chingyu的個人專頁

第一次去數碼港，睇完戲就搵地方食晚餐見到呢間餐廳裝修幾好，開揚而且樓底高坐位舒服。週末嘅夜晚都唔迫人，無而排隊。座位寬敞，唔會好似一般日本餐廳咁轉個身都難。侍應生服務好，一入門口已經好笑容。三魚腩，夠厚，口感不錯，新鮮度一般。壽司盛合，多款選擇，凡立貝、海膽、鰻魚我至愛。其他魚、蝦壽司都ok。燒牛扒， 肉質嫩滑，牛味豐富，唔點醬都好正！燒鯖魚，味道ok，唔鯹呢個等候時間最耐，等左45分鐘兩位八百幾蚊都算高價錢，一場入到數碼港可以一試…查看更多

奧海城有新餐廳，同幾位朋友黎湊個熱鬧平日晚餐都好多人，要等2-3張枱裝修好靚，好有西班牙餐廳feel 👍首先叫左tapas 松露蒜茸包松露香味加上脆卜卜蒜茸包，正我最鍾意西班牙乳豬脆皮，肉嫩，一啖一粒，令人好想食多件巴馬火腿配哈密瓜完美配合，瓜好甜中和返火腿咸味炸薯角重點係啲醬，沙律醬加少少特色辣醬炸薯控必食主菜西班牙菜---就唸起西班牙炒飯um....一般，可以試其他慢煮牛肩肉分量十足，大大件牛肩肉，肉厚配上薯茸、菜，一定夠大男人食美食在前，配杯sangria --- perfect!!!肉眼扒，7成熟。肉好林，入口陣陣grill味道。下次會再試！4個人食飽哂，好滿足…查看更多

兩星期前同老公食完，今日帶多兩個朋友黎食，務求試多啲款式。佢平時大排長龍，今次醒目，訂訂位唔使等。溫馨提示：星期五，六，日要預早幾日訂位。如果唔係訂位full哂，要walk in紫薯年糕紫薯迷必點，紫薯味年糕配白汁，年糕入面再包住紫薯蓉，QQ口感唔會流，比起一般韓式新穎。芝士雞翼伴泡菜炒飯芝士拉絲程度值得一讚，濃濃的芝士味包住雞翼黎食，本人唔太好泡菜，而朋友就認為泡菜炒飯正常提子蜜糖炸雞熱辣辣，脆卜卜炸雞唔乾，又juicy 配上提子蜜糖，甜甜地，女生最愛$168 有8舊，雞翼連尖 & 雞鎚，價錢合理甜品揀左紫薯吐司最上面有兩塊紫薯薯片，唔知咩牌子，幾好食。脆軟嘅吐司配上凍冰冰紫薯雪糕食完好滿足下次會再帶多幾個朋友，繼續試，餐牌仲有其他菜式未食過…查看更多

介紹下是日係掌壽司的晚餐先環境舒服, 人唔太多, 乾淨, 員工好友善  盤時令刺身($398)好吸睛 特別是原板馬糞海膽整盤刺身賣相不錯 刺身也好新鮮 最愛金目鲷刺身 口感一流 好鐘意夾少少wasabi 直接放入口試下味 呢個都唔例外一入口唔太’芹’ 滑滑地 最驚喜係佢有啲口感 同其他餐廳的的確有點唔同員工講wasabi係師傅自己整的 唔怪得啦! 唔覺唔覺巳食左一半wasabi lu~~呢兩串冬菇 ($30)望落去乾'真真' 仲要冇sauce~ 但菇不可以貌相 其實係好juicy 落左啲鹽呢燒鹹鹹的 有驚喜 燒冬菇真好值得再食 贊啲壽司都唔錯 我個人比較鐘意櫻花蝦鰻魚玉子卷 ($45) 下次一定會再點可自備酒 掌壽司唔收開瓶費 下次同班朋友一齊黎食時攞支响21一齊開心share…查看更多

難得約班朋友，燒野食就最好不過！大家都住新界區，最近聽朋友講白石唔錯，所以決定去試一試！喺馬鞍山就有shuttle 去白石燒烤場，其實都幾方便！大家正討論食乜好時，見到有得燒乳豬，大家一致認同！豪一豪佢叫埋個十人海鮮餐！白石風景好靚，地方大，真係好適合一班人黎玩！我地都好surprise，竟然每樣食物都係獨立包裝，好少燒烤場咁衛生！連厠所都好乾淨！仲有好鉗提供，真係好方便！職員拎隻乳豬黎，都幾有份量，都重重地！職員都會講解下點燒，仲有教學睇，都唔會唔識燒。燒燒下都會有職員黎問需唔需要幫手，都幾好服務。最後我地都比左職員燒，燒完仲幫我地切好，好方便呀唔洗煩！𡚒乳豬真係好好食，好香而且皮脆！都有好多肉，肉質鮮嫩，正！燒海鮮都不錯，扇貝同蝦都好鮮味！燒烤場有不同調味料，有牛油、鹽等等。配套都唔錯！蝦好大隻而且有膏，真係唔錯！仲要推介一下係香茅雞扒、豬扒！各種扒類都醃得好入味！香茅味好濃，每一啖都充滿香茅味！開頭以為十人餐好似唔夠食，但食到最後真係好飽！仲有d食唔唒。我覺得整體都唔錯，可以encore !! 風景美，食物味道好，環境乾淨！…查看更多

火鍋的湯底一般有雞、豬肚、麻辣。我地揀左魚湯，特別D。新鮮配料，變得米白色，充滿鮮魚湯的味道，有媽咪煲湯感覺手切雪花肥牛 （大）($268), 雪花分佈均勻, 不得了！滾三秒，食，牛味超濃又滑。可以獨吞一碟女仔最緊要點原隻花膠。原隻呀喂~~唔係花膠碎, 絕對真材實料。一食就知堅料，唔會溶晒喺個湯度打邊爐必食響鈴呢度特別在即炸, 第一次試分別係會脆口好多, 又唔會好快林左索晒D湯味, 正!!!另外仲食左幾款海鮮，真。鮮味！D蝦、蜆仲郁架！我地全部讚不絕口！高質素，價錢合理！仲有竹笙又係必試！索哂D魚湯，精華都比佢吸哂！向大家推薦！雖然位置少少唔近，不過地鐡站行去只係5-10分鐘。以佢質素，絕對值得一去再去！…查看更多

媽媽生日想食海鮮，唸下而家興蒸海鮮+火鍋，就搵到呢間騰帽蒸鍋，相當特別。服務員態度好好，有禮貎、有笑容。佢地先將湯料放入鍋中（註明無加水)，有雞腳、木瓜、豬肉、紅棗、乾搖柱。用蒸氣滴漏方法變成湯。蒸食物係一樣一樣蒸，逐樣細嘗1/ 花蛤皇，好好肉，鮮味十足2/ 粉絲大元貝，大大隻元貝，厚肉而唔韌。鮮元貝汁＋蒜香，OMG! 粉絲仲吸收哂D味道，我最愛3/美國蠔，隻隻都好肥美，我本來唔食蠔，但家人一定要我試，因為好正。蠔汁Bi哂出黎，唔腥。4/ 蒸琵琶蝦，店員提介。開邊蒸，方便進食。蝦肉彈牙，清甜。正！5/ 蒸蒜茸勝瓜，只有蒜調下味。食到原汁原味，瓜嘅清甜味，感覺好健康6/ 飲湯！嘩~~ 好好味呀！淡D，因為無落味精！成家人都讚！快D去食!!!…查看更多

朋友之前試過一次話食完之後會上癮，話我一定一定要去試同男朋友去開港島區，佢就特登帶我去試離遠已經見到人龍，都有十個八個喺度排緊隊 店員都好好人、好有禮貌。見到一個女仔做收銀同埋落單，我估佢就係老闆娘，佢笑容滿面，令到啲顧客排隊都排得開心啲男朋友之前食過朱古力雞蛋仔，佢話都好食嘅，不過試過雪糕格仔餅之後就覺得雪糕格仔餅仲好食我哋三個人叫咗一個綠茶格仔餅、一個朱古力格仔餅，  等咗大概十分鐘就有得食啦咬咗一啖，真係好好食，格仔餅夠脆，雪糕又好厚，大啖大啖咬落去好正，同埋雪糕雪到好凍所以無咁快融如果一人食半份，時間啱啱好，食到最後佢都係有少少融，唔會啲雪糕滴到周圍係。如果一人食一份就要食快啲，因為會融小店來講我會推介大家支持呢間，價錢合理又高水準…查看更多

相信好多食客都係因為睇咗雜誌，見佢有＄88甜品buffet所以黎試吓大概100個客人，而放嘢食嘅枱就一眼睇晒，拎嘢食情況又唔算好混亂不過就迫啲甜品款式我都影低，鹹點就有三、四款。甜品我覺得有幾款都好味嘅，例如:麵包布甸、奶凍、橢圓形朱古力。其他就中規中矩，有啲蛋糕好似美心西餅咁。如果想同朋友搵個地方食下野傾吓偈，都係一個好地方。連埋加一大概＄100一個人。支持下本地小本經營餐廳…查看更多

一心諗住食排骨蒸陳村粉，所以黎順德公。坐低點菜阿姐就話冇陳村粉，有啲失望。叫咗個污糟雞、梅菜蒸菜心之後，阿姐就極力推介我哋食魚。其中個朋友就跟左佢出去睇條魚，當我地話ok嘅時候佢就話係六百幾蚊。我哋即時O咗咀，跟住阿姐話已經切咗冇得唔要:(梅菜蒸菜心都幾好食，菜心清甜，又唔會好似啲炒菜咁油污糟雞，味道唔錯，有啲似雲耳蒸雞然後在濃味少少。我哋唔肯定呢條係咩魚，類似鱔，其實味道係好嘅，但係大家都覺得唔值六百幾蚊囉。我哋四個人買咗呢三個餸，然後再叫咗白飯同埋嘢飲，埋單都要成$1200唔飽仲要比咁貴，所以之後都係唔會幫襯。如果要幫襯最好帶啲媽媽級黎，起碼知道乜嘢價錢先合理…查看更多

應該係第四至五次幫襯，都會介紹朋友，因為覺得佢哋啲嘢食都幾正宗。多數都要排隊，但今次就唔使。太好了！今次同男朋友兩個人黎，所以都唔可以點太多嘢食。點左個二人餐，係第一次試呢個餐。腐皮我卷第一次食，外邊脆、裏面熱辣辣。兩個都係迷你版，我自己好鍾意食，但係同男朋友share，只可以一人食到兩三啖，有啲唔夠喉架佢個醬比起其他餐廳嘅特別濃，所以味道都特別與別不同，我地都好鍾意。怪味雞都係第一次試。嗰汁酸酸地又有啲辣味，好開胃，好似其他台灣餐廳都唔覺有呢款菜。成個餐有四樣嘢食，同埋可以揀兩杯嘢飲。二人餐份量就啱啱好，盛惠$213…查看更多

平日夜晚去小南國，七點左右去到唔使排隊用餐時間只有九十分鐘，真係有D趕我地四個人，叫左十樣野因為一碟唔大碟，每人食少少就冇食物整體ok. 推介生煎包。叫左個排骨菜飯，但黎錯雞排菜飯，好在味道好…查看更多