JELLY WU的個人專頁

太好喇! 又多一間台式飲品店!:) 位置仲比較方便. 店員服務都幾好.推介: 濃香珍珠奶茶, 真係名不虛傳, 茶味夠濃唔會淡如水! :)要揀大珍珠, 細珍珠冇咁好口感!亦試過譜通的珍珠奶茶, 冇咁濃, 味道較淡, :(所以記得要揀濃香珍珠奶茶呀!…查看更多

因為鄰近工作地點, 所以經常惠顧!最愛招牌云吞, 好大粒, 入面啲蝦好大隻呀!仲有牛肉米及炸醬麵都好美味呢!:)每次都唔過廿蚊就食到飽飽!…查看更多

見到大埔有連鎖珍珠奶茶店開好開心, 於是同班朋友仔一齊買嚟飲, 我哋買咗: 1杯珍珠奶茶, 1杯香芋奶茶加珍珠, 1杯仙草奶凍, 1杯奶蓋綠茶冰及甜味全部都係揀正常的, 大家飲完之後都發覺茶味唔夠濃, 香芋味好淡, 奶茶似奶水, 即係連奶都唔多夠....好失望呢!:(以為比起其他賣$5杯的好飲多啦, 因為平均都要$12-$14杯, 點知水準一般, 只比$5杯好啲啲, 以十幾蚊杯來說, 不值!祈望會有改進啦! 我都好想飲到好飲的珍珠奶茶!…查看更多

每次去深水埗一定會去買杯飲, 好飲過仙X岩及仙X林, 價錢又抵!男友至愛北海道黑磚奶茶, 好香北海道奶味, 黑磚甜甜滑滑好有咬感, 有別於港式奶茶, 本人較愛飲台式奶茶!柑桔蜂蜜, 飲得出真材實料用蜂蜜沖唔係加糖水, 不過用多咗蜂蜜見意少甜. 都唔錯!我買咗杯蜂蜜綠茶俾朋友仔, 但原來佢一向都唔飲蜂蜜綠茶, 見我買咗就飲吓啦, 飲咗後佢問我係邊度買? 佢話都好飲!最欣賞呢間啲飲品全人手調及真正用茶泡! 不過就真係較甜, 似足台灣口味, 香港人買一定要講少甜, 就完美!…查看更多

客飯夠經濟包2碗飯及湯都係三十多啲.但唔係樣樣都好食, 要識叫.:bowl 推介有: 回窩肉, 炒鱔糊, 獅子頭, 上海粗炒, 豆沙碢餅(唔會好甜, 皮夠薄, 一定要試)千祈咪叫小龍包, 皮穿又好粉!值得稱讚上菜好快手, 服務態度親切!…查看更多

同舊時一樣服務態度超差, 特別係櫃台收銀的阿姐!銀碼少啲都好似唔願望你黑口黑面! 又惡到死!唉...真係貼錢買難受!食物同一般普通茶餐廳冇分別, 價錢仲比較貴!…查看更多

叫咗碟象拔蚌壽司, 一食落口臭的, 跟住同侍應講, 佢就入廚房睇吓之後出嚟同我講話係新鮮剛剛運到, 我咪叫佢自己試吓囉! 之後就叫我揀過其他. 叫咗碟牡丹蝦壽司幅圖明明有兩件但嚟到只得一件, 侍應話本目錄只供參考喎! 離譜! 去隔離御八築地食仲好冇收加一又新鮮!…查看更多

比起旺角係差一點但都算好食, 可能因為店舖位置不太就腳, 人流不多而食物流量不夠快關係令質素差一點.…查看更多

今晚同朋友一行四人去食, 已經是第二次光顧. 同上次一樣每人都叫咗杯沙冰, 芒果, 棷汁, 提子(去核)及菠蘿(咸咸哋)味, 用新鮮生果做抵飲! 食咗串燒雞翼, 墨魚丸, 豬頸肉, 牛肉, 腎都幾好. 咖哩蝦啲咖哩汁(唔辣)好味蝦都新鮮. 馬拉戔炒通菜就普通. 蝦醬炒飯好香好夠味炒得夠乾身. 最正係三味側魚好大條價錢係時價, 今次$108 條魚好入味, 煎得夠脆, 沾上三味汁(酸甜辣)正! 不過條魚要早啲落單因製作需時. …查看更多

之前聽朋友講話呢間酒店啲BUFFET都唔錯, 咁昨晚就同朋友去試吓啦. 環境都OK. 首先食冷盤, 想食沙拉, 行埋去睇啲沙拉怪怪的都係冇食, 長腳蟹比較咸, 魚生都幾新鮮但只得3款(三文魚, 八爪魚及吞拿魚), 壽司好少人食所以擺得久唔好食又只得幾款. 至於熟食, 竹筒飯好食, 幾欣賞海南雞(去骨), 個中式蒸比目魚比較差冇味, 應該煎或燒比目魚就好食唔知點解用蒸! 其他食物及甜品就一般. 雪糕食落覺得雪咗好耐!…查看更多