飲食小魚的個人專頁

事緣同男朋友想返去飲酒配串燒食，所以揀咗呢一間評價睇落唔錯嘅，結果到咗現場落外賣，叫咗10串，已經成$300港紙，店員收完錢之後已經當我哋冇度，冇同我哋講要等幾耐，等左20分鐘已經覺得唔對路，問店員個串燒仲要幾耐，佢同我講仲要8分鐘，結果再15分鐘之後，都係要我繼續等，三催四請先拎出嚟俾我，結果拎出嚟就去問店員外賣有冇配調味粉，勁冇禮貌咁同我講我哋冇提供呢啲嘢，都已經比左$300 ，點解連調味粉都唔提供？以後唔會再幫襯…查看更多

本人一向都同家人一齊黎食生日飯，質素都保持得唔錯，但今次帶朋友黎食，食物質素完全唔得！首先黎左個羅宋湯，味道不一樣，更濃稠，飲完會口乾，麵包上既時候唔係熱既！失望！之後叫咗兩份七成牛扒，上黎嘅時候係全熟，朋友話唔緊要唔洗換，但個牛扒硬到食唔到，估計廚房係一早整定放咗喺度好耐🤦🏻‍♀️仲要凍哂我就換咗七成，但牛扒質素超差，入面勁多筋，一半以上都係筋同脂肪，越食越嬲，唔會有下次！仲要加左價都換黎咁嘅食物質素，認真失望！！…查看更多