yuenlam11的個人專頁

今日去咗買咗杯大熱桂花凍四季春拿鐵，原本好期待有桂花嘅香味同四季春茶嘅清新口感，但一啖飲落去，味道淡到似飲開水，完全冇桂花香，亦都冇茶味，沖調得真係好差，令人失望。店內環境唔理想，職員見到有客人唔排隊都冇出聲提醒，仲有幾個人企喺收銀前面慢慢睇餐牌，阻住晒後面排隊嘅人，員工都冇上前處理。成隊人企咗好耐，時間被白白浪費晒，好多人都顯得唔耐煩。飲品質素差、服務又唔到位，呢個體驗真係好差。飲完覺得好唔值得，錢同時間都浪費咗。呢間店嘅管理同員工態度都需要改善。下次一定唔會再嚟，寧願去其他店，起碼飲品有味道、服務有水準。…查看更多

今日同朋友食飯，諗住見OpenRice 有好多好評，諗住試吓，就入咗去食，點知中咗個大伏，餐廳員工服務態度惡劣，朋友個餐等咗成個鐘都未嚟，中間追問咗4次都無人理，當時餐廳食飯人數唔多，都有4，5個員工做緊嘢，但個個都停話好忙，唔得閒送餐，仲同其他員工講唔洗理，啲食物唔好食，份量又少，飲品好難飲，最後等咗成個半鐘都送唔齊，因為我哋趕時間要走，埋單嗰時個員工擺出唔想做嘅樣，真係貼錢買難受，千祈唔好食佢。…查看更多