ocy2004的個人專頁

網上有人推介呢間餐廳，我二話不說就即晚同家人去試吓。睇完餐牌樣樣都想試，於是叫咗兩個特別晩餐同六個pani puri. 一開始個南瓜湯唔係平時黏黏嘅麵粉湯；跟住就嚟頭盤燒雞同咖喱角。咖喱角皮薄饀靚，配薄荷醬一絕;燒鷄點甜酸醬yummy; pani puri 嗰種味道真係令你一食再食；主菜有羊肉、雞肉、芝士、雜菜咖喱配garlic naan, butter naan同飯，多到最後要打包，我個人最鍾意係雜菜咖喱。最後有個甜品（唔記得乜名），仲有杯mango lassi, 食得好開心好滿足，絕對物超所值，希望大家有機會去幫襯下呢間小店。…查看更多

你試過一定知係好嘢，尤其係山竹牛肉球宜家d人一味加鯪魚肉整大大舊山竹牛肉，完全破壞左牛肉球嘅口感同味道；但係呢間嘅牛肉球真材實料，加埋喼汁簡直perfect。想食返香港真正點心，一定唔會令你失望。另一個推介嘅點心係蠔汁肚皇扎。肚皇扎唔係度度有，扎得唔實嘅大有人在，一夾起就散晒。呢度個肚皇扎實淨兼啖啖魚肚，加上蠔油獻汁，一吃難忘。如果你鍾意食鷄，可以揀鷄扎。最後一定要試燒賣，裏面好多蝦，唔係一味放好多豬肉。仲有好多嘢想食，回味一下真正嘅港式點心。…查看更多