ericzz的個人專頁

星期日去呢間野買外賣，叫咗一個lamb + fries ，令一個 雞捲，非常大份及足料，拎到返屋企都仲熱辣辣，羊同薯條，仲有沙律係入面，薯條夠趣醬汁好食肉量又多，啲羊都唔會羶，好味，下次會再嚟試吓堂食。…查看更多

呢個丼飯有小食連野飲55蚊，性價比非常高。之前已經食過刺身包括三文魚腩，三文魚油甘魚，同唔同嘅手卷，全部都好好食。好有心做希望佢長做長有！ 不過佢好似剩係得外賣，坐低嘅位好似得兩個。…查看更多

呢間野第二次食了，平時打食評一般都因為餐廳唔好食先上嚟鬧，但呢間真係出色，性價比高，竟然係令我上嚟讚佢好食！上次食萵筍牛肉，今次食魚香肉絲，毛血旺，水煮牛肉，有以前大陸食粵菜川菜嘅水準。 午餐50-60蚊左右，野飲加5蚊，野食非常熱辣辣，應該係即叫即炒！我帶咗家人一齊食午餐，大家都食得好開心。因為見午餐時間呢間野人流唔多，特登上嚟推介畀大家，等佢做得住，唔好執笠，我又可以周不時再食！ 下次我會試酸菜魚！…查看更多

外賣仲要加兩蚊又無寫低，$58得嗰幾舊肉，係比好多白飯，嗌咗個牛三寶飯，你哋可以睇圖，得幾舊。同樣價錢行過少少有更多好選擇。味道正正常常但真係貴，飲品都係正常味道。…查看更多

我第一次咁嬲所以先寫食評呢間野亦無下次呢間野一開始叫我地寫野食先 之後比左張飛仔話好快有位好 原來等成9個字等左9個字入左去入左去再話要等9個字先有野食 問仲留唔留係到我當堂想爆粗你做唔切就唔好話好快有位係出面等左9個字入到去再等9個字？ 垃圾先唔評論野食 淨係呢個咁呃你留低既方法已經係垃圾無下次。…查看更多