星球大戰的個人專頁

今朝去天后做嘢，時間未到就去大家樂食個早餐，我order左個纽纹粉配炒蛋，另外自己加左個雞扒及煎蛋。纽纹粉味道唔錯，炒蛋粉量多，反蛋唔會燶，雞扒煎得啱啱好，配埋醬汁食完全食唔到雪味…查看更多

好少日本餐廳做埋早餐，呢間日本餐廳都算特別，我叫左個雞絲－丁,－丁唔太腍配埋雞絲味道唔錯,唔會太鹹,另外佢地有玄米茶飲,可以消脂消滞,其實佢地裝修唔错,下次可試埋佢地Ｄ放題…查看更多

私房菜迷人之處在於佢地私隱度高，適合三五之己短聚一番，又唔怕被其他人騷擾到，且可嘗到特色美食，一舉多得。上星期我地就book左銅鑼灣嘅“Secretland”，但需要提早兩至三日，等佢地可以用合時令嘅食材，設計一下菜單，有D似日菜嘅Omakase.當日菜式有:南瓜湯………裡面有D南瓜蓉，非常有南瓜香，又唔會太濃，恰到好處。蝦多士……好脆口，且好有蝦味，啖啖口感。木魚絲鴨胸意粉……木魚絲係日本菜經常會見到，無稔過加係意粉，效果都唔錯，而鴨胸肉好軟腍，鸭味好香，水準之作。杏仁綠茶布甸……绿茶味濃左D，可能綠茶粉多左少少，但都ok,布甸就好滑，杏仁味唔會太重，整體唔錯。當晚大家歡聚左一個愉快嘅晚上，有一個私人地方，氣氛燈光好柔和，大家都感觉好relax,再加上美食當前,一邊傾一邊食不過有時候個别菜式,烹調需時,但都ok嘅可以接受，下一次聚會大家都约好再黎"Secretland"…查看更多

我同我D Friend最迷韓星，所以上星期就同佢去左尖沙咀金巴利道嘅“石牆道”。南瓜牛肋骨…………南瓜好軟稔，牛肋骨炆得好入味，牛味好濃，唔韌，八成熟，啱啱好。酱油蟹韓食必食，完全唔會有腥味，且好鲜甜，配埋紫菜飯，就真係是perfect。餐廳整體水準不俗,評分…查看更多

朋友推介我去位於銅鑼灣谢斐道嘅“昭和食堂”，本着大無畏精神，前兩日就去試過。鹽燒雞皮……起初食都怕雞皮好肥，但食落卻别有風味，好爽同好有口感，唔會肥腻，宜家先知雞皮咁好食鹽燒深海池魚頭……好脆，鹽燒好香，呢種食法都必有一番風味。燒雞掌心………爽口，好有嚼頭，燒得好香宮崎A5和牛西冷………A5唔使講都知好食，唔韌好有牛味，啖啖享受。清酒煮蜆………好新鲜，無沙，幾好食。餐廳整體水準唔錯，色香味俱備，但離地鐵站遠左少少，但都值得一試。…查看更多