viannau的個人專頁

今日中午經過入左黎食lunch，叫左個無骨海南雞飯($32)真係好抵食😋第一次黎，唔知道份量，所以冇額外加雞/飯。個飯黎到，個飯底好大，雞既份量亦唔小，有兩片青瓜......面頭淋左啲豉油，另外再有碟泰式醬同薑蓉。雞都算滑，但齋食冇咩味，加埋啲醬食就好味喇......…查看更多

自從男朋友帶我黎過一次食吉列牛後就從此愛上，成日都心思思想食，每次諗唔到食咩都會黎依到......😋基本上次次都係嗌吉列牛（$98），因為覺得佢比牛肋肉特別，同埋自己鐘意食炸野.....石板燒上面會有舊牛脂肪比你起爐，但舊脂肪好似有啲細😂每次食到一半以經冇晒，要靠牛肉半身出油，所以食到尾有機會痴底......吉列牛個皮好脆，亦夠牛味，生熟成度可以自己控制，自己加鹽和醬汁👍再比（$12）要多個白飯，真係好好味😋每次食完都覺得唔夠喉…查看更多

屋企人話想食越南野，所以黎左越北.....自己叫左個「豬頸肉湯河」，豬頸肉係另上既，唔會太肥或過瘦，味道不錯......湯河跟埋一兜辣椒同青檸，加埋落去一齊食都唔算太有味，但整體黎講唔係差既.....下次可以再試下佢啲小食，見隔離枱叫左幾款，賣相都唔錯咁！…查看更多

最鐘意同朋友黎beans食下午茶，因為坐得舒服，傾計hea下一流.......每次下午茶餐都會嗌「焦糖單骨雞翼配薯條」，除左好食之外，貪佢份量岩岩好，食完唔會太飽，可以再去食晚飯😂雞翼痴滿蜜糖，再加小小黑椒，好食😋薯條同沙律菜就普單正常味道跟餐可以揀一杯$40以下既飲品，要左「荔枝玫瑰花茶」，可refill，好飲👍…查看更多

每次經過都好多人等，難得今日中午冇人排隊，諗都唔使諗即刻入去啦😋Meun都算多選擇，我就揀左「穴子海老天丼」，入面有穴子、蝦、蟹柳、茄子、金菇同埋枝豆.....全部都超好味👍炸皮一啲都唔厚粉，亦夠鬆脆....穴子同蝦好厚肉同新鮮，唔會話淨係得舊炸皮，其他蔬菜類亦唔會話炸完淋晒或食到成口油.......隨餐送既麵豉湯都好好飲飯底份量看似唔太多，但其實加埋啲餸食晒係會超飽😂食天婦羅丼另一樣重要既野就係個醬汁，我想講，個醬汁好好食，簡直係成個飯既靈魂所在🤤…查看更多

下午茶時間又唔太肚餓，所以去a1買左個抺茶大福食......諗住細細個食完又唔會太飽，岩岩好😋大福個皮夠煙un,唔會太厚，入面係紅豆涵....唔算太甜...$12黎講算係唔錯既選擇.....…查看更多

好耐冇食過酸菜魚，一於今晚黎楊記.....我地得兩個人，所以叫左個小既（$168），再加兩碗白飯.....佢地既魚係用鮮魚片，所以會有小小骨，但唔會腥，不過份量唔多......好快食晒......酸菜冇咩味，湯就小小油，整體味道係唔錯既....…查看更多

Godiva 出既甜品一直令人期待！今次A1 x GODIVA 出既 dark chocolate parfait 亦不負眾望.....由內到外都係濃濃既朱古力味🍫，入面有一層層既忌廉、慕絲、朱古力脆片同埋脆脆.......口感豐富又令人滿足.....連唔好甜既我都覺得好好味，一口接一口，停唔到落黎......但價錢就比較貴，$40只係細細杯，間唔時一次當獎勵下自己啦！😜…查看更多

中午諗唔到食咩，黎左itamama.......叫左個「黑松露菌皇煙肉忌廉扁意粉」，跟餐野飲揀了「檸檬茉莉花茶」意粉不至於難食，但不是好吃.....食唔到有松露味，忌廉汁底也調得不好，成個意粉只係啲菇比較好些少和份量夠多....餐飲更是難飲......完全冇任何茶味，只有酸味，似係一杯好酸既檸檬加水咁....…查看更多

香港一蘭真係比日本貴好多，但為左要解相思之苦都冇計🤣雖然香港拉麵有好多選擇，但我仍然覺得一蘭係最好味🙊豬骨湯底夠濃又不會太油！麵底我每次都會選「較硬」既，因為上枱後，個湯既熱力會再煮下啲麵，影埋相再食個軟硬度就岩岩好喇😂⋯⋯叉燒就普普通通喇，小小肥又唔會太乾，但略嫌太細塊了....再加埋靈魂主角既「唐辛粉」同蔥.....真係不得了！另外，朋友還教了我一個食法，食完麵可再加個白飯，用淨底既湯撈埋一齊食，一滴湯都唔好浪費，真係好正呀😋😋😋👍抹茶啤酒就一般，可以不試.....…查看更多

每次行過雞翼山都會聞到好香既雞翼味，但因為價錢都幾貴，所以次次都唔捨得食....今次宵夜時間經過太子，想食啲野，又唔想太飽....就試下佢啦要左鹹蛋黃雞翼....賣相唔錯，雞翼炸得超香脆🤤再加埋鹹蛋黃係面，真係超邪惡......肉夠嫩滑，不會過老，肉汁一咬就流晒出黎，好好食呀！不過可能鹹蛋黃既關係，如果自己一個食晒5隻都幾漏下😂同人share就岩岩好喇....又或者下次再試下其他味，好似都好吸引....…查看更多

美中鴨子每次一到食飯時間都好多人排隊，所以要食就要早啲，避開人潮....今次六點就到左，直入完全唔使等👍鍾意食片皮鴨既我，每次黎到都必叫半份，如果兩個人食既話，份量絕對足夠！片皮鴨夠肥，個醬又好味，加埋附上既青瓜同蔥，真係一流！😋但略嫌拎黎包住個皮就唔太夠，要一塊夾兩、三舊肉先夠食到尾..........另外，今次再叫左水煮魚，味道不錯，都幾辣下......全碗都係辣椒，但魚既份量不多，而且係用雪藏魚柳....底下有菜同寬粉，但吸晒啲湯真係好辣.......…查看更多

美心小品都算係其中一間最鍾意既食店，因為平靚正！👍由其係忌廉汁磨菇意粉.......每次去到都必叫！忌廉汁夠濃又夠多，意粉有咬口，唔會煮得過淋或太硬，加埋小小芝士係面，撈均成個麵，真係超好食😋每份意粉都會送個蒜蓉包係面，夠脆又多蒜蓉.....食埋好夠飽野飲方面就加錢要熱朱古力，但朱古力比一開張時差左，以前係用奶沖既，依家變左用水，搞到味道啖左好多🙁..........不過野飲都係其次，因為每次黎都係為左個意粉......😜以咁既價錢食到咁既質素，的確超值呀！…查看更多

難得入元朗食飯，食完後朋友提議去飲元朗新開既幸福堂，緊係即刻去啦！最愛就係黑糖珍珠鮮奶😋😋😋我地夜晚十點幾去到，都唔太需要等，好快就有得拎！先講賣相，見到店員沿住杯邊咁倒啲黑糖珍珠落去，令杯邊痴滿黑糖，係靚既👍而味道方面，黑糖珍珠味夠，煙un有咬口！奶味就比較淡，但撈均之後就變得岩岩好👍唔會過甜或冇味😋所以總括黎講我覺得依杯係好飲之作......絕對係有下次既！…查看更多

一早聽過肉餅哥大名，身為食肉獸既我又點會錯過呢😋叫左兩個餐，每個餐都會有例湯送，但個湯就好普通啦，冇咩味（1）秘制金沙蛋黃肉餅，菜飯加$2.......一層厚厚既蛋黃沙鋪左係煎到脆邊既肉餅上，的確好惹味！但食到一半就會開始覺得漏😅要畢走啲蛋黃先食得埋剩返果半塊...菜飯係好食既，另一方邊食返啲菜好似會balance返啲...冇咁大罪惡感（2）蝦膏蟹蓋肉餅睇到個樣都知吸睛啦👍蝦膏味就認真唔太食到喇，當普通肉餅黎講，但整體上都係好味既，會有encore 既感覺以咁既價錢黎講，性格比絕對算高👍…查看更多