食店環境:由於新開張, 內堂明淨, 一入門口仲見到有U形沙發, 真係好吸引.服務方面:由於好多食物都係以件/份計算, 侍應都會提議我哋點嘅數量以勉太多或太少,茶壺沖水都頻密 水源充足! 晚市時得兩三個人落單, 所以都要努力叫佢 呢方面要改善下,我哋坐到十點半都冇"趕"我地走(十一點關門). 味道VS賣相:1) 醉雞: 擺放見有心思, 但食落味道偏咸, 略嫌冇酒味...失色.2) 糖醋排骨:塊葉包得別緻, 食落酸酸甜甜醒胃! 朋友表示太細粒...如果大粒啲就好了!3) 生煎包:附上咬開左相一幅!因為佢實在超好味!見到嘛佢入面仲要超多肉汁!味道又恰到好處!所以之後我地再點多兩客再過口癮!4) 稻草肉: 味道同東坡肉差唔多, 由於較細件食時不太油膩, 加上夾了餅食, 添一啲汁又有得食又有得玩 5) 砂窩雲吞雞:湯底唔咸清清地OK, 雲吞沒有太大的驚喜, 此菜式可以.6) 酒釀丸子:一放低便聞到桂花味撲鼻~ 丸子尺寸剛好夠軟熟~ 伴桂花糖水一路食, 成個人都開心晒 總結係朋友冇介紹錯, 呢間我會翻單喎
…查看更多
…查看更多
服務方面: 由於係老牌茶樓不設"攞籌帶位"於是我們自行找個位置坐下, 過一陣有位"企堂"幫我地開茶. 酒樓係 "有搭枱制度"嘅.食物方面: 未食之前見佢啲色水都可以,嘩! 趁佢仲熱即刻放入口試! 正!!終於有一間酒樓食得返以前啲馬拉糕味道!再點牛肉球, 都係新鮮出爐, 食落去除左多汁仲要唔"粉"未道啱啱好!雞絲粉卷就一般, 不過不失.豬潤燒賣~ 嘩~仲要有大大片!豬潤喎响上面! 豬潤食落唔"鞋"口, 仲要味道濃而不咸,真係要讚好, 碟上面嘅燒賣肉球彈牙再加埋啲豬潤汁~ 超正!!!
