lingling_eatrepo的個人專頁

呢日朋友又帶我去揾食，葡國菜真係特別豐富，次次都食到捧住個肚走。 先上咗個酥皮蘑菇湯，平時好少叫酥皮，太多牛油好邪惡，今次久違食下。個湯本身都好濃好creamy，浸埋個酥皮落去香到爆。 跟住係葡式雜錦海鮮扁麵，啲海鮮好新鮮，啲汁收得比較乾身，令linguine食落清爽d，唔會太濟。 Last but not least係葡式里脊牛扒配太陽蛋，牛扒煎得啱啱好，唔會好鞋又有牛味，太陽蛋個蛋黃太可愛，一唔小心就會穿咁，望住staff上菜個心都離一離，好驚個蛋未到目的地就穿XD…查看更多

呢日去油麻地戲院中心睇戲，附近揾到呢間平平哋超就腳嘅日本嘢，就入去食個quick dinner。Menu都幾多選擇，日本嘢黎講價錢算唔貴。 上枱後明咗點解，份量好少，menu啲相全部係照騙。 我叫咗照燒雞扒鳥冬，menu相show到用砧板上枱，雞扒份量超多咁。實際上到黎得一個小圓碟仔，女仔食都ok geh，男仔應該唔夠。雞扒本身都ok geh，唔鞋，全靠個醬都夠甜，香港地叫做對得住個價錢。反而烏冬個湯幾ok，都係好味嘅MSG。另外個滑蛋雞扒丼，唔知點解係用碟上。（黑人問號）從來丼飯都係用碗上。但anyway，講返雞扒個味道都係還可以，蛋就有相得睇，好安全嘅全熟蛋皮，不過好薄，份量最多就係飯，都ok geh。飲品凍飲個份量唔係茶記嗰種大杯好多，同普通熱飲個size差唔多，加兩蚊都覺得貴咗，去返茶記加夠三蚊有大大杯慢慢飲仲好。…查看更多

澳門遊另一餐揾咗呢間唐吉柯德餐廳，網上聽人介紹話係澳門依家唯一一間同時食到正宗西班牙菜同地道葡葡牙菜的餐廳，好方便🤤最先飲咗個湯暖一暖胃先，青菜湯好清新，加埋有啲淡淡哋嘅香料味，幾特別。炸沙丁魚炸得好透，新鮮炸起好香口，淋埋檸檬汁後超好食。葡式海鮮飯係呢度招牌，啲飯索晒海鮮嘅鮮味，海鮮份量都幾多，加埋個汁幫到提鮮，啲汁都俾唔少，撈飯食幾好食。西班牙炸辣椒，呢個我怕辣唔敢食，朋友話都幾特別，少少辣咁。…查看更多

今晚同班friend去咗間葡國餐廳，諗住試下佢哋嘅招牌菜。首先嗌咗個綜合小食拼盤，一上枱已經好香，樣樣都炸得金黃香脆，仲熱辣辣新鮮炸起🤤跟住係葡式炒牛肉粒，牛肉粒咬落去好juicy，醬汁濃得嚟唔會太膩，有麵包伴碟可以點埋啲醬，無食飯咁heavy主菜葡式烤乳豬，個皮脆到不得了，肉質嫩滑，香口得嚟唔會太油，調味啱啱好最後經典西式海鮮燉飯都好正，大蝦、青口、魷魚樣樣齊，飯粒吸晒海鮮嘅味，味道鮮甜整體嚟講，每樣菜都做得幾地道，價錢算合理，下次會再嚟encore！…查看更多

最近成日都黎呢個商場揾食。今次試呢間日本嘢又係好高質，lunch有七折。坐低staff會送上濕毛巾同熱茶，毛巾超級香🥹 我幾乎想問佢哋用咩柔順劑🫠 茶杯都有特登加個隔熱，好貼心前菜係海膽魷魚，食落滑嫩有咬口，但調味稍咸。元貝蒸蛋調味就好perfect，蒸蛋細膩滑順，加上鮮甜嘅元貝吊味，表面仲有啲四季豆籽，視覺效果清新得黎精緻。之後係三款刺身，第一種係間白魚，師傅建議第一片點柚子蔥酸汁；第二片以紫蘇、wasabi、豉油調味。個人偏好第一隻汁多啲，酸酸哋開胃之餘襯得隻魚好甜。 秋刀魚正值season，佢獨有嘅魚味同薑蔥豉油好夾。北寄貝好爽口，加咗青檸絲double清爽。十勝A4和牛大根煮，牛板腱咬落去感覺每啖都係滿滿嘅膠原蛋白，大根好甜又嫩，啲湯係精華 我幾乎飲晒。天婦羅方面，北海道仙鳳趾的蠔大大隻肉質鮮甜，沾上咖哩鹽後更加惹味蘆筍天婦羅就保持了原有的清脆感，清清哋reset下味蕾。 最後係份量剛好嘅鵝肝飯，香到不得了又唔會太多食到濟。最後甜品有咖啡雪糕，雪到好冰凍，可以慢慢食。…查看更多

行完荃灣donki, 朋友帶路話去食間超高cp值嘅壽司。餐廳門口好日式，擋住外面嘅目光令食客好有私隱，入邊環境有種雅緻的氛圍，不自覺講嘢都輕聲啲。 小食我哋叫咗兩樣，一凍一暖 先上磯煮鮑魚做前菜，師傅刀功唔話得，夾落去先發現切開咗一片片，鮑魚入味又彈牙，好適合用黎喚醒味蕾準備食好嘢 🤤重頭戲我哋叫咗11貫omakase刺身，二百幾蚊咁高質一定有下次🥹最先是膠原鯛，魚脂分佈得宜，師傅話呢隻魚骨膠原含量係普通魚嘅三倍🤩之後三文魚腩通常運轉，三文魚安定嘅好食。油甘魚腩搭配柚子胡椒芥辣，微辣嘅柚子胡椒中和得啱啱好，令魚腩食落一啲油膩感都無。 魷魚配上紫蘇葉絲，煙韌得黎帶啲清爽特別嘅紫蘇味，點少少豉油一流。 帆立貝則係配上了獨特的紫菜醬，紫菜味好濃，配埋清甜厚肉嘅帆立貝好"海嘅味道"。 甜蝦好甜好新鮮，一望就覺漲卜卜好挺身。 銀鱈魚都相當出色，搭配嘅金山寺麵豉非常香濃又唔會太咸，比較温和嘅味道唔會蓋過魚生本身。 秋刀魚刺身我第一次食，唔腥，有種佢獨有嘅魚味，油份應該都唔低但同三文魚嗰種一大舊魚油嘅感覺完全唔同。 三文魚子唔駛講，大大粒好飽滿 豉油都唔點直接送入口，鮮味無得輸。 中拖羅就襯洋蔥醬，比平時食開嘅多咗層次感。 左口魚係用手卷(?)嘅方式上，一大塊燒香咗嘅　左(超) 口(香) 魚(魚) 邊(油)，比起壽司食多幾啖，延長咗享受嘅體驗。 吞拿魚腩卷係個好嘅收尾 最尾再飲返個麪豉湯暖下胃。 茶碗蒸熱辣辣上枱，蛋羹好滑而且調味唔過火，面頭有鮮美嘅三文魚子同蟹肉點綴，清淡之餘更襯托出海裡嘅鮮味。 主食的汁燒銀鱈魚有兩大塊，呢個份量唔話得，銀鱈魚油脂香甜，只有幾條大骨，魚皮煎得金黃酥脆，點埋蛋黃醬，簡直殺死人。…查看更多

朋友帶路話揾到tst有間burger好好食。去到小店地方唔大，堂食要排隊 落單時同靚仔外籍店主傾開，先知佢哋burger走American style路線，份量一定夠食 。而且唔止漢堡扒係自家製，連個包都係自己搓。Owner好堅持唔可以俾淋嘅包客人食，所以包係crispy口感。 漢堡每日限量二百個，和牛得五六十個，我嗰日去本身想試和牛，但太晏所以賣晒 🥹 end up叫咗black truffle burger加cheddar cheese，truffle sauce好濃味，有埋cheddar cheese，burger都好多肉汁超juicy🤌要讚下張包裝紙好高質🤣 食到最尾都唔會滲出黎成手油晒，反而我食到一半唔小心倒咗啲汁出黎🙈 好彩有托盤 無整污糟另外仲叫咗swiss cheese burger，呢個就無truffle咁重口味，swiss cheese同cheddar 相比都無咁咸，比較清新✨ 想食芝士又怕濟嘅話可以揀swiss cheese小食試咗洋蔥圈同雞翼，雞翼好食💖 唔點醬都夠味，微微有啲辣好惹味。洋蔥圈正常，比想像中厚粉少少，趁熱食點個honey mustard醬好味 飲品係睇cashier前個 menu先發現有，幾特別嘅banana milkshake🤤 本身都驚美式嘢會甜到爆，但飲落好滑又唔會太甜，好鍾意😍 出面好多時貪方便儲存會整做冰沙又加好多糖，呢度真係新鮮打仲無額外加糖，久違飲到比較健康嘅milkshake 💛後來睇返網上啲人講先知外籍店主可以講流利國語及英文，我哋嗰日去主要係英文對答～ …查看更多

收工約咗朋友食魚，去到先知原來訂座有八折，星期日叫烤魚仲有半價勁扺(原價+1)。睇飲品時staff話星期日至星期四$99一位任飲生啤，不過我哋都唔想飲酒，就pass咗 唔係好識啲魚，所以我哋問咗邊隻魚少啲骨，staff推薦江團/ 凌波魚，見價錢差唔多我哋叫咗後者，酸菜豆花口味。難得呢間烤魚都有幾多唔辣嘅選擇，e.g.黃金特濃蒜香豆花、老彈酸菜豆花，唔想食魚都有雞煲可以食: 濃湯花膠雞、藥膳花雕醉雞etc. 上到枱條魚勁厚肉，配菜份量唔多，本身有啲失望（十級鍾意食寛粉，索晒湯好好味🥹），但食完之後覺得呢個比例啱了。酸菜好夠味，個湯好濃，偏咸所以都唔敢飲太多。豆腐超級滑，洋蔥煮淋咗好甜，第一次見青瓜連皮都批埋好有趣。兩個女仔食完勁飽，條魚真係好多肉，唔驚食唔飽。 飲品我哋一人一杯，竹蔗茅根無得揀甜度/ 冰，不過見佢都無落冰亦唔會好甜，比較養生嘅。 另外荔枝乳酸爆珠梳打叫咗少甜少冰，甜度啱啱好，有啲酸味　唔係毫無誠意嘅糖水。…查看更多

呢日朋友病咗，我哋就揾咗間粥鋪食，順便清下腸胃。最先上係叉燒腸，腸粉皮算滑，意外地叉燒份量好足，叉燒偏乾但唔會太柴。朋友叫咗狀元及第粥加魚腩，粥底夠綿而且好足料，豬潤大大塊得黎好嫩滑，豬肉同粉腸都煮得啱啱好。魚腩尚算完整，唔會好肥但都有魚味。冬菇仿鮑片滑雞粥就我叫嘅，本身單純見差兩蚊就試埋個仿鮑片，點知一試之下驚為天人，未食過可以咁好食嘅仿鮑片ＱＱＱＱ 大大片好滑又好濃味，合埋眼食你話係鮑魚我真係信，我下次食咩粥都一定要加呢個仿鮑片。雞件上枱時比較生，但因為係生滾粥所以都合理，沈落粥底一陣再食就好啲。幾嫩滑同埋都多肉，唔會骨caam caam。炒米粉睇落比較清淡，炒得乾身，調味其實夠的，味道比佢個賣相好，如果加返少少老抽，增加啲色水應該會靚仔啲XD口痕順便叫埋白糖糕，好食喎唔會酸，鬆軟煙韌唔會過甜，點估到粥鋪都可以食完正餐再補個甜品XD　開開心心又一餐~…查看更多

朋友好介紹，TST揾到呢間格局似係bar crossover 居酒屋嘅餐廳。又難得lunchset都可以食串燒，有齊前菜、沙律、main、甜品etc🤤 仲要default 75折好扺，要排期返黎encore🥹最先係沙律，有好甜嘅蜜瓜同火龍果，仲有車厘茄，加少少醋調味，唔係邪惡嘅沙律醬之後前菜係兩道冷盤，建議食咗黑松露菇菌拌南瓜先，味道較温和warm up下味蕾之後蟹肉蟹子波菜幾清新，蟹肉鮮甜，混咗蟹子落去味道又唔會太咸，無得輸嘅starter🙂‍↕️小食我哋揀咗吉列蠔，炸到好脆，隻蠔都幾大隻，而且一啲都唔腥👀 我平時連蠔仔粥都唔食，呢個我覺得幾好味😹 味噌湯個味道比較有層次，同出面有啲得個咸字嘅好唔同，唯一係海帶太淋了，比較鍾意佢有返啲口感🤏之後係最令人期待的串燒，二人set可以揀八款串燒。雞中翼的皮脆肉嫩，有黑椒吊味加埋雞油好香口鹽燒鯖魚嘅魚油都燒得好香，切法好巧妙咁避開咗大部分魚骨。明太子翠肉瓜搭配新穎，完全唔會過咸得黎好juicy💖辣味雞肉有驚喜，佢個辣似係辣味噌，幾刺激但好食嘅，好彩我哋叫咗凍飲頂得住XD 日本豆腐好香滑，有醬+鰹魚碎 夠味。日本青椒仔的清脆可以refresh味蕾。西班牙黑豚秋葵個比例啱啱好，我平時都麻麻哋秋葵，但呢度揀咗比較細隻嘅秋葵，西班牙黑豚好濃味，balance咗秋葵獨特嘅口感 可以有🤯厚切牛舌夠晒淋，調味一流好惹味😍主食我哋揀咗一凍一熱，明太子醬冷烏冬好吸睛🥳 明太子十級掛麵，夾起個畫面好吸引　烏冬彈牙，醬汁味道亦啱啱好香燒三文魚飯團有驚喜，用炸過嘅紫菜包住飯團，三文魚的香味融晒入米飯度🤌 加埋少少飯素調味，好特別。最後甜品係抹茶大福，表面加少少紅豆蓉，有助消濟。…查看更多

俾我發現ssp嗰間出名食牛舌嘅Gyu Town喺TST開咗間姐妹店, menu都有啲新嘢，呢日即刻衝去試下XD首先係牛舌洋葱湯，調味夠 好好飲，洋葱煲到淋晒好甜，滾熱辣上枱，個人覺得可以凍返少少🤏 方便即時飲😂 隨後上埋薯條，比較粗身保留返薯仔嘅質感，唔會過咸。  鐵板香蔥薄燒牛翼板，staff會幫忙上枱時淋黑椒汁落去，香到呢~😍 落單後staff會主動提供apron，保護客人唔駛彈到成身都係。仲有個貼心位係，牛翼板下面鋪咗大量洋蔥，令燒到通紅嘅鐵板起到保温作用之餘，又唔驚煮到牛肉過熟。牛翼板吸收咗蔥香同洋蔥嘅甜味，配上黑椒汁寧舍惹味，肉質嫩得黎又帶少少嚼勁，好食到不得了，我次次黎都必叫香蔥燒🤌另外升級跟咗個滿溢牛舌筋温泉蛋丼，好多好多肉啱晒牛魔王。牛舌筋煮得好腍，但佢好似係用紅酒汁煮(?) 總之同鐵板揀嘅黑椒汁唔同，食嘅時候感覺有啲唔夾，但溫泉蛋加分！温泉蛋never goes wrong XD 撈飯食口感更加滑🥳另一邊係咖哩飯配美國牛小排同牛舌尖。咖哩以日式標準黎講比較辛口，辣辣哋幾惹味唔食得辣嘅人都啱食。牛小排煎到好香，咬多幾啖牛味出晒黎。牛舌尖好淋身，兩款肉嘅口感完全唔同，撈埋咖哩食都幾夾。SSP嗰邊無咖哩架，試新嘢無伏開心💕…查看更多

今日又出tst 食居酒屋，放工去食下串燒飲下酒抒個壓。 前菜蕃茄沙律，份量唔會太多，一個蕃茄兩個人share啱啱好，蕃茄唔會太酸，配埋少少醋，酸酸甜甜好開胃。 刺身係重點，三文魚都幾厚切　入口即化嘅魚油🤌 赤蝦新鮮 無乜腥味，帶子都幾甜 原條魷魚筒燒得岩岩好，唔會太韌，有淡淡嘅炭香味 略嫌咸咗少少，但送酒就啱 朋友叫咗三得利黑白啤，我都係第一次知會兩種啤咁樣溝埋飲，黑啤嘅濃郁加埋白啤嘅清爽，又意外地幾夾 好順口。我飲咗杯柚子梅酒，唔會太酸，清清甜甜好啱女仔飲。 終於等到有肉食，西班牙夾心肉同豬顎骨肉串都係肉味濃郁，特別係夾心肉啲油脂分佈靚，豬顎骨就啖啖肉，燒得多汁。上等豬脷串比較有嚼口。 再黎係肉卷類，蒜芯豬肉卷同紫蘇豬肉卷，我本身好鍾意紫蘇葉嘅味，少有見到放落串燒，一定要試下，佢仲俾咗個梅子醬，甜甜哋中和咗豬肉嘅油膩感，好食。蒜芯都好香，呢個就似返平時炒菜都會落蒜頭一樣，但蒜芯嘅味道無蒜頭咁搶，食完無咁口臭XD 雞翼串正常發揮，皮燒到香脆，內裏仲有啲肉汁，唔會乾爭爭。 最後係素菜類，牛油果伴芝士，表面嘅芝士有燒過好香；茄子賣相睇落好似有啲dry咁，放入口都幾juicy；日本長蔥好甜，上面仲放咗少少味噌吊味，呢個好好食，再黎嘅話要encore。 食到飽晒後, 甜品係芝士年糕，烤到外脆內軟，上到黎要攤凍少少先食，中心啲芝士太熱會燙口 最後收尾有燒波羅，燒到表面有啲焦糖效果，蓋過咗啲酸味又解膩，算係居酒屋嘅飯後果~ Overall食物都好滿意，一定夠飽唔駛擔心，啤酒飲品都加分，只係呢度空間比較細，牆身應該無做吸音設計，多人飲酒傾計就變咗好嘈，唔like嘈嘅朋友要注意💦…查看更多

最近成日落雨，於是去咗TOP呢間好就腳嘅cafe，地鐵站行過去唔駛經室外，落雨濕濕都唔怕。坐低見1200~2000嘅happy hour叫小食好扺，我哋又唔算餓，就叫咗個set share再加小食最先上枱係煙肉薯仔湯，好creamy 有薯仔令個湯嘅consistency厚啲，唔會水汪汪。唯一可惜係無煙肉粒，口感爭啲，飲到底會發現有啲煙肉碎，可能係想避免令到個湯太油。鮮蝦柚子沙律，蝦肉鮮甜，本身望落以為有啲dry，但食落發覺都有落少少醋，份量啱啱好，夠味又唔會多到成碟係🤌 柚子嘅酸甜中和沙律菜嘅草青味，作為前菜更開胃。之後到兩個小食，唐揚魷魚新鮮炸起熱辣辣，外脆內嫩，配埋少少七味粉點綴嘅蛋黃醬，中和咗炸物嘅油膩感。至於西蘭花馬鈴薯餅，咬開入邊仲見到細細棵相對完整嘅西蘭花仔，保留少少食緊菜嘅口感XD 應該有落少少芝士，食到中間質感比香較滑，唔係齋薯蓉嗰種死實嘅口感。阿根廷青醬封門柳係今晚嘅主角，捧住良心黎講，加錢都值得叫！單係佢切埋俾我已經覺得好貼心，牛味夠濃，佢切開嘅位睇到無煮到好熟，肉質鮮嫩唔會有筋。再講埋青醬，本身以為係意粉嗰種青醬，但食落口有分別，有一絲辣味，點牛食可以吊到個味出黎，好夾　我平時唔食得辣都覺得個辣度接受到，唔係泰式嗰種辣到要揾凍飲嘅辣度。旁邊嘅薯菜都幾特別，係秋葵同翠玉瓜，好juicy好甜，加埋好滑嘅一抹薯蓉，呢個combination簡直完美做完食肉獸，最後係朱古力creme brulee，表面燒到焦脆，上枱時要小心碟仔仲係熱，crème brulee幾滑，甜度唔會過火，作為收尾嘅甜品令人好滿意。…查看更多

自新開就bookmark咗呢間餐廳，今次去終於無喉嚨痛，試到我心心念念嘅咖哩烏冬💖最先上係火炙牛肉壽喜汁沾烏冬，珍貴嘅幾片牛肉燒得好香，表面微焦有調味嘅，放入口後哇一聲，正到唔識形容😂 壽喜燒汁掛麵幾好，烏冬係另外上，比平時食開嘅幼身啲，有啲似蕎麥麵嘅粗幼之後係今日主角薯仔忌廉咖哩烏冬，香港地唔係咁多地方可以用呢個價錢食到好食嘅咖哩烏冬🥹 表面啲cream有奶蓋feel，香滑又creamy，咖哩湯底味道濃郁，有薯仔令個湯嘅濃稠程度啱啱好，烏冬都好有彈性，唯一係啲烏冬比較幼身，我覺得配粗啲嘅烏冬會夾啲😚 入面有牛肉同豬肉，食到最尾先發現啲豬肉原來寶物沉歸底，雖然大大舊但肉質好嫩，唔會好瘦好柴。天婦羅盛合小食份量都可以，有兩隻蝦，茄子同南瓜，蝦尾炸得夠透，可以咬碎食埋， 唯一可惜係無蕃薯。Kirin午後奶茶係支裝，好飲嘅但都幾甜，怕甜人士要注意 😂除咗咖哩烏冬表面有肉球外，呢度連水杯同筷子座都可以搵到肉球嘅蹤影，各種細節都好qq😽…查看更多

呢日同朋友慶生，佢話想鋸扒，揀咗呢間懷舊西餐廳。一入去就被環境吸引，燈光柔和，氣氛好舒服，連bgm都好有味道。dinner set除咗main外，仲包埋湯、甜品同餐飲。落單後好快就上咗蒜蓉包，每人兩塊，外皮鬆脆，裡面鬆軟，牛油份量好夠，夠晒香。我哋兩個都叫咗忌廉湯，但意外地入邊加咗啲豆，唔係一粒粒，係長條嗰種 切成粒粒混咗入去，唔太習慣嘅味道。之後上主菜，法國鵝肝拼肉眼牛扒，配薯菜同蘑菇汁，叫咗五成熟，啲牛味好濃無得輸，上到黎熟度啱啱好，肉質嫩滑，仲有肉汁又唔會un。鵝肝好滑，同個牛扒出奇地夾，配埋蘑菇汁更添風味，佢個汁本身都調得好好味，薯條都係新鮮炸起夠晒熱。之後係脆皮雞脾拼帶子串燒，配天使幼麵同獵人茄汁。擺盤好特別XD 雞脾個皮保留咗少少軟嫩嘅口感，啱晒我，帶子大大隻好鮮甜，無咩沙，天使幼麵吸收咗茄汁嘅味道，食落超有滿足感。本身以為好多carbs會好飽，但一個女仔食下食下又食得晒，份量perfect最後甜品係咖啡燉蛋杯，咖啡味正，唔會過甜，表面仲有啲水果同脆脆，口感更豐富，為嗰日晚餐畫上完美句號。…查看更多