wejustwanttoeat的個人專頁

原本諗住去食逸東既早餐, 可惜太遲食唔到, 行去後一條街就見到呢間茶記一入去, 最吸引既係佢播緊張國榮同梅艷芳既大碟, 正! 真係有d 80/90年代既味道! 我哋都叫左沙嗲牛扒出前一丁配個黑松露炒滑蛋, 多士, 沙律當然少不了港式熱奶茶, 凍檸茶唔係一般沙嗲牛, 因為變左牛扒, 感覺高檔次左 口感幾好, 夠嫩口又唔會太咸, 不過沙嗲味唔係傳統個色, 少左d辣味… 但個一丁救左佢, 爽口唔會太淋, 多d麻油味會更好! 炒滑蛋多士個d係正常發揮啦不過值得一讚佢個茶底! 真係幾好飲!!整體黎講食物質素幾好, 不過張櫈就真係唔好坐, 食完就想走啦…查看更多

難得去到黃竹坑, 就上open rice睇下呢區有咩推介啦一見到呢間menu有梳乎厘就心心眼!!只係可惜原來已經冇出啦個職員既回應係：以後都冇架啦到底係weekday冇定真係冇呢…不過主食同小食都好高質, 所以都算係值得推薦既1. 蕃茄忌廉烤雞意粉, 蟹肉海鮮堅魚湯泡飯個意粉非常creamy! 口感一流!!雞肉都算滑泡飯都令人好滿意, 材料十足! 堅魚湯有鮮味! 紅蘿蔔同菇令湯有少少甜味, 呢個配搭幾好! 另外兩杯飲品係凍奶茶同熱朱古力都係水準一流! 2. 水牛城雞翼蜜糖芥末醬呢個值得一讚!!首先, 我哋堅係人地last order之後問有冇機會加個小食, 廚房超好話可以!熱辣辣juicy雞翼加埋超香蜜糖芥末醬!正呀! …查看更多

想對自己好d所以揀左間貴貴地既食1. 蝦片一到餐廳就會送俾你, 有少少辣, 都幾脆口, 不過就真係食唔晒啦2. 蒜蓉炒菠菜正常發揮既炒菠菜唔會太咸, 有少少油3. 黃咖哩軟殼蟹, 加薄餅主菜揀左個咖哩, 甜甜地唔辣既, 咖哩入面既蟹肉都幾多, 送飯同夾薄餅一流! 軟殼蟹正常大細, 算幾juicy, 熱辣辣食最正! 凍左就會變得太油薄餅一定要一黎就食, 算係厚身, 熱既時候可以分得開, 同咖哩一齊好夾! 但凍左少少就會變硬, 咬開都有d困難:(4. 香葉雞好食! 多汁又夠配料, 有香葉味又唔會太濃! 呢個可以encore! 雖然食物先係一間餐廳既重點但佢既環境(加埋出面有海景), 服務都係一流! 如果想坐得舒服, 同朋友傾下計, 呢度都真係揀得過! …查看更多

如果有時間慢慢食, 想係紅磡搵一間食物同咖啡都正既cafe, 都真係得番呢間1. gourmet mushroom risottorisotto最怕太硬, 呢間係ok既!而且味道好, 好creamy! 2. black sugar cheeseburger必食之選!!漢堡夠厚, juicy, 仲要味道好芝士半溶非常配合包仲要係烤過既, 熱熱地, 外脆內軟!3. matcha dirty, iced cocoa如果鍾意dirty真係要試下, 層次好分明! 朱古力就正常啦飲品係買點之一, 只係細杯左d今次杯朱古力得番一半如果可以大杯d就好啦! …查看更多

本來打算食既個間太多人, 臨時轉左去呢間, 發現都唔錯喎! 嗌左個二人自選套餐1. 鮮茄牛腩湯金邊粉牛腩正! 軟身又入味! 鮮茄湯就正常啦金邊粉份量比較多, 如果有需要就扣底啦2. 燒豬頸肉湯河豬頸肉燒得好香, 肥瘦適中! 3. 小食越南炸春卷：夠熱夠脆, 係略嫌炸粉有少少厚蒜香牛油雞中翼：好香牛油味, 咬落去有汁! 雞翼就細隻左d越式蒸粉包：個人口味問題, 我覺得咸左d, 但同行既人就好鍾意另外, 佢有配一隻咸既, 一隻酸辣既醬, 係幾match既:)4. 飲品凍青檸柑橘蜜：二人餐超夠飽! 之後飲番杯酸酸甜甜既最岩龍眼冰：我哋覺得幾好, 唔算太甜整體黎講係唔錯既, 有機會要試下佢既海鮮!! …查看更多

見佢租埋旁邊個個舖位就知佢ok啦!今日唔算餓, 所以嗌細份d, 冇加小食1. 麻醬乾拌麵雖然冇餸但食完都幾滿足!好夠麻醬, 食到尾都仲有麻醬淨而且唔會好油, 加埋青瓜絲口感一流!我就一般加芝麻既, 但食拌麵加少少係幾香口既 2. 滷肉鹽酥雞飯呢間既鹽酥雞接近係我食過最好味既因為佢唔會太厚粉, 而且可以保留到雞肉唔榎! 滷肉就正常發揮, 點都要有d肥肉既…飯就睇你鍾唔鍾意軟糯d啦, 佢既飯係一粒粒, 有少少軟身個種外帶一提, 雖然旁邊個d只係配菜, 但我幾鍾意佢隻滷蛋架! …查看更多

聞名已久終於都經過可以試下!1. 水牛城香辣炸雞芝士漢堡跟餐有薯條同熱Earl Grey漢堡剛出爐, 又熱又軟身, 表面有d脆, 正呀! 汁唔算辣, 但都幾香口炸雞好夠熱, 夠juicy, 但炸粉厚左少少可惜薯條係幼身個種, 我都係prefer 粗薯條多dEarl grey 就唔得啦, 太淡, 唔知係唔係茶包既問題:(2. 軟殼蟹牛油果醬牛肉漢堡軟殼蟹好正! juicy又啖啖肉!牛肉更正! 我比較鍾意呢種熟左, 但keep到多汁既牛肉漢堡!牛油果醬好夠料, 絕對唔係個d中間少少個款! 整體黎講, 呢個值得encore!! …查看更多

如果想係黃埔搵一間好坐, 價錢ok, 食物ok既舖頭, one ant都算係不二之選見到收銀同老闆都同不少熟客打招呼, 甚至會講得出客人通常食咩餐, 安排最適合既位置 (例如輪椅位, 闊落d既, 冇咁凍既), 相信佢哋都係真心做街坊生意! 1. 午餐：雞脾吉列豬扒配意粉, 熱奶茶雞脾好juicy, 吉列豬扒即炸, 炸粉夠薄, 豬扒唔係好厚但勝在肥瘦適中, 夠熱又鎖汁! 2. 午餐：豬頸肉髮絲麵, 椰香海鮮辣湯, 凍檸茶正常發揮啦, 豬頸肉幾好口感, 最重要唔會過肥! …查看更多

之前未試過食呢間囍運, 今日經過就試下啦, 附近個d真係太難食啦環境都算光猛乾淨侍應服務幾nice不過有d多人冇卡位坐1. 沙嗲牛肉公仔麵, 火腿, 炒滑蛋, 丹麥多士, 熱奶茶接近所有食物都係正常水平, 公仔麵淋度幾好, 可能因為我鍾意食較軟身既公仔麵, 但又唔可以太糊丹麥多士趁熱食係相當唔錯!!熱奶茶我就覺得佢個茶底唔夠濃, 有d失望… 2. 煎豬扒蛋辛辣麵, 凍檸茶辛辣麵都夠味, 唔係個d偷工減料既辣粉豬扒係即煎既, 溫度好夠, 只係有少少肥凍檸茶就應該係同一個茶底？所以唔係好夠濃整體黎講, 係性價比高既餐廳啦…查看更多

第二次食, 一樣係咁滿意! 今次仲要唔可以食生冷野, 淨係食佢既熟食都一樣大滿足!1. 燒牛舌應該係食過最好食既燒牛舌滑得黎有口感, juicy, 唔會好咸, 加少少檸檬汁簡直係一絕!! 2. 豆腐牛肉鍋傳統煮法, 入面有少少粉絲牛肉好入味, 唔會好韌豆腐係一級滑! 配炒飯食一流!!3. 雞肉炒飯正常啦呢個, 加埋個豆腐同牛肉汁就好正! 4. 天婦羅拼盤夠熱夠嫩, 仲想點最好味係炸蝦同炸茄子!5. 炸雞軟骨冇令人失望既味道我個人覺得炸雞軟骨最重要係唔可以厚粉, 呢度就符合要求啦! 6. 炸蕃薯泥芝麻球最後加個甜品! 唔會太甜, 即炸既溫度加口感, 滿足!! 雖然我冇份飲, 但朋友試左佢地個home made 梅酒, 讚口不絕! 京笹係個種平時未必會諗起, 但食完就會好滿足既居酒屋. 基乎每個員工都講日本口音既廣東話, 未出發得, 係香港都可以有1, 2個鐘當自己去左日本啦! …查看更多

平時網上外賣平台呢間多, 第一次堂食, 熱d好食d佢既午餐其實都真係幾抵, 油麻地, 泰國野, 58蚊一個餐仲包埋熱飲! 出餐速度幾好, 都唔少係附近番工既人黎食:) 環境就正正常常啦, 幾乾淨, 冷氣好夠1. 海南雞飯, 泰式熱奶茶海南雞好滑, 雞脾位, 偏肥少少, 如果唔係減肥絕對係上選油飯熱辣辣, 好香, 唔會太油, 算係上選泰式熱奶茶, 正常味道, 唔會太甜, 都ok2. 大蝦咸蛋炒飯, 凍檸茶呢個有d可惜, 因為冇咩咸蛋味炒飯粒粒分別係幾好下次要試下佢d小食! …查看更多

今日有d趕時間, 所以隨便搵一間茶餐廳食早餐😁環境方面就一般啦, 正常茶餐廳咁😂夥計就有d火氣啦, 佢哋之間keep住粗口來來回回, 不過對食客都ok既🤣食物方面, 我哋今次試左佢個早餐上菜速度一流, 趕時間就岩晒😅而家食物溫度夠, 份量正常😁1. 雙拼麵餐 (早餐)沙嗲牛肉煎蛋公仔麵, 熱奶茶2. 扒麵餐加煎蛋 (早餐)豬扒煎蛋公仔麵, 凍檸茶沙嗲牛肉唔係最典型個隻味道, 係有少少特色風味既, 比較香d, 冇咩辣味牛肉幾好! 夠厚夠嫩! 公仔麵唔會太林豬扒明顯係即煎, 好香, 嫩滑, 肥瘦適中! 奶茶係正常既, 唔算A級😅凍檸茶可以算係上品, 但就細杯左d🤣如題啦, 只睇食物質素都幾好啦!…查看更多

黃埔開左新餐廳!! 個樣好似唔錯今日我哋叫咗去骨海南雞飯, 同埋泰式炒金邊粉味道都幾好! 不過個侍應好似懵下懵下咁樣 港式奶茶就落成泰式奶茶雖然有得揀港式奶茶都幾開心… 但係佢杯港式奶茶唔係幾好味茶味太重佢杯泰式咖啡味道比較淡冇乜泰式嘅感覺海南雞飯同炒金邊粉味道都好不過份量就少啲唔知係咪因為係午餐嘅緣故炒金邊粉唔太油, 又唔太乾, 恰到好處海南雞飯飯有椰香味, 不過隻雞就唔係好夠肉, 但就幾滑總括黎講, 可以再試!! …查看更多

原來特餐係冇炒蛋同豬仔包架!!! :(被騙了!我哋問佢, 有個侍應仲要好惡咁話係冇架...“不嬲都冇架啦!” “佢咁寫都唔代表有架!!”“淨係E個個特餐先有!! 佢冇以上兩個字!”就算收銀個個話應該係個餐牌錯左, 個侍應都好惡咁話自己岩,仲要拎多次個餐牌同我哋對質… 坦白講, 食個飯者,餐牌寫得唔清楚, 咪講囉… 洗唔洗咁既語氣… 味道方便就一般啦, 烏冬太林, 湯都有味既, 牛肉有d有好多筋, 咬唔爛...下次都係唔去呢到食啦 …查看更多