ShutiYiu的個人專頁

食到成肚氣嘅王家沙，已經唔係第一次係佢旗下嘅餐廳（上次喺太古帶住小朋友食又催又趕，今次又一城個經理又成日強調得90分鐘食啊，未食完都要埋單）俾人趕鴨仔式叫我哋快啲走，我個friend個碗都仲有粗炒未食完就不停催我哋埋單，又話冇位又盛，明明仲有幾張空檯係度冇人坐。真心星期六晚想食餐安樂茶飯，都要狂俾人催，成日睇住你食完未拎部卡機嚟問你收錢，食餐飯都咁大壓力都唔知為乜，俾完卡埋單，多謝都冇句，呢啲服務態度仲好怪人宜家北上消費唔留係香港食飯（利申：除咗出差以外，我係甚少特登返大陸消費），點解啲餐廳唔諗吓自己出咗咩問題。上次係太古帶住小朋友食俾人趕都已經有一段時間冇食王家沙，諗住俾多次機會原來都係咁嘅樣，其實唔使你哋啲經理同同事趕我哋走啦，因為我以後都唔會再去呢間餐廳。我已經幫呢間餐廳改咗個新名-「中菜版嘅澳牛」！都已經唔係特別好食，但如果大家想慢慢食嘢記得唔好走入去啊，如果唔係啲職員會唔客氣㗎！…查看更多

謝謝朋友上週五安排到中環會員制的私人會所Club C+ 享用一餐高質素的中式午餐。午市套餐包含前菜、燉湯、主菜、清炒時蔬及甜品一份。主廚曾於St Regis米之蓮中菜廳任職，從菜式的選料，調味，以及整個套餐的配搭都充份反映了總廚的用心，前菜先以香辣牛展及酸酸甜甜的小黃瓜打開味蕾。再配以姬松茸燉竹笙湯滋潤全身，特別適合有養生飲食習慣的人。主菜這次我挑選了鹹蛋金勾蒸肉餅，侍應介紹這個蒸肉餅是用上高質的安格斯牛肉，肉質細嫩多汁，蒸成肉餅後，比起一般蒸肉餅，肉質更細緻，肉汁更豐富，加上三十年老陳皮的甘香，絕對是味覺跟嗅覺的同步享受。餐廳再隨主菜附送清炒菜心一份。最後，套餐的甜品我選了杞子桂花糕，馥郁的桂花香味唇齒留香，實在是滿足又寫意的Happy Friday Lunch！ 😊…查看更多

用咗OpenRice 咁耐都未試過嬲到要寫個食評去講一間劣質餐廳：第一、服務差：我哋有個2歲bb（話高過90cm，我哋平時度高都冇咁高，佢哋出面把尺就度到100cm）佢收我$228一個人頭都算，我話因為個出風位係頭頂，前面有張吉檯，個前櫃唔俾我轉位，仲要串串共咁話要重新排過，如果唔係已經有啲晏，小朋友仲未食飯，我一定走佬離場。第二、衛生欠佳：地下成地水，濕漉漉，正如上面講，我哋要求換位，佢話要排過…（如圖）地下濕都算，係拎嘢食到拎個啲公筷都係濕漉漉，啲甜品碟啊，都仲係有水…. （如圖）第三、性價比極低，二個大人加一個bb，食咗$862，呢個價錢去食其他好啲嘅火鍋店都冇咁嬲，啲牛仲要一食就知係cheap牛。…查看更多