維他命丸的個人專頁

久久未有寫食評, 今次一寫是因為氣難下...之前係上海都食過呢間野, 感覺平和食物都不錯, 知道黎左香港開分店都當然要試下...見OPENRICE好評如潮, 和老公去之前都充滿期待.. 但竟是惡夢開始...叫左:薯皮: 乾, 唔脆=難食雞奕: 最可食的一道菜.. 但比M記差...西班牙海鮮飯: 28蚊比得半吋都唔夠厚的飯, 乾得可憐... 見到都想喊...CARBONARA: 我自己响屋企用PASTE PACKAGE即開都一定好食過佢多多聲....肉醬白汁飯: 我已經食到唔知自己食緊乜..開頭落完ORDER仲諗住唔記得左叫甜品, 黎完D野食亦都唔想再加碼...無咩服務可言, 環境差, 食左百二蚊, 有搵笨之嫌...完全難以明白點解有咁多好評... 窮的話, 不如去M記, 吉野家, 咁難食, 真係幾抵食都冇用... 呢間, 永遠BLACK LISTED...…查看更多

公司就o係蛇王林附近, 上幾個星期天口凍都黎幫襯過幾次... 30蚊一碗足料蛇羹認真不錯. 同期去試埋深水步蛇王善, 論味道加風味, 都係呢間做得好o的.話說當日食食下有兩位外籍女士入黎, 阿伯佢地二話不說就係蛇箱度拎o的蛇比佢地影相, 推動香港旅遊業, 仲不時用廣東話問人影好未:)香港呢種蛇店, 呢種街坊feel, 幾時又會成為我地o既集體回憶呢..…查看更多

本身係ebeneezer o既粉絲, 終於開入黎屯門, 真係令人感動~~水準ok, 同tst 差o的o的, 最好食仍然係lamb kebab!…查看更多

平日好少寫一間餐廳唔好食, 但係呢間O的野真係好難入口.. 點個焗飯同燒骨飯, 得個喊字, 連我同我同事食lunch前肚餓都唔想食碟野... 無服務可言, 流程亂.. 平唔等於要差成咁o者!~~之前billy boy無緣一試已關門大吉...唔通呢個位風水唔好?!…查看更多

茶餐廳黎講算好坐, 野食都唔錯, 常餐常常食, 想攪掂一餐晏的話都不失為一個好選擇:)…查看更多

一行六人食左一碟128三拼, 份量唔多, 樣樣試下(唔抵食, 雙拼抵好多!).. 之後都係要叫多個雙拼encore 鵝肝.. :)另叫左蠔仔粥, 豬肚湯(太咸), 水爪胳, 椒鹽矮瓜, 潮和骨, 魚麵, 鮮魷"九"菜花..整體其他野ok冇特別, 但為左一試鵝肝, 仍然應該要黎下!! …查看更多

同屋企人食晚飯, 都估到唔使等位.. 無可否認餐廳位置偏僻, 但真係勝在夠哂濶落, 下次一定要同friend 黎, 因為夠靜, 唔使下下"口益"破口龍講野..可能少人, 野食熱辣辣, 服務好.. 仲有甜品送, 以為係例牌紅豆沙, 點知係足料楊枝甘露.. 一定有下次, 再帶多o的friend 黎支持下!!! 唔想屯門冇好餐廳食野.. 成日都要去市中心等位!…查看更多

去之前都知道呢度o的食物一般.. 只係同o的舊朋友冇見, 約一個清靜o的o既地方...o的waiter 又介紹呢樣, 又介紹果樣飲品, 最後就等成半粒鐘先黎, 連啤酒都要等?!!!三個人叫左一個四人套餐(比匯豐半價餐抵好多), 最後漏單之餘個法式梳乎厘又話冇哂... 比左個一舊甜而入面有椰絲o既物體, 當問waiter "呢個係梳乎厘咩?" 佢會答:"賣哂, 陣間比個三色糕你." 一, 唔知梳乎厘係乜佢地係咪會暪天過海呢, 二,個三色糕係好難食囉...最後, 張單o係啤酒度計多我地成舊水... 有冇攪錯呀..佢地o既服務就一字記之曰: "劣!!"…查看更多

哇, o的服務差到... o的食物差到... 完全係不知所謂, 咁o既價錢, 比o的咁o既野我地... pizza hut 都好得多...意粉: 似上海粗炒pizza: 少料..........前菜: 冇特別佢\地玩fusion 會唔會係玩得差左o的呢... 都唔知整o的乜出黎... 一定冇下次.…查看更多

今日晏晝約人食飯, 中環午飯一係多人, 一係就貴, 呢度人唔算多, 叫左個海南雞飯, 一人七十蚊, 叫做唔錯啦~ 唔想坐大家樂咁迫人, 呢度約下friend食下lunch 都不失為一個好選擇…查看更多

好彩今日早o的落黎, 十二點鐘到唔使等位..5個人食左40碟sushi都咪話唔誇張~~ 呵呵本身及同事覺得軟榖蟹手卷好好食, 我大舊蟹, 同埋充足o既牛油果, 咬到最尾果啖都仲有好多餸喎, 正爆.其他魚生都好新鮮~~海膽都好食; 甘海老掂; 炸蝦卷就同返元氣差唔多; 青瓜好似有南乳味咁o既? ; 帶子正; 油甘魚肥美... (不能盡錄)最後, 紅豆雪糕都好重豆味, 綠茶就冇咩驚喜..食左咁多以為過千, 點知都係八百九十蚊落樓. :)唯一係地方淺窄, 唔好預好坐~~…查看更多

只可惜係一至星期五先有, 如果唔係見客都冇機會黎.. 好想同男朋友仔黎呀~~$118一個set lunch.. 頭盤, desert 任食, main course 自己叫.. 有三文魚刺身, 吞拿魚刺身和生蠔, 都算係咁啦~~最好食係個tiramisu, 可惜客人o係度, 唔好意思狂食! …查看更多

八個人食飯食左三百幾四百蚊左右, 成餐飯仲好豐富.. 坐得又夠好, 之前去大排檔同樣人數都要五百幾蚊啦~~~下次一定要試下隔離間上樓!卤水拼盤o的豆腐最好食, 下次要叫返個淨豆腐:)…查看更多

因為近來佢地做promotion 有七五折, 又近近地, 所以就去試下... 睇過話佢o的手打烏冬好食喎~~同男友食左一個鴨肉烏冬, 岩蠔烏冬, 同埋一個激辣日式薄餅.手打烏冬真係唔同一般o既烏冬, 比較有口感, 好食!蠔只係輕輕煮一煮, 好好好正!! (推介!)鴨就麻麻, 有陣騷味:(薄餅係激辣, 自問都食得辣, 我覺得呢個pizza 比川菜更辣~~~ 但係非常好食... 大家要量力而為啦~整體上, 我覺得食物質素唔錯, 而且我當日六點零鐘去, 冇咩人, 上菜速度可以接受丫~~ 唯一下面果層有o的廁所味, 下次都係要坐樓上…查看更多