Katie Yam的個人專頁

係九龍灣返工既朋友真係要支持下呢間小店, 食物超高質素, 早餐勁平, 我幾乎日日都去買!三文治SET個包超多餡，仲焗到芝士同包面都脆，杯latte拉花外賣拎返公司都未散，咖啡豆好香唔酸唔苦，weekday價48蚊!牛角酥SET只係28蚊, 個牛角酥唔係嘉頓貨, MAYBE自家製? 好香! 會焗返熱先俾客, 芝士味仲會焗到塊芝士變脆, 原味有配果JAM, 超正!仲有月付VIP, 六杯COFFEE (40蚊以下)只係98蚊, 抵到一個點!呢間CAFE真係好有誠意，比起D大集團質素好太多啦, 大家有機會去零碳天地一定要試下！…查看更多

試過塚田將軍澳同觀塘分店, 發現質素真係有分別! APM分店除左食物質素好掂之外, 所有細節都好用心, 包括SALAD BAR, 手調飲品, 醬料, 全部都睇得出店方用心經營。尤其係SALAD BAR的螺絲粉沙律, 真係估唔到咁高質, 軟硬味道適中, 唔會勁多醬但又足夠掛汁, D粉唔會得外面有味, 朋友話近十年食咁多酒店自助餐, 從來無食過咁正的螺絲粉沙律, +28蚊自助SALAD BAR淨係食螺絲粉都抵返晒!炸雞定食又係超級正, 沙律醬同雞配搭得岩岩好, 伴碟小食蕃薯南瓜都好高質。我地五個人叫左四個鍋一個炸雞定食,  D菜食極都食唔晒, 好似五餅二魚咁, 可能因為我地食得太多螺絲粉沙律!!!  臨走前見到店員逐一清潔手調飲品JAR, 令人食得安心, 成班朋友都話以後去觀塘知道食乜啦! Highly recommended!…查看更多

今次係我第一次O係香港食綿綿冰....真係有D失望囉, 同雪糕無咩分別, 33蚊我已經可以買到牛奶公司家庭裝雪糕, 駛鬼黎呢度食...........早知O係隔離O個間等位好過.仲有...睇返8月食家影既相, 而家碟冰縮左水好多, 我諗得返3分2.唯一有驚喜既係D芒果魔豆, 咬落好得意, 好似芒果味既蟹子.…查看更多