Mushroomkei的個人專頁

中環放完工去歌賦街同同事一齊搵食～同事話突然想食銀絲卷，所以就去咗上海弄堂～平時lunch time都經常光顧，今日第一次食晚市💛入到去坐低店員就送上香脆花生俾我哋食住等～兩個女仔實在太肚餓，唔覺得叫咗好多澱粉食😝😝因為菜單圖片太吸引，咩都想試～點完後好快就一碟一碟送上，銀絲卷（$28）送到枱面我哋就已經好興奮！黃金色嘅表面，溫度剛剛好，外脆內軟～再沾上煉奶一齊食♥️好滿足♥️第二碟薺菜豬肉餛飩（$58）每一粒都光澤飽滿～餛飩外皮厚度適中，餡料豐富！薺菜豬肉味親清爽鮮甜！第三碟嫩雞煨麵（$75）乳白色嘅湯底係用熬好嘅雞湯製成，非常鮮味，岩晒我鐘意飲湯嘅湯怪。雞肉和蔬菜份量適中，口感潤滑，回味無窮。第四碟香菇烤麩套餐配菜飯（$72）上海必食名菜！木耳好大塊😍 每個材料都非常入味，口味偏少甜，由於烤麩係加咗醬油紅燒，入口帶有濃濃嘅醬香！忍唔住一口接一口！ 🧡上海弄堂一直都係中環人嘅上海菜首選！店員姐姐親切醒目，會一直注意你有冇咩需要～真心推薦！👍🏻…查看更多

每個星期都會有幾日想食得健康🥗，今日上網搵中環輕食餐廳，見到公司下面就已經有一間叫 LITE 嘅Health Bar。開完會11:30即刻去買返上公司食💚輕工業風嘅門面，雖然冇招牌但每個人經過都會望入去，所以唔難搵。入到去第一個感覺係好似去咗Gallery，因為空間好大，角落仲放咗藝術作品🧡值得一讚係，好！乾！淨！唔會因為要用食物吸引人而打開晒，成個枱面保持得好衛生，管理方面做得好好，食得非常好放心。咦？好大盤😝 我點咗自選沙律～轉個頭就見到色彩鮮艷嘅沙律bowl 等緊我。麵包係期間限定，免費送嘅😍行近見到個bowl個心情就已經好興奮，因為所有食物都好新鮮～ 💚Kale🧡Chicken Breast 💛Boiled Egg 💚Avocado ♥️Cherry Tomatoes 💜Sweet Potatoes另外仲點咗杯 LITE Green Juice 成份包括💚 Kale ♥️Apple 💚Cucumber 🧡Ginger ，幫助排毒之選。店員附送咗粒Comvita 嘅Lemon and Honey糖💛另外同事買咗杯Flat White，水準之作，拉花又靚。返到公司即刻開餐～包裝好貼心，好多細節位都做得好好👍🏻未食都知食材新鮮，而最令我驚喜係雞胸嘅處理，醃過嘅雞胸肉味道岩岩好，肉質嫩滑唔會乾👍🏻份量多到可以分啲俾同事食😂♥️整體好滿意，環境衛生，食材新鮮～服務態度非常親切～中環輕食之選。…查看更多

中環返工放飯的最愛餐廳💚 因為好多輕食的選擇！最重要係落單方便冇壓力～靠晒門口個兩部落單機，唔需要任何對話自助落單，岩晒我一個人默默買完就返公司食～我基本上都係買同一款料食～🐓雞肉+🥗半沙律半飯+🧡咖哩汁~份量唔好講笑，勁大份！仲要係健康又好味😋食到勁飽都冇負擔💓💓💓雞肉扒好厚！補充蛋白質之選！食完放工去健身就最完美！…查看更多

我由細到大都好鐘意係三明治，經過K11見到呢間主打爆餡三文治嘅餐廳，就決定搵時間食！首先唔好食都係其次⋯服務係零⋯環境好大但黐立立。咖啡唔好飲係意料之內，因為佢地主打三文治，咖啡只係俾大家搭配下，所以佢地明顯對品質品唔太追求⋯三明治第一眼望落去都仲係接受到，但點估到佢地就真係傳說中嘅 「得中間有料三文治」⋯咬一淡就開始得返包皮⋯中間粒肉丸係勁勁勁勁薄，半啖就冇咗，仲要味道非常非常一般！普通麵包店嘅火腿蛋三文治都好食過佢！真心一般，得個樣！好耐冇俾過差評俾餐廳！…查看更多

朋友介紹呢間銅鑼灣居酒屋真心讚！服務態度好好！食物新鮮又好味😋 成間店裝修好日式風格，好似置身係日本咁😍♥️原隻燒魷魚，口感岩岩好，彈牙又野味！♥️串燒類都好高品質！雞肉串好值得推薦！啖啖肉好好味呀～旁邊仲會搭配日本生雞蛋，睇返相都想再食～♥️壽司類都係高水準，魚生好新鮮～讚👍🏻♥️重頭戲係呢盤雜錦魚生！樣樣都新鮮又甜美～貴啲都值得試試！整體而言～食物同服務都好好👍🏻 同朋友聚會的好選擇♥️…查看更多

中環返工聽同事講有一間拉麵店有/期間限定/廣島蠔拉麵食😍 平時多數都係點叉燒或豚肉拉麵，廣島蠔拉麵都係第一次食⭐️ 即刻放工約埋同事嚟到呢間Bari-uma Japan Ramen Restaurant 試一試。我地兩位點咗兩款口味嘅拉麵🙆🏻‍♀️🙆🏻‍♀️ 麵的軟硬度可以自選喔～🦪廣島牡蠣漬醬油拉麵 $128🐷辛辣炙燒豚肉味拉麵 $98🥟羽根燒餃子（5件）$35餐廳裝修好有日本風格～好似置身日本當中🇯🇵每個用餐區塊前方都會擺放調味品、餐具。♥️廣島牡蠣漬醬油拉麵嘅配置非常豪華，有成5粒超飽滿嘅牡蠣～日本牡蠣經過油漬，去除咗腥味，但仍然保留當中嘅甘甜！而湯頭味道亦非常鮮甜，唔會太咸，我都忍唔住飲晒～整體絕對係視覺同味覺嘅享受！♥️除了廣島牡犡外，燒豚肉拉麵都令我地非常驚豔。配料好多，紅色湯底味道濃郁～見到已經食欲大增♥️豚肉肉質相當厚，肥瘦適中相當嫩口，份量十足～辣辣哋非常野味開胃！鐘意食肉嘅朋友一定會愛上！餃子煎得好香口，味道都正常～👍🏻整體覺得拉麵有特色、水準高、誠意十足～好味道！服務態度非常好，出餐安排坐位都夠快夠醒目，欣賞👍🏻⭐️…查看更多

九龍城簡直係泰國菜集中地，今次又嚟到諗住隨便入一間泰國餐廳食🇹🇭泰國嘢🧡❤️🧡❤️經過呢間叫「泰皇閣」泰國餐廳，就諗住試試佢地正唔正宗！入到去好快就安排入坐～菜單選擇好豐富，我同朋友都心大心細選擇咗成5分鐘😅因為第一次食呢間餐廳，所以選擇咗最基本嘅菜式。⭐️蛋包鮮蝦金邊粉 $75⭐️蝦醬炒通菜 $64⭐️串燒（雞+豬+墨魚丸）$82⭐️兩個大椰青$66（$33個）金邊粉份量十足🥹上面淋咗sweet chill sauce，少少甜味～再搭配上花生碎，非常泰味～而網狀形嘅蛋皮令到口感同香味更加提升🧡蝦醬炒通菜又係好大一碟～$64真係CP值好高！蝦醬比例岩岩好，唔會過咸～而通菜爽口新鮮！讚！👍🏻串燒真係好考師傅處理嘅火喉同時間，當然食材新鮮都好重要。串燒我地選擇咗豬、雞同埋墨魚丸～當中豬係最有驚喜，肉質嫩滑，仲好野味😍配上自家製泰式沙嗲醬！滿分！🙆🏻‍♀️椰青好好飲！冰涼感十足！飲完可以再食埋椰青肉當甜品🥥整體味道都好滿意❤️下次會再試埋佢地其他菜式。…查看更多

連假入嚟長洲Staycation! 途中行過見到呢間coffee shop 好大個招牌寫住 // 🧡🤎陳皮咖啡 Chan Skin Coffee // & // 🥥椰皇冷萃咖啡 // 忍唔住想入去試一試！天氣太熱！真係好需要杯凍咖啡坐低休息下😅陳皮咖啡好飲，但真係飲唔出陳皮味～少少失望🥲估唔到椰皇呢杯仲出眾過陳皮咖啡～好飲又消暑！少少甜令成件事好refresh✨✨✨✨…查看更多

✨平時去九龍城主要都係食泰國菜，自從開通左屯馬綫之後，發覺原來宋皇臺（九龍城）係有咁多新開嘅特色咖啡店～今日坐屯馬綫去到宋皇臺B3出口行大概5分鐘就到咗呢間☕️輕工業風設計嘅咖啡店。入到餐廳室內就見到一面放滿好多酒嘅酒櫃，了解過先知道原來呢間咖啡店喺晚上就會變成一間酒吧😍wow～非常特別嘅營運模式令我更加期待佢哋嘅飲品同餐點。☕️ 我哋首先點左兩杯咖啡，一杯係🌹Rose latte ($42)，另一杯係🌰Iced hazelnut latte ($47)～Rose latte一上枱就覺得非常吸引，佢仲用咗一啲🌹乾玫瑰花瓣做點綴，入口淡淡的玫瑰味非常好飲😍😍餐點我哋點咗🥯smoke salmon & avocado bagel ($98) & 🍝橄欖油辣椒蒜片扁意粉虎蝦意大利麵（$118）最令我意想不到係，佢地🥑Avocada用咗🌹玫瑰花般嘅切法，令到擺盤非常有驚喜，即刻令我少女心爆發💗照機食先影咗好多張相。🥑🥯呢份bagel 份量十足，旁邊咗用咗羽衣甘藍伴碟，配上酸mei mei 嘅醬汁非常開胃！Bagel用牛油烘過非常外脆內軟，勁香口👍🏻裡面嘅煙三文魚不會過鹹，同Avocado配合得非常完美。🫒🦐🧄朋友點嘅 #橄欖油辣椒蒜片扁意粉虎蝦意大利麵（$118）一上枱就聞到非常香嘅蒜味～意大利麵嘅口感軟硬適中，蒜片炒過非常香口，蒜香 + 橄欖油香味融入大蝦身上，少少辣但非常惹味！大蝦肉質亦非常新鮮👍🏻🦐！♥️Mild 環境 非常舒適，服務態度非常好～食物味道更超出預期，值得一讚！之後有機會一定會夜晚過嚟試試佢地嘅cocktails!…查看更多

一直都知道灣仔藍屋附近有間好出名嘅米芝連泰國菜♥️但一直排長龍所以真係冇機會品嘗到⋯🥲🥲🥲今日去灣仔處理事情，11:30am就走去排定隊等12點開門試試有幾好食。叫左beef noodle soup & Pad Thai 😍 服務業態度非常好，仲好醒目！菜式好快上枱，顏值已經好吸引啦😍😍😍Beef noodle soup 真係好好味，湯頭濃而不咸～牛肉好新鮮份量又多～炸豬皮非常香口，仲好食過係泰國食到嘅口味!!!再嚟Pad Thai又係非常有驚喜，本身覺得價錢有啲貴，但裡面有成4隻大蝦，真材實料，新鮮又好味！😍😍😍配料多口感又好豐富呀～～米芝連果然名不虛傳～價錢比起其他地方都較貴～但員工親切，食物工流，環境夠異國風味！值得一試再試！💗✌🏻…查看更多

聖誕假最後一日🎄一行4人想搵間舒適又好食嘅餐廳相聚。其中一位朋友推薦 Potluck , 因為佢試過話好食😋地方有啲難遠，因為地鐵一出仲要行多10分鐘先到。成間餐廳設計好日系，行行下就認得出個門面。今次大家放開晒個胃嚟叫野食😂 好滿足！前菜先上湯，南瓜味好濃又夠綿密🎃All day breakfast 係例牌都會點的餐點。嘩！顏值非常高，內容好豐富！味道都正常好味😋另一個驚喜好味嘅係個 Risotto！香濃口感適中，非常推薦！德國小食拼盤賣相又係非常好睇，但真心味道就正常，有咩驚喜豬扒兩大塊～份量十足，可惜今次唔太嫩口，少少失準，放係枱時間愈耐，口感會愈鞋⋯大家要記得熱食呢間餐廳所有餐點嘅賣相同份量都係100分！味道就正常以上，環境就好舒適，同朋友聚會首選！不過我覺得員工服務就一般般，好似做到冇精力咗。…查看更多

Boxing’s Day 假期去新城市睇電影，順便搵餐廳食。經過見到主打手工意大利麵嘅Pici ，就決定試一試佢。入餐廳首先會經過佢地嘅open kitchen, 令到我哋對餐點更加期待😚點咗個聖誕Brunch Set! 最後兩位買單都唔駛$500！其實又真係幾抵食。免費嘅餐前麵包，好失望⋯凍冰冰。頭盤叫咗Tuna Tartare & Parma Ham! 大大粒Tuna配上甜酸嘅洋蔥，好開胃！Parma Ham 都係合格以上，滿足！之後就係我最期待嘅Pasta!! 講真其實都真係幾正宗好味，但份量真係細到 4-5啖就食完，唔太滿足😂最後甜點雖然簡單，但都唔錯！👍🏻…查看更多

這間 Kebab 小店坐落於梯級旁，但算滿顯眼♥️ 每次上班經過都會被它的香味吸引～它的位置不多，主要的高枱可以邊食邊欣賞人來人往的斜路。今次lunch time 點了他們的 chicken doner roll, 雞肉很香很香！非常野味！醬汁剛剛好，配上洋蔥生菜！完美🔥另一位朋友點了 Lamb + Chicken rice 🍚 份量滿大，肉量也很多！最重要是每一口肉都好有風味！一口接一口非常滿足！一定會再回來試其他菜式♥️…查看更多

地鐵出口一出就見到，放工經過一定會忍唔到口～價錢平、靚、正！$12食到雞蛋仔同夾餅真係好感動🥲🥲🥲🥲🥲🥲$10魚蛋 $10燒賣 味道正常～魚蛋有陳皮味，細細粒。見到夾餅呢款懷舊童年美食～一定要叫！有花生醬、煉奶同糖粉，係回憶嘅味道！好味！…查看更多

突然想吃重口味的馬來菜！朋友介紹嚟食蘇媽😍😍😍 第一次嚟食，體驗了好多新嘅嘗試～～見到菜單好吸引～但得一個胃，所以試咖喱牛油麵～一入口就覺得好有風味，非常野味～下次要試埋其他特色菜！♥️♥️♥️♥️♥️♥️♥️…查看更多