hiuyin1998的個人專頁

本身十分之期待段純貞嘅美食，見平時食台灣嘢都嗌牛肉麵，咁就試吓佢9月新推出，台式XO醬蒜泥白肉涼拌麵，嚟到嘅時候，食到第一啖味道非常之重口味，都幾好食！蒜味好重，同我想像中都差不多，但食到第二啖開始就越嚟越鹹，係鹹到苦啊！同埋本身佢都唔算好辣，菜單上有寫到佢係微辣嘅，所以呢就越食越鹹，酸味係好重但係味道好唔平衡，非常之唔推介呢個菜式！另外餐廳嘅侍應好有禮貌 餐廳嘅服務都非常唔錯。另外飲品都唔錯我哋飲咗葡萄柚香橙樸玉紅茶同埋芒果QQ。…查看更多

好難食！意粉真係好難食！個個評論話個意粉彈牙，但食落意粉又淋又梅！😓勁難食！唔知道係來貨問題定定廚師問題 明太子汁同帆立貝味道係可以 但最主要嘅意粉真係好難食🤢 一啲都唔彈牙🤢 仲要成$128+10%服務費🤢 今次淨係食咗意粉 唔知道其他食物嘅質素如何 但係意粉的確真係唔好食！完全冇其他食客所講嘅意粉彈牙！不過公道講句明太子汁同埋帆立貝都係OK嘅～不過呢一間餐廳又貴、意粉難食！短期內都唔會再來呢間餐廳-菜式：明太子帆立貝忌廉意粉價錢：$128+10%服務費…查看更多