Symelri的個人專頁

幫襯光榮係情意結，懷念茶餐廳味道，今次叫臘味煲仔飯外賣，加8蚊送埋煲仔，煲仔係傳統瓦煲仔 ，梗係加錢換啦咁開心😂 裡面有1條臘腸、1條潤腸、1件臘肉和一件臘鴨，個人比軟喜歡臘腸潤腸，都好好味，係個豉油唔夠甜同咸咗d😞煲仔豉油要杰杰地甜甜地先好味，不過喺屋企可以食到瓦煲煲仔飯已經好開心啦🤭可能當日係假期應該太多客叫呢款，所以等咗1個鍾，好彩喺屋企等，而且好味嘅等下都無妨😁用錫紙包住送到嚟仲熱辣辣添～…查看更多

食完煲仔飯好想食甜品，今次叫咗Joyful House 外賣芒果拿破崙同菠蘿拿破崙，等得有少少耐，可能太多客啦，好彩喺屋企等，所以無所謂🤭不過嚟到仲好香脆，唔太甜，好好味，芒果唔酸仲夠甜😋 個人覺得芒果拿破崙好味d🤣雖然菠蘿都好夾味； 雪糕嚟到未溶👏🏻👏🏻 獨立上唔會整淋其他食物，好細心，雖然外賣無靚碟靚刀叉靚setting，但食物質素唔差，味道仍然好好食，米芝蓮街頭小食銜頭夠響， 難怪咁多人食啦～…查看更多

幾個月前住大埔嘅朋友帶我去食過，覺得好好味海鮮好新鮮，之後禁堂食再無食過，點知佢而家開午市😍朋友book位再去食，真係好新鮮d🤤d鮑魚仲識走㗎🤣我地2+1位分枱坐，同埋用公筷，本來店員話開多個爐比我老公，但我地烚完比佢所以拒絕咗，另外店員好有心機教我地落邊樣海鮮先，令個無味精嘅粥底越食越鮮味，之後好飽但最後個粥好味到飽都要食哂佢😋😋😋食到忘記影個粥嘅相😅每人2百零蚊就食到咁鮮甜嘅海鮮~好滿足呀~店仔細細但野食好有水準~見到午市好似仲有其他炒公仔麵，下次入大埔會再試下…查看更多