小蜜子的個人專頁

冬天最岩食熱辣辣既野，用魚湯做生招牌既餐廳多不勝數，但真正魚湯而冇味精未必間間都係，今日終於試到真正魚湯味道倉魚煎到剛剛熟，外脆內軟左口魚半煎炸到非常香口，連魚鰭都可以食得兩款魚雖然冇調味，但食落非常鮮味…查看更多

隱秘小店愈來愈好少有，店鋪位置的確難揾，一到就即刻order左芝士牛堡餐，因為實在太多人叫外賣同埋即叫即做，既關係，等左10分鐘終於上台啦啦隊，麵包有烤過所以入口脆卜卜，牛肉漢堡既口感係比較有咬口既一種，唔會成口油林林，但牛味唔算太突出，價錢方面實在太超值了~~~ 套餐另外兩件三角形既薯餅亦都好好味，炸到熱辣辣，食落口完全沒有面粉既感覺，簡直薯味十足呀~~~…查看更多

伙計介紹左我地食一條話係好小骨既烤魽魚，味道就幫我地揀埋係bb麻&小辣，揀bb麻既原因係適合一D想食小小麻味既人, 而且唔會愈滾愈麻, 魽魚肉烤過再滾黎食肉質依然好滑 ，的而且確係好小骨，魚皮仲係好脆口，而碟內既配菜豬皮，蓮藕，薯仔，腐皮等愈滾愈入味，大家記得後期食先好味肥牛又係好正，肉質鮮嫩，滾兩滾就食得，就算唔覺意滾耐左都唔會鞋口，但丸類味道只屬一般，而且一碟雙拼只有6粒，唔抵食…查看更多

湯底好與壞直接影響左一碗麵，叫左碗半肉半筋牛肉麵，牛肉的確係好林唔痴牙，但麵條煮耐左無彈牙既感覺，湯底亦無牛味，我個人唔太喜歡鹽酥雞扒飯，炸得超大的雞扒，但入口完全沒有油膩既感覺，炸粉是煙煙韌韌的，連雞肉一齊食係幾惹味，不知不覺一個人食晒 (圖中是食左一半先記得影相) 酥炸魷魚鬚又係令人食唔停口既一碟小食，但麻辣蓮藕片只有辣味，沒有其他調味，我食左兩片已經唔食啦…查看更多

見到呢間餐廳咁多篇食評都讚既牛肉漢堡包，所以我決定一定要試下，今日午餐叫左澳洲榖牛漢堡包+小薯粒，配凍薑檸檬水 ($52), 牛肉非常juicy，完全冇鞋口既感覺，配合鬆脆既麵包及半溶既芝士，簡直一流~~~…查看更多

我地兩個人叫左半隻蟲草花蒸雞($148) ，一隻龍蝦 ($98) ，一隻象拔蚌仔($78) ，一斤油花甲 ($148) ，叫完之後侍應就話冇啦，係咁多咋，唔叫多幾樣野食，不停推介令到我地覺得有點煩~~~由侍應幫我地放落去蒸同夾上黎比我地，首先食左碟油花甲，一斤大約有16隻左右，有一半都係有沙既，仲要唔係大隻龍蝦不過不失，象拔蚌仔細隻到不得了，蟲草花蒸雞算滑，但應該唔係新鮮雞最後要叫多窩蠔仔粥 ($68) 先覺得飽肚整體黎講，價錢太貴而不值，最後埋單亦冇比返應有既8折我地，要提佢話有折先再改單，種種原因之下已決定唔會再食呢間酒樓…查看更多

窩夫呢排大熱, 不少食店都推出不同款式既窩夫, 但唔係間間都做得到, 今次我叫左一客栗子朱古力窩夫, 栗子蓉甜味適中,朱古力雪糕中規中矩,朱古力窩夫乾到冇朋友:(, 一定要拌雪糕或大量糖漿食先得落糖漿份量太少, 而且溝左水, 所以唔甜同好稀…查看更多

見到門口位有張獎狀話"翡翠水晶八式小籠包"係得獎食品, 係唔使排隊既情況下就入左去試下啦......先黎碟原條燻倉魚 ($60)落order後10秒後即到, 仲以為比錯左我地, 原來係凍食黎嫁,希望餐牌可以註明一下係凍食就好d囉~~~味道甜甜地, 肉質比一般上海店實d翡翠水晶八式小籠包 ($88) , 分別有以下八種味道 :紅色麻辣牛肉 - 麻味唔夠, 辣味又唔夠, 亦食唔出係牛肉經典小籠包 - 還是原始比較好淺黃色鮮蝦 - 少量蝦味口水雞 -又係辣味唔夠啡色鵝肝鮮肉 - 鵝肝???有嗎???綠色蔬菜鮮肉 - 普普通通深黃芝士鮮肉 - 只係淡淡的芝士味黑色黑松露 - 心裡一早明白呢個價錢, 冇理由食到黑松露, 其實可以叫菇味小籠包 中間圓形個件係奶皇, 皮薄內餡好多, 味道唔太濃, 可以中和以上8件咸食整體黎講, 都係原味比較好, 其他味道只能話係創意之作~~~…查看更多

因為落雨既關係, 門口竟然唔使排隊,平時見到十幾人係度都唔已經唔想等,今次難得有機會, 終於可以試下啦~~~我係朱古力精, 所以order左一杯黑色情迷(朱古力)$48,其實係一杯乳酪, 中間有可可米, 但因為杯底空間比較窄,所以一定要食左上面d乳酪先可能混合到可可米一齊食,酸味味既乳酪同朱古力好似有d唔夾, 下次都係會配返雪糕 朋友就order左和風物語(綠茶)$48,  因為紅豆有少少熱既關係, 所以杯乳酪溶得比較快, 紅豆對我個人黎講有點甜, 適合配杯底既小湯丸一齊食…查看更多

係新城市食晚飯, 等一兩個仲係好正常既事,呢間仲要係去到門口先拎飛仔,不過好彩有個apps可以預先book位,我先有幸可以食到~~~呢間既意粉焗飯已經食過啦,所以今次叫左一客加拿大牛柳 ($154),七成熟, 略嫌熟得滯有點鞋, 建議大家可食生d,牛味都尚算濃郁, 應該冇用梳打粉醃製,醬汁規定係日本甜醬油, 但感覺有點格格不入…查看更多

去到先知道原來係冇位坐嫁, 一定要外賣, 不過好彩對出有位可以企係食,5點幾都已經咁多人等緊啦~~~紅油抄手$24／20隻可辣可不辣, 而辣度有分大中小, 落單時記得同伙記講清楚,開頭仲以為係乾撈, 估唔到係有湯既,細細粒既雲吞, 饀料雖然唔多, 但仍然食到係碎豬肉,配湯食簡直係一粒接一粒停唔到口,就算大家企係度流晒汗都係咁食食食食食呀~~~ …查看更多

收到此店既開張優惠, 首20件為$10/4件, 價錢咁平, 當然要去試下啦~~~離遠已經見到有十幾人排緊隊, 冇辦法啦, 因為呢區唔係好多此類型既店舖,所以新開有咁既情況係好事黎既~~~唯有慢慢排啦.....店舖既地方不大, L型食物櫃已放滿食物,可惜壽司既選擇不多, 比起X鮮還要少,三文魚,吞拿魚等等魚類都好新鮮好肥美,而有紫菜夾住既軍艦, 紫菜依然保持到脆口既,蟹腳亦不錯, 起碼唔會有蟹柳既感覺,有機會都會再去買返屋企食呀~~~…查看更多

睇左食評都知道呢間餐廳係食飯時間一定要排隊等位,所以我就揀左d冇咩人既時間黎食, 果然一入即時可以坐低order花蓮鹽水雞餐($46)鹽水雞味道唔錯, 肉質都幾滑, 只係雞胸有點鞋魯肉飯既豬肉肥瘦適中, 味道雖然偏咸少少, 但送飯一流烚菜亦會配上少量魯肉, 唔怕冇味啦~~~XXXX擔擔麵 (唔好意思, 唔記得左個名)湯底係非常濃郁既花生味, 係齒頰留香個種, 配料有半隻鹵水蛋, 唔太肥既鹵水豬大腸, 鹵水豆腐, 全部都好入味~~~…查看更多

小食拼盤 ($69)三個醬分別係冇味忌廉醬、黃色沙津醬及白色沙津醬,薯條加上芝士及煙肉焗一焗, 熱辣辣上枱,雞翼及魷魚都冇用調材料, 新鮮原味亦不俗凱撒沙津 ($55)新鮮生菜、脆麵包糠及巴馬臣芝士配上味道適中既凱撒沙津醬,好難會唔好食~~~魷魚墨魚面 ($98)數量不少既彈牙魷魚, 而墨魚面就冇乜墨魚汁味,黑色只是視覺上既效果心太軟(FREE)因為經網上訂位可以免費送甜品, 不過要提醒侍應先會比你,用鐵板上既心太軟加上雲呢拿雪糕, 完美既組合, 整體不會太甜 …查看更多

香煎芝麻蔥餅($45) 餐牌上的相片同實物完全唔同樣, 如果知道實物係咁既樣, 我一定唔會叫, 因為間間都係咁既味道, 冇乜特別. 香脆既外表, 少量既蔥段, 一人只可以食到2件左右, 因為好明顯唔係香煎, 係炸既, 所以食得多會好滯雪菜肉絲炒年糕($58)味道清淡不油膩, 配豆瓣醬一流翔龍擔擔面 ($38) - 可選擇辣與不辣, 只有淡淡既花生味同辣味四季窩貼4件($32) - 煎得好脆口, 豬肉半肥瘦適中上海春卷3件($28) - 餡料好似冇肉既, 因為入面d金菇同菜出水, 所以食落口一pat野咁…查看更多