step311的個人專頁

個花椒雞每一嚿都係雞骨，完全冇肉。收人百二蚊。 店員話係咁架喎， 轉過第二種雞都係一樣。 冇下次🤬 其實野一樣性價比好差， 大盆花菜得個盤係大。 麻辣牛肉冇味唔辣又好硬。 全部牛肉都好似啲頭頭尾尾咁。 人地唔要既廚餘整成， 但就收你$68。 剩係得個紅色油喺度浸住啲牛肉。2個人食3個餸， 完全唔飽。 可以出去再食第2餐。 講真依家嗰個星期六日返大陸食唔係冇原因。香港啲舖頭咁嘅價錢比啲咁嘅質素服務態度又要差。 都唔知點解要黎受氣。 …查看更多

呢間野係番工地方附近， 疫情最嚴重果時試過一次， 果時佢地收好平， 所以黎試。 但啲意粉同飯冇料， 淨係得一大兜汁加飯/意粉。 近排有新同事黎話想試， 於是再去多次。 但大家都一致認為， 以後lunch 就算冇位食野都唔會入黎再食過。 叫左個帶子燴飯， 啲飯同啲帶子粒一樣咁白，成兜野都淨係得白色。 冇色，冇香，冇味。 不過間野個名都講左啦， 是但求其食呀麻。 有少少要求既都唔好去呀。 普通茶記食都冇咁難食。 其他人叫左個雞卷， 食完都唔飽， 雞得幾粒， 夾埋個墨西哥卷餅。…查看更多

叫左一杯珍珠奶茶微糖。 啲奶茶冇茶味冇奶味，得個甜字。 如果呢個甜度係微糖， 咁正常甜度一啖足已糖尿病。 啲珍珠又係超級甜。 個茶底有怪味。 飲左兩啖成杯掉左落垃圾筒。 未飲過咁差既珍奶…查看更多

下午茶餐叫左個豬扒炒烏冬同星洲炒米。 黎到個炒烏冬得2舊豬骨，完全冇肉。 同個呀姐反映個情況， 點知俾個呀姐鬧話豬扒係有骨架啦，咪嘈啦，你咪唔好食囉。 真係未試過食個飯都要俾人鬧。 豬扒有骨係正常既，但係唔係成碟烏冬得2舊豬扒骨，1舊肉都冇呀？ 呀姐堅持唔肯換俾我， 然後我問呀姐咁我退左佢唔要得唔得。 呀姐話咪退俾你囉， 然後我check番單，佢退左我個烏冬，但冇退我杯野飲， 夾硬屈我要俾淨飲雙計。 我明明係成個餐咁叫， 點解我要求換你又唔俾，然後我退又要退淨我杯野飲？ 我買既係一個餐咁買， 點可以退淨杯野飲屈我要？呢間野一定唔會有下次。 P.s 個呀姐叫珊姐， 唔知係咪上篇食評口中態度差劣既員工呢？ …查看更多

呢排成日都係附近番工， 次次一到晚飯時間，自不然會諗起想食呢間。 去到次次都係食同一樣野， 次次都叫雲耳香茅豬排紅薯粉。 豬排勁入味， 又唔係淋到冇咬口。又唔會好多肥膏痴住。 雲耳份量勁多， 可以當一份蔬菜。 真係好抵食。 食左咁多次都完全保持到水準！ 正呀！ …查看更多

今日番工食dinner 去左附近既呢間酸辣粉度食， 見都幾多好評應該唔伏。 叫左酸辣小辣， 鹵水豆腐， 辣腩肉同螺旋藻。 碗面黎到時只見好多螺旋藻， 搵晒成碗面先得果2舊仔豆腐， 其實豆腐都係平野黎姐， 洗唔洗得咁少呀？ 仲要成6蚊一個送。 再黎腩肉仲差！ 一食落去， 硬到咬唔爛既， 一碗有5小塊， 但當中有3塊都係燶到炭咁。 好明顯係煮到痴晒底。 如果佢啲燶既係唔係向面既，都冇咁嬲。 但佢燶果面係向面！ 即係佢整碗面同送餐果時都好明顯會見到！ 仲夠膽就咁拎俾客人食！ 呢間野真係冇下次囉…查看更多