on9stupid的個人專頁

服務態度差到你懷疑人生！價錢貴！食物一般！幫唔幫襯自己諗。今日屎忽痕走去探訪「所謂」隱世美食，坐低之後就麻煩個女侍落order，叫咗個pizza，打算叫多個主食，點知無豬肋骨，因為無預過會無，無諗定後備方案，又唔想阻住女侍應就叫佢落住個pizza先。點知佢擺出個嘴臉「未諗好就唔好叫落單啦！」然後一言不發、眼尾都唔望你咁瀟灑轉身離開！好快諗好食咩，又係個女侍應，其實佢咁憎d客人不如做d唔洗對客嘅崗位啦，真係好唔好意思咁又要求佢過嚟。過到嚟，都唔係期望大家有咩交流咁咪拿拿聲講「羊架」，點知佢時間寶貴到「無羊架」哩三隻字我未聽完已經唔見咗佢！咁唯有自己好乖乖地望下有咩啱食啦，五定六個主食無咗兩樣，客人應該生生性性估人哋有咩啦！你唔係諗住人哋餐廳應份話你知？唯有再求另一個侍應過嚟幫我哋落餐。「牛扒5成熟」結果等到$188+$18服務費的「十成熟牛扒」，覺得真係好難將就，女侍應：如果你要我哋整過俾你，可能要等半小時，因為我哋要整俾其他單先。真係好好奇，點解要當我重新落單？唔通係我自己講錯要十成熟。事旦啦，個女侍應個樣都話你知「你想我重新整俾你，我會用一切方法為難你」，咁我唯有問「咁你想點？」女侍應「轉豬俾你」算啦，無謂同佢糾纏。我話取消張單啦。哩間咁嘅餐廳，機會都唔值得俾，一蚊都唔想花係到！女侍應再一言不發轉身離開，然後同全店大大小小員工不停竊竊私語，就係唔望你唔覆你。女侍應哩種霸氣，要話你知「我已經當哩張檯透明」。都係果句，你咁憎d客咪唔好做囉，或者餐廳你開咪唔好企樓面，你難受，客人更難受。西口西面西XX，唔好講服務，基本尊重都無。你舉手埋單都唔望你，最後，終於得到女侍應寵幸望你一眼，係你起身走人，佢同另一店員再竊竊私語，方死客人唔知，我係話9你架！…查看更多