venuscyy的個人專頁

一向有食開曲奇童話嘅出品🍪知道佢哋出咗一款新春特別版除咗好意頭之外, 仲有幾款期間限定口味梗係即刻買嚟試試啦~🧧金獅獻瑞除咗有可愛嘅覆盆子獅子外型曲奇之外,仲有期間限定巴馬火腿、鹹蛋芝士、紅棗山核桃同金橘伯爵茶等口味...我自己就最鍾意鹹蛋芝士同紅棗山核桃口味, 前者鹹香鬆脆, 又唔會有油膩感覺; 後者香甜清新, 紅棗同核桃嘅味道出奇地夾, 兩款都係我推介口味😋🧧金玉滿堂一盒裡面有四款經典口味, 兩款金箔曲奇+兩款蝴蝶酥, 四款都係我鍾意嘅口味; 經典嘅鹽之花同朱古力曲奇加上金箔, 份外高貴; 玫瑰蝴蝶酥顏色鮮豔特別應節, 送禮自用都相當合適~特別欣賞今次禮盒將曲奇同蝴蝶酥二合為一, 等我可以一次過滿足兩個願望🤭…查看更多

今日去元朗搵食, 買咗一盒據聞好難買到、限量發售嘅著名手工蛋卷, 每一條都係人手製作, 誠意可嘉👍🏻 返到屋企即時試食, 真係好鬆脆, 連喺個罐攞出嚟嗰吓都要好小心...味道方面, 入口有蛋香, 濃淡適中, 甜度都OK, 唔會太甜太漏; 口感方面, 極度香脆鬆化, 如果再厚少少應該會更正😋我無食過北角區著名嘅蛋卷, 所以無得比較, 但呢間真心高質, 不過價錢就稍為貴咗些少, 如果份量多少少或者定價平返少少就perfect喇~~…查看更多

買了一份邪惡風味 ($42) + 一份自選口味 ($42), 合共八十幾蚊, 其實呢個價格已經可以食兩個lunch, 而呢兩份嘅材料唔豐富、味道亦普通, 實在唔值呢個價錢~員工態度亦都麻麻, 當時無其他客人等緊, 凈係整我兩份都可以整錯... 而最大問題係, 兩位員工都唔戴口罩同手套去處理食物, 整整吓仲要走去撳電話, 呢個時勢唔戴口罩始終會有啲唔安心, 希望佢哋會正視衛生問題~比較過同類型嘅手抓餅小店, 呢間實在係性價比低, 應該唔會再幫襯了。…查看更多

為咗物色外婆生日壽宴酒席, 一個月前特意喺呢度晚飯試菜; 由於附近都是比較難搵地方泊車, 而我地一家合共有3部車, 所以訂位時特別同經理討論泊車安排, 當時嗰位經理斬釘截鐵話只要提供車牌號碼, 佢必定可以安排到全日免費泊車, 結果我們訂咗最貴嘅酒席, 甚至訂埋位飲茶, 然後留喺酒樓打牌直到晚飯.....到咗晚宴當日, 嗰位經理竟然反口話安排唔到咁多泊車優惠, 頂多安排到免費2-3個鐘甚至唔係每部車都可以安排到... 當時即刻同嗰位經理對質, 問佢點解訂位嘅時候唔係咁講？佢支吾以對, 然後佢話佢只可以儘量安排, 但無論如何, 架車每3粒鐘都要出一出車場再泊返入去, 但出咗車場有無位再泊返入去又唔肯定... 結果, 我哋3架車都唔敢搏, 只係"享用"咗3小時泊車優惠, 其餘嘅5-6小時都係自費~其實你一早講話每架車只可以提供3小時泊車優惠嘅話, 我哋係無問題; 只係當時真係覺得好嬲, 點解要咁樣講大話去呃我哋呢? 理論嘅時候態度仲要極差, 完全唔覺得自己有問題 (不過整體而言, 成間野嘅d人嘅服務態度都好差)...最後結論係, 雖然環境唔錯、食物質素都OK, 但服務態度極差+誠信有問題, 所以之後都唔會再幫襯了~ 奉勸所有駕車人士, 幫襯呢間野之前都要考慮清楚~~…查看更多

兩星期前訂檯兼落$500訂金，訂今晚8:30pm(第二輪)一家12人食團年飯，點知一家有老有嫩等足45分鐘都未有位，理論之際發現隔離有兩家人同我地遭遇一樣，有一家16口更被安排坐8人檯連凳都唔夠.... 咁大間飲食集團點解可以失敗到咁?? 結果三家受害人就夜麻麻喺條街度搵酒樓，好不容易搵到一間酒樓容納到我地，叫佢退返訂金竟然𠵱𠵱哦哦一臉不爽，道歉都無句仲夠膽如此態度，結果換來三家人一齊鬧爆🤬食團年飯本應開開心心，結果換來一家大細頻頻撲撲，呢個集團永不幫襯😡😡😡…查看更多

媽媽和我一向喜歡吃素，尖沙咀區內的素食店都試得七七八八，今次想試呢間，7點鐘打去訂7:30pm竟然有位，兩母女即刻趕過去。入座睇餐牌，發覺價錢比同區嘅素食店都貴頗多，而且款式都唔多，可能因為佢係屬於新派素食，所以比一般素食店貴啲，唔緊要即管試吓囉；見到有海報寫住有信用卡優惠，於是問吓侍應係咪有優惠啦，但侍應用一個頗差嘅態度話信用卡優惠只係午市先有。睇完一輪最終決定唔叫set, 各自叫一個主菜；兩個主菜其實都已經三百幾，點知侍應竟然同我講，每人嘅最低消費係$200，焗我將另一個主菜轉做套餐.... 當時我諗點解我訂枱嘅時候唔同我講有最低消費？如果我一早知有最低消費或者我未必會選擇嚟呢度.....食物嘅味道係唔差，但份量細而且唔值呢個價錢；環境亦比較擠迫，除咗卡位之外，枱與枱之間好貼... 總括嚟講，呢間素食店我應該唔會再幫襯。…查看更多