CwoonWong的個人專頁

買一送一真係好抵，份量都多，肉新鮮入口即溶。食勻好多個部位亦都食咗好多種食法。龍蝦彈牙。舖頭好細心咁有張卡紙寫明第幾度係邊個部位，有中英對照，店員亦都細心講解各個部位嘅特點同埋應該點樣食先係最好味，例如配岩鹽或者Wasabi之類。今日店員中幫我哋燒埋肉，所以生熟程度恰到好處。座位亦都坐得非常之舒服，枱夠大。員工服務細心，亦都清楚記得客人嘅食物敏感，有主動提醒。幫我哋影合照時，更加幫我哋打埋燈服務一流👍有機會會再去幫襯。…查看更多

點了酸菜白肉同美人鍋，美人鍋好好味，但酸菜白肉真係不知所謂。味道似唔辣嘅泡菜鍋，同正常酸菜白肉鍋好唔同。首先個鍋黎到，見到係橙橙地色已經覺得怪，以為係泡菜，點知食落都似泡菜味。味道係唔難食……但唔係酸菜白肉囉。酸菜就好似將泡菜嘅辣味洗走咗嘅泡菜咁。一心想食酸菜白肉鍋，真係幾失望，又唔係平……好彩美人鍋好味，烏雞好滑。另外，員工的衞生意識有待改進。點了紫色鮮淮山，員工在上菜時，因為打斜攞隻碟所以有兩塊淮山跌了在托盤上，而該員工想即時用筷子夾起，但夾極夾都夾唔起，塊淮山就喺個托盤上滑黎滑去，直到我開聲叫佢攞番入去洗一洗識咁做……個托盤一定唔會叫乾淨囉……佢完全無諗過要攞番入去洗，想就咁夾番上碟………查看更多