Eeunice的個人專頁

80‘s就係反叛唔聽話？睇呢間餐廳既食物，絕對係！平時都係hea好耐先捨得打食評，但呢個反叛配搭真係令我硬曬…..d手指😂😂忍唔住要即刻俾個like 佢✅一班港女去到cafe又想食窩夫🧇又想食炸雞🍗又要打卡📷，呢度一次滿足曬你n個願望！無錯！🍗🧇炸雞窩夫🧇🍗你聽過未？話聽過你一定係呃我！👊🏼下午茶炸雞窩夫+Dirty $100有找但係視覺味覺都好滿足，又唔會太飽食唔落夜晚，炸雞配窩夫個口味好特別又唔會好奇怪，唯一係窩夫唔夠熱，d楓糖漿鯨左一舊扣d分🤌🏼杯Dirty都係水準之上😍仲有好多特色咖啡☕️可以下次再試下佢又幾反叛😏😏…查看更多

行完isquare喺附近搵嘢食，見到呢間專食泰國船麵嘅舖頭都幾光鮮，一入門口店員都好有禮貌邀請我哋隨便坐，仲順手幫我哋將啲餐具放入熱水度浸😂😂佢哋嘅麵湯底、麵款同埋配料都可以自由配搭今次我哋揀咗：船湯肥牛湯飯🥓🥓🥓船湯卜卜蜆薯粉🦪🦪🦪蜆大大隻都有五六隻咁多，加埋薯粉好索汁好好味😋湯飯就直情可以連埋啲湯一齊飲，一樣咁出色😋😋佢個腐乳醬係自家製，辣辣地都幾惹味，不過略嫌鹹咗少少🥗🥗…查看更多

越南菜真係食極都唔厭，今次搵到呢間旺角樓上越南菜，一入場已經俾佢嘅墨綠色裝修吸引住，特別得來又唔會太沉氣🤟🏻🤟🏻🤟🏻shake shake雞軟骨🐔🐔 $52佢好似shake shake薯條咁自己落調味料係個紙袋度，再倒出嚟係個碟度一大碟，咁樣食雞軟骨真係第一次，仲有淡淡的香茅味，認真好味過食薯條😍😍扎肉沙律🥗🥗$48佢並唔係一般嘅扎肉沙律，撈左個酸酸甜甜嘅醬汁好特別，入邊有生菜、芽菜、蘿蔔再撈啲炸蒜，意料之外地好好食，亦都好開胃🤪🤪🤪招牌金邊粉🐮🐮$88鍾意食so牛肉嘅朋友一定要嗌呢個，有肥牛片有牛丸，個湯底都好濃郁烤雞配青蘋果條🐔🍏$88雞肉稍為老咗少少，好彩有蘋果條中和返熱微藻檸檬薑茶☕️☕️$28想飲熱野所以帶咗呢杯薑茶，估唔到上枱係藍色好夢幻，飲完成個人暖曬☺️☺️…查看更多

放假過嚟行吓觀塘新商場，見到呢間餐廳裝修好光鮮，一於試試佢🥗🥗意式三文魚沙律 💰98估唔到三文魚都好大塊好有咬口，個醬汁都酸酸地好開胃，前菜不二之選👍🏻🍗🍟🐟小食拼盤 💰108拼盤有炸雞翼、炸魷魚圈、炸魚同炸薯條，每樣野都揸得好香口，傾偈慢慢食就最適合👍🏻👍🏻🐷🐷🐷極品黑毛豬叉燒💰138個叉燒網絡同普通叉燒唔一樣，但咬落口就知係好淋身好Juicy，應該呢隻🐷都做唔少運動😂😂不過唔算好抵食，配白飯應該要另外加錢🍚…查看更多

今晚想食得經濟少少，但喺銅鑼灣要搵一間性價比高嘅餐廳真係唔容易，但都竟然比我搵到一間食豬嘅專門店，即刻試試佢🤟🏻🤟🏻一上枱真係俾佢塊豬扒既size嚇到呆左，超！級！大！塊！我哋仲要兩個人有兩塊大個面嘅豬扒，仲要每一舊都係好有厚度，佢嘅份量絕對係窮人恩物！而豬扒都唔會太鞋，蔥油同大阪燒柴魚絲嘅份量都係毫不留手！最後食到要捧住個肚走！大滿足！大食男自己食一份一定食到飽😱😱小食女就建議share食一份或者叫粉麵會好d啦🤪🤪🤪…查看更多

埃華街出名多嘢食，不過隔左一段時間再嚟已經有好多餐廳改頭換面，呢間日本菜都係係朋友介紹之下初嘗試🍣🍣🍣食物種類算係幾多：一本厚Menu+刺身/壽司套餐+牆上一塊大板寫咗料理長推介食物🍣🍱🥃而好多食物都係好特別，忍唔住都嗌黎試吓佢🤪🤪🤪🍽🍽🍽🍽🍽🍽🍽最私心推介係🥭🥭芒果三文魚天婦羅卷🌯🌯中式點心有炸兩，日式就必定係呢個天婦羅卷，口感同平時食開嘅壽司卷好唔同，外層炸皮脆卜卜，咬落入面係好香嘅芒果同埋壽司飯，成個口感好豐富，所有嘢都好夾ahhhhhh😍🤤😍🤤⬇️另外一樣好特別嘅係🧀🧀忌廉芝士梅水晶🧊🧊其實佢係鯊魚骨，咬落去眼眼地幾爽口，的確係送酒一流，值得一試👍🏻👍🏻👍🏻…查看更多

天氣凍冰冰最啱就係食煲仔飯🥘友人介紹呢間煲仔飯以前好出名排晒長龍，依家可能係疫情關係所以唔使等位就可以食啦！🍽我哋試咗經典嘅排骨臘腸煲仔飯🥘🥘💰68但係排骨嘅份量相對比較少，要起碼兩三啖飯先可以食一舊排骨，滿足唔到我嘅視覺同埋慾望…最重點係！點解煲仔飯可以冇飯焦😱😱😱唔知係師傅今次失手定係呢間煲仔飯嘅特色，但個人就真係有少少失望🤔🤔⬇️雜菜粉絲豆腐煲🍲🍲🍲💰65上枱真係煲湯咁大個煲，入邊有白菜、生菜、粉絲同埋少量豆腐、冬菇，個份量真係好誇張，同埋個湯底清清地都係幾好飲既！⬇️隔離有間食牛雜嘅都好出名，好多人都會等緊食煲仔飯嘅時候喺隔離食咗個牛雜前菜先，咁樣時間就啱啱好啦！⬇️然後去隔兩條街嘅佳佳甜品食返個中式糖水，大滿足！…查看更多

平時返工匆匆忙忙，放假總係想去啲郊外地方吹下寧靜嘅海風（雖然而家郊外都好多人🤷🏻‍♀️）今次一行六人嚟到東平洲，貪佢多嘢食又多嘢睇！🤪🤪———————-呢間新昌士多算係島上幾出名嘅一間餐廳，淨係星期六日先開，仲要啲食物係手快有手慢就冇，今次選擇行完山先至過嚟食嘢，原本想嗌佢嘅套餐都已經冇晒，咁今次唯有試吓佢散叫嘅食物！🤩🤩———————-🤍🤍🤍椒鹽炸豆腐 🤍🤍🤍💰881口size炸豆腐，皮薄豆腐滑，你一粒我一粒好快就已經清左碟😂😂😂⬇️🥬🥦🫑蒜蓉炒雜菜🫑🥦🥬💰60成碟野有四五款蔬菜，驚喜嘅係有紫椰菜💜上面在耍啲炸蒜超級香，雖然佢只係一碟蔬菜都完全無hea煮👍🏻👍🏻⬇️🐟🐟🐟椒鹽白飯魚 🐟🐟🐟💰98一試冇回頭嘅椒鹽魷魚so冇晒，今次就試吓佢嘅椒鹽白飯魚，一樣係10分出色，點黑醋食又係另一番味道，唔使送啤酒，吹住海風食白飯魚都係一大享受😍😍😍⬇️🍚🍚🍚帶子炒飯 🍚🍚🍚💰128每次必叫嘅炒飯，帶子份量真係唔少，炒飯粒粒分明，風味十足，好多人推介海膽炒飯，或者下次可以試吓👍🏻⬇️🍨🍨🍨山水豆腐花 🍨🍨🍨💰13甜品不可缺少，黃糖任加，豆腐花滑身有豆味，食完呢一餐就完聖🤟🏻🤟🏻🤟🏻⬇️🍹檸檬菠蘿冰+🍹椰汁啫喱涼粉冰 💰24@菠蘿同涼粉都好足料，抵飲又解渴💃🏻…查看更多

新蒲崗真係好多隱世美食今次試下呢間泰國平價美食💆🏻‍♀️💆🏻‍♀️💆🏻‍♀️手機落單好方便，鍾意揀幾耐都冇人催你粉麵同埋海南雞飯都可以有大細size選擇啱晒細食嘅女仔或者叫係size可以試多啲唔同嘢😋😋😋🥓🥓🥓牛肉船金邊粉🍜🍜🍜估唔到$50唔使既一碗麵咁大碗咁豐富😍😍有肥牛片、牛丸、炸豬皮、蘿蔔、芽菜……全部配料都好好味一碗麵就已經咁滿足不！得！了！❤️🧡❤️🧡❤️🍖🍖🍖泰國山豬肉🍖🍖🍖見到個名幾得意估唔到舊豬肉林到入口即溶唔通呢隻豬鍾意通山跑所以啲肉都唔同啲？😂點埋個泰式醬真係世界級😋😋😋😋😋🍹🍹🍹特飲Toffee Apple🍹🍹🍹落咗青檸所以酸酸甜甜加埋啲酒精同d食物好夾值得一試💃🏻💃🏻💃🏻💃🏻💃🏻五樣嘢埋單都係$200左右仲可以儲印仔下次換小食食物質素keep到泰國風味仲要係水準之上已經mark定日子下次再嚟食🤟🏻🤟🏻🤟🏻🤟🏻🤟🏻…查看更多

尋找「金黃大餃子」🥟最近周圍都開多左好多餃子店，啱曬我口味，等我一一去試曬佢啦😋😋😋今次去工廈尋寶，俾呢間特色餃子吸引左過黎睇下👍🏻👍🏻白菜豬肉 拼 韭菜豬肉餃 配讚岐烏冬豬肉湯🍜🥟🥟🥟🥟🥟🥟餃子真係好大隻每一隻要分開兩至三啖先食到湯底都算係幾濃郁👍🏻👍🏻泡菜豚肉 拼 咖喱豚肉餃 配南瓜濃湯🍜🥟🥟🥟🥟🥟🥟特色又唔算話好特色泡菜同咖喱味道唔太出同埋餃子餡太過實餃子皮好薄但好淋南瓜湯底keep到都係好濃郁值得一試👍🏻👍🏻👍🏻小食&飲品明太子雞翼🍗烤雞肉串🍢玫瑰荔枝冷泡茶🥤小食整體都幾好味慢慢傾住計食住小食都好舒服😋…查看更多

估唔到第一次食已經係最後一次😢😢😢😢😢😢😢😢路過屯門睇下搵下有咩嘢食，見到呢間餐廳話最後2日營業，2022就要👋👋，雖然lunch食扒有點而過份，但都係忍唔住要試下😋😋😋😋😋😋😋😋一入門口睇得出間鋪頭好有心機去裝修，有各式掛畫，有手寫餐牌，好warm好舒服☺️☺️☺️☺️☺️☺️☺️☺️坐左一陣就有嘢食laaaaaaaa～🐟🍜🍽🍽🍽🍽🍽🍽🍽🍽🐟🐟🐟特大蒲燒鰻魚烏冬🐟🐟🐟一上枱 塊鰻魚真係大過塊面湯底係濃郁嘅豬骨湯估唔到豬骨同鰻魚又夾到做朋友🤝烏冬真係稻庭烏冬好彈牙好入味🥩🥩🥩岩石燒西冷牛扒 配珍珠白飯🥩🥩🥩牛扒上枱自己切自己燒鐘意燒幾多成都自己控制自己話事好得意～～～牛扒質素都係高質，呢個價錢完全無得彈😋😋🍻🍻🍻🍻🍻🍻🍻🍻🍻之後同老闆娘傾偈先知老闆逆市加租好難頂而期間都見到好多熟客過嚟話唔捨得證明食物味道同老闆態度都係優質🈵期待之後「石岩2.0」再見後會有期👋👋👋👋👋👋…查看更多

之前食過幾次呢間扒都係不得了咁高汁！今次唔想食咁full同有少少趕時間，所以試下佢個「是日午餐精選」紅湯較為出色，每一啖都可以有蔬菜🥬，證明係足料去煲既，個🍞都係暖住上，keep到舊式扒房既標準！香煎豬扒配薯菜🥬$56唔係講笑，以呢個價錢黎講個豬扒係幾大塊同埋幾彈牙兼好有肉味，係個薯條🍟林左失色左少少香煎薄西冷牛扒配意粉🍝$62始終同無塊鐵板上果d係差些少㗎啦！但呢個價錢真係不錯不錯，煎得啱啱好唔會老/生，快食之選確實不錯！…查看更多

之前久不久北上都會必食酸菜魚，宜家係香港食，廚十三都算係幾出名食🐟🐟🐟🐟涼菜-手撕雞🌶️$98好香麻油同麻椒味，會忍唔住一啖又一啖咁食曬我地叫左2人份酸菜魚$300追加萵筍片$28 寬粉$28個🐟係滑到不得了！入口即融化～🐟份量都唔小，入面仲有好多其他配料，豆腐、金針菇、蓮藕芽菜等，食到最後都真係好full下，同埋佢酸菜超多，所以keep住個酸味都好開胃！最後食到我地出曬汗，叫左罐王老吉解解辣！完美配搭！…查看更多

經友人努力不懈咁樣book位，終於book到想食好耐嘅安平燒肉放題🍗🍖🥩🥩🍢🍗🍖🥩🥓🍢晚市有四種放題套餐可供自由選擇，我地今次揀左「SRF極黑牛120分鐘吃到飽」每位$348+20再+1套餐有74款食物任食唔嬲！包括🐂🐷🐔🦞類、台灣地道小食、多款飲品等等，一定食到你飽住個肚走😍😍😍肉類有幾好食大家都介紹過啦，book得呢間放題既人一定都係食肉👾，所以我唔講咁多啦！我比較欣賞佢既前菜、台灣小食🍡同蔬菜🥬前菜真係唔係hea係好特色既😋黃金涼瓜🥒鹽酥雞🐔甜不辣🥔❤️‍🔥必試小食-台灣小枕頭（麻薯）❤️‍🔥上台一塊擦子膠咁，跟住燒燒下佢會突然漲大，真係似個枕頭咁樣🤣🤣🤣🤣好！得！意！我地試左幾個食法😂😂😂😂第一，燒一陣一漲大就食，個口感煙煙銀銀好得意～第二建議慢火燒到兩面脆面，脆卜卜又係另一口感！第三，我地試左除左點佢附上煉奶，之後再加雪糕，冰火三重天🔥🧊不得了！最後我地encore左4次🙈🙈🙈仲有仲有，唔知係咪真係台灣嘢，連d服務態度都好「台灣」咁好有禮貌，後段得返最後15mins我地問下仲會唔會refill🍍，佢即刻話廚房準備緊，真係不得了！…查看更多

🍜🍜🍜🍜🍜🍜🍜🍜🍜小窩米線+麻辣腩肉 *走米線轉芽菜底———————————————雖然淨係好隨便咁影咗一張相，但真係忍唔住要寫返個正評去大力支持下佢！好多時候食酸辣米線都係為咗佢個湯底，次次食米線一啖米線一啖湯…再一啖米線一啖湯….跟住忍唔住一啖又一啖🤤🤤搞到次次食米線都食到好飽….————今次呢間米線鋪，其實由中學時期食土瓜灣舖送嘅外賣，到10年後多數去旺角舖食，個酸辣米線都係好食到啱啱好👍🏻👍🏻👍🏻酸有酸度 辣有辣度😋😋——————-最近一次去發現佢改咗少少名，原本嚇死以為佢轉左手，好彩只係風水改名轉下運喔（聽聞🤣🤣）佢再轉左QR code落單好方便又可以減少人手出錯，跟住我發現佢可以走米線轉芽菜底🥗🥗🥗🥗🥗🥗🥗🥗🥗🥗🥗🥗🥗🥗🥗OMG!!!!!!一定試試佢！點知一試就愛上！食住芽菜底一D罪咎感都無！一啖芽菜一啖湯係！無！敵！超！級！好！味！同match！今次我淨係加左佢既招牌麻辣腩肉，但係腩肉味道保持水準，個湯底走辣但撈咗少少麻辣汁，酸辣度啱啱好！———————————-最後，成碗食晒！但係唔會飽到要捧住個肚走，我會形容為：味覺視覺都非常滿足，而肚皮唔會有負擔既滿足❤️🧡💛p.s 一路打食評一路諗起個酸辣湯底都不停吞口水————————————————-🙈🙈🙈最最後出賣自己同埋呢間舖頭嘅老老老老臣子，經過咁多年+戴住口罩，一入門口佢都即刻一句「呀妹，想坐邊呀？」呢啲人情味撈埋落碗米線度，真係唔俾10個讚佢都搞唔掂！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻各位戒澱粉嘅朋友記住去呢間米線鋪食佢個芽菜底！真心好食又唔邪惡😈！…查看更多