weird_gemma的個人專頁

前排見到舊同事instagram介紹呢間餐廳影到啲嘢食好吸引，環境又靚又舒服咁，所以就約咗朋友嚟食晚餐。一入門口就有個靚靚打卡位，啱哂閨蜜們打卡用晚餐嘅選擇都好多，同朋友揀咗一個意粉、一份牛扒同一個甜品:)牛扒方面，我哋揀咗7成熟嘅炭燒8oz安格斯平鐵牛扒（$328）再配炒菠菜燒烤菇（$78）。牛扒熟嘅程度啱啱好，十分鮮嫩，配埋個sauce好好味。菠菜同燒烤菇份量都唔少，又夠惹味！另外揀咗個香蒜鮮大蜆扁意粉($158)，扁意粉口感厚實，軟硬度啱啱好，入口唔會太dry同香蒜好夾好惹味，蜆肉大大粒飽滿鮮甜，大蜆份糧好足！甜品我哋叫咗焦糖香蕉榛子朱古力法式班戟($88)再加左$18配埋一球雲呢拿雪糕。班戟叫起即整，擺盆都唔錯。班戟煎到煙韌，中間夾好咗榛子朱古力醬，配埋佈滿焦糖同雲呢拿雪糕，入口口感同味道層次豐富，甜品控必試！嘢飲方面，我哋嗌咗一杯hot mocha同一杯soda～朋友叫左杯grapefruit lemon soda($48)，朋友話飲落唔太甜，colourful 得嚟又refreshing。總括嚟講，呢到食物質素唔錯，又IGable，係閨蜜聚會嘅好選擇…查看更多

今日嚟元朗睇imax，睇完出嚟見到NINETYs嘅晚餐都幾吸引，就入咗去醫肚。野食我地叫左波士頓龍蝦意大利粉，賣相都幾靚。龍蝦開邊大大隻，肉質細膩Q彈，仲有唔少膏添！蟹鉗都食到淡淡的海水鹹味，好新鮮。意粉就比較粗身，食落都好有口感。另外仲叫左個蟹肉芝士薄餅，都幾大塊。Pizza嘅配料有好多，有蟹肉、三文魚籽、蕃茄仔、蘆筍、burrata cheese同mozzarella cheese。Pizza底薄脆，味道層次唔同口感都非常豐富，幾有驚喜。好所賞自家製叉燒配溫泉蛋，叉燒燒得好靚，肥瘦適中，食落都好juicy。再將啲叉燒沾落去啲日本温泉蘭王蛋到，叉燒嘅甜味再混合埋蛋嘅香味，令人好想叫搵返嚟送飯，真係一級棒！95 Fruity Coffee Cake賣相都幾靚，咖啡蛋糕厚實得來帶點creamy，入口口感好滑同好綿密，味道偏果香味。Choco blend 嘅Mocha 咖啡味同朱古力味配合得啱啱好，咖啡嘅香味好濃郁，入口唔會太甜。用竹炭整嘅black latte都幾特別，朋友話入口口感香滑。所賞佢個黑白拉花！晚餐menu做半價真係好抵食，已經約實下次再encore!…查看更多

今日約左大西北嘅朋友去元朗千色買完野就順便係附近食埋個lunch。Openrice見到呢間餐廳就係附近，所以就行過去食佢。餐廳嘅紅磚牆都幾sharp醒，一望就見到！薯仔沙律份糧十足，口感幼滑。朋友超級鍾意食秋葵，見18蚊咁抵就叫左份。Lunch set menu 有沙律、飯、意粉、豬、牛任揀。套餐跟餐湯同沙律仲有個細細個嘅牛角包🥐我哋叫左個炭燒澳洲牛西冷扒餐。西冷扒邊位嘅肉筋唔會太厚，入口有韌性，油脂充份而平均，食起來既有油香而牛肉味又濃。伴菜有蜜糖烤黃甜薯仔、青豆同秋葵。好欣賞佢個蜜糖烤黃甜薯仔，竟然係意想不到的甘甜可口。另外，我哋叫咗個BBQ ribs 配薯條。豬肋骨嘅份量都好多，有成3塊。豬肋骨烤得又軟腍，咬落彈牙，而醃料和燒烤醬混起來，令豬肋骨帶有很多味覺上的層次，非常好味！嘢飲我哋叫咗forest同Sun flower沙冰，都係大大杯。到我哋食完嘢啲沙冰都仲未用晒，由頭爽到尾。呢餐真係好滿足！…查看更多

呢日同朋友黎開海港城消費，就用dining coupon試吓呢間打卡好地方。一入門口就會見到搖搖凳，好多人臨走都去打吓卡。我地好幸運，今次可以坐到窗邊打卡位食飯(o^^o)都影咗唔少相～野食方面嗌咗個肉眼扒配龍蝦尾，牛扒肉質鮮嫩多汁，仲勁大塊！龍蝦肉都有好正，配埋醬汁一流。另外仲叫咗軟殻蟹和牛漢堡，和牛勁好味，一試難忘，係要encore既item黎！甜品方面嗌咗紫薯pancake配雲尼拿雪糕，味道勁match，pancake既質感都好好，仲有好香既牛油味。野飲就叫咗玫瑰味泰茶同芒果乳酪，兩杯都勁好味好fresh，誠意推介！…查看更多

今日約咗朋友去旺角整甜品，事前就決定去搵個好坐既餐廳食個Lunch。Openrice完發現呢間餐廳唔錯，就決定同朋友黎試下。到咗之後，因為時間尚早，所以唔算好多人等。一入到去發現有户外位置，但由於今日太曬，就決定坐返室內涼下冷氣。Menu方面都有唔少選擇，價錢相宜，而且餐廳都無定用膳時間，好岩朋友黎食嘢然後傾下計。餐湯係雜菜湯，真材實料。主菜就叫咗牛扒，叫咗7成熟，廚房煮到岩岩好，肉質鮮嫩多汁。我地仲叫咗仲三文魚柳，配埋蛋黃檸檬醬好醒胃，一啲都唔膩。甜品嗌咗蘋果批同mousse cake，整得好精緻，食落有驚喜。餐飲叫咗熱奶茶，奶會另上，感覺不過不失。…查看更多

難得閒日入元朗，行完Yoho就順便同朋友去食堅信號。Menu選擇都算多。我地叫左生煎包，生煎包個底煎到好香脆，香口得嚟咬落肉汁豐富。仲有食用教學添！堅麻辣系列都好正咁，因為朋友唔太好辣，所以只係叫左個麻辣青瓜試下，青瓜好爽口，食落又唔會話好辣。糖醋排骨menu上寫有5件，但上餐見到唔止5件，有成7 、8件，排骨好𣺉，一咬就甩骨，仲酸酸甜甜咁好開胃。堅信號秘製豬扒擔擔麵，欣賞佢豬扒同麵分開上，咁就唔怕秘製豬扒俾啲湯搶左味。一碗擔擔麵份糧算多，個湯好濃味，有少少辣辣地。豬扒醃到好入味，咬落軟硬啱啱好。叫左熱嘅杯桂圓紅棗茶，養生又好飲。走嗰陣時見到都仲有唔少人等外賣，睇返menu都幾抵食咁。…查看更多

金子半自助喺東涌開咗一段時間，終於有機會去食！餐廳裝潢和風感十足，坐入去感覺好舒服。餐牌上有三款天丼：江户前天丼、上天丼同天丼。我同朋友嗌咗江户前天丼同上天丼兩款嚟試，枱上仲有個牌教客人點樣去享用美味天丼。餐廳為咗減低天丼帶嚟嘅油膩感，特別配上黑豆茶，值得一讚！上菜速度都幾快，江户前天丼同上天丼嘅分別就係前者係穴子，後者係用鱚魚。兩個天丼都裝到好滿，份量感十足。炸醬方面唔會話太厚，油膩感無咁重，加埋溫泉蛋入飯到，美味又滿足…查看更多

剛剛去完泰國，好掛住芭堤雅D熱辣辣又多汁的串燒、炭燒豬頸肉同埋新鮮生猛海鮮。上網搵到一間新開的泰國餐廳(Sayam)，位於銅鑼灣黃金地段，一出地鐵站都係八分鐘路程。 餐廳位於一間乙級商廈3樓(果到都有好多過江龍新餐廳的！)，一入到去俾安排坐係窗邊位，餐廳乾淨企理，modern得來帶點泰色元素，原來佢仲係一間Bar可以俾人放工Chill下的！有興趣可以Friday Night 上來，佢地都有好多泰式特飲同Signature Cocktail收工都8點，好肚餓，即刻先來個炭燒豬頸肉，賣相好吸引，燒得少少燶邊，中間肉嫩多汁，配埋佢個辣辣地的特色醬，食左幾舊都唔覺得肥膩，高度推薦。之後來左個串燒，一上頭已經聞到香濃的肉味，我呢個食肉獸估佢應該有落少少孜然粉，既可帶出肉味又不會太過搶，餐廳重好細心，用錫紙包住，我地幾個女仔可以好有儀態唔怕整污糟好放心咁食。食左咁多肉係時候食番d菜，講到菜一定唔少得馬拉盞炒通菜，大大碟夠火喉，菜又唔會太油。我哋仲叫咗半隻燒雞，份量岩岩好，而且燒雞皮脆內嫩，十分好食！…查看更多

星期五晚收工約咗朋友再到呢間餐廳食野，隔咗排無黎餐牌好似轉咗少少。白酒忌廉青口，肉質鮮嫩，入口有海鮮味兼白酒香，十分吸引。而忌廉汁食落去並唔會太膩，搭配蒜蓉包，十分美味。烤雞中翼烤得好香，外脆內嫩，咬落去熱辣辣，肉汁四溢，唔會太肥膩，必叫之選。我地仲叫咗個煙三文魚比薩，薄底pizza整得好好食，每人食少少已經好夠飽。我同朋友叫咗杯Salty Dog同Black Russian～伏特加，葡萄柚汁，鹽，係依杯salty dog既靈魂。飲用時杯緣的鹽會令葡萄柚汁瞬間在舌間產生甜味，酸酸甜甜，十分開胃。我朋友鐘意飲咖啡，所以揀左black russian。呢杯cocktail成份以vodka為主，加上咖啡酒，酒精味頗濃，但有咖啡香，所以算容易入口。…查看更多

今日同班老朋友敘舊，咁我地就揀左去京香閣食自助餐，啲嘢食都真係色香味俱全！首先啦，一入到去就見到有個師傅係度切片皮鴨，手起刀落，好有功架，而且配搭埋啲青瓜同京醬，真係惹味到不得了！我地一坐低就揀左龍蝦餐，睇落去以為同普通平時食開冇分別，但食落去真係好夠惹味，尤其是我地叫左避風塘味黎食。佢自助餐啲嘢食都真係唔錯又多選擇，最抵讚係佢個口水雞同埋水煮牛肉，麻辣味十足之餘肉質亦都唔錯，搞到我地不停夾完再夾，真係食過返尋味。…查看更多

鍾意食台灣野既我，約埋幾個朋友去左試The Night Market既dinner，其實佢都有幾間分店，我地就揀左比較就腳既中環。佢分別有兩層，我地坐6樓，環境都唔錯，燈光會偏暗，幾寧靜唔怕會太嘈，同朋友吹下水就岩晒。首先到既會係珍珠奶茶，用鐵飲管係幾特別，比較環保，而我個人亦都幾欣賞。我叫左少甜，味道都唔錯，奶茶幾香同有茶味，要注意係珍珠會有少少甜。小食方面叫左鹽酥雞，炸得幾出色，外脆內軟，唔會太亁，份量都幾多，一班同事朋友食就一流。佢仲配左個辣醬，食辣既朋友可以點下，個人覺得更醒胃。紅燒牛肉麵好窩心，蔥佢放係匙羹入面！麵條方面好彈牙好有口感，牛肉都煮得好"林"同好入味，有入口即溶既感覺。個湯底比教岩我呢D重口味既人食，整體黎講都幾唔錯，下次黎可以再戰！…查看更多

近排見到openrice有promotion，所以就約埋朋友黎食！餐牌選擇都幾多，唔愁無好野食！一坐底見到有我最中意既蒜香紅海哲頭就叫咗個，唔好望落細細碗，食落都幾多同埋勁入味！再黎叫咗兩個小菜：荔枝咕嚕肉同砂煲花菇西蘭花扣海參。咕嚕肉唔知係咪因為有別於平時淨落菠蘿，加埋荔枝令到佢味道更加豐富更加甜。砂煲花菇西蘭花扣海參都相當好食，入味唔再講，海參同花菇都相當冧同大隻！完全物有所值！！最後重頭戲係黑楜椒蟹，勁大隻之餘啲肉又勁鮮甜入味，完全係必叫之選！呢間餐廳絕對會再同朋友黎食！…查看更多

今日好想去食韓國野，所以去左老尖。行行下見到間裝修都幾靚幾文青既韓屋就去左排隊啦！可能係星期5既關係，都排左先位入，不過一入到去竟然有位韓國人招呼我，都令我留下幾深刻既印象。打頭陣黎既就係韓式前餃做頭盤，煎得好香，入面係豬肉黎，皮薄餡多唔錯唔錯！之後試左個牛排骨湯，味道都幾特別，唔係一般係街會見到。可能係道家常菜同無味精既關係，味道都比較清淡一D，佢有落到黑胡椒，會有少少辣辣地，令人有忍唔住手去飲。溫馨提示，佢仲有得追加埋蕎麥麵，幾彈牙，撈埋湯入口就岩岩好。…查看更多

好耐無一家人岀街食飯，今日同屋企人一齊黎到呢間餐廳食飯，貪佢食物質素有保證，服務周到而且環境都相當不俗。餐牌上都有唔少選擇，我地就揀咗避風塘魷魚鬚做小食，仲嗌咗原隻龍蝦配蕃茄汁扁意粉。避風塘魷魚鬚十分好味，無平日食開個種炸魷魚鬚嘅油膩感同熱氣嘅感覺。原隻龍蝦扁意粉上菜個陣，我地都好驚訝，因為龍蝦size一啲都唔細隻，又濃味，夾埋個扁意粉一齊食超正，簡直物超所值！Mocktail方面叫咗tesco，烏龍茶味都幾重～甜品就揀咗比利時窩夫配自家製雪糕，溫度岩岩好既窩夫配上朱古力醬同適量嘅雪糕真係好夾好好食！雪糕嘅質素都相當唔錯，口感好滑。…查看更多

自從上次去完泰國就一直好掛住泰國野，所以叫咗朋友陪我嚟呢到食飯～餐廳裝修勁靚，啱哂打卡餐牌都幾多野食，唔想諗到頭痛仲有得叫二人餐！我哋叫咗一個椰青同芒果沙冰，兩個都好好飲好清甜，椰青仲幫你開得好好，椰子肉話咁易就刮到落嚟！然後叫咗個泰式小食拼盤，有齊蝦餅、魚餅同春卷。三款都整得好好食，好有泰式風味，特別係個蝦餅！我地仲叫咗個沙嗲串燒，兩條雞肉兩條豬肉，雞肉整得比較好，點埋沙嗲醬真係好似去咗泰國咁！湯就揀咗椰子雞湯，相對其他會無咁辣，飲落會有陣酸辣味，配料都幾多，趁熱飲幾好飲！再叫咗個原隻椰子焗飯，椰子味好重，個飯唔會好似岀面個啲咁得上面係濕下面就乾嘅，飯入面仲有好多桂圓肉芒果肉同蝦添！最後甜品叫咗椰汁西米糕，勁重嘅椰香味，又唔會話太甜太膩，係飯後最佳甜品！…查看更多