eateateat804的個人專頁

今日返左成日工冇點食過野，非常肚餓，帶埋班friends就入左黎食放題，因爲近地鐵站就腳又諗唔到食咩，其他朋友都成日會黎呢到食。咁我同朋友一黎就係咁嗌刺身先，我地加埋嗌左近超過10樣，同其他放題相比,佢有一個優點係佢冇漏單。跟住我地就嗌燒物。我地嗌左牛舌、炸蠔、炸芝士奶、雞軟骨同埋燒雞脾菇等等。我地覺得雞脾菇係最好食既，大大舊得黎仲鎖到水份！我地加埋食左成8隻😂😂同埋刺身小食甜品種類都好多,可以唔同口味都有得揀。…查看更多

自從食左一之之後就上左癮,一般放題/訪爐選揀都差唔多。但食稻八既特色係佢可以自己整炸物,邊爐料又高質,仲可以加錢食埋刺身,除左呢d主打外,佢仲有大量唔同甜品提供,雪糕方面佢有haagen dazs,movenpack各種選擇。以呢個價錢黎講,朋友聚餐/約會心儀對象黎食,其實都有一個唔錯既氣氛同埋效果。食過一次就會想有第二次,炸物會有面依同埋各種調味粉提供,真係應有盡有。同埋時間如果比較夜,仲有會85折75折幾種優惠,所以夜媽媽想食野真係不失為一個好選擇。…查看更多

本身一直都鍾意食泰國野， 金枕頭真係好多唔同選擇,食極唔厭。加上佢價錢抵食 ，中午時有中午專用餐牌,大約30尾40頭。今時今日其實係好難可以中午搵到同樣嘅價錢同嘅質素。同埋佢啲嘢食真係幾好食,特別係d串燒豬頸肉，蝦餅，高質素過專門食串燒既鋪頭，串燒價錢雖然唔會特別平,但係舟別好食。每晚21:30後會有宵夜時段,可以用比較平既價錢食到冬蔭公湯等既泰式美食,好岩一家大細一齊享受天倫之樂。…查看更多

由好少見Lady m到依家周圍都見到佢既身影,一塊蛋糕大概$70左右。依間鋪主打係食千層蛋糕,如果淨係講味道其他真係唔錯,但係個價錢有d偏貴,因為$70先得一細塊,食完一定會覺得唔夠。同埋今次我叫左個玫瑰味食覺得麻麻地,朋友叫左焦糖味幾好食。如果佢平返d既話,應該更加吸引,但整體黎講都可以一試。另外,lady m蛋糕外觀其實幾靚而且好多種唔同既選擇,幾岩d鍾意打卡po ig, snapchat既朋友仔。…查看更多

吉壽放題既特色係佢好少漏單,同埋選擇多。入面小食有魚翅海折,蟹肉,花膠等等其他地方少見d既食品。而且一出火車站就可以見到佢(食個亦係我會選擇佢既原因之一,因為同朋友返左成日工都唔會周圍走搵野食)。甜品方面,除左一般有既佢都會有.例如係焦糖燉蛋,奶畚同埋葡撻等等。飲品方面,佢居然有清酒提供,而且唔係額外收費。呢樣真係值得加分,其他放題邊爐要飲酒通常都要加錢。除此以外,同朋友慶祝生日,只要達到一定人數,鋪頭會有蛋糕送,而且好好味,一定要試下。…查看更多

同朋友收工慶祝生日,行過大埔新達見到有間新開既牛氣好似幾好味。依間邊爐有唔同plan揀,最平既$150-200已經可以埋單。而且入面選擇很多,例如壽司,日式小食,甜品,火鍋。火鍋更有各種不同湯底選擇,食過昆布,地獄和番茄。其中番茄香味濃郁,齒頰留香。老少皆宜,當中更有乳酪雪糕提供,多吃兩杯已值回票價。而且依間生氣近住火車站,一落車已經可以食。價錢又公道,落單更係加未試過漏單,唔漏單真係幫佢加左好多分。因為一般食放題/邊爐叫親多數黎唔足,但佢做得到,認真抵讚。…查看更多

小豆島價錢公道,比起出面其他大鋪平好多。食一個烏冬/魚生飯都係50-70蚊。今日夜晚帶住成堆朋友唔知食咩好,就帶佢地入左黎食小豆島.發現原來夜晚仲有一人火鍋呢個選擇,而且仲只需要$28一個,真係抵到你唔信。拉麵方便我叫左個海鮮石頭鍋烏冬,因為用石頭鍋裝,所以保溫特別好,keep住食到最好狀態既佢。加上好足料,有蝦有蠔仲有尤魚,太多所以係呢度唔盡錄喇。中午會有套餐揀,包兩舊卷物,加埋個烏冬其實好夠飽,呢個價錢呢個質素真係好難搵到。…查看更多

以前一直對稻香既形象都係貴價質素又一般,但稻香推出左邊爐放題同一蚊雞之後真係令我改觀唔少。首先邊爐放題只係需要一百蚊多d.而且選擇眾多。除左一般有既肥牛,佢仲有平時其他邊爐好少會提供既花膠,仲有手拍青爪炸尤魚等等既小食。雖然有時會有漏單情況,但都好少出現。一蚊雞方面,除左佢平,食落其實都同一般食雞差唔多,比預期表現好,未試過既朋友仔可以一試,包你一試上癮。…查看更多

其實一向都成日食快餐店,但kfc真係效率奇低。明明全部雞都一早整好放入面,之前見kfc出新爆谷雞諗住試下。因為本身都舟別中意食雞,平時都有食開$50/6件雞優惠,但係今次等成十幾廿分鐘先夾到件雞出黎。但只係得兩三個人排緊,唔明點解kfc員工可以咁慢,到催佢果陣,都係膚顯我,話仲未整好。真係好失望。…查看更多

見最近m記又出新包新粉,繼之前出前一丁失望過一次,有諗過到底好唔好再接受挑戰試新野。但諗諗下人一世物一世點都要試下唔同野,最後前幾日就忍唔住去m記叫左個脆洋蔥圈牛仔安格斯。說實話真的沒有特別好吃,跟一般套餐差不了多少。但新推出的雙層芝士漢堡粉真的意外的好吃,帶點,酸味,說落幾香口開胃,認真可以一戰。…查看更多