muimui201829的個人專頁

當晚座無虛席 都等咗十分鐘先有得入由於呢個係即燒石鍋,所以坐低之後都要再等成十五分鐘不過食好嘢當然要有耐性😋一上枱 ，個石鍋烏冬真係滾住上,熱辣辣天氣凍食一流 而且就咁睇相都知道材料非常豐富 😍有蜆，蟹柳，廣島蠔，仲有坊間好少見嘅翡翠苗做配料👍至於個主角烏冬亦都好煙韌彈牙，至於湯底可惜食唔豚骨湯底，不過都好清甜，唔似一般既味精湯底，亦都唔油膩，屬健康之選。成個烏冬都感受到小店嘅用心製作，非常正👍 絕對會有下次！…查看更多

想試倫哥好耐，朋友都話食物質素不錯地方環境方面, 比較難搵，招牌唔太突出，隔離多左間fitness,當晚係樓下比fitness既職員企圖派傳單，避走dull左成個圈搵左5分鐘以為行錯路，原來就係係fitness個位一路入去間餐廳由樓梯以致廳面都比較不乾淨，作為一間收$330既食店，未食心裡感覺已不良好，坐下的椅子又爛爛地，又有蒼蠅，更加滴多兩下汗食物方面，先上雞煲，味道不錯，我地添食咗一round（但建議留肚食海鮮更好）,之後上既海鮮都非常新鮮,同行朋友都一致讚好，而刺身睇落唔錯（但由於一開始見到既衛生情況，所以唔夠膽食）再上既牛肉，雪花分佈均勻， 入口亦充滿牛香，值得一讚至於，其他火鍋配料就不過不失，正正常常總括而言，食物質素尚算不錯，但環境衛生有待改善…查看更多

最近幸福堂的官司不停出現在新聞及各大搵食群組，這店一開始登錄元朗時，要飲到他們的珍珠鮮奶好像要等上很久這晚與🐻大人碰巧趕上他們結業前，一嘗了他們的蘆山真味道😍黑糖珍珠奶茶（$30）入口順滑，但茶味不夠濃，黑糖的甜度恰到好處，🔅值得一讚是珍珠煙韌有口感，亦不會痴牙，愈食愈有有淡淡的黑糖味，連嘴刁的🐻大人也是讚不絕口 👍草莓珍珠鮮奶（$28）一飲下去有些似子母牌的草莓味牛奶，偏甜，但面層應是自家打的草莓蓉，不像很假的糖精味而粉紅色的珍珠其實也是跟黑色珍珠味道一樣，但顏色不同，整杯下來就顏值很高了，完全俘虜了小妹的少女心😍其實這家店的茶飲其實很不錯，可惜官司問題拖累下，結業也是必然😪希望有一天，就算沒有了名牌的光環，但只要有實力，換了名字也是足以吸引顧客的🎏…查看更多

🤔呢間米線，印象中，有好多膠筒放係門口（所以成日覺得佢環境好迫同唔係好乾淨😂）.同埋只係知佢個招牌有好多個魚字,但奈何日頭成日都大排長龍，一直未有機會試.今晚成9點幾10點先搵野食，咁岩見佢人唔係好多，就終於有得試喇😍.個枇杷豆腐有少少似順德魚腐，又有d似魚滑釀豆卜，不過口感係軟淋一d，幾得意😝.而家雖然米線舖周街都係，不過一係就係主打辣既四川雲南米線，一係就味精重到死😵.👍難得佢地既米線係真魚湯，雖然冇想像中咁濃郁，但清清地更加食得出係無添加，算係唔錯！而且可以加我最愛既勝瓜做配料，整體感覺更加健康，抵佢成日大排長龍😋😋😋…查看更多

終於捱到放假的一天.可能上天憐憫🐰小妹辛勞工作左成個星期，今日竟然有個內地豪親戚黎請食🍣午市放題.係傳說中既殿-大喜屋！！ 估唔到午市放題都多人食（感覺除左自己，其他都係富人🤣）,食物都算多選擇 ✨但成餐放題最有印象都係呢set秋之精選😍.😋賣相好，味道都唔錯，尤其係有我的最愛-海膽杯，海膽都鮮甜，唔會有苦澀味.🐟仲有個白松露拖羅球，松露既味道香得黎亦唔會掩蓋拖羅既鮮味，亦係值得一試！👍.至於其他放題食物，都係正常發揮，不過壽司飯就驚嚇少少😖，雖然細舊，但飯水太多，醋味亦太重，食落漿口過酸，絕對不合格👎，可能為食客胃納著想，唔想大家食太多飯掛😂…查看更多

今晚遊走尖沙咀街頭，毫無頭緒食咩好🐻熊大人一眼就俾門口“厚豬扒”三隻大字吸引左入去 👍環境比一般茶記光猛整潔，但座位未算舒適好坐，可能刻意唔想人坐得太耐😂見檯檯都食既厚豬扒，應該係呢間餐廳招牌作。叫左個特餐再+$10轉豬扒厚豬扒確實夠厚，尚算有肉汁，質地亦唔靭，可惜炸得略為油膩，而且鬆肉粉亦重手左，肉質稍為鬆散左少少😪至於特餐的炒蛋唔錯，有蛋香，但多士唔夠鬆軟不過蒜味幾足，茶記黎講都係合格呢個特餐，味道中規中距，勝在平得黎作為晚餐都夠飽肚…查看更多