Kevin Wong kw的個人專頁

星期日近三點叫咗個胡椒金湯酸菜魚麵（公仔麵底）配凍冬瓜茶，雖然等足半粒鐘，但係味道算唔錯，魚肉算嫰滑，湯底亦都十分濃，大把時間嘅人可以試吓。（趕時間就咪喇⋯⋯）…查看更多

基本上係咖喱湯半乾濕撈麵。麵底類似油麵同另一種脆身似炸蛋絲嘅麵雙併。咖喱湯較濃味，似茶記咖喱汁，撈麵ok，剩低嘅就唔會飲。跟餐加$10嘅香茅南薑飲品，味道清新顏色粉紅，配上濃味麵食也算夾。…查看更多

栖鳳渡魚粉又話係龐統食過，唔知同落鳳坡有冇喇更。魚肉勁嫩、但湯頭辣度唔係人咁品，我算食得辣食個小辣都標晒汗。招牌魚頭粉，鍾意食魚雲嘅朋友可意試吓，可惜我唔叻拆魚頭，驚多骨得滯搞唔掂。最後點埋個炸蛋，吸咗啲湯再食，正👍🏼！…查看更多

呢間位於深水埗同太子之間嘅新素食cafe基本上有超過一半面積係陳列咗數以千計嘅figure 玩具，分門別類，目不暇給。最眼當然係等身大細嘅ONE PIECE 路飛（網上資料前身係Toys Cafe ）。但除咗玩具外，素食都好正，九十幾蚊全日餐區內唔算太平，但無論質素或份量都算超值。頭盤地中海沙律，藜麥嘅份量多過好多其他餐廳單叫藜麥沙律，由於素食冇用芝士，但有白珊取代。main dish 係素肉醬蕃茄意粉，蕃茄味道極濃；平價加嘅雪梨汁特飲係自家配方，略甜咗少少冇咗雪梨嘅清甜但都算可口；仲有甜品係果脯奇亞籽。…查看更多