鴨小姐的個人專頁

外賣咗個滑蛋吉列豬扒飯($72 包紙包飲品一盒或罐裝汽水)新鮮炸起嘅豬扒炸得一啲都唔油，豬扒肉質又淋個飯係用珍珠米，加埋洋蔥同滑蛋成個配搭好好食😋可以再encore估唔到呢區有咁好食嘅丼飯😌…查看更多

身為小籠包愛好者，見呢度有咁多好評就黎試試... 一入到去，唔知係我黑仔定點⋯發現餐牌上好多野都無得叫e.g.所有鍋貼，所有雲吞抄手，紅燒豬手，雞絲粉皮, 四喜烤麩... 基本上除左小籠包想食嘅野都無⋯侍應表示無返貨... 頓時有中伏嘅感覺😩最後叫左三樣：小籠包，紅燒牛肉麵，生煎包紅燒牛肉麵：大伏。麵太淋，湯底得個色無味，牛肉淋但有陣羶味。衰D講句，屋企煮個壽x牌麵更好食。小籠包：叫得自己做金牌，以為無伏。唉，皮係薄嘅，但5隻入面有3隻係無湯汁，有湯的味道也好一般。生煎包：唯一合格的一樣都無乜心機寫落去了，總結：唔推薦大家黎。…查看更多

同同事慶祝生日揀左黎呢度. 原本無太大期望，因為食過尖沙咀香格里拉的cafe kool感覺好一般... 但今晚一入到去已覺得好正🤤食物有好多選擇，賣相好吸引😻環境也舒服. 個人最推介係以下幾樣食物: 🤤燒和牛粒: 長期都有人龍排隊拎，但係好值得等，真係好好味🤤 encore左三碟👏🏻 師傅哥哥教我地唔好點任何汁地食和牛嘅原味，我本是重口味怪，但原味都真係已經好好食😻 值得一讚係師傅哥哥真係好好禮貌同埋好有心機燒，而且係排隊嘅人等佢燒期間仲好好人地教客人點樣煮得好食. 依家食buffet已經好少見同客人咁願意交流嘅師傅👍🏻(好味指數: ⭐️⭐️⭐️⭐️⭐️)🤤藍莓芝士蛋糕: 呢個又係好味到我食左4個... 甜度適中，唔會太漏，個質感好好，藍莓又好甜😌總之各方面加埋非常啱我口味(好味指數: ⭐️⭐️⭐️⭐️⭐️)🤤乳豬🐷: 皮脆肉嫩，但略嫌有少少肥(好味指數: ⭐️⭐️⭐️⭐️)🤤小籠包: 皮薄湯汁多，熱辣辣(好味指數: ⭐️⭐️⭐️⭐️)至於比較普通嘅我覺得係沙律菜，好似不太新鮮，同埋d Caesar salad dressing非常杰😅(我唔食凍海鮮同刺身所以無相關食評)由於成晚大部分時間都掛住傾計，試唔哂全部美食😢總結黎講，我好中意呢間buffet，係近年來食過嘅酒店buffet比較印象深嘅一間。員工都好好人，服務態度令人感到舒服，希望好快有機會再黎😊…查看更多

星林居另一分店曾經是我常去的地方，已經大概五六年無黎，想不到已結業了。夜晚有事去開附近，又好想食酸辣米線，就特地過來這分店回味一下。雖然是平日夜晚，但人也不少呢⋯點了酸辣腩肉腐竹魚腐米線小辣，一杯凍檸蜜少冰少甜。米線黎到時非常熱辣辣，可惜煮得林左少少，但配上重口味橙紅色嘅酸辣湯底，夠多酸菜，酸味對我來說剛好腩肉仍舊惹味，有少少肥，無得輸～ 再辣d更爽! 魚腐不過不失。食完好warm, 是回憶中的味道啊... :’)…查看更多

睇到facebook介紹荃灣路德圍呢間新開嘅舖頭，佢地嘅水果茶好似好吸引，今日經過就黎試試門面全粉紅色，好易搵Menu上好多杯飲品都好靚，仲有我勁愛嘅奶蓋呀! 但最後還是嗌了一杯綜合水果茶($38)，附送一包話梅粉，係飲完茶食生果用的有士多啤梨，蜜瓜，西瓜，蘋果，菠蘿，橙，火龍果，青檸，檸檬.... 同facebook介紹一樣咁足料，飲落甜度適中，好清新，好消暑解喝加左話梅粉嘅生果提升左甜度，唔錯! 菠蘿唔係罐頭係新鮮的, 值得一讚! 下次一定要試埋佢地嘅奶蓋系列…查看更多

見呢度幾多好評，放題又有埋燒肉，就訂左枱同屋企人慶祝媽媽節。佢嘅刺身真係幾好，甜蝦，鮑片係全晚最好食嘅野。屋企人食左三文魚，賣相都唔錯!燒肉水準普通，牛肉，牛舌，豬肉也是一般貨色，無咩肉味，燒海鮮只試了蝦，係好大隻，但唔好食，最好食係燒菠蘿其他熟食，試了天婦羅，炸皮硬而唔脆，唔好食⋯餃子，原本以為穩陣，勁失望只包兩罐飲品，而且只有4種選擇：可樂，雪碧，檸檬茶，荔枝茶，全部都係有糖飲品。最不滿嘅地方係無free茶水供應，侍應解釋以前俾客人投訴過佢地d水唔乾淨所以決定唔供應.. (errr, 我覺得你唔講我知會好d.. 其他野食其實會唔會都唔乾淨?)要飲水，盛惠10蚊一支，這是放題應該有的態度嗎？沒有甜品供應，要like/share 佢地Facebook先有支雪條。無like到，因為唔覺得值得like/share. 職員禮貌談吐有待改善. 咁嘅質素，我寧願食返普通日式燒肉店，或其他放題會暢快d!:(…查看更多

之前同同事team lunch食過一次呢度嘅銀鱈魚西京燒set，印象非常難忘，成日好掛住佢，今次再次訂位黎食。第二次食，銀鱈魚比上次更大件，好厚身，但又好入味，燒得好香，但魚肉仲係嫩滑有肉汁嘅，絕對對得住佢嘅價錢($230)! 配上旁邊嘅沙律醬同酸薑，同熱騰騰嘅白飯，勁滿足! 同事揀左三色丼($260)，有魚子，金槍魚同海膽，海膽份量幾多，魚子滿佈飯面，賣相好靚好吸引❤️另外都有唔少客人嗌北海丼，賣相都係好好好靚誠意推介俾大家~…查看更多

午餐想吃米線時就會想起這裡或南記...今天到了這裡買外賣 菠菜餃豬軟骨米線- 已外買了數次，水準依然穩定。湯和米線是分開兩個盒裝的。飽滿翠綠的菠菜餃，咬下去仍然爽脆，入味的豬軟骨，配合軟硬度剛好的米線，like!  蛋白杏仁茶- 杏仁茶夠滑，但略嫌蛋白太大舊滿足了個胃，又要開始工作了...…查看更多

和好姊妹的下午茶聚，選擇了這裡酒店環境加上團購優惠，就是適合我們消磨一個下午 這次的優惠是日式的下午茶小食有蟹肉豆腐，日式雞骨腸，壽司，芝士薯餅甜點有綠茶天使蛋糕，竹炭紅豆卷，牛奶布丁，還有一件綠色的蛋糕忘了名字蟹肉豆腐有我喜愛的麻醬日式雞骨腸，芝士薯餅, 竹炭紅豆卷, 忘了名字的蛋糕這幾樣不錯壽司飯好像有點硬綠茶天使蛋糕太甜牛奶布丁質感不夠滑說真的，食物看上去還蠻精緻的，吃下去味道只是普通但是有可無限添飲的咖啡、茶、果汁、汽水有可以坐上幾小時也不會被打擾的幽靜環境而且每人的消費也在100蚊以下還要求什麼下次也會試試其他地方的團購下午茶 :)…查看更多

很久沒有寫食評了...星期五的晚上，一個人的外賣二話不說就想到了這裡儘管中醫勸我不能吃辛辣濃味的食物，還是要豁出去了每次來的例牌也是腩肉撈紅薯粉（幼粉）今天也不例外，要了不辣，多炸醬回到家，滿滿一碗外賣，便宜卻很足料很入味的腩肉，很惹味的炸醬，配合軟軟的紅薯粉，每一條粉也沾到配料的味道就這樣慰勞了一天辛勤的工作，滿足:)p.s.竟然忘記拍照片了......…查看更多

一個月前的食評...朋友極力推介呢間鋪頭的草莓乳酪西米露, 一班人食完野就黎左試下. 入到去見到甜品選擇都有既多, 但大家都係揀左草莓乳酪西米露. 賣相係粉紅色的, 配上草莓及椰果, 好靚! 個西米露雪到都幾凍, 其實味道唔算好特別, 就像一般草莓乳酪一樣, 但係我好鐘意呢個味道, 酸酸甜甜的, 好味!有機會都會黎試下其他甜品 ~ :)…查看更多

同男友係聖誕節正日黎到了呢間位置比較隱蔽的餐廳, 位於太古坊Oxford House地下, 環境有點像酒店大堂的Lobby. 出乎意料地聖誕夜竟然唔係太多人, 環境靜靜的, 幾舒服!叫了以下菜式﹕Marieniere不愧係呢道既招牌菜! 嗌左pot size的, 鮮嫩肥美的青口, 配上香濃又creamy的白酒汁, 青口的肉係鮮甜的, 連本來唔太鐘意食青口的我都食完一隻又一隻! 好欣賞距配的烘麵包, 表面脆脆的入面十分軟熟, 點埋d白酒汁食實在太美味了!! (還可免費refill的呢! ) 同男友食左兩條! 薯條係粗身的, 炸得幾香口, 唔錯! 但還是較喜歡它的麵包, 雞肝醬亦很特別! :) Cilantro Pesto Pasta沒有太大的驚喜, 但個人黎講好鐘意, 醬汁很creamy, 有不少芝士 ~ 係我鐘意的味道! 配料有雞柳同車里茄! 意粉煮得剛好, 唔錯! Aziatisch食完上面兩樣仍對頭先的青口及麵包念念不忘, 決定再嗌bowl size的青口 ~ 今次揀左東南亞式, 其實應該似泰式, 個汁有好香既椰汁味同香茅味! 個汁就0甘食都幾好食, 但係同男友始終鍾情於白酒汁 ~因為配青口及麵包個味會夾d! 又多吃了一條法包 ._.服務serve我地的男侍應十分不錯, 甄勤有禮. 呢間餐廳亦好貼心, 主菜係上完一樣, 等你慢慢食完先上第二樣, d野唔會放涼晒! 和男友過了一個滿足的聖誕! 應該會再黎呢間餐廳, 下次要試埋蕃茄汁的青口! MERRY CHRISTMAS!謝謝男友醒目地找到了這間餐廳! …查看更多

3月24日放工同男友相約銅鑼灣慶祝我地既8個月紀念.之前男友已經黎過呢度食, 話呢度d野幾好, 環境唔錯! 叫左以下野食﹕炸蝦餅: 炸得香口, 蝦餅本身幾彈牙, 點埋泰式酸甜醬, 幾好 ~ 不過2個人食份量就多左d 釀雞翼: 我食唔出釀係入面既肉係咩黎, 不過啖啖肉, 岩我呢個懶人食. 味道就普通吧, 釀係入面既肉有d鞋, 不特別討好!皇帝蝦蛋網炒貴刁: 呢個好好味啊 ~ 酸酸甜甜又幼細的金邊粉, 記得要撈埋碟邊既糖同埋辣椒粉先夠惹味! 好開胃啊, 正 ~ 仲有專人幫我mit蝦食, 太幸福喇! 呢度既食物賣相好靚, 環境都唔錯 ~ 度過了開心的一晚! (唯一遺憾係食唔落個個檯面都有一碟既金枕頭!)p.s. 謝謝男友呢8個月黎的照顧 ^.^ i love u ~ …查看更多

同男友未夠6點半就去到. 真係誇張, 已經有約5, 6張檯排在我們前面了! 隔左一陣後面已經又有條好長既人龍喇... 如果想去既話都係訂位先會好d! 等左好耐先有位... 一坐低就即刻order: 黃金軟殼蟹: 好食! 炸得唔油膩, 咬落有軟殼蟹既肉汁滲出! 加埋咸蛋黃既香味, 好正好惹味! 好快就俾我地清碟了. 粟米也香甜, 唔錯唔錯! 椒鹽魷魚鬚: 炸粉薄, 咬落香脆可口, 份量好多! 魷魚鬚又夠粗, 太好食了!! (不過真係好熱氣..) 芝士焗扇貝伊麵: 最差的一樣... 扇貝本身肉質鮮甜, 可惜配上的芝士汁淡而無味, 伊麵少得可憐... 早知聽男友講揀蒜蓉蒸扇貝算了:( 覺得呢度既椒鹽野真係整得好好食! 不過呢一餐, 實在太有罪疚感了........ …查看更多

同男友再次黎幫襯了, 今次怕肥無嗌到雞腸... 炸醬雲吞麵($25): 炸醬偏甜有少少辣, 幾開胃. 雲吞大大粒, 入面d蝦好大隻好爽!!冬菇黑柏葉麵($26): 黑柏葉十分爽口, 不錯! 冬菇比上次來吃的遜色了, 炆得不夠稔size也沒有上次般大隻... 有點失望! 還是覺得這裡的雞腸最出色! 麵質依然爽口無梘水味! 但總係覺得湯底無上次0甘鮮甜... 食完再次捧住個肚走! (睇到牆上面貼住既雜誌報道譚校長一個人可食四碗冬菇麵... 實在太強勁了! ) …查看更多