happyholic的個人專頁

職員態度極差，不建議受氣黑衫經理態度極差，屋企人明明係食齋，落單時備注咗潮州炒麵要走肉，落完單備注都有寫到走肉。最後嚟咗一碟潮州炒麵，但係竟然有蝦肉，個黑衫經理堅持話蝦肉唔係肉。仲要同我拗咗一輪先肯取消熱潮州炒麵。個經理勁大聲鬧我屋企人，話蝦肉唔係肉，螺肉唔係肉，海鮮唔係肉。黐線，隔離啲食客聽到呆咗，雖然佢最後都知自己理虧取消咗碟炒麵。但係經過以上經歷，我以後唔會再嚟食，簡直係趕客呢種咁嘅服務態度，抵佢冇客…查看更多

星期六日見放假所以就買咗幾款糕同男朋友屋企人一齊食，買咗桂花杞子糕、芝麻糕、芒果西米糕、馬豆糕，同埋買咗豆腐花比男朋友爸爸食因為佢唔鍾意食糕點。本來都以為冇乜驚喜嘅，但估唔到質素又唔錯喎。我自己個人比較鍾意食芒果西米糕同馬豆糕，佢啲芒果係有真正芒果味，而唔係調味劑嗰種假芒果味。而馬豆糕啲豆都唔係硬骨骨，唔會好難食，豆味幾香濃。桂花杞子糕就係比男朋友媽媽食，感覺養生d又健康，佢都話軟硬度適中，口感幾好，而且桂花味幾清香🥰🥰豆腐花就正正常常有豆味，口感香滑，環境方面因爲係街市入面，所以我地都係外賣拎返屋企慢慢食。…查看更多