Kenny_Chan_的個人專頁

午飯時間，同事介紹在公司附近的這間茶餐廳這間餐廳在長寧街，附近大部分店舖都係車房，唔係同事帶路都唔知有間小店在這裡餐廳都幾環保，揀嘢食用一張張過咗膠嘅餐紙，用佢提供嘅marker剔嘢食，侍應哥哥入單後抺走啲剔就可以循環再用，十分環保。我揀咗個滑蛋蔥花叉燒飯。呢個飯嘅份量十足。叉燒就一般喇，食得出應該係啲燒味舖入嘅貨。滑蛋好好食，有蛋汁，可以厚切添跟埋杯餐飲（唔記得影餐飲）盛惠$46，價錢相宜公司附近，近近地都會再幫襯嘅～…查看更多

星期六一家大細到尖沙咀搵食，見到呢間餐廳星期六都有lunch set, 見仲有時間（佢個lunch 12:00 - 15:00) 就幫襯下Lunch set $128. 呢個價錢响呢個地段食燒肉叫做幾抵嘅，當然唔好期望有頂級和牛級數嘅牛肉你食喇我地叫咗set 2, 3, 5同6。Set 5同6要另外加$10同$20蚊嘅. 套餐另外有餐湯，餐前沙律🥗同一杯嘢飲。餐湯偏咸嘅，餐前沙律有得揀薯仔沙律定蟹柳沙律，都做得唔錯，幾開胃😋 餐飲我地大人揀咗烏龍茶，小朋友加$10揀梳打飲，啲餐飲夠凍，加分👍講下個主菜喇！ 佢跟餐係冇醬汁同其他調味料醮嘅，得枱面上嘅辣醬！Set 2個牛肋肉切得細細粒，係有原因嘅，因為真係幾韌下，要𡁻好耐先吞到，牛味ok嘅！ Set 3 個牛胸腹肉切片，個人覺得牛味最重，咬口適中，推薦！Set 5 個牛五花充滿油香，咬口偏淋，啱晒小朋友食，但個人覺得牛味反而冇Set3個牛胸腹肉重，但都好好食！Set 6 個牛小排幾厚身，牛味ok, 偏韌，不過不失。埋單加一$600多，真係一分錢一分貨個人推薦Set 3同 Set 5喇，1同4未試，下次去開嗰附近可以試埋…查看更多

朋友慶生飯局，揀咗呢間位於尖沙咀酒店內嘅餐廳打邊爐我地揀咗鴛鴦湯底，一邊麻辣一邊藥膳，兩邊湯底味道濃郁，絕對足料食材方面，用料新鮮，特別推薦丸類食品，全部都是新鮮打成的，尤其牛丸牛味香濃，食過翻尋味😋食物質數絕對有保證，唯獨是坐位問題，枱底與坐位之間的空間不足，剛剛好放到大脾位，想站起來也有困難…查看更多

接近午飯時間，剛在紅磡廣場附近完成手頭上的工作，便打電話給附近工作的朋友，朋友推介呢間餐廳餐廳在紅磡廣場G/F, 由馬頭圍道正門入在電梯口旁便見到，好易搵。 餐廳店面比較小，坐得比較迫狹，香港地食嘢大部分地方都係咁，冇計朋友到後，我order咗個煎三文魚意粉，侍應話可以揀7成熟定全熟，咁揀個7成熟嘅試下喇上菜，三文魚皮煎得香脆可口，魚肉嫩滑，有魚油香味，不過覺得魚身味道偏淡，加返啲鹽吊返啲味出來就正喇。配合埋個意粉，份量十足…查看更多

晚上不想吃得太飽，便想起屋企附近的潮豐牛雜粉面。Order 咗個魚蛋米，牛腩河加菜心拎走，盛惠$76。 平心而論，街坊生意，價錢實惠！返到屋企拆開膠袋，發現裝魚蛋米個膠兜被隔離裝牛腩河個膠兜壓到變咗形，啲湯瀉晒落個膠袋裡面。算，街坊生意，我食粉面啫，冇乜所謂。魚蛋米同牛腩河味道一如以往偏咸，這都在預料之中。但個菜心真係比佢嚇親！菜葉變黃，菜梗由內爛出來，咁嘅菜都夠膽拎嚟招呼客人，街坊生意都唔是咁做喇，係嘛…查看更多