呢間餐廳都幾特別之（一）：首先門口排隊攞飛，攞飛後等叫，係等期間見到四個外國人排隊，但排到佢時唔係攞飛，而係直接入座，係好奇心底下我問職員點解唔駛攞飛就直接有得入座，職員答我如果座吧台，吧台有位就唔駛攞飛直接入座，但我攞飛時職員無同我講過，而職員同我解釋緊嘅時候，佢傍邊另外一個職員同其他排隊攞飛嘅人只係講你攞飛後要等幾耐，無其他，而同我解釋果位職員見我堅持話冇人同我講坐吧台唔駛等後，就同我講安排下一張吧台比我👿，我等緊下一張吧台時一直都聽唔到職員同客人講可以等吧台呢間餐廳都幾特別之（二）叫餐時同個男侍應叫咗個沙律，另加三文魚，到沙律上台時無咗三文魚，同侍應講漏咗三文魚，佢就攞返碟沙律走，無幾耐一個女侍應走埋嚟同我地講，你頭先係咪叫咗沙律，想後加三文魚？我太太就講 我叫沙律時已經話要加三文魚。個女侍應好肯定咁講：冇，你頭先無講到！然後用好疑惑嘅眼神望向我，我就淡淡然講咗句，頭先都唔係你落單😑跟住佢就話幫我地跟返張單，但之後再有兩個侍應走嚟再問係咪叫咗沙律，後加三文魚😳⋯⋯最後先上返個有三文魚嘅沙律…查看更多
