WingHarChan的個人專頁

同好友慶祝生日，揀咗呢間食生日飯！當日12點左右到場無需要等位就可入座！一行三人，叫咗一份清新喚顏沙律（WELLNESS SALAD），芝樂坊粟米片（FACTORY NACHOS），松露蜜糖炸雞（TRUFFLE-HONEY CHICKEN）同埋雲妮特選，有三文治、湯同沙律（ RENEE’S SPECIAL）四碟！原本打算食完之後先叫芝士蛋糕食，但係呢度每一碟嘅份量都好大份，結果我哋太飽就無試到，有點失望食物方面，沙律加咗檸檬汁同醋，確係幾清新三文治同湯都唔錯，松露炸雞嘅薯蓉都好香同滑，不過我哋都怕膩，所以唔敢食太多。炸雞都算係咁，因為兩件炸雞都係雞胸肉，我本身對雞胸肉一般，所以無乜好感，亦都不會太鞋！而我最愛嘅NACHOS真係無得輸，不過要就一定要趁熱食先好味，脆卜卜，加埋果三款醬，真係好夾！…查看更多

元朗朋友推介，果然無介紹錯！第一次食火鍋放題可以慢慢食，慢慢嘆，抵讚加上第二位半價，更加抵仲要送埋海膽抵抵抵當日大約3點幾到餐廳，當時食客只有4/5枱，所以無需等位就可入座！我哋揀咗冬陰公湯底同澳洲和牛，另外仲有海鮮拼盤同海膽！職員話會放低三盤不同級數嘅牛肉及一盤豬肉，因為第一次幫襯，所以都想試吓其他級數嘅牛肉比較一下！結果都係澳洲和牛最，這個不太意外！但係最驚喜係估唔到豬肉都好好食，一啲都唔鞋，質地好冧滑！當日食嘅海鮮拼盤有蝦、蠔、鮑魚同蜆！蝦唔新鮮，蠔、蜆同鮑魚都ok！海膽賣相雖然唔吸引，但入口清甜，唔錯唔錯！餐廳內仲有自助吧可夾蔬菜、丸類、熟食同飲品，款式都幾多！會再幫襯，但下次一定會叫職員只上澳洲和牛同豬肉！…查看更多

若果唔係朋友介紹，真係唔知呢度有間隱蔽嘅台式小店！原本想堂食，但到步後發現座位比較少，亦坐得唔太舒服，所以決定外賣！買咗勁多炸物：鹽酥雞、甘紫薯芋餅、地瓜條、蒜脆杏鮑菇、雞軟骨、仲有蒜味香腸古早味肉燥乾拌麵同滷水高麗菜、四季豆、豬紅、甜不辣、豆皮！由取餐後到朋友屋企開餐大約花了十分鐘左右，鹽酥雞、雞軟骨同甘紫薯芋餅仲係非常脆但係地瓜條同杏鮑菇就唔掂，淋晒，一啲都唔好味另外香腸拌麵都唔錯，滷水物亦都唔差！最值得推介就係鹽酥雞、雞軟骨同甘紫薯芋餅！…查看更多

以前阿木新開張果時，名氣仲未太大嘅時候，我和同事都會經常去幫襯，一星期總會去一/兩次！但係自從佢聲名大噪後，我哋每次經過都被佢門外嘅人群嚇怕，一直都無機會再幫襯！即使阿木再開分店，人龍依然存在，從無間斷！直到今日，我和同事冒住遲到嘅風險都要去攞飛排隊，最後皇天不負有心人，終於被我哋食到我叫咗一碗紅燒牛肉麵、同事叫咗排骨肉燥拌麵！紅燒牛肉麵保持水準，牛展好冧好好味，簡直無得輸！同事嘅排骨肉燥拌麵，佢話炸豬扒就比較乾同硬，只屬一般，但肉燥拌麵就唔錯，一定要加埋阿木秘制嘅麻辣醬，簡直係成個麵嘅靈魂所在！…查看更多

好友細佬食過呢間漢堡包覺得不錯，就推介了我哋過嚟試吓！今日一行三人嚟到餐廳，由於剛剛開門，我哋係第一枱客，所以完全唔需要等位，仲可以任揀座位！睇完餐牌後，就要到樓面落order，由於職員係外藉人仕，落單時需要講英文，加上餐廳環境好有外國feel，感覺上好似去咗外國旅行咁（依家無旅行去，唯有靠自己FF下！）總共叫咗三款包：經典漢堡（THE CLASSIC ）特盛龍蝦包2.0（LOBSTER ROLL 2.0 ）慢煮手撕豬肉三文治（PULLED PORK SANDWICH）！ 原本最期待嘅經典漢堡同特盛龍蝦包2.0反而覺得味道一般，可能期望越大失望越大吧！經典漢堡塊牛肉太乾太實，真心覺得一般！特盛龍蝦包2.0，塊包係幾好食，但龍蝦仔淡而無味，只有彈牙感覺，所以都係失望！反而慢煮手撕豬肉三文治呢個非常驚喜，醬汁惹味，肉絲烤過熱辣辣，夾埋一齊食非常夾！另外加配咗蕃薯條、和風薯條及蝦沙律！蕃薯條香脆可口、即使灘凍咗都仲有啲脆，相反和風薯條就一定要趁熱食，凍咗之後，落差好大！蝦沙律都唔錯，醬汁少少酸，都幾開胃，只略嫌隻蝦比較咸！整體滿意！…查看更多

早前喺All Day Breakfast 群組見到呢間好多人推介，今日出開旺角，所以決定一試！當日係平日午餐時間，座位都差不多坐滿！幸好還有少量座位，唔駛等位！坐低後，我同朋友兩人都叫咗英式全日特餐，試一試網友嘅推介！食物一上枱，未起動先興奮，因為每樣食物都大大件好吸引，加上有我最愛嘅薯餅同牛角包食物整體上唔錯，值得一讚嘅係薯餅同魚柳，好脆！雖然唔係熱辣辣，但都有微熱，唔係凍/淋嘅！炒蛋同牛角包亦都唔錯，炒蛋夠滑！但個蛋沙律我就覺得一般，味道偏甜及有啲怪，我個人不太喜愛！火腿正常、腸仔味道一般，有兩條我略嫌太多！沙律菜都尚算新鮮，只嫌芝麻醬太多！若果以All day breakfast 來講，呢個性價比好高，$65可以食到咁大份餐連熱飲，不能有太多要求，我個人覺得可以接受！…查看更多

一行四人正煩惱食乜好之時，剛好經過登打士街，見到呢間餐廳！之前一直有聽過呢間餐廳，但一直都未有機會試，難得經過此地，同行者又愛食辣，就一於上去餐廳試一試！一直對酸菜魚無乜好感嘅我，原本打算食水煮魚，但係見到餐廳內九成九嘅食客都係叫酸菜魚食，就即管叫返一碟試吓！一食之後，果然有驚喜，酸辣度剛剛好，魚夠滑，真係一試難忘另外再叫咗個經典香辣鍋（蓮藕片、花菜、鹵豬手、滷水肥腸、雞軟骨）同清炒萵筍絲都非常好味…查看更多