君君妹的個人專頁

朋友介紹，一行幾人，買一送一早餐， 有啲意思。地方好方便，只要坐港鐵去到黃埔站，上地面眼已經望到喇！入到門口，環境唔錯，地方都算寬敞，食物好集中擺放喺門前， 有沙律嘢飲，即煮煎蛋同公仔麵， 中式點心腸粉蒸倉，西式茄汁豆腸仔， 炸春捲，薯餅，各款麵包熱足其實基本上樣樣都齊全。…查看更多

第一次食呢間韓國小店，屋邨入面有一間韓國小店是一大亮點，所以就去試下啦！今次我叫咗三樣小食，第一樣韓式炒年糕28元，第二樣宮廷紫菜包飯 28元，第三樣杯杯雞18元，共74元。用這個價錢吃一個午餐真不平。但個人而言極為失望:(服務方面，首先等好耐才有人落單，但時人流不多， 但店內兩個員工都忙著整理食物， 如果有一個專係收銀嘅會好好多。食物方面， 韓式炒年糕，味道等於辣羅宋湯年糕， 年糕冇咩味， 你辣湯好似溝咗水。宮廷紫菜包飯，同日本壽司差不多，但係飯冇味，所有配料都冇味，又冇辣醬配，所以整體上係一舊冇味飯， 呢樣係令我最失望。最後一樣杯杯雞，呢樣係最離譜，因為一入口就係咕嚕雞球，有少少韓式辣醬味。唔通我成日要求高，但係我只係想食下韓國嘅未到啫！ 當然食得好飽，唔係感覺唔良好，所以冇乜動力令再試第二次。…查看更多

好耐冇嚟過pizza Express ，以前感覺好似好多嘢食，今次睇個menu又唔係好多喎！食物選擇少咗好多，同埋好多嘢食都偏向辣。食物味道就真係唔錯嘅，但係甜品就唔好喺度食。返到屋企就真係好口渴啦！唔知係咪真係好勁味精，定係啲食物太濃味，飲咗成公升清水，都仲覺得好口渴。環境方面，都坐得算舒適。但係小朋友椅就唔係太舒服，張木櫈真係好硬。本來話用餐時間只有個半鐘頭，但係冇乜人時候，我哋都可以坐到尾，所以都幾舒服。…查看更多

好耐好耐都冇嚟Ruby tuesday到食嘢,我以前都有做會員，覺得半價好抵，所以都有成日食。不過九龍灣德福冇咗之後呢，其他分店覺得好唔就腳，就少左好多。今次嚟到megabox，係一早book位，但冇乜人， 所以傾計嘅氣氛係非常好。今次join member都好抵，一千蚊有720日， 平時夜晚食半價，好快趣就回到本食。物質食物質素方面😋，同以往都一樣冇乜太大特別分別。環境就真係好舒適啦！😘因為地方呢真係好大，好寬敞。坐起上嚟唔迫，傾計隔離都聽唔到我哋講乜嘢，所以決定下次朋友生日 會再夾。…查看更多

平時同朋友慶祝生日飯，多數都大魚大肉。今次就揀咗食齋，諗住素食一下，健康Ｄ。觀塘真正嘅素食食店不多，都係一兩間。這間食店算不錯，味道都不錯。環境寬敞，又可以慢慢傾計，六時入座十時離座。 last order九點半， 慢慢傾偈坐到十點鐘。四人用餐每人都知需150元，信用卡仲有9折，感覺好抵食。有機會都會再嚟多次。竹笙榆耳腐皮卷食落唔覺有竹笙，可以不試。鮮淮山伴腐竹喜歡清淡的你，不可不吃。黑松露炒麵可以一試， 少少黑松露味同埋鹹味。沙茶素柳粉絲煲沙茶味道不是太濃，素柳有些似午餐肉味道。蜜桃咕嚕肉味道不錯，夠熱，夠鑊氣。 追加的:蜜汁叉燒蜜汁叉燒拼海蜇海蜇沒有太特別，蜜汁叉燒＂讚好＂。…查看更多

今日book枱七點半，點知就早到了，約六點九就去到啦！入到去坐下，傾下計，等齊人七點半就開始叫嘢食。三個人坐五人枱，尚算寬敞。用餐又冇限時，所以是傾計之選。但大家都掛住傾計，所以環境係比較嘈吵。大人有大人傾計，細路有細路玩， bb有bb喊。如果想靜靜地傾計，呢度唔係一個好地方，但唔介意嘈Ｄ，呢度真係可以慢慢傾都得。食物方面，港式泰國食物味道，沒有特別太好味，但係食完之後沒有口乾，相信不足太多味精，味道主要都係來自本身香料。三個人叫咗五道菜，食量啱啱好。 …查看更多

假日裏面想搵個位食嘢，真係好難！尤其是冇book枱，就算畀你book咗枱都唔坐不耐，好多都會要限時離座，或者分時段入座。和民就係首選呀！因為座位夠寬敞，又冇限時離座。大家可以慢慢傾，慢慢食都冇人騷擾你。三個人又，由六點鐘入座傾計食嘢到十點半 ，真係傾到冇停口。食物方面，就比以前差好多。食物menu選擇不多，味道不及以往，價錢就貴了。所以只係傾計一流，而食嘢就麻麻啦！如果想食好嘢，都係打電話去其他餐廳訂位啦！但在冇訂位情況下，這確是首選之地！ …查看更多

一個飲完茶lunch，又唔想行街行大太耐，又怕攰，又想坐，ruby tuesday係一個唔錯嘅選擇。佢哋嘅tea set份量唔多，可以揀雞翼同粟米片，其實兩份可以慢慢食，慢慢傾偈，慢慢飲下嘢，再慢慢休息下，真係好舒服。所以都可以推介下大家， 一個唔錯嘅休息好地方。…查看更多

相信大家都是過呢間拉麵小籠包， 其實食物就真係冇乜特別，只係覺得服務同環境衛生上，都有一定保證。而且速度都算快，成個過程一個鐘就可以結帳啦！都算快㗎！菜肉包小籠包 紅燒牛肉麵蒸水餃…查看更多

工廈上面嗰間餐廳，環境地方寬，敞都算幾大，坐位都唔算太逼。今次有小朋友，一出就睇到有部桌球，好啱有帶小朋友的大人，可以一路食，小朋友就出去玩。最緊要係個環境可以大聲講野大聲笑，最啱就係有細路，同埋好耐冇見嘅朋友，喺度傾計，又可以大聲講大聲笑，非常之relax！食物方面，都唔錯。可能大家都掛住傾啦，就冇乜特別去試食物的味道，感覺又唔係特別難食，但係又唔係有一試難忘既種感覺。價錢方面，唔算太貴，所以有時夜晚想成班人食下野，傾下計，都係個唔錯嘅選擇！ …查看更多

平日冇嘢做，不妨一試！近排唔想食啲生冷嘢 ，但係又想食buffet。其實都幾慘㗎，如果唔食生嘅食buffet覺得唔抵，於是就畀我見到君怡酒店。本身之前係做過團購，不過我就miss咗。今次都唔係好貴啫，$132加一，埋單都係$151一個人，志在享受一下食buffet嘅感覺｡環境方面 ， 都算寬敞 坐下舒舒服服。喺唔食生冷嘢情況下，熟食就一定要主打。選擇雖然唔多，但係雞牛豬魚都有齊，仰有串燒、湯、通粉，都算係咁啦！沙律吧我就真係冇去，但係都見好多人攞沙律。海鮮方面，就唔係話太多啦！可能自己唔食，所以就覺得唔緊要呀！刺身方面，只係得四款，都有壽司，我可以食下。其實我覺得啲咖哩都幾好味，有少少泰國風味，撈飯唔錯！ …查看更多

瞓醒已經晏晝啦。在家食少少嘢，就落去睇下有乜食呀！呢間店份量，下午茶食物份量啱啱好，又夠飽。地方又方便，地鐵站上面，食完真係好方便咁走。豬頸肉飯青蘋果綠茶，柑桔茶 拉麵…查看更多

真係唔錯！好介紹！值得一試！值得再嚟！今日同個朋友落去銅鑼灣，又未食午餐但又未到食晚飯時間，於是呢就上咗嚟睇下有冇得食。我之前就好似係尖沙咀有一間，不過已經無左。今次嚟到就即管試下啦！真係乜都唔使講，睇相啦！兩個女孩子食咁多嘢。係２個餐加３個小食。…查看更多

今日兩個人揾地方傾下偈，就去到佐敦一間burger店。我地叫左二個餐，一個漢堡餐，另外一個墨西哥pizza。首先講下個burger先,睇起上嚟呢真係好似好抵食，同埋好吸引㗎！但係除咗塊牛肉漢堡之外，其他都好好味。 點解burger最主要牛肉會係咁，牛肉漢堡呀！其實呢入面真係牛肉嚟嘅，但係就冇牛味，同埋冇其他味，真係感覺好似一口凍肉，食落去仲有筋，同埋比較乾。真係有少少失望。 所以話再有機會都未必再試啦！可能試下其他舖頭會更出色。 …查看更多

呢度真係一班女仔傾計、食嘢嘅好地方。首先食物方面，真係好好味。環境方面，幾舒適幾，光猛。全場都多數係女性，大家可以暢所欲言，雖然感覺到好多人傾計，但係又唔覺嘈，其實個個都講得好大聲㗎！ 男仔都可以嚟聚一聚食下嘢，但係份量可能唔夠食，要叫好多先至會有飽嘅感覺。呢度嘅嘢食大部分都偏向甜， 所以好啱女仔 。食物顏色都好鮮艷，好吸引，望到都好想食 。間唔中再嚟聚一聚都幾開心！小食 薯條冇得頂鰻魚pizza，超好味意粉正呀豬手乾左少少寬條麵不錯雞翼好好味水果茶水果茶甜品係咪好靚呢？…查看更多