emilyyan920的個人專頁

味道一般嘅狗仔粉，唔夠惹味，湯底淡而無味而無，要將燒賣嘅豉油加落去碗粉度。軟腍腍嘅燒賣，樓下留言話係 30 開嘅小食店，屋企蒸好食過佢好多喎?! 好似蒸喺度擺咗好耐咁嘅質感。本身對小食店冇咩要求，但係個套餐加埋淡茂茂嘅百香果就要$60，去茶餐廳食個常餐好過。Pickup 時問佢可唔可以加多啲菜甫，佢話已經落咗，問佢可唔可以再多啲，佢(態度好串)話”加錢先會有” 咁佢唔直接講幾多錢? 🙂‍↔️ 加極咪又係$10以內。…查看更多

早餐通常都係去呢檔食燒賣同腸粉，因為鍾意佢啲豉油甜過隔兩檔，其實兩檔都無咩分別，早餐賣啲嘢差唔多，係個豉油味道唔同。腸粉質地有時候ok，有時候擺得太耐會軟爛少少。燒賣都係交貨貨色，正正常常咁。不過今朝見到阿姐一個人一腳踢又收錢，但又冇洗手就掂啲腸粉，同埋腸粉跌咗落塊綠色嘅布之後，佢執返起放返入個兜度。平日有兩個人，一個負責收錢倒豉油甜醬麻醬，一個負責剪腸粉，今日得一個人真係好慢。見到佢衛生意識咁低落後真係好難再想買。…查看更多