swkwong的個人專頁

之前開張第2日已幫襯左一次，今日又好彩喺上環做野，又知道開11點半，咁就快閃食海南雞！之前叫上庄都好滿意，今次就豪啲叫下庄試試，冇失望，一樣咁滑。而今次決定個汁唔食泰式，改叫麻辣汁。個汁有驚喜！好爽，如果可以用黎撈米線米粉應該好正！…查看更多

今日係堂食二人一檯既最後一日，外賣條隊仲長過堂食。唔使諗，即刻變陣喺度食埋。黎到海南雞名店，直接試一份招牌海南雞（上庄）。雞夠滑，本身個雞已經夠哂味道，個泰式汁點左就更惹味。值得再幫襯！…查看更多

見到荔枝角依間百貨商場內換左新餐廳，又見唔使點等位就試試依間日式炸雞店！我點左一個叫鐵板南蠻他他醬炸雞定食，上面既他他醬好開胃而且仲有碎蛋，誠意十足，個醬汁好夾個炸雞。而炸雞肉地黎講呢都算得上係外面脆裡面多汁，好值得讚。而依家新開期間自助飲品bar有特價收12蚊位（原價其實都係18）…查看更多

之前既人氣餐廳，依家已經唔再需要排隊，一入到餐廳內就發現地板都幾多污跡. 算啦，食個tea唔好太大要求，野食既質素都幾不濟...野飲我會覺得係難飲，野食就不過不失，早知係咁就幫襯尖東另一間食同樣新加坡食品既餐廳，失望到極！如果唔再改變都幾難會想再去幫襯！…查看更多

讀書時間經常幫襯佢地，因為抵食同埋都可以hea好耐！而今次同一眾老朋友聚舊，有人提議食佢地可以重拾少時回憶，仲可以食左「比卡超」。比卡超咖哩豬扒飯喺冇預期情況下原來係幾好食，驚喜！睇相。…查看更多

家人提議去元朗覓食，咁就去行下啦，第一個感覺係好多人揸車去元朗開餐！好不容易搵到車位！就喺車上之前傾左話食燒鵝！咁就選擇左試試天鴻燒鵝！座位當然係麻麻啦，對坐位有要求要諗下！點左秘製花彫醉雞半隻同埋燒鵝半隻！係幾唔錯喎！醉雞酒味勁香，雞肉嫩滑！燒鵝皮夠脆口，鵝汁撈埋啲飯食勁掂！…查看更多

去開觀塘行駱駝漆大廈既outlet，有些少肚餓但又唔想食太多，咁見佢有唔少人講佢係師承新香園既蛋牛治！試下佢先，野食當然要試佢地既蛋牛治烘底，飲品點選兒童鴛鴦，總結係個蛋牛治烘底係幾得，可以再食，杯飲品就普普通通！下次試埋蛋包飯先。…查看更多

難得返佐敦老家探家中既老友記，又想食得健康啲，記得有朋友介紹過依間新開既新潮素食店，就試試佢啦，易搵，等左一陣就有檯，檯。驚喜既係餐廳有小菜部同快餐部之分。食物應該都係同一個廚房煮！食物質素唔錯，由其個招牌拔絲骨，讚！睇相！…查看更多

星期六陪屋企人去觀塘睇中醫，睇完剛好食晏時間，行下行下見到coffee art,之前都有朋友推介依間小店，但超級多人最後都等左15分鐘至有檯，好在商場走廊既冷氣都好足，如果唔係既話坐外邊都幾慘！點左既食物都算唔錯，係坐位差些少！睇相。…查看更多

收工同未來太太去東薈城行下街街！諗下食乜，篤下手機見到依間餐廳評分唔差，試下先，餐廳座位唔太多，可能我地時間仲係早，好運地有檯食飯，過左一陣間餐廳都坐滿，強烈建議想幫襯應該訂檯。餐牌選擇唔算多，我地最後點左set加一份水牛雞翼！睇相！…查看更多

一次突然既郊遊，又唔想食太多肉，所以就喺屯門食齋，訂左檯都要等一陣先有位，檯同檯之間都比較窄。想幫襯既要留意一下！食物質素不錯，味道真係幾似肉，好合適齋口唔齋心既我地，值得幫襯，睇相！…查看更多

屋企人既bb女喺德福既翠園攪百日宴，有唔少朋友話翠園既中菜有唔錯水準！今次有依個好機會試一試佢地既水準，先講服務，侍應有禮同埋好快手例如加添飲品同換骨碟，抵讚！食物水平方面亦都十分唔錯！睇相！…查看更多

知道佢地之前喺牛下已經開業，後期因為牛下重建關係搬左，同事講話依間野既煎釀三寶唔錯！咁就試下，點左豆腐，魚蛋同埋茄子！個人最喜愛佢地既魚蛋，爽口彈牙！同埋新鮮炸所以勁好味！…查看更多

又係偶然黎到淘大依邊辦事，到左食飯時間，喺懶返屋企煮野同埋又唔想食飯既情況下，見到依間標榜「生炸雞髀」既茶記！好，就試試睇下掂唔掂！叫左個炸髀配沙律，食炸野又點少得野飲，整杯凍奶茶先。奶茶其實普通左啲，滑但茶味一般！而沙律係正正常常既 主角既雞髀就唔錯喎，皮脆肉嫩，起碼冇炸到乾哂！食用期間都有唔少人order雞髀，靠得住既！…查看更多

是咁的，未來太太既大哥同佢既未來太太專登去左銅鑼灣買近期受到哈日電視節目大力吹吹捧既半熟芝士撻返黎比一家試試，好感動啊！之前睇報導介紹話排隊至少排兩個鐘！返黎報告話唔使咁耐，但都要排一個鐘左右... ...賣相都幾唔錯嫁，撻面有些少燶燶地既感覺，睇見都想咬佢！裡面半熟狀態既芝士又真係幾唔錯，撻既底就唔係太大驚喜！總括黎講係好味既，值得試試！但要花上超過一個多小時去買的話，就真係見仁見智了。…查看更多