frankiedanky的个人专页

🍶 燒肉屋 (清風街) 🍶🍶 天后清風街10號清風大廈地舖🍶 Tel 2660 6373 🍶天后的高質隱世創意燒肉🍶放工同同事諗住喺天后行去炮台山睇吓有乜嘢食，途中喺清風街橋底見到一間裝修好有日本風味嘅燒肉店「燒肉屋」，都有一排冇去日本，就即刻走入去試吓👏！食完飯唔想諗嘢，就唔單點啦，簡單叫咗個套餐「🍶 薄切A5和牛常滿 二人前 (💰$699) 」。貪呢個套餐乜都有唔使諗。店員好快已經上咗啲前菜，仲有五款咁多，每款都唔係細碟。蟹將軍薯仔沙律前菜之後就係蟹將軍薯仔沙律。唔少蟹肉，仲有勁多蟹籽！特別嘅係佢加咗啲粟米片，令到個口感更加有趣，好味過一般日式食店嘅沙律。荔枝牛肩胛串跟住嚟嘅就係荔枝牛肩胛串，一碟有六串，夠晒大碟。牛肉夠新鮮不特止，牛味都好重。荔枝就有畫龍點睛嘅作用，好清甜。原條厚切牛舌跟住就係原條厚切牛舌半條！呢個價錢有咁大碟，大癲！香港都有呢啲嘢食！原條相淨係視覺都已經好衝擊。材料新鮮嘅關係，成條拎去燒到冇問題。一個字，正！A5宮崎和牛薄切前腿肉主菜嚟啦，就係A5宮崎和牛薄切前腿肉！唔好睇佢得兩片，好嘢唔使多。睇吓佢個脂肪同肉嘅分佈，未食已經覺得抵返晒！A5宮崎和牛前腿肉口感細滑柔嫩，入口即溶，搭配個特製月燒汁，帶出個牛肉鮮味，簡直一流。下次嚟一定要encore呢碟！蒜蓉牛油烤帆立貝四粒好大粒嘅帆立貝。海鮮本身夠鮮甜，加上芝士蒜茸，燒起上嚟非常香口。再加上燒溶咗啲芝士之後撈飯，就係非常好味嘅一個澱粉質主食。果然越邪惡越好味。蜜糖燒雞翼店舖好有心機將雞翼兩邊分開，但係就唔係單骨雞翼，方便燒之外，食起上嚟仲啖啖肉。加埋蜜糖就係燒烤必備嘅蜜糖雞翼。百香果荔枝梳打 同 葡萄愛梳打兩杯都係冇酒精飲品，食完重口味嘅嘢飲番啲梳打就啱晒。絕對唔係藥水味飲品，而且仲有啲果肉，好飲。餐廳面積唔係好大，但座位寬闊，加上日式裝修，地方又整潔，店員有禮貌，真係有啲去咗日本嘅感覺。…查看更多

好耐以前都嚟過美林邨嘅冬菇亭食嘢，原來呢度都升級咗，變晒啲乾淨企理嘅餐廳。今日同朋友就嚟呢間米子燒肉家試吓佢嘅燒肉。本身諗住淨係食燒肉，不過見到雞煲好抵食，我哋先點咗一個藥膳花雕藥材雞鍋開胃先。有半隻雞選擇，都係$168。個鍋一送到上枱已經見到好多藥材，特別適合愛美嘅女士。呢度最好嘅係店員幫我哋搞掂晒，唔使自己計時。一打開已經聞到好香嘅藥膳味，加埋隻雞煮嘅時間剛剛好，非常之亂滑。半隻雞兩個人就fit晒，可以加多個定量燒肉餐。我哋分別叫咗澳洲燒肉盛合定食（150g@$128）同埋美國燒肉盛合定食（150g@$92）澳洲燒肉盛合定食美國燒肉盛合定食燒肉定食可以揀白飯或者冷麵，頭盤有泡菜或者沙律，湯同糖水係自助形式。個湯我都飲咗幾碗，因為唔係一味得個鹹字，好飲。甜品係啫喱仔，都係任食㗎飲品方面就有三款，都係健康嘢，啱晒呢啲熱氣嘢食。講返主菜先，兩款牛嘅肉質都好好，燒耐咗少少都唔會韌，有鮮味，而且份量都唔少，男士都未必需要追加。當然，追加都有唔少選擇，除咗肉亦都有海鮮，價錢都幾OK。除咗食物OK，都要讚吓呢度嘅裝修夠闊落，食得好舒服。店員服務仲好好，又夠笑容，值得一讚，香港就係需要呢啲。下次有機會試吓佢嘅刺身燒肉放題。🍲 米子燒肉家🍲 大圍美田路30號美林邨熟食亭1-4號舖🍲 Tel 6390 1280…查看更多

喺尖沙咀行街行到又攰又肚餓，想搵個地方坐得耐啲又食得飽，近近地就去咗莊士倫敦廣場，見到任飲任食打邊爐，仲要可以選擇無限時間，即刻去👏。上到去有啲驚喜，就係啲餐廳好闊落，啲枱唔會擺到密質質。我哋兩個即刻點咗個抵食嘅吃到飽[美國 Prime Grade 牛肩胛肉+西班牙無激素豬肉片]+，都係💰$273 (120分鐘) / 💰$313 (<<<我哋無限時任打)。淨係火鍋湯底已經有20款，任君選擇。除咗唔少得嘅台灣藥膳湯底，仲有而家幾興嘅蕃茄湯底，同埋芫荽愛好者嘅芫荽雞湯！今次就加咗$48揀咗鴛鴦鍋，除咗養生醉雞，就搭多個新出嘅藥膳竹笙雜菌鍋。啲嘢食未嚟，店員就會俾你揀鹽酥雞同炸花枝丸（或者雙拼） +四種Shake Shake粉 ，都幾特別。最緊要嘅係熱辣辣，又可以醫肚。救命，個竹笙雜菌鍋真係非常足料！醉雞亦都有好濃郁嘅酒味。兩個我都大推。牛同豬都好新鮮，而且切得較薄（任食冇所謂啦）， 淥幾下就即刻食得，方便。除左牛肉同豬肉，仲有好多火鍋配料選擇。海鮮，炸物，手工配料，蔬菜，麵類，甜品，雪糕...... 全部都無限追加，QR code落單就OK。花多眼亂，豐富！我自己就幾鍾意飲品方面，有兩個大櫃俾你揀，有好多花茶果茶，唔係下下都包裝或者罐裝飲品。而且仲有熱嘢飲，都好窩心。除咗餐廳面積都好大，座位寬闊，店員好有禮貌，一叫即到（唔似有啲餐廳扮晒睇你唔到），而且上菜都快。（我哋6:30就坐低食飯，未走己經有人喺度等緊！證明冇揀錯。）…查看更多

忙完一排，要同同事食吓好西慶祝吓，今日早嚟到荃灣，我哋去咗荃灣嘅Homeland，平日晏少少都好多人，好彩今日夠早，walkin仲有位。慶祝梗係要食好嘢啦，兩個人就揀咗一個中型(M)嘅新奧爾良海鮮滋味共享餐，三道菜加嘢飲，都係💰$628。廚師精選餐湯開下胃都唔錯，個包幾鬆軟，個湯味道調得適中。煙三文魚凱撒沙律食好少少，就真係唔介意加💰$18轉過有肉嘅沙律。估唔到加少少錢，都有咁多三文魚，而且啲煙三文魚味道剛剛好，唔會太鹹。北海道松葉蟹腳主菜嚟啦！我鍾意去呢度就係有個鐵盤裝住，唔係好似有啲舖頭搵個膠袋撈完之後就放晒喺枱面，唔係太優雅。大大隻北海道松葉蟹腳 & 阿根廷珍寶赤蝦，幾夠鮮味，唔使點啲蒜香牛油汁都好好味。如果你唔鍾意食北海道松葉蟹腳，仲有波士頓龍蝦可以俾你揀除。咗主菜之外，仲有好多唔同嘅海鮮，好似虎蝦、小龍蝦、蟶子、蜆、大肉腸，仲有西蘭花同粟米，總會有幾樣啱你胃口啩！ ？本身個蒜香牛油汁已經好香口，另外仲可以揀兩個汁，我揀咗檸檬叼草忌廉，同事就揀咗馬拉喇沙，鍾意濃味嘅點埋啲醬就真係重口味人士最愛！野菌松露燉飯最尾個野菌松露燉飯可以話係將個餐提升另一個層次。啲飯嘅濕度剛剛好，醬汁亦唔會太濃味， balance好好，值得為咗佢回頭。推介！跟餐有兩杯凍飲俾你中和下剛剛嘅重口味🤭。除咗好多打卡位之外，餐廳都幾整潔，而且員工服務態度幾好。食完飯出嚟都係七點半鬆啲，已經坐滿晒人，唔使成日話北上先有好服務。…查看更多

唔知點解這陣子口好想食日本菜。今日就去左銅鑼灣“古今二”食飯。先拔頭籌我地叫左一個“琦玉網燒牛舌”$78。有四大塊厚切牛舌，口感彈牙，根作為開胃菜是一個不錯的選擇 。然之後叫左一個“”章魚小丸子“”$48。每一粒都大大粒熱辣辣，外脆內軟，中間有大大粒章魚，食落其實都幾飽肚。重頭戲嚟啦，我地嗌左一個“煙花卷“$108同“富士“$98。 煙花卷嘅面頭放左巨量嘅吞拿魚魚蓉，同飯嘅比例可以話係一比一，兩者夾埋一齊好好食。 另一款”富士山”都好唔錯，一樣地面頭有大量嘅蟹捧絲，味道出色，口感丰富。呢間餐廳我都食過唔同分店，餐牌選擇豐富，食物水準都維持到。…查看更多

今日近近地就去荃灣 荃新天地一期“古今二”食日本野。兩個人我地點左“”蜘蛛卷“96”同“”金龍捲“98”。仲有個“”龍捲風沙律“76。一串“”鹿兒島黑豚荔枝串燒“32，一串“”黑豚豬頸肉串燒“”28，一份炸雞78。蜘蛛卷入面包住炸軟殼蟹，每一啖都食香脆啖啖肉嘅味道。金龍卷即係天婦羅炸蝦。龍捲風沙律幾出色，沙律菜好新鮮爽口，配有海量嘅蟹柳絲，最中唔會有太多沙律醬，入口就會清新一啲。兩個串燒都做得好好，荔枝味中和油膩。頸肉喺厚切，彭拜肉汁。炸雞都做得不錯，有六大件，熱辣辣外脆內軟的雞肉10分嫩滑， 另外個沙律醬幾特別有少少蒜蓉味，將個炸雞提昇左。依間之前食過一次，今次都繼續保持到水準 。…查看更多

今晚就去左一個好有文化氣息嘅地方食飯。正正就位於尖沙咀文化中心地下嘅“”牧羊少年輿他的浮萍“”。其實一早已經bookmark 咗想食。今日終於有機會嚟。最令我印象深刻嘅就係餐廳的裝修。四邊包圍住落地玻璃，好高級嘅格局， 裝修嘅色調同設計好有北歐風味，簡單得黎好有設計感，非常適合打咭。我地兩個人就嗌左一個黑鬆露薯$78。新鮮炸起配搭黑松露醬，簡直無得輸。另外我地仲嗌左一個 “”瑪格麗塔薄餅“$158。有六大件，新鮮熱辣，雖然邪惡但係10分值得。另外仲嗌左一個“”卡邦尼意粉“” $148。呢一款係個人比較喜歡嘅卡邦尼，佢整得相對較朝。比較傑身，每一啖都充斥住奶油嘅香味，而且有海量嘅豬腩肉，夾埋意粉中和返個油膩。值得一讚我點咗杯“”竹炭牛奶咖啡“$48。喺市面上比較少見到，咖啡味道亦都合格之上。一直都以為呢間餐廳好高級價錢會貴，但原來價錢味道等都10分合理。係有情調嘅燈光下，meun 啲字就濕得細咗啲哈哈。…查看更多

聖誕就到所以特別多飯局。今晚就嚟到荃灣廣場四樓“川魔”食晚飯。頭盤就嗌左自選組合，任何四款$138。我地叫左花雕醉雞，腐皮倦伴日本和胡麻醬，雞絲粉皮同蒜泥白肉 。醉雞嘅味道剛剛好，花雕嘅酒味恰到好處，襯托咗雞嘅香味，沒有喧賓奪主。腐皮倦就正常發揮都幾開胃。雞絲粉皮做得好爽口，最後蒜泥白肉薄薄一片的，同蒜泥味道非常夾。天氣凍啦，就叫左一個“”椰子竹笙燉雞湯“$88，意想不到嘅係非常足料，仲有花膠等等， 飲得出冇味，十分滋潤。主食就點了一個“”濕炒粗麵“”$88。麵唔喺烏冬圓形果隻，而係粗粗地扁身嘅，出面比較少見 ，而且好豐富有魚片，魷魚，腩肉片等等，份量10足。最抵食嘅就燒蠔，推廣價都係10蚊一隻，即叫即整，面頭配有大量嘅蒜蓉 ，夾埋燒蠔食簡直係一流。總結食物選擇多，性價比都幾高。…查看更多

行完街到咗銅鑼灣世貿附近，比呢間餐廳門口超大型狼牙棒吸引咗，原來係鬼金棒，黎自東京嘅過江龍辣麻拉麵店。講得辣麻拉麵店，當然係有辣度及麻度，而且每種都有有五個級別可以揀。雖然我同朋友都唔係好食辣，不過即管試吓。一入去見到裝修配合門口日本神怪主題，掛咗好多惡鬼相關嘅裝飾喺牆身同埋廚房玻璃前面，真係有啲似去咗日本。拉麵都有幾款配菜可以選擇，叉燒、味玉、炒豆芽菜、玉米筍。🍜 增量叉燒x2辣麻味噌拉麵 (💰$135) (無辣,小麻)唔好鬧我，怕辣嘅就揀咗不辣同小麻😂 碗麵一嚟梗係要試下個湯先啦，可以睇到味噌湯上面有一圈圈油花，證明夠晒新鮮。味噌湯夠晒香，亦唔太油。太辣嘅話可能試唔到原本嘅風味。拉麵口感彈牙，亦都吸左啲湯嘅香味，入口感覺一流。增量叉燒真係非常大塊同埋厚切，肥瘦剛好，唔使驚食咗成舊豬油入口。🍜 味玉辣麻味噌拉麵 (💰$105) (無辣,無麻)味玉隻蛋好入味，肉嘅份量比較適合女士或者唔肚餓嘅男士，不過質素一樣咁好。食完碗麵剩返少少湯，證明拉麵份量同湯嘅比例剛剛好。飲埋嗰少少湯，就會見到好靚嘅惡鬼圖案，10分配合餐廳主題。如果可以買返屋企都唔錯🤩。唔同嘅顏色碗係代表唔同辣度，白碗：不辣、小辣、中辣；紅碗：高級辣； 黑碗：鬼增辣。好有心思！🥟 #煎餃(六隻) (💰$45)即叫即整，上到碟仲熱辣辣，而且唔細粒，推介。🥤 #可樂 (💰$15)除咗一般可樂，仲有其他飲品可以選擇，連啤酒都有。餐廳面積雖然唔係好大，但唔係背脊貼背脊咁辛苦。室內設計非常有日本風味。店員有禮貌，地方又整潔，餐具亦都非常之有心思。…查看更多

越來越多中國美食引入香港，對我黎講為食貓嚟講都係一個喜訊。今日就嚟咗青衣城“”姚姚酸菜魚“，”餐廳新開張無耐，裝修新穎，朝淨企理。我地就嗌左一個半價片皮鸭加一個酸菜魚套餐。酸菜魚我地就嗌左微辣，微辣對我黎講剛剛好，辣度同酸味配合得天衣無縫，兩種味唔會打交，大大盤有海量嘅魚塊，口感爽滑加上酸酸辣辣嘅味道食得好過引，而且仲有會點住蠟燭，keep住熱辣辣，不錯不錯。片皮鴨好脆口，口感非常出色，其實雖然係半隻，但係都有唔少肉。 另外仲有個鴨架，一鴨兩食無浪費。套餐另外仲配左個酸辣土豆絲，土頭絲十分爽口。餐牌上除左酸菜魚之外，仲有好多唔同嘅選擇同配搭，可以自由加配料，了人多就可以叫多啲餸。我地仲叫埋甜品，有紅糖糯糍粑$68 同埋紅豆烏龍冰粉$38。好鍾意糍粑煙煙韌韌嘅口感，一碟有好多。食曬之後感覺就好滿足。…查看更多

天氣終於開始凍凍地，即刻搵個地方打邊爐先。講開打邊爐，九龍城真係好多選擇。今晚就俾咗門面呢個牛頭吸引咗，入去試一試。呢度唔限時，唔使趕頭趕命，正👏👏👏！同店長傾開，原來呢間舖頭都開咗九年，主打精選牛肉，有好多唔同嘅部位。而家仲有刺身同海鮮成盒，方便鍾意食牛之外又想食海鮮嘅朋友。藥膳醉雞鍋 (💰$168)淨係藥膳湯底已經有16款，平貴任君選擇，我就揀咗個藥膳醉雞鍋試吓😛。牛皇拼盤 (💰$488)講到明食牛，一定要試吓呢個牛皇拼盤。淨係睇個擺碟都知道唔少嘢🤭唔係淨係hightea先咁擺㗎。安格斯牛肉粒、牛頸脊、牛舌、牛白肉、雪花肥牛、金錢牛𦟌，六種部位，六種口味。我最鍾意嘅當然係牛舌。牛白肉個口感都好得意，值得一試，因為出邊真係唔係成日見。總括嚟講呢個拼盤都係大推。如果今次多啲人可以叫多個添，一個唔係好夠喉！海鮮盛合 (💰$298)雖然呢度主打食牛，但係啲海鮮都好新鮮。見到師傅喺魚缸攞出嚟，整理好就上枱。新鮮海鮮打邊爐係唔同啲！即炸紫菜響鈴 (💰$38)呢個真係大推介，響鈴入邊夾埋紫菜一齊卷去炸，多咗一層口感，一試難忘。雜菜籃 (💰$48)人大咗，點都要食返啲菜嘅，呢個雜菜籃份量都好大，性價比高。竹蔗茅根水 (💰$48)清甜冰凍，打邊爐下下火最啱。餐廳面積雖然唔算好大，但座位都算寬闊。店員好有禮貌😄最緊要仲有貓店長🐱見貓我就like。上菜速度都都好快手，值得一讚。店長同店員都好殷勤，定期會幫手整走鍋入邊嘅油，等大家食得健康啲。唔好成日淨係話深圳啲餐廳好服務，香港都有好好服務嘅餐廳㗎。…查看更多

好耐冇過嚟荃新天地食飯，過嚟荃灣開完會就同同事過嚟食埋晚飯，估唔到開咗好多新餐廳。今日就試咗呢間日式料理店，主打引入充滿創意、色彩豐富的壽司卷。蜘蛛(軟殼蟹卷) (💰$96) & 彩虹卷 (💰$116) 先話食物啦，我叫咗啲招牌菜，其中最出色嘅係軟殼蟹卷)佢嘅蟹肉好鮮美，外殼都炸得好脆口，真係超好味！彩虹卷 亦都令人驚艷，係唔同嘅魚生壽司組成，色彩繽紛，食落又鮮美。雜錦天婦羅 (💰$88) 仲有雜錦天婦羅 ，炸得剛剛好，外脆內軟，好好味。日式章魚小丸子(6粒) (💰$48) 日式章魚小丸子都好正，每粒都有彈牙嘅口感同鮮美嘅章魚味。芝士年糕(2片) (💰$26)芝士年糕係一個創意菜 ，結合傳統同現代元素，年糕軟綿綿加上芝士，好好味。日式焙茶紅豆燕麥奶 (💰$45)最後，加多杯日式焙茶紅豆燕麥奶，唔太甜，女士最愛。唔止食物好，餐廳環境都好整潔。桌椅同地面都好乾淨，舒服+安心。位置有少少偏僻，不過好處係夠晒寧靜，可以喺餐廳好好享受。服務員友善熱情，仔細咁解釋menu，值得encore ！其實除咗單點食物，佢哋啲套餐都幾吸引，外賣自取仲有優惠價錢，下次嚟再試吓先。…查看更多

今晚喺尖沙咀 iSquare 睇戲，時間唔喺好充裕就近近地係樂道揾間舖食少少野。我地就撞手神入咗“泰濃麵”食泰國船麵，估唔到味道很好性價比幾高。湯底方面可以揀冬陰功，船湯或者清湯。麵嘅選擇都好多，可以揀河粉，金邊粉，黃麵同薯粉或者湯飯都得，任君選擇。我同朋友都不約而同地揀左船湯配黃面。72蚊仲可以配搭多一個餸。我就揀左肥牛，朋友揀左豚肉，兩個都很不錯。船湯味道濃郁，無好重味精，同黃麵好夾，而且仲有原條秋葵，泰式魚旦等等，食落都好丰富。我地仲嗌炸蝦餅$49，每件都大大件，入口每一啖都有滿滿的蝦膠，點埋泰式辣醬無得輸。我就加多左一杯龍眼冰 $28少甜少冰。睇相都見到有海量嘅原粒龍眼肉，又有得飲又有得食。鍾意麵食嘅朋友有時食嫌咗米線等等，不妨試下呢個選擇。…查看更多

今日好即興地同同事收工去咗貨銅鑼灣登龍街“喜來稀肉”食韓國燒烤。我地兩個人點左一分豬護心肉$158，一份牛肋骨肉$150。一份蟹籽紫菜飯糰$50 雪濃湯 $125。個人比較鍾意護心肉，非常有咬口但係又唔會有豬腩肉咁肥膩，食落啖啖肉。牛肋骨肉$150有150克，性價比好高，而且入口充斥住牛肉香味。另外蟹籽紫菜飯糰亦都係我好喜歡嘅菜式之一，又平又飽肚，個人建議加小小鹽同埋醬料撈 埋一齊， 口感更加豐富味道更佳。天氣開始凍，所以我地就點左一個雪濃湯，原來入面仲麵底，飲得出唔喺味精湯，而且仲有好多肉喺入邊，湯喝湯暖下個胃，成餐飯10分滿足。…查看更多

轉左新工之後，工作好分繁忙。今晚終於有機會忙中偷閒同朋友相聚食飯。我地就揀左喺中環蘇豪區伊利近街嘅“Uncle Pizza”食西餐。我地兩個人少少地叫左一個 “Uncle Ken”pizza 8 吋，$168 同一個 雜錦海鮮黑松露意粉 $168。Pizza 係用傳統嘅炭爐去整，風味10足，新鮮出爐嘅pizza熱辣辣， 入口面板軟綿綿嘅口感真係令人好滿足，而且每一塊都有無花果，可以降低油膩感，都無咁熱氣。另外個意粉好出色 ，每一啖都掛滿醬汁，充斥住黑松露味，而且海鮮10分足料，有大蝦，尤魚，青口，仲有一大舊魚等等，一次過滿足哂所有願望。餐廳細細，但係氣氛好好，下次有機會再試下其他野啦。…查看更多