誠實豆沙積的個人專頁

話說我踏進屯門的那一刻，我就知道，吃什麼不是我選擇的。因為我朋友自把自為幫我揸左主意，話有好介紹叫我嚟呢度食拉麵，係, 我係講過一句話我想食拉麵，但我心裡面係諗住試啲特式少少嘅~ 而我個人都有少少信openrice班大大，話說呢度無幾多個like jar wo! 啲店員又叫極都唔多應機，佢地唔知係唔係唔太想做，不過不做還需做，最後我點左個赤吉自家製拉麵，我話俾大家知，個叉燒係得一件，已經索價$62啲拉麵好淋，而且都唔係好掛湯，個溏心蛋唔溏心，又無乜醬油浸過，唉~ 好鬼普通! …查看更多

話說俾兩條女女fake鬼左，以為佢地係一心同我食糖水，誰知把你個鬼，佢地只係飲杯野! 不過，我都好大方嘅~ 死都話自己好想食龜岺膏，咁係呀下! 我又真係好耐無食龜岺膏嘅，而且根據個餐牌咁講，話係有祛濕解毒、潤膚養顏、固本培元嘅功效，是鬼但啦咁~ 呢碗野嚟到，其實我覺得佢俾鴻福堂還要大盅，都成$45架~ 佢又無健康工坊咁大陣土伏岺味，老實講，其實味道唔錯嘅~ 我仲叫左個凍嘅嚟食~ 哈哈 ~ 味道好mild，我加左啲黃糖漿，就好似食涼粉咁~ …查看更多

老媽子無煮飯，我地就唯有自己落街搵野食啦~ 但有時呢啲咁ad hoc 嘅「無飯主意」，真係要對自己好啲，所以就去附近啲商場搵左間歐陸嘅餐廳食，係，的而且確歐陸唔係主因，其實係因為門面大大隻字寫住「無限添飲」而吸引到我。晚巿店員拎左個羅宋湯俾我，老實講，呢個湯太稀，無乜茄味，不過味道其實唔差，好有屋企煲嘅感覺，而且再望下其實啲料都算唔少，作為餐湯你仲想佢點? 之後又貪貪地心叫左個白酒忌廉藍青口，大佬~ $72 jar 喎! 就算同圖有差異，都應該唔差得遠啦~ 一上枱，個份量同賣相又真係唔差喎!!! 忌廉灑得幾靚，面頭又有幾片洋葱，而家住係啲屋村有呢啲咁嘅靚野食，都真係唔錯~ 仲有啲香草伴碟添~ 以前係呢個商場，多數都係得啲快餐店，尤其記得嗰間金城....好難食服務差，但你無得揀，而家總算多啲選擇囉~  嗱~ 不過咁.... 佢啲青口肉呢，係成粒蠔屎咁，你又真係無諗過佢係正常嘅一半大小，而且啲汁又無乜味，同食白灼嘅差唔多。嗱~ 之但係呢~ 呢度新推嘅韓式拉芝士辛辣泡菜雞肉石板飯就真係驚喜勒! 你又真係無諗過咁多芝士碎，仲熱騰騰咁上碟，啲芝士不停咁bilibala咁~ 大家睇下我條片就知幾震撼! 以為佢都係圍威喂求求其其話係辛辣泡菜，誰知食落又真係有泡菜味，而且啲雞肉又唔係老，都幾嫩口，捲埋啲芝士，嘩~ 幾鬼靚呀! 而且芝味都夠，我幾乎食哂成盤呀! 老實講，呢度係就唔係乜野上等菜式架啦，但當班報紙佬一日到黑話香港人買唔到樓好鬼慘之際，又見佢地成日出去大魚大肉架喎~ 我唔使話搵個一齊食麥記嘅女朋友，不過，可以搵個食1950嘅都已經唔錯啦~ 咁嘅價錢，有咁嘅食物，週年紀念慳慳地之選囉!…查看更多

路經此地，突然很想吃蒜泥白肉。須知道，其實蒜泥白肉呢道菜，哪裡也一樣，所以我就坐下待雨停下再前行。沒想到蒜泥白肉竟是這裡的新品，老實說這麼普通也能叫新品? anyway, 這裡比較特別的是，蒜泥白肉灑上花生碎，就像擔擔麵一樣，蒜泥也不是太多，只是薄薄的舖上面，不過個人認為還算夠味道，也比一般的蒜泥白肉辣。值得一讚的，是白肉的肉質不算老，而且蒜泥份量也剛足夠，吃後口腔也不會太大陣蒜蓉味，不錯。…查看更多

這個悠閒的星期二，沒什麼好得過隨意逛逛，然後買杯Gelato 吃。老實說又一城算是多雪糕店、朱古力店、cafe , something like that~ 這杯Gelato是雪芭來的，我比較喜歡吃雪芭，貪其清新可口，而且gelato的製作過程，不加一滴水，空氣亦較雪糕少，所以看到這家店，我都懶得行多一層去haagen dazs了~ 而這杯是Strawberry Prosecco sorbet，淡淡的汽酒味，而且入口鬆軟綿延，水果的鮮味和淡淡的汽酒拼湊出層次鮮明的味道，夏天來說實在是消暑珍品呢~…查看更多