Double Chocolate的個人專頁

Luna Kaffe位於旺角通菜街，地鐵站步行幾分鐘就到，非常方便。價錢親民，選擇都多，餐廳有鐵板燒，威靈頓牛柳 , 意粉、沙律、咖喱.............最近見有人推介呢間餐廳新出左2款白布烏冬，今日就同朋友黎試吓,星期六下午2時左右到 , 餐廳已經排緊長龍 , 好彩等大約10分鐘到就有位 , 所有套餐已包括餐湯及餐飲，餐飲有升級優惠，又可以用優惠價加配小食/甜品。而飲品方面，我地叫左2款沙冰唔記得影。我地食到好飽 , 食物質數高, 價錢相宜，值得再回頭 , 要支持本地消費 , 好食嘅餐廳真係買少見少…查看更多

聽朋友講最近旺角女人街旁，新開左間餐廳🍽，環境舒適，食物好食。我就約埋幾個朋友去一齊去試下😋😋，多d人可以試多d款😆我地叫左一個pizza ，豬鞍，意大利粉，意大利飯，安格斯牛肉眼，甜品cream brûlée ，每款都跟餐湯同餐包🥪意大利雜菜湯跟餐嘅包熱辣辣，外脆內軟，加點牛油，真係打開你嘅食慾🤤🤤先黎個意大利辣肉腸Pizza🍕 ，Pizza少少辣好野味脆炸軟殼蟹意大利飯，軟殼蟹炸得香脆唔乾，意大利飯做到 al dente ，加上磨菇同芝士，食唔停口厚炭燒安格斯肉眼，肉眼肉味濃，兩邊燒到焦脆，中間medium rare 豬鞍配黑醋蘋果醬 ，豬鞍肉質juicy ，加上酸酸甜甜嘅黑醋蘋果醬，食落無咁膩，伴碟竟然有女性依家最愛嘅紫薯蓉🍠辣味乾蕃茄大蝦扁意粉，意粉al dente ，蕃茄醬酸酸甜甜甜品 cream brûlée🍮 ，直頭係酒店水準，面頭焦糖脆面，加上入滑滑嘅cream ，為呢餐劃上完美嘅句號…查看更多

蠔王John Stewart ，蠔迷應該對呢位John Stewart不會陌生，之前係鰂魚涌座陣，我都食過好幾次，開蠔速度驚人，最欣賞嘅佢連帶子位幫你起埋，唔洗自己動手。之前已經得知佢去左上環開店，突然好想食蠔，係無訂枱下碰碰運氣，眼見已經有二 三 枱客，侍應安排入座之前提醒暫時只收現金，老闆係星加坡人(Chris) ，閒聊幾句得知，佢係John10年前嘅食客，一路keep 住呢份友情，直至Chris有次同John約食飯，傾傾下就決定一齊開左呢間八蠔吧。餐廳未有酒牌，Chris 話可以自己帶酒黎，order 左一打生蠔，John 同Chris講送兩杯白酒比我地，Chris 話食蠔少左杯酒差少少，水準無變，一打生蠔迅速送上，隻隻保留滿滿蠔水，非常新鮮。食完食蠔叫左一份蒜蓉包，薯條及蘑菇黑松露長通粉🍝，蒜蓉包加左芝士好野味，薯條新鮮即炸，長通粉反而調味唔夠匀循，一d有味，一d完全無味，不過好大碟，食到好飽。…查看更多

服務態度差的話，間餐廳就算幾好食都無用🤷🏼‍♀️ 呢個集團有幾間餐廳，之前灣仔食過The Optimist 同Pici ，真係好食，今次就諗住黎試下集團其中一間餐廳Pirata ，三個人叫左個Calamari Fritti ，Grilled Tonini Cheese ， Orecchiette w/sausage ，Butchers Cut Calamari Fritti 炸魷魚圈炸得唔錯，不過不失Grilled Cheese ， 咸咸香香，就咁食略為咸左d，送酒就一流Orecchiette w/sausage 係Pici已經食過，做到 al dente ，creamy 中帶點微辣，非常野味Butchers Cut ，order 嘅時候叫左medium ， 放上枱就見到肉係全熟🤦🏼‍♀️(肉係切好先上枱)，即時同女侍應講，佢見到就拎起成碟嘢去同個男人講，個男人就走埋黎話: (佢係講英文)意思話，幾成熟唔係用顏色黎睇架，話我地唔識叫，我地話medium 係粉色無血嘅，佢話咁應該叫medium rare ，佢地碟嘢係medium ，佢地無錯喎，佢話幾成熟唔係用顏色黎分別？咁用咩？肉質雖然唔算好(鞋) ，食到1/3 ，見到全熟嘅肉真係唔想再食，個男人中途仲要走過黎再講幾成熟係唔係睇顏色，佢比我地呢碟係medium ，我老公上網比個圖佢睇，佢話自己做左呢行30年，無見過係咁，講多無謂，決定埋單走人，問個女侍應個男嘅係 (General Manager)，埋緊單嘅時候，經理拎左半碟牛肉黎，牛肉血淋淋，全紅色，佢話送比我地食，呢個先叫medium rare ，叫我地叫呢個先啱，呢個擺明係rare🙄 ，得牛肉邊邊係啡，9成以上係全紅，我地話唔會要…查看更多

呢間十二味餐廳，開左好多唔同食材為主題嘅餐廳！十二味不只是烤魚位於天后，烤魚係主打，去過幾次都無食過，今次就試下烤魚啦😝見到有四款魚揀，唔知食邊款好？🤔，不如叫個侍應介紹下先！我: 你好，我地想食烤魚，四款魚有咩唔同？可以介紹下嘛？侍應:四款都係魚囉⋯⋯，我: 🙄咁有咩分別？(心諗:難道我唔識字嘅咩，我夠知係魚啦⋯⋯) ，侍應: 吳郭魚，清江魚，江團魚，桂花魚囉⋯⋯揀完魚揀味道，有幾款味道，蒜香，麻辣......，我男人終於忍唔住就話:我地識字架，想你介紹下d魚有咩唔同，例如有無話邊款魚滑身d，實肉d，邊d多骨，少骨d ......，侍應態度已經勁差)無分別，隻隻魚都一樣囉....，我: 經理係邊？侍應:佢今日放假啊，我: 得啦，唔洗你介紹....，之前黎食過水煮魚，經理都好有心機介紹水煮桂花魚會好滑身，無咩骨，真心覺得好好食於是我地就是但揀左江團魚，香辣味嘅小辣，江團魚肉質算滑，不過無桂花魚咁滑，唔算多骨，越食越辣😋，我地再加左個寬粉，同生菜…查看更多

星期日起身，食個Sunday Brunch 有個好嘅開始😆 ，Simply Life 不嬲個水準都好穩定！我平時好少叫omelette食，今日見到個餐牌個omelette餡料磨菇火腿，好吸引，點知黎到見到😨個蛋餅，我都想知點解整到成塊皮咁😰，入面磨菇仲要係炒燶...........我唯有淨係食沙律同麵包，呢次係我食過最差嘅omelette，平時對omelette 已經無咩好感，經過今次之後，我唔會要食omelette 😂…查看更多

有一晚係某餐廳到食左一個咕嚕肉，唔脆又酸，大家即時諗起港大校又會既咕嚕肉，杏汁白肺湯，椒鹽鮮魷....我地坐係一間餐廳食緊飯，竟然諗起第二間餐廳既餸，好笑😂！ 於是一星期後，我地就黎左港大校友會食晚飯，訂枱既時候通常都會問你訂唔訂埋餸？例如:鹽焗雞，荷葉......呢d都要預訂，不過不得不提，有位男士係電話既態度真係極差，每次打去訂菜，佢都好趕住收線咁，要咩啊，點啊？點啊？點啊？仲有呢⋯⋯？唔止一次係咁，其他人都有講過話佢勁無禮貌，你講一句，佢就答你點啊，點啊........做服務性行業，係咪最少都應該要有基本既禮貌呢？今次叫左蝦多士，椒鹽鮮魷，桂花炒魚肚，子薑咕嚕肉，全部都好正😋…查看更多

香港而家開左好多麻辣火鍋....就先試下中國國內有二百幾間分店嘅: 蜀大俠 🥘我地三個人，訂左7:15 ，訂枱時店員話分三個時段，9:00要交枱 .叫左個紅白鴛鴦鍋再分別叫左萵筍，木耳，功夫土豆片，特色筍片王，特級手切安格斯牛肉，紅糖糍粑，墨魚滑，炸響鈴，山藥，寛粉...全部都顧住食，唔記得影相😅，所有食物都唔錯，唯獨係碟牛有d細(我地已經叫大份，三個人每人大約得4-5片，咁就$268🤣)，基本上我地係無人食過唔辣果邊😂，點解要叫鴛鴦？真係唔知！每種食物係餐牌上都會教你涮幾分鐘，其實得1.5小時，真係唔係幾夠時間，到差唔多9:00就有人拎張單黎叫我地先埋單，剛剛先加單，菜都未到就要埋單🤣，不過過左9:00，可能見無咩人，佢地又無趕我地走，我地坐到成十點半先走😝…查看更多

為於天后新開燒鵝店，經過見到門口堆滿晒人，入去試下先😝。晚上都坐左好多人，既然餐廳主打燒鵝，豪d😆就叫個燒鵝脾瀨，瀨粉沽清，黎個米粉啦，阿姐問我鵝脾斬唔斬，🤔本來想唔斬，食得過癮d😬，但我同我男人要開心share，所以都係斬啦！另外我男人叫左燒腩拼义燒米。燒鵝脾都算大隻，食到好濃既煙木薰味，肉嫩滑淋，如果個皮脆d就好，不過我略嫌煙木薰味太重蓋過左肉味。燒腩仔肥瘦均勻，皮脆，好食。半肥瘦义燒肉嫩不鞋。套餐送熱飲，凍飲、例湯要加錢！…查看更多

位於蘭桂坊一間樓上餐廳，主打食牛扒！餐廳有個大雪櫃，放滿好多唔同既牛扒，一目了然👀👀坐底後侍應係雪櫃拎左兩款牛扒🐂介紹比我地，分別係Porterhouse Steak 32oz , Bone in Ribeye 28oz ，由於我地都比較細食，所以無揀呢兩款！我地揀左一塊USDA Prime Steak Ribeye 16oz share，叫左個兩個side dishes ，蒜蓉西蘭花 黑松露薯條 🍟，男人叫左杯意大利紅酒🍷，我就獨愛法國酒，所以無叫酒😆牛扒係炭燒 ，medium 剛好！薯條係幼身，外脆內軟，表面有黑松露，好食！飯後加左兩個甜品，我要左三球唔同味既雪糕🍨，男人叫左榛子雪糕配espresso☕️…查看更多

天后前排開左間生煎包，我既男人好鍾意食生煎包架！男人話睇報紙見到李純恩介紹話好食，上網見到原來有好幾間分店，不過只做外賣，店鋪亦有少量位置立喰！尋晚食飯前經過排晒長龍，諗住食完飯買返屋企試下，點知9點已經沽清😫今朝再去，排左大約15分鐘，有好幾款生煎包，有傳統既，蝦既，仲有黑松露口味.......，亦有麵食，我揀左最傳統既口味，一口咬落，非常多汁，小心燙口啊😝，包底部煎得脆脆，真係好好味🤤🤤🤤，男人成日話生煎包內要有湯汁，皮底部要煎到脆脆的，呢個係我地食過最好食既👍🏻👍🏻，下次要試埋其他口味😆…查看更多

經過上環，穿過小街窄巷，一間唔特別起眼既鋪頭，之前幫襯過一次，今次亦係為蠔而來🤤有好多蠔款，大多來自法國，我地兩人叫左6款蠔每款兩隻！由淡到濃，非常新鮮，蠔味重，夠爽口👍🏻👍🏻為食既我後來我仲encore 左3隻蠔😆食完生蠔我地叫左個無花果煎鴨胸沙律和法國春雞，鴨胸比較韌，有𡁻頭，不過都幾多件鴨胸！春雞皮脆肉嫩，咬落好香蜜糖檸檬味，醃得好入味，正！薯條係粗身扁既，如果可以炸脆d就好😝！支持小店。侍應仲寫左蠔名比我地，等我地知道食緊邊款，好細心！…查看更多

日本大熱FLIPPER'S Pancake 黎到香港 ，作為崇日既我，星期日當然要tea 一 tea 🍵試下，都知新開一定要排隊，心諗應該都要排成個鐘，兩點鐘到去到，原來有分兩條龍排隊，餐廳每日早上10:30派籌，當你拎到籌時，可以揀當日邊個時段去食，無拎籌既只能排隊等walk in ，Walk in 位只得10個8個，會有服務人員係隊尾載龍，即係話你想食都未必有得食🙄每個時段分別係撘正咁計，有籌既有20分鐘寬限，每個鐘既20分鐘後，如果無人黎先會放walk in 既入去，除時等你兩三個鐘 🤦🏼‍♀️ ，其實侍應生都唔係好明公司個制度咁，點解唔有d位留walk in 有d位比派籌呢？上午要返工既人咪無得食？點解會有20分鐘寬限咁多？講完一大推廢話，講返個pancake，真心覺得一般，如果要我等二 三個鐘的話，我真係唔會再食😅 pancake 做到好鬆軟，有蛋香味不過唔係好重味，或者我排左個半鐘期望太高。…查看更多

經過北角，走到小巷，就試試呢間Villa Villa !有Lunch Set , 我叫左個鮮蝦白酒汁煮意粉，我男人就叫左個卡邦尼意粉！先黎個餐前菜，沙律加麵包，麵包係香草麵包加上蒜蓉，外脆內軟，加上蒜蓉，真係停唔到口！！卡邦尼味道唔錯，不過芝士太多有d膩 ，意粉煮得略為淋左d!!鮮蝦意粉，蝦應該係急凍蝦，呢個意粉咬落有al dente ，配上大量蒜蓉及小辣椒，好嘢味！不過食到一半就覺得太油了，全個碟底都係油！餐後甜品，濃濃既朱古力蛋糕，唔錯！！…查看更多

今日同我既男人諗左好耐唔知食咩好，終於揀左泰國菜食 ！食泰國菜通常都會叫炸蝦餅食，今日不如試下食第二款，炸蝦春卷，熱辣辣，正！男人食到尾吐左一半出黎，話有陣(壓)味，到我食到尾都覺得好(壓),於是同侍應姐姐反應，佢即刻話取消張單，叫我地揀過第二款菜！最終都係揀返蝦餅，蝦餅無咩蝦味，粉多，不過不失！飛天通菜，通菜爽口，辣辣地好開胃！鹽燒爐魚，魚肚放左香茅 南薑 九層塔 ，魚肉嫩滑，淡淡香料味，配上辣醬，食唔停口！…查看更多