Raymond 仔的個人專頁

在家辦工都要唞一唞, 出嚟食個lunch先~今日想食burger, 喺the basic, masam同呢間揀. 印象中masam冇位坐o既, 之後去咗the basic, 價錢的確吸引, 之但係唔預你堂食(其有一張枱不過太開揚同喺路邊食冇分呢), 最後揀咗oops burger.舖仔一間, 兩張枱只有6個位, 先付款形式. 餐牌裡面選擇不多, 但豬, 牛, 雞, 魚都有, 比較特別o既仲有軟殼蟹. 價錢由廿幾到五十幾都有, 加$15仲可以轉set, 有洋蔥圈或薯條或雞塊連罐裝飲品.一般第一次試都係揀classic burger, 試下自家手打牛肉味道如何. 落單後等咗大概5分鐘, 賣相不錯但size比想像中細. 先試洋蔥圈, 無疑是即炸的, 外脆內軟但略嫌調味不足而且炸漿太厚. 主角漢堡除了漢堡扒外還有芝士, 沙律菜和番茄. 麵包實咗D唔夠鬆軟, 可幸主角和配料都沒有令人失望, 漢堡扒juicy食落唔鞋口, 番茄同菜都新鮮, 芝士咸香, 加上酸甜的醬汁配合得宜.感覺上都係有heart的小店, 市道不景下經營不易, 希望能渡過難關.…查看更多

萬聖節的一人晚餐, 選了九記.記得之前看過食評這店子是不錯的, 今日放工要食埋飯先返屋企, 路經附近剛好有機會一試. 店子很小, 只有十來個座位和一個樓面, 反而店外的外賣枱有兩個負責外賣order的員工, 所以有理由相信他們是主打外賣的. 飯餐選擇貼在牆上高高的位置, 還有實物的相片, 價錢也一目了然. 食物的選擇其實不多, 來來去去都是豬扒, 雞脾, 牛腩等, 當然還有茶餐廳必備的常餐.諗咗一輪後叫咗$40蔥油豬扒蛋飯, 連例湯及熱飲. 例湯是有誠意的粉葛豬骨湯, 熱辣辣之餘還用料十足, 味道濃郁. 隨後的飯上來, 厚厚的豬扒配太陽蛋和甜豉油, 蔥油, 單看這配搭已經係"冇得輸". 可惜是煎豬扒的味道只是不過不失, 而且肉質不夠鬆化有點鞋; 而蔥油叫做蔥蓉會更適合, 因為是經過攪拌過的, 但反而欠缺了蔥油的風味.雖然作為靈魂的豬扒不算出色, 但整體配合起來還是水準之上, 下次還是會再來的.…查看更多

這段鄉事會路有兩家雲吞麵店打對台, 生興龍和乒乓雲吞. 我多數幫趁生興龍, 無他, 因為靠近新墟街市方便買餸時出小差這裡的雲吞是以大取勝的, 一碗雲吞麵只有三粒雲吞, 但Size比傳統雲吞大足足一倍. 餡料的蝦和豬肉比例均勻, 調味也恰到好處, 很合我的口味. 以前不喜歡食粗麵的, 覺得幼麵口感比較細緻, 但後來覺得粗麵食落有比幼麵有更實在的感覺(指飽肚方面), 所以現在多數吃粗麵. 這裡的粗麵麵質比較爽而且彈牙, 也沒有太重的鹼水味. 湯方面就比較普通, 尚算鮮味但欠缺了雲吞麵湯頭的靈魂--大地魚, 也只是用蔥沒有韮王.不竟只是$22一碗, 已算物超所值了.…查看更多

是以前許記的舖位, 這家車仔麵開了半年左右, 一直經過見門面不外如是沒有留意. 直至有日細心察看留意到"麻辣炸醬麵". 炸醬都有麻辣? 一定要試試...店子不大, 位於商場的出口位, 開放式設計, 加埋擺放在通道的共有十零張枱. 車仔麵兩餸起, 每加一餸$7, 不貴. 點了麻辣炸醬, 水餃, 還有既愛且恨的豬大腸, 油麵底, 喜出望外的是有"多蔥"這個選項.湯頭偏淡, 咖喱汁濃稠香辣, 與油麵是最佳配搭, 不過麵底有點硬. 麻辣炸醬賣相與一般北京炸醬差不多, 麻與辣的比例相當合適, 份量也足, 是有創意的車仔餸. 大腸夠腍又入味, 水餃(其實是韮菜餃)也有水準.總體來說食物質不錯, 感覺上是有心經營的店子.…查看更多

仍是新正頭的早上, 送完小朋友返學先醫肚再去買餸. 新墟街市附近不乏早餐地方, 茶記, 酒樓, 快餐店, 當然有經典的白粥油炸鬼.坤記是老字號的粥店, Since 197x, 都有四十年了, 不過這間是新裝修的店子.點了艇仔粥和炸腸, 分別是$17和$13, 對比上個食評原來剛加過價. 艇仔粥粥底夠綿也有米香不過比較淡, 配料方面毫不馬虎, 有齊魷魚, 豬皮, 碎牛, 不過就沒有我最愛的魚片, 份量也算大碗. 炸兩就比較普通, 油條已開始腍不過勝在腸粉夠熱, 份量也足, 配合粥來吃十分飽肚.…查看更多

看到第二十二屆畢業禮的看台, 屈指一算已經畢業18個年頭了, 今天故地重遊來閒逛, 同坐的不再是昔日的同窗, 而是換上了我的三隻化骨龍(一大兩細).....Cafe位置依舊, 但除了擴充了版圖外, 還應該經歷過幾次翻新. 食物也是依舊(的好), 招牌熱狗, 三文治,沙律, 還有專程來尋味的炸雞翼薯條, 從落單到等待到付款, 全部和以前的一樣. 價錢呢? 不竟二十年了, 沒加價的話恐怕多多補貼也生存不了, 但絕對是今天的學生哥能負擔得起的, 熱狗$13, 雞翼$7,晚餐$23, 外面有嗎?期待下次再來尋味.…查看更多

距上一篇食評快兩年了, 選Mustard Seed 作為重投openrice食評行列, 因為她的確給了我寫這篇食評的動力.由於工作關係經常路過, 留意到這間不太起眼的餐廳已開業個多月. 可是她開在人氣食肆旁邊, 觀感上形成了強烈的對比, 如果這樣就以為出品不如人的話就大錯特錯了.用餐時間是中午一時半, 雖然訂了位但仍要等十五分鐘. 門口放了不少開業誌慶的花籃, 估計是這一兩天才正式營業. 來之前看過了食評, 也到門口看過餐牌, 晚餐的主菜價錢一般是$150-$200, 相對之下午餐就便宜得多了, 大多是幾十元的主菜, 還可以加$20轉套餐.餐廳不算大, 不過裝修相當精緻, 燈光比較昏暗, 雖說不上浪漫但頗有情調.那天我們大大細細共十人, 點了六份餐再加一份沙律. 主菜無論是賣相或是味道都是很有水準的, 單看餐碟的造型就看得出店主的誠意. 大蜆扁意粉是用貝殼碟盛上, 炸魚薯條是用魚型碟, 六款主菜就有六款不同的餐碟.當天點了的主菜有西冷,焗肉醬意粉,焗豬扒飯,燒春雞意粉,大蜆扁意粉和炸魚薯條.份量方面偏大,質素是令人驚喜的,我的推介會是焗豬扒飯和炸魚薯條.焗豬扒飯的豬扒不是平常BBQ或是一哥的豬扒, 而是薄而彈牙的豬柳,醃製的味道洽到好處,還有那個肉醬汁,與芝士蕃茄的配合焗出來出奇地不肥不膩.另一推介炸魚薯條,炸漿香脆而且勻循地包裹著鮮嫩的魚柳, 真正做到外脆內嫩, 薯條是幼身的, 合個人口味. 沙律也同樣精彩, 半份是$98, 一份是$128. 光看價錢可能覺得比較貴, 但一份的份量其實已經足夠4-6人享用.服務是滿分的, 不收切餅費已取了不少印象分, 侍者有禮面帶笑容再加上對餐牌的講解豈能不給滿分?這是一家對食物和客人都用心的餐廳, 希望能保持水準和繼續努力.…查看更多

時間已是下午三時多, 但假日的元朗到處都人頭湧湧, 食肆的爆滿程度和午市差不多. 這條街有很多食肆, 但因為太肚餓所以沒有花太多時間去選擇, 見此店的的骰骰價錢又不貴, 也不顧要坐路邊就揀選了.店子主打外賣, 所用的食具器皿都是一次性的. 食物的款式不算多, 都是大路的炒年糕, 辣麵, 拌飯等. 我們點了拌飯, 壽司同海鮮煎餅. 拌飯賣相精美, 材料雖然都是平凡的像芽菜, 翠玉瓜, 冬茹絲, 甘荀絲等, 但卻是出奇的配合, 當然還有我認為是拌飯的靈魂-----煎蛋. 蛋汁與甜辣醬和其他配料混合, 再與白飯拌勻, 美味之極! 壽司用料新鮮, 調味恰到好處, 不沾醬油已經夠味. 海鮮即叫即製, 厚薄勻均, 吃起來不會有吃粉團的感覺, 不過海鮮料就比較少了, 只有蝦粒為主.雖然是小店, 但店員態度殷勤. 如果是隨便吃吃的話此店會是一個好選擇.…查看更多

星期日去飲茶, 嫌市中心太多人, 所以找到這家比較偏遠的, 大概與富臨同級的酒樓.由於是假日的午市關係, 沒有特價, 最平的小點要$12.8. 點心的選擇不多, 只有最大路的蒸, 炸, 飽點等. 還有一個點心大排檔, 不過也沒有特別款式的點心.共點了包括腸粉, 叉燒飽, 牛肉, 小籠飽, 炒米粉等的八個點心, 基本上大部份都是平平無奇的貨色. 最好的要算是炒米粉, 雖然配料不多, 但軟硬適中又不多油. 最差的是小籠飽, 用的餡料不但有一陣雪味, 而且完全沒有肉質應有的口感.三個人連茶錢加一共$170, 在環境和服務都是一般的情況下, 如此收費是有點不合理了.…查看更多

星期日下午外出搵食, 一般都會避開繁忙時段, 今日就兩點幾先黎到呢度食米線.舖仔細細但幫趁o既人多多, 擺街啲枱仲多過舖入面, 不過好彩唔駛等位.一餸米線$23-24一碗, 加餸就3-5蚊一款, 基本上都係車仔麵的餸, 比較特別o既有麻竦腩肉, 豬頭肉. 另外冷熱飲品加$3.叫咗一碗小辣魚皮餃米線加麻辣腩肉加韮菜雲吞同一碗雞翼米線加菜.聽到話因為得一個師傅, 所以足足等咗20分鐘先有得食. 不過唔知係咪慢工出細貨, 味道真係幾好, 湯底酸甜辣適中, 米線彈牙但略嫌硬左少少, 配料好齊而且份量也不少, 而魚皮餃仲有6隻咁多添. 麻辣腩肉入味, 但不夠辣, 雲吞就好似只有韮菜食唔到豬肉. 另一碗的雞翼只有兩隻, 味道都只係一般, 不推介.總體來講水準都算中上, 好食過譚仔!…查看更多

週日的深水埗慣例人山人海, 大血拼之前先來一個下午茶, 揀選劉森記是因為其名氣, 記得多年對惠顧過, 但味道如何已很難記起了.雖然是一支公但堂食爆滿要等, 幸好等了五分鐘就有位.坐下先看餐牌, 湯麵$24, 撈麵$30, 而有蝦籽的就要$31起. 來這些老字號麵家通常都只叫雲吞或水餃, 今天就來了一個蝦籽雲吞撈麵. 等待期間吃了幾粒枱上的酸蘿蔔, 味道是出奇的好, 甜酸恰到好處, 是很好的開胃菜. 不久麵上來了, 蝦籽的確如雜誌的介紹般舖滿麵上, 而麵的份量在撈麵來說也算多, 不過雲吞就太少了, 只有三粒. 蝦籽的咸香味比想像中少, 鮮味也欠奉, 麵更是令人失望, 沒有彈牙的口感, 也沒有全蛋麵獨有的蛋香, 麵身也比較乾, 有少少在吃粉團的感覺, 遠比我的雲吞麵至愛棠記差. 幸好最後有雲吞及湯挽回不少分數, 整份撈麵不至於一無是處.雖然有點失望, 但吃飽過後充滿力量去遊走深水埗, 也是頗滿足的.…查看更多

游完水o係附近搵下午茶食, o係永發同呢間家樂揀, 點知揀錯左.......待應, 差! 整體來說都不修邊幅, 其中有個肥佬更蓬頭垢面, 開工衫十級污糟~衛生, 差! 環境一般就預左, 不過餐飲的杯有污漬太過份, 最離譜係將o的完全未抹乾o既餐具放o係柜桶入面, 完全無衛生意識~食物, 差! 炸雞脾鞋口兼完全無味, 又炸不透心, 沙律&西多勉強可接受, 牛肉河牛肉又靭~價錢, 差! 一份如此質素的茶餐竟索價三十, 牛河連飲品也要廿九~要列入黑名單, 以後唔幫趁!…查看更多

年初二的下午路經景林街市, 發現此日式壽司刺身店, 店內大部份地方是魚池, 還有一小型壽司吧檯, 但主打還是外賣. 是日有全單七五折的新春優惠, 所以沒有經過太多思量下便選了三文魚刺身及多款不同壽司當作開年飯的加料.三文魚鮮味十足, 入口甘香但沒有感覺油膩, 是上乘的貨色. 壽司也是即場炮製, 所有用料都很新鮮, 飯團的製作也一絲不苟, 甜酸跟黏度恰到好處, 老板娘再三強調飯團是微暖的, 似乎對其出品甚有信心. 壽司分三種價錢, $10三件, $15兩件及$20兩件.老板娘客氣有禮, 待客殷切. 日後有機會要再到此店堂食, 感受最新鮮的食材和即製即食的美味!…查看更多

上成的水餃麵, 由麵, 湯, 水餃配合, 缺一不可, 這家做到了.幼麵彈牙有蛋香, 略帶鹼水味; 湯頭由大地魚熬製, 味香而不嗆喉, 再加入韮黃同蔥粒, 做法傳統鮮味十足. 水餃以料取勝, 木耳, 冬菇, 鮮蝦配搭爽口, size剛好一口一隻!奶茶亦非等閒之輩, 香, 滑, 濃集於一身.$29雖似是貴了一點, 但物有所值.…查看更多

好耐冇黎沙田, 原來開左咁多新食肆, 真係花多眼亂, 不過好彩一心諗住黎食壽司, 所以自自然然就揀左呢間壽司派.已經係下午茶時段, 所以唔駛等位. 打開餐牌, 壽司的款式有好多, 由最平的幾蚊都三十幾蚊都有, 還有不少比較特色的選擇.同囡囡兩個人點了7碟壽司同一碗鰻魚鳥冬. 壽司材料相當新鮮, 最好食係火焰三文魚同北寄貝, 飛魚籽軍艦壽司都唔錯, 不過最抵食一定係三文魚, 只係$9一碟.烏冬口感同味道都不錯, 不過鰻魚的細骨比較多, 囡囡食唔到, 同埋size太細了, 我諗只有平時食開的三份一左右.此店勝在用料新鮮, 地方乾淨, 而且價錢不貴, 有機會還是會再來的.…查看更多