mishkaneko的個人專頁

二悅⭐️⭐️⭐️🐾 二悅紅燒牛肉麵 $74牛腱煮得好入味，完全冇平時嘅牛腥味，而且腍得嚟又保留到口感。未加湯之前已跟撈好蔥油，味道似台灣嘅蔥油撈麵嘅即食麵味，好食但普通。有茶壺好好玩。湯底有啲太鹹，唔好直接倒落碗麵度。最好食嘅方法係當佢沾麵咁食。會飲到清甜嘅紅蘿蔔味同淡淡嘅藥材同牛肉味，再加多少少辣味。🐾 二悅牛骨濃湯牛肉麵 $74湯底真心好清，有啲似牛味濃湯寶。🐈‍⬛ Overall 用心小店。試一次係幾好，但完成唔值得排隊。📍 二悅 (元朗)元朗合益路9-15號紀業樓地下G號舖#香港美食 #元朗美食 #neko_nibbles_yl #唔好伏自己…查看更多

手作功夫茶⭐️⭐️🐾 芝士奶蓋四季青 $37芝士奶蓋嘅味道一開頭都OK嘅，但唔夠芝士味，亦都唔夠奶香味。至於個茶底就正常。飲飲下個奶蓋唔知點解完全冇晒味。當個奶蓋溶咗之後溝埋啲茶，個茶都變得無味。📍 手作功夫茶 (嘉名工廠大廈) (荔枝角)荔枝角青山道688-690號嘉名工廠大廈A座地下A9號舖#香港美食 #荔枝角美食 #neko_nibbles_lck #唔好伏自己…查看更多

J.S. FOODIES 🐾 Flippers 士多啤梨藍莓疏乎厘 $129少失望，唔知係咪個疏乎厘有啲overcooked，口感過於紮實，完全冇平時疏乎厘嘅空氣感。味道都似普通蛋糕。🐾 牛油果配三文魚班戟 $139牛油果同三文魚正常。班戟好香唔錯，如果厚度可以多番少少就更加好。旁邊嘅沙律配有橙肉同埋柚子肉幾特別。🐾 Fish n Chips $159正正常常，食完冇咩特別印象。反而係個醬令我印象好深刻，係有經過調配嘅蛋黃醬，入面有切碎嘅雞蛋碎，幾用心。🐾 期間限定凍奶茶咖啡泰迪熊特飲 $89造型滿分。啤啤熊係類似蛋糕嘅口感。整體味道偏甜。鬆泰迪熊鎖匙扣🧸🐈‍⬛ Overall 整體食物還可以，價錢中上，尚算合理。📍 J.S. FOODIES (又一城) (九龍塘)九龍塘達之路80號又一城LG2樓LG2-30號舖i.t blue block#香港美食 #九龍塘美食 #neko_nibbles_klt #唔好伏自己 …查看更多

文華雞飯⭐️⭐️🐾 海南白雞海南雞唔夠滑，味道又唔夠香，雞肉本身偏肥。但點海南雞嘅酸辣汁唔錯。🐾 燒雞個皮係有少少脆嘅，但就已經擺到凍咗，肉質完全唔夠滑，冇咩肉汁，有啲失望。🐾 油飯 食落去係油油地嘅，但完全冇雞油嘅香味。🐾 肉骨茶意外地好飲。有少少藥材味，但係又唔會太濃。主要都係豬骨嘅香味。入邊仲有一大舊豬軟骨同埋幾舊豆卜。成餐最出色就係肉骨茶。📍 文華雞飯(新加坡) (大角咀)大角咀中匯街17號地舖#香港美食 #大角咀美食 #neko_nibbles_tkt #唔好伏自己…查看更多

一鍋雞⭐️⭐️⭐️💫🐾 客家黃酒雞 $58如果再食嘅話，推介呢個。聞落酒味好香。雞件滑度算係咁，起碼唔會稱得上係鞋口，同埋醃得有味。個湯底送麵嗰陣都食到酒香+雞肉味，就算就咁飲都唔會過鹹，唔錯。🐾 鮮茄豆腐濃湯海鮮鍋 $68湯底似超市買嘅盒裝雞湯，所以就會好似自己喺屋企打邊爐咁。但入面嘅料都多，除咗蕃茄豆腐，仲有4隻蝦2隻青口同埋幾隻蜆，同menu張圖差唔多。海鮮嘅新鮮程度/質素以呢個價錢都合理。🐈‍⬛ Overall堂食好食過外賣好多。如果喺附近真係諗唔到食咩湯麵好嘅話，可以考慮呢間。📍 一鍋雞 (長沙灣)長沙灣營盤街145號天悅廣場B1B號舖#香港美食 #長沙灣美食 #neko_nibbles_csw #唔好伏自己…查看更多

大囍牛雜粉麵⭐️⭐️⭐️⭐️🐾 崩沙腩河 $47崩沙腩雖然得2層，但肉嘅部份都好嫩，完全唔會韌。脂肪嗰部分好香油脂味。河粉好滑同埋有少少口感，唔會煮得好爛好易斷。湯底有啲甜甜哋，但就偏淡。加啲自製辣椒油幾香，同平時食嘅差唔多。份量多。🐾 腐乳通菜 $18正正常常。係落腐乳醬。通菜新鮮。🐈‍⬛ OverallCP值高，住附近嘅話會間唔中食，但如果難得入天水圍就唔會揀佢嚟食。📍 大囍牛雜粉麵 (天水圍)天水圍天靖街3號天盛商場地下天盛街市M409號舖#香港美食 #天水圍美食 #neko_nibbles_tsw #唔好伏自己…查看更多

威尼斯餐廳⭐️⭐️⭐️🐾 黑松露炭雞芝士燴飯 $56黑松露味好出。雞肉好腍，口感同味道都好似包裝嘅雞肉串燒。芝士味唔係好食得出，但係有creamy嘅感覺。食到後期難免會有啲膩。🐾 胡椒鴨墨汁意大利飯 $56鴨似平時嘅鴨胸。墨汁幾香濃。🐾 跟餐忌廉蜆肉湯走清新鮮甜路線。比想像中冇咁濃稠，但明顯唔係罐頭湯，有好幾粒蜆肉。🐈‍⬛ Overall 用心小店。如果鐘意食risotto嘅話，cp值幾高。等候時間比較耐。📍 威尼斯餐廳 (大角咀)大角咀櫸樹街50號地舖#香港美食 #大角咀美食 #neko_nibbles_tkt #唔好伏自己…查看更多

韓米⭐️⭐️⭐️⭐️🐾 芝士泡菜牛肉飯卷 $58芝士味好濃，飯夠少，蔬菜好足，牛肉比較低調。🐾 大豆芽 $10爽脆，但份量得2啖，同埋調味過鹹。🐈‍⬛ Overall適合作為light lunch。📍 韓米 (香港工業中心A座) (荔枝角)荔枝角青山道489-491號香港工業中心A座地下A2F號舖#香港美食 #荔枝角美食 #neko_nibbles_lck #唔好伏自己 …查看更多

流浮山窯燒雞⭐️⭐️⭐️🐾 燒雞 $198雞皮好脆，肉質大部分鮮嫩多汁。味道以香料為主，缺少咗雞肉本身嘅味道 ，但將啲肉點返流出嚟嘅雞油嚟食嘅話都幾滿足🐾 竹筒飯 $15非常伏，除咗飯味咩都冇。口感偏硬，可能用咗糙米飯🐈‍⬛ Overall貪新鮮可以試，但未必會再食。燒雞有其他選擇📍流浮山窯燒雞 (荃灣)荃灣運通街6號運通洋樓地下K號舖#香港美食 #荃灣美食 #neko_nibbles_tw #唔好伏自己…查看更多

Top Blade Steak Lab⭐️⭐️🐾 香草平鐵牛扒 $188油脂分佈望落幾靚，口感幾嫩，但牛肉味道冇乜。調味似MCD嘅豬柳🐾 法式青胡椒醬平鐵牛扒 $250配菜好食過塊牛。明明嗌咗5成熟，出到嚟係well done。可能因為咁所以肉質好硬，似食緊炆牛腩。醬汁嘅味道似KFC嘅gravy🐾 黑松露薯條 free refill新鮮熱辣辣炸出嚟嘅連皮幼薯條。好濃黑松露味🐈‍⬛ Overall可能喺香港呢個價錢食牛扒唔應該有咩expectation? 但真心唔會再食📍 Top Blade Steak Lab (梭椏道) (何文田)何文田梭椏道4A號榮英大廈地舖#香港美食 #何文田美食 #neko_nibbles_hmt #唔好伏自己…查看更多

金亞淶泰國餐廳⭐️⭐️⭐️⭐️💫🐾 海南雞船河轉金邊粉 $57海南雞份量啱啱好，偏肥同埋非常之滑。雞油味好香，絕對係中上嘅海南雞。湯底就普通，冇船河湯底嘅感覺，但都有啲鹹香味。作為配料嘅芽菜好新鮮爽脆，而麵就正正常常🐾 馬拉棧炒通菜 $15性價比非常高，份量多又好食。馬拉棧本身嘅味道好香，但可能俾得有啲多，所以有啲偏鹹🐾 餐湯 附送雞腳一隻嘅雞湯。雞腳腍得嚟又保留到少少口感。以免費嘅餐湯嚟講好香雞味，絕對好過嗌野飲🐈‍⬛ Overall適合好肚餓嘅時候做lunch。成個set食完會超滿足📍 金亞淶泰國餐廳 (荔枝角)荔枝角長沙灣道883號億利工業中心1樓102號舖#香港美食 #荔枝角美食 #neko_nibbles_lck #唔好伏自己…查看更多

Xi Xup⭐️⭐️⭐️💫🐾 生牛肉湯河 $98牛肉雖然嫩滑，但幾乎冇牛味。湯底味道比較清，帶少少嘅甜味，似係某種香料味，同平時嘅生牛肉湯底唔一樣。千祈唔好再嗌呢個。🐾 順化扎肉牛尾米線 $98扎肉正常發揮。牛尾骨有3舊，煮得幾腍，好易就咬甩啲肉。牛尾肉就有返啲牛肉味。湯底係微辣嘅蕃茄蟹味，好鮮甜，超驚喜。最可惜嘅係啲米線煮得太硬，或者可能係米線本身就同個湯底唔夠夾。🐈‍⬛ Overall 環境非常chill，適合同朋友飲下野傾下計。但如果只想食好野，就唔好揀呢間啦。📍 Xi Xup (大圍)大圍積存街70-72號景星樓地舖#香港美食 #大圍美食 #neko_nibbles_taiwai…查看更多

大丈夫食堂⭐️⭐️⭐️⭐️💫🐾 吉列豬手扒定食 $108朋友話係呢間餐廳嘅招牌。份量超多，豬扒又厚又大舊。雖然佢嘅炸粉都唔少，但調味啱啱好，唔會係好bland嘅炸粉味。一咬落去個外皮超脆，而入面嘅肉超juicy超軟熟，好驚喜。但舊肉就好似有少少軟熟得太誇張，可能落咗唔少鬆肉粉。🐾 蒜香醬漬三文魚丼 $76同時俾咗蒜香醬漬三文魚同三文魚刺身，份量好足。蒜香醬漬三文魚好香蒜蓉味，送紫菜飯食一流。三文魚刺身雖然偏瘦，但都新鮮。跟餐嘅茶碗蒸好食，漬物係似醃過嘅娃娃菜，酸酸地幾好食。麵豉湯好飲。沙律係生菜x紫椰菜x蕃茄x黃椒配柚子醬油，同白飯一樣可以refill。🐾 芝士蛋糕好香濃嘅芝士味，唔會過甜，味道啱啱好。可惜嘅係佢比較乾硬，好易碎，可能放得比較耐。如果新鮮啲可能會好食好多。🐈‍⬛ Overall 環境好乾淨闊落，侍應都好nice。食物絕對值得呢個價，cp值滿分。📍 大丈夫食堂 (長沙灣)長沙灣元州街350號家壹1樓11號舖#香港美食 #長沙灣美食 #neko_nibbles_csw…查看更多

湯底： 好濃豬骨味，但以沾麵湯底嚟講都有啲偏鹹。叉燒： 雖然瘦，但完全唔會鞋，正常好食。麵： 黑胡椒味好香同埋意外地夾，食到咁上下可以解到湯底嘅油膩感。份量偏多。Overall：唔錯嘅，但唔值得排隊。…查看更多

炸粉似茶餐廳會食到嘅口感同味道。肉質好滑同多汁。可惜啲雞肉冇雞味，而且醃得唔均勻，會突然有一啖好重酒味。味道方面需要靠自己落調味粉。 Size正常偏大。港式炸脾嚟講係唔錯，但個人嚟講會prefer Jollibee…查看更多