meipo.ng的個人專頁

疫情好耐無出旺角啦黎到廣華街，呢間越南仔未食過試一試下午茶好唔好食先呢間小店平日下午茶唔使等位大約7成滿左右 價錢都公道食個豬扒飯都係$41 包熱飲又可以加錢轉凍飲或特飲 抵讚今日試下個越式小食拼盤$56再加個跟餐小食 牛油雞翼$11原來有個沙律跟 佢仲有個酸汁俾你個份量都唔太細 越式春卷夠熱又脆鳯爪跟個沙律都ok 牛油雞翼好正可惜無叫特飲 拉茶比較一般整體值得再黎食 位置又方便 幾好…查看更多

繁忙工作中好想搵個地方輕鬆下又有同事想食好d, 介紹呢間新開既餐廳 地點係觀塘美興大廈，小時光上一層，餐廳主打日式料理，位置都好隱蔽如果無人識路 相信會有少少難搵餐廳環境真係唔錯，完全估唔到入面地方幾大，坐位好舒服，唔會好逼因為係星期五午餐時段，入面都好旺場點左幾個lunch set, 大約$80-100 呢個價位食物都要等幾耐 建議星期一至四過黎今日試呢個牛肉卷 set 包前菜，湯，飯，甜點（飲品要另外加錢）整體質素好好，值得推薦…查看更多

對呢間小店好有興趣，花甲粉好似好吸引，好想試一試係咪咁好味😋 回憶客棧地點唔太方便，店入面環境比預期好，都好企理今日試左花甲粉加娃娃菜，有d失望，花甲係好新鮮，可惜在個湯，雖然夠熱但味道比較普通，香料也不夠，無咩驚喜，希望可以再做好d…查看更多

由於疫情關係，放假都被逼係香港hea想搵個好地方放鬆下，就去左沙田既牧羊少年今次係第二次幫襯，都隔左好耐了，平時好少會行過黎食由於係平日下午茶時間，坐位大約坐左一半左右，枱與枱之間都有足夠距離，樓底好高，環境也很舒服呢度下午茶係散叫，都有唔少選擇，食物方面幾唔錯，整體黎講都ok鮮忌廉野菌煙三文魚意粉$78評：幾彈牙，煮既時間剛好，味道方面都唔錯，有好多芝士係上面冰水果茶$42:):):)評：呢杯野飲好普通，唔值呢個價錢，好多台式飲品既水果茶會更好…查看更多

又到星期五啦，好喜歡去石門開飯，今次介紹呢間日式餐廳，比較平民大眾化，已經食過好多次，主打當然係炸豬扒，留意晚餐時段通常要等位，建議早一點或者8點半後，都好快有位:)消費基本上$100 一位都有交易，吉列豬扒食左幾次都無中伏，也有好多種配搭，豬扒飯份量男仔都夠食，仲可以再加炸蝦。女仔可以叫個細size 加杯飲品唔會太heavy，飯同豬扒都會少d餐廳上菜速度都算快，唔會等好耐，性價比高，作為一個飯堂非常合適…查看更多

放假好想搵個地方嘆個下午茶，好好放空自己，安靜一下，就perfect 啦好可惜已經過左5 點，想起大圍三層的屋子空間，開左好耐成日經過，今次有機會特別去試下。過左下午茶時間，只有dinner set可以選擇價錢當然會貴少少，不過都平過散叫今日試咗小鬆餅加飲品set $79 蚊小鬆餅有好多唔同選擇，好似香蕉，抹茶，草莓等等草莓吉士奶油小鬆餅份量真係好細賣相真係普通，小鬆餅味道方面唔差，但呢個價錢就貴左d，都幾失望飲品我選了柳橙水果茶，好好飲，好解渴無叫到少冰都唔多冰，推薦…查看更多

又係晚飯時間，收工都唔知食咩好係日升中心發現呢間朝日屋日式餐廳環境上唔算太逼，都係走大眾化路線，晚餐消費100-200蚊左右餐廳主要做套餐，都有好多選擇又可以再加配小食，唔會浪費又可以選自己喜歡的食物我見隔離枱兩個女仔都叫左大量小食因為唔算好肚餓，選擇左迷你海鮮丼加細牛肉烏冬set $88，有沙律味噌湯同甜點迷你海鮮丼味道方面，我覺得ok，份量就太小啦，刺身都幾新鮮，有一定質素細牛肉烏冬本身無咩期待，估唔到味道唔差，烏冬都彈牙，幾好:):):):)呢度甜點係日式和果子，對我黎講普通，無咩特別，整體來講都可以一試會再encore ，不過唔會選呢個餐…查看更多

兩年無食過日式放題，終於等到機會啦🎉今次選擇左呢間價錢比較貴少少既放題價錢平日自選時間$278 加一，2.5小時食物方面比較少選擇：刺身、壽司、卷物、一品料理、燒物、炸物飲品非常多，有酒飲又唔使加錢，唔錯：啤酒，清酒，梅酒，汽水，果茶，熱飲之類先講講刺身質素先，始終係食放題重點整得黎講中上，刺身切得厚身，師傅刀功唔錯，也解凍得好好最驚喜係帶子，大大粒好鮮甜三文魚都好滑身又有鮮味，推薦其他食物黎講，火炙壽司同天婦羅一般，有d失望，反而炸蠔同帆立貝比較好，值得一試出而甜品區都係一般，都係食雪糕比較回本有MOVENPICK 同Haagen-Dazs, 幾重本唔少人都拿完一次又一次，呢個位幾欣賞最值得一讚係呢度服務ok…查看更多

經過大圍有d 肚餓，想搵d小食醫肚呢間台式炸雞一直未試過，想試好耐Order左細size招牌香香雞，應該唔似會中伏, 等左一陣，佢係即炸，滿心期待:)以$28蚊呢個價錢，估唔到炸雞係麻麻地，炸雞有d硬而且肉質好乾，只靠d調味粉感覺好似老麥d雞咁，呢個價錢唔會再試，早知買杯珍奶飲下無咁嬲…查看更多

呢一間係田心村既小店的確幾吸引已經連續幾個weekend 都過黎食lunch今日咁早想搵地方食早餐 不如過黎試下唔算太肚餓，叫左歐陸自選早餐$38 ：炸魚柳+炒蛋+茹汁豆， 跟餐有牛角包以街坊生意黎講價錢唔算平，又未至於all day breakfast 咁貴。早餐賣相唔錯，最驚喜係炸魚柳！無想過會有咁高質素，魚柳剛炸起，夠乾身外脆內軟，好好味呀炒蛋同牛角包都唔錯，暖暖地，如果可以熱d會更好食。呢度連早餐都咁用心做，廚師真係抵讚，值得支持下…查看更多

有時候想搵個地方靜靜地開餐呢間小店成日都經過 終於有機會試下食個dinner 最平$80蚊有交易 都唔算太貴大約7點幾坐低叫左個$95蚊壽司定食跟烏冬今晚坐bar枱又無咩人 上菜速度好快 侍應都好有禮貌 值得一讚晚餐黎講先講下個Set 份量真係細左d 女仔都未必夠食woo 而壽司既質素都好兩極化最好食係三文魚同甜蝦 唔係平時一般元氣個d貨色 做得唔錯其他就普普通通啦最大扣分位竟然係海膽壽司 未開始食既時候已經企唔穩 咬入口個紫菜好軟 白白浪費左新鮮既海膽 真係好失望跟餐既烏冬個湯比較咸 都有待改善…查看更多

返工有時想食好D呢間台式小伊甸，位於觀塘站工廈1樓，食lunch 夠晒方便，價錢都唔太貴，都幾旺場星期一至五有唔同lunch set , 50 蚊左右一位，跟餐包一杯台式飲品（波霸奶茶/蜂蜜綠茶/陳年烏龍/胚芽奶茶/冬瓜仙草）入到門口要點餐同俾錢先，再搵位坐低，侍應會幫手送餐俾你今日試個午餐A 台式肉燥飯拼三杯雞 $48 跟半糖波霸奶茶午餐份量都ok， 食物賣相唔錯肉燥飯味道幾好半肥瘦:):):):)三杯雞夠滑 可惜味道咸左少少:):):)半糖波霸奶茶 推介 珍珠好QQ…查看更多

駱駝漆大廈當中有好多小店，今晚去到3座11樓發現一間日式烏冬店，招牌唔多明顯，行到尾先見到小店環境無乜裝修，間間單單咁，餐牌上有烏冬，小食，同套餐，店員幾好招呼，呢度夜晚唔係日日開架，今晚所以試一試「海苔烏冬」都係第一次聽， 係呢度招牌菜，冷烏冬食法，咁特別就試下啦， 店員推介食套餐，烏冬連關東煮$70,份量算ok, 等一陣有得食啦海苔烏冬黎到個賣相唔錯，幾特別，幼烏冬食唔出好強海苔味，夠滑，比較硬少少關東煮唔夠味，湯好清，有蛋，獅子狗，蘿蔔等，唔推介，早知散叫烏冬抵好多，唔使食套餐…查看更多

大圍的新餐廳越開越多，呢間古朴年代係少有坐得舒舒服服的好地方，間唔中都黎食下，同朋友仔傾下計，休息下都唔錯今日過黎試下食lunch, 都有唔少選擇，價錢一般啦，order 左個白酒煮蜆肉意粉，加左$8蚊要杯cappuccino享受下意粉味道不過不失，蜆肉過火左d，白酒味算突出，有少少檸檬汁加左入去:):):)Cappuccino 一般,唔值加$8蚊，咖啡香氣ok,但無預期咁好飲:):):)整體黎講，呢個lunch set 都係好一般， 主要係環境舒適補救 …查看更多

三多來頭唔細，越開越多，由大埔殺入大圍，總店炸雞批真係好出名，黎到大圍，人氣大減大埔朋友話我知得總店好食，都有心理準備先食啦，一睇menu, 估唔到有咁多小食，以為只賣炸雞批😝😝😝即刻試一隻炸批$30，有分bb辣,小辣，中辣，大辣，叫左隻唔辣試下，唔使10分鐘，熱辣辣炸雞批出爐味道-唔錯，入味，雞肉炸得唔乾，用吉列方法炸份量-雞批好大，啖啖肉，比美心個d大好多注意，雖然有隻手套，但食到周圍都係炸粉…查看更多