stan kam的個人專頁

已經唔係第一次，所以忍唔住要寫低記錄。呢間麥當勞相當混亂，每每週末你會見到幾十人圍住個取餐點等取餐，之後你會聽到職員同廚房叫罵混亂不堪，只係order一個包都等接近二十分鐘！執外賣又成日漏野，客人再三查問，浪費時間，拖慢效率，人手分工亂，但佢地又可以有講有笑，無奈幾十個客人在呆等。大家真係想食“快”餐請三思。希望佢地可以優化改善，如此低的效率在今時今日的香港實非妥切。…查看更多

以沙田市中心高層，價錢已經算是比茶餐廳高的餐廳內，服務卻完全似係譚仔…一大班廣東話都唔正的師奶，連想要杯水都冇，直接話“我地冇曬水杯呀！”，連少少唔好意思，給予客人不便的感覺都沒有…落餐後湯，沙津，主餐問也不問就隨便放上台，當然又要客人自己“搬”回自己所屬的食物，多次詢問或找服務員 ，佢地可以掛住收拾空枱，或refill 洗完的刀叉而不理客人，最後不時聽到員工自己傾計，感覺非常低級。食物質素非常普通，沙津更是一早整好淡而無味，唯獨湯算是不錯。所謂的招牌咖啡，味道正常，但見到呢班阿嬸 已經冇咩心情…唔係話歧視佢地，酒樓點心婆婆都有d好有禮貌，只視乎佢地有冇心去以禮用心招呼客人已。…查看更多

大樓的入口在貌似後巷的地方，已算是比較難找，希望上去會是別有洞天，但可惜第一感覺已是平平，因為服務員態度已經非常冷漠。 每次問他們，或要求什麼，較好像要打擾他們一樣，但其實店內其實只坐了三分之一。更奇怪是和其他寫食評的人一樣 也同樣感覺餐廳模稜兩可，讓人有錯亂。 雖然當中出入只是少少十數元，但事後感覺還是有點不是味兒。餐廳氣氛本是還好，燈光淡黃再加上音量剛好的背景音樂襯托，但員工們經常高談闊論，三言兩語中已經夾有大量粗口，非常讓人反感。可能你們的風格是如此自由，但自問不與苟同。…查看更多

接近九點才落腳到太子，走進台灣美食時人也不多了。阿姐算有耐心的為我落單，飲品餐牌很長，她仍樂意介紹我飲不用加錢的特飲。鹽酥雞球香口好食，皮硊夠味，台灣麵條亦彈牙有咬口，我亦喜歡湯麵清清的，整體也算唔錯，份量亦很足夠，自問食唔曬！埋單大概50蚊左右，算是抵食！有機會會再來幫襯！！！…查看更多

中式清真食店，難得來到附近，就試一試吧。店內擺位非常窄，基本上通道只夠一個人過，要出入 如有其他人迎面或有人送菜，已經非常不方便。點了牛肉餡餅，夠熱，皮身夠廷亦脆口，內裡肉味道亦不錯，足料，值得一試。之後點了孜然羊肉粉和水煮羊肉粉。賣相已經很普通，羊肉份量小得可憐，感覺零碎肉碎，味道非常普通，麵條明顯煮得太耐，太林沒有咬口，相對較失望，不會再試。…查看更多

新開了不久，已經幫襯過四，五次，水準仍舊保持，算是不錯。員工多為後生仔，反應快，態度很好，抵讚。餐廳環境清潔整齊，台面已經有所需的方糖，清水，很細心。食品質素很好，跟餐不論中西湯也好飲。試過焗飯，意粉，海南雞都非常好食。特別推介 雞扒蛋包飯！…查看更多

太子點心店雲集，算是找機會試試不同的小店，其他小店都尚算不錯，但這次到<自家點心>，真的只有自嘆中伏，唔會有下次。叫了一個蒸飯，<銀魚仔肉餅蒸飯>，飯上面竟然可以放一條凍的白菜！一咬下去的冰凍已經完全破壞我之後食蒸飯的心情，這樣簡單的細節也可以咁求奇，非常失望。雪山义燒包非常普通，可以不用再試。燒賣，春卷，蝦餃 一般酒樓水平，沒有特別驚喜最後不得不提小籠包！皮硬，一睇賣相 根本完全蒸過時！ 非常嘔心，根本就算唔識烹煮，自己放入微波爐丁 賣相都會好過佢。咁都可以拎出來比客人食，可見製作的態度。 非常叫人失望， 去本地最普通的酒樓也不會有如此低水準。不會有下次。…查看更多

已經是第二次幫襯，但食物質素都係好普通。早兩日試食set B,半份牛肉卷加薯條。製作需時以為會有高物質，結果出來都係極失望。成份牛肉卷得兩粒 又靭又冇味的牛肉，非常唔抵食，包皮難食如紙皮。薯條基本上唔會難食，但亦極奇普通。失望………查看更多

已經唔係第一次，外賣試過，堂食試過等左接近半個鐘，見比我之後的客人都差不多食完，我一再追問，先發現漏單，但員工態度散慢，什至沒有道歉的態度。非常失望。連簡單見佢比杯水，都可以轉頭唔記得，要再叫多次。（已經唔係繁忙時間）食品質素非常普通，係得個大碗，但你唔會想食曬，即使係美孚冇咩選擇之下，都唔會再幫襯。…查看更多