥汁， 整體都唔錯。  …查看更多

星期日同老公去旺角買完模型， 順道向附近揾下野食。  經過呢間西餐廳， 見環境和氣氛唔錯。  座位用梳化， 行街行左一日， 在腳痛腰酸情況下，坐在這張梳化都幾舒服。  當晚order 左海鮮二人晚餐， 個餐湯係mustroom湯， 我好鐘意雜mustroom湯茸味道， 所以我覺得個湯好好飲。  柚子醋沙律， 酸酸地帶清香的柚子味道， 令人十分開胃的沙律。  頭盤是海鮮拼盤有生蠔、藍青口和鮮帶子。  生蠔不算太咸， 海水味不濃， 味道不錯而且爽口。  鮮帶子夠大粒而且鮮甜。  醬烤豬肋骨伴薯菜醬烤豬肋骨夠哂入味， 又唔會煮得太過濃，肉既質感亦都好好， 不點都不靭。  一刀切就立即「骨肉分離」，配埋吸滿了特色醬汁既薯菜， 豬肋骨和醬汁味道簡直好夾好好味！鮮墨魚汁意大利飯整個意大利飯用了墨汁煮， 兩人份量剛剛好。  飯既質感軟軟林林帶有黏稠， 味道一流。  再配上墨魚夠爽口彈牙， 整個意大利飯味道都不錯。 …查看更多

早前見到峰景餐廳既廣告, 每逢星期二晚都有Buffert Dinner, 價錢四百幾蚊+10%, 沒有包括飲品.  四百幾蚊可以向山頂食Buffert, 一於同老公去試下。Buffert Dinner菜式不多, 冷盤有生蠔、龍蝦仔、青口和大蝦。  當晚的生蠔不太適合我， 因為比較咸。 我個人就喜歡清清甜甜和爽口的生蠔。 生蠔雖然咸， 但都總算新鮮。  龍蝦仔就名符其實， size 唔大, 去殼後龍蝦肉一兩口就ko左。  青口肉都鮮甜， 味道不錯， 反而大蝦欠缺新鮮， 肉質不夠彈牙。 日式類有三文魚、吞拿魚刺身， 還有一些壽司。  我最鐘意佢地三文魚， 新鮮又好肥美。  吞拿魚和壽司普普通通沒有太大分別。  熱食有印度烤薄餅、咖哩汁煮雞、芝士焗西蘭花、肉醬焗千層麵..... 仲有兩三款， 熱食中最好味係肉醬焗千層麵， 甜甜酸酸肉醬夠哂開胃。   至於咖哩汁煮雞， 咖哩辣而不香就遜色了一點。到最後甜品出場， 我拿了焦糖燉蛋， 以為係最稳陣， 誰不知吃第一口， 發現燉蛋在嘴裡散發出濃烈的玫瑰花香味。  因為我不太喜歡有花香味的食品， 所以我只吃了一小口便放棄了， 因此甜品中最好味係雪糕。…查看更多

星期五放工同老公兩個人去旺角買完野， 順便食埋飯先返屋企。 經過兆萬商場門口， 已經有一堆人正在派發放題傳單， 其中一張就是和味館。 由於和味館奉送新鮮海膽刺身， 因此被吸引光顧了。店內座位密佈和坐滿了人， 就連通道走廊位都有座位。 一坐下後， 職員立即奉上海膽刺身， 味道甘甘甜甜， 十分新鮮又鮮甜， 真的不錯。 刺身款式有三文魚、玻璃蝦、甜蝦、墨魚、素鮑片... 三文魚都肥美又鮮、墨魚夠爽口、 甜蝦可能雪得太勁， 上碟後仍然有冰凍感覺。炸蝦天婦羅炸粉少， 蝦夠鮮而且即炸即上， 味道不錯燒汁墨魚丸~ 極力推介.. 墨魚丸夠彈牙， 配搭燒汁， 味道咸咸甜甜好好味。椒鹽雞軟骨~ 雞軟骨炸到又熱辣辣又脆， 加埋椒鹽味令雞軟骨更好味更香口。蒜香扇貝蒸粉絲~ $1蚊1隻蒸扇貝， 見這個菜式賣相不錯， 就點了4隻試試味道。 這個扇貝蒸得太過火， 令到扇貝和粉絲被蒸到太乾， 粉絲有點硬， 如果粉繼蒸林些會好一點。…查看更多

在街上經過將軍拉麵店時，望見新開的店舖裝飾具有心思， 在店內，大部份裝修都是日式設計。 坐下後，雖然店舖空間不算大， 但有種令人舒服感覺。 當晚吃飯， 我同老公點了芥末馬鈴薯沙律， 麻醬凍蕃茄，芥末凍炸雞，醬油將軍拉麵和咖哩將軍拉麵。芥末馬拉薯沙律芥末味道調到剛剛適中， 不會太辣不會太嗆鼻， 伴軟軟林林的馬鈴薯和爽脆青瓜， 味道清新。 此外，沙律面上加了紫菜作點綴， 味道和視覺都十分滿足， 不會太單調。麻醬凍蕃茄夏日炎炎，前菜必定要試這個麻醬凍蕃茄。 酸酸甜甜的麻醬淋在冰涼又新鮮的蕃茄上，令人十分開胃，絕對是一道開胃菜。咖哩將軍拉麵湯底是日式咖哩煮汁， 咖哩味道濃厚，辣度適中，聞落去已經有陣陣香濃濃郁的咖哩味，十分惹味。  這個拉麵配料，有煎香左的雞肉， 雞肉肉質滑溜，柔韌度十足， 配搭了日本的乾蔥， 洋蔥等等配料，令味道更惹味。醬油將軍拉麵醬油湯底帶有咸咸甜甜的日式湯底，有點像麵豉湯，配了日式义燒，昆布，紫菜……加煙煙韌韌的拉麵一起， 令人回味無窮。芥末炸雞炸雞炸到金金黃黃， 外皮香脆， 雞肉又嫩滑， 如果喜歡芥末味道，可以沾少許芥末醬，令味道更具特別， 非常滋味。…查看更多