eatfigurebigmove的個人專頁

廚師話係用秘制香料炒過既雞煲，同出面唔同，果然一試難忘，堅好味牛頸脊超好食！$128 好多片！菜籃大大個，唔次一次，成日都覺得餐廳既菜靚啲已推薦朋友去，成班人聚會岩哂！仲叫左小食墨魚咀，重磅份量，一班人食岩哂…查看更多

出到旺角揀枕頭，揀完就上商場3樓食個西餐。餐廳分內外兩邊，唔係正餐時間入席，人唔算太多。我同朋友兩個叫左個意粉同漢堡佢個餐包唔係一般餐廳既軟包，略硬，用佢配個醬搽麵包幾好食😂其次上既湯，南瓜湯，正正常常，份量岩岩好👍🏻首先黎既係香煎盲曹配香草茄汁意粉，一般餐廳可能都係用三交魚/ 魚柳整意粉，好少見餐廳用盲曹黎整，又幾得意幾新鮮！茄汁意粉酸酸甜甜，幾開胃！無幾耐就上左炭燒菠蘿配美國穀飼肉眼配竹炭漢堡包，呢個包既等候時間較長，肉眼唔錯，多肉汁！另一個幾特別既點係，佢既漢堡係無醬，可能食慣有少少醬既漢堡，今次試到無醬汁，但多肉汁既漢堡好特別！味道唔錯！…查看更多

將軍澳比較少入！出黎做完野想食台灣菜，就去咗呢間四季良晨！之前都見到人介紹過，終於到自己黎試，十分期待！我們叫了一個燉湯餐，原盅燉湯配三拼飯，食到好多牛呀，正！牛味十分濃，不是每一間台式餐廳都有這麼多不同牛部位的選項！友人叫了一款紅燒四寶麵，同樣惹味！而小食就叫了番茄湯水餃，冷盤雙併叫了蛋和雲耳。食物味道不錯，十分飽肚，特別喜歡那款碼盅燉湯配三拼飯，又有菜又有湯又有飯😍👍🏻不過最討女朋友歡心的或許還是他們甜甜的台式特飲，鐵觀音珍珠鮮奶茶十分推薦！茶味香、奶味濃，珍珠好好咬，正！🥰🥰…查看更多

有時餐廳就會讓你有種相逢恨晚的感覺，大圍小館一定是其中之一。中式裝潢，一張又一張的圓桌，無論一家幾口來吃飯還是像我一樣和友人兩個來吃個便飯，都坐得十分舒適！餐廳的部長（經理）招呼我們坐下後首先問我們喝什麼茶，聊起天上來我們就問他有什麼好食的推介。部長明顯對自己的自家菜式十分有信心，先問我們有什麼不吃/ 特別想吃，了解完後，二話不說就給我們推介了幾款小菜。我和友人便安心的坐等佳餚。首先上桌的是他們的招牌菜：天下第一叉（燒），果真名不虛傳！叉燒厚切，但肥而不膩，是在任何地方也沒有吃過的叉燒味道和質感！十分值得推介！然後上的就是他的啫啫唐生菜煲和香濃腐乳炒蝦球伴西蘭花，兩款菜都好惹味！最推介既係佢既蒸蟹飯，一定要試！一定要試！一定要試！👍🏻👍🏻 有機會一定要encore!! 😍👍🏻…查看更多

今日放假,出左旺角攪小小野,之後同朋友食野先走我地落左油麻地,去左食牛極！佢地係專食牛扒既店,賣點都係靚料,依個時間無咩人,應該係過左LUNCH時間,而且大家都盡量食外賣比較多落左單之後,店員會處理,因為人唔多,好快有野食,我地拎埋位之後大家share 食！再食牛肩排,我鍾意原汁原味,所以無落其他調味料,份量好多,女仔食完一定夠飽～ 另外仲有沙律同飲品,不過主角一定係塊扒😂👍🏻價錢都合理,唔算太貴,亦都唔係太平,不過依個質素算合格,路過可以一試呀！🥰…查看更多

限聚令前，抓緊機會去多點不同的餐廳與朋友聚會食飯，今次就試了大埔的Dragon BBQ bar。一間小小的酒吧，想不到會有十分豐富的晚市菜單！我們一行兩人，點了個威靈頓安格斯牛柳及低溫慢煮烤乳豬件。首先上菜的就是低溫慢煮烤乳豬件，看得出乳豬件非常脆，一切開甚至聽到卡嚓的清脆聲音。肉汁徐徐流下，一拉便輕易撕開。他還附有兩種醬汁供客人點乳豬件，十分細心體貼！但我和友人認為乳豬件本身醃製和烤煮得已非常入味，便沒有多點醬料！乳豬件的伴碟有新鮮淋上了黑醋的沙律菜！如果覺得乳豬件有油膩感，可馬上吃沙律菜解膩，正！等了一段時間的威靈頓牛柳也終於上桌了，可以看得出宅的皮覺得非常酥脆，一切開就見到牛柳呈現深粉紅色，是我們要的7成熟程度！但份量不大，可能要多點小食才會飽肚😂😂一邊喝着啤酒和蘋果酒，一邊品嚐美食。細小的環境，客人都輕聲細語。不會感到嘈雜、又可以慢慢欣賞美食！下次再來一定要再點乳豬件，真的十分滋味！…查看更多

牛極相信大家也不陌生，它們有很多間分店，包括旺角、深水埗、油麻地、大角咀、荃灣、佐敦、和最近新開的銅鑼灣店，店內提供了不同品種的牛供消費者選擇。客人可以按照自己的個人喜好選擇牛的部位，十分方便！餐牌提供的牛選擇有；牛肩扒、牛柳、澳洲牛仔肉眼、日本和牛、和西冷，今次我們就試了牛肩扒（180g) 和牛柳（$200g) ！店員先給我們遞上兩條即用即圍裙，以防待會煎牛扒時，油會濺到我們的衣服上。牛肉很快便在熱騰騰的石板上上枱，插着一支竹籤+ 蓋着一張紙巾，很是特別。蓋上紙巾的原因是因為牛肉在煎的過程中，會不斷濺油，店家不想濺到員工及客戶。就像在電視節目也會看到，在名貴高級餐廳入邊，侍應也會用鋁的半圓蓋，蓋着牛扒，原理可能是一樣 😂😂🙈😂在牛肉的上面灑上了一些炸過的蒜片，吃着十分可口！牛肉是全生地放置在鐵板上，客人可按照自己的食牛習慣及生熟程度處理。我自己喜歡比較熟的牛，一小塊一小塊這樣的煎，十分好玩。煎到一半，石版已不在吱吱作響，應該是熱力消散了的緣故。店員很貼心的為我們更換了一個新的、熱的石板，方便我們再戰餘下的牛！不得不提店內還提供了任添的海苔白飯、沙律，和羅宋湯。羅宋湯入面的牛肉粒十分好吃呢！…查看更多

OUTDARK 係旺角都幾出名，今日難得有時間去試下。未入到時望入去都已經覺得好靚，入到去，餐廳幾暗下，但個個位上面都有裝飾巴星星好靚，門口兩邊都放滿哂香港文宣同鎖牆，裝修別有用心，好值得支持。始終未食過就周圍望下人地食咩，幾乎枱枱都有個鐵板”慶”住既芝士炒雞或RIBS，同埋炸雞。我地就都跟住嗌左芝士炒雞同埋半份辣炸雞。個芝士炒雞連埋個GAS爐先上，等一等就有人幫你兜兜下炒埋一齊。餐牌寫住個炒雞係用雞髀肉，甘就一定滑😋😋 我好鍾意食D 配菜例如泡菜呀，個紫菜飯D紫菜勁香勁好食。好快炸雞都黎埋，半份黎講個份量比我想像中多好多，成7,8舊雞仲有薯條薯角。最正係個辣，平時都鍾意食辣野，D 炸雞個辣好好食，雞又炸得好，岩岩好夠嫩又有汁，炸雞又配左4隻醬，有隻黃色醬，應該係蜂蜜芥茉好好味好快就清哂雞。因為炸雞好辣好滋味，我地重點食個份，搞到最後芝士炒同入面d 炒年糕食唔哂😭😭價錢正常、食物中上，旺角區加上係黃店，難怪咁難等位～～ …查看更多

串燒呀😍🙈新搬入大埔，一直都好想試下當區既餐廳，芝加哥串燒酒場就成為今晚既食堂！男士叫左craft beer, 女士無甘鍾意酒，但又覺得串燒應該配酒，就都一齊叫左支桃酒，甜甜地配串燒～ 餐廳個杯仔好得意，有條錦鋰係杯入面😍😍有人話想食飯，就叫左個原條鰻魚飯😂😂鰻魚好大條，醬汁好濃郁，蔥好香脆，配埋珍珠飯成件事好岩！如果想食多少少鰻魚味既朋友仔，建議”筆”酒d 汁，因為店家好慷慨甘真係比左好多鰻魚汁😂食完飯，等左一陣，重頭戲就黎喇！因為呢次主要係想食串燒，但又已經比個飯填左胃，所以串燒反而叫得唔多😂我地叫左和牛粒、黃立倉、韭菜、燒牛舌、鮑魚、同汁燒原隻帆立貝。帆立貝同鮑魚都正！又抵！但最令到我地驚喜既係黃立倉！！燒得岩岩好！個皮燒得好香脆，但裡面又有魚肉汁，所以話有d 野真係屋企真係燒唔到，要出街先食到🙈😋最後我地見個肚仲有少少位，叫多左份炸魷魚。講明炸，呢份野真係有少少熱氣，因為d 炸粉都炸到偏啡色，下次叫師傳較細d 個火可能會好d 😂 下次再黎既話想試燒茄子🍆，見到隔離枱食好正，但我地今次唔記得左叫🙈🙈整體而言，朋友圍埋一齊你一串我一串配酒係幾開心，價錢又唔貴！因為餐廳處理串燒都要比較長時間，變成仲多左時間同朋友慢慢飲返杯野談下心！😍👍🏻🙈🤟…查看更多

話說，我就應該唔會聽粵曲，但又想參觀下新起戲曲中心，就順便食埋飯先走。地下果層有間飲品舖，樓上有兩間食懷舊港式燒味舖。鼎爺私房茶就聽得多，點知係戲曲中心入面都搵到鼎爺牌頭開既燉湯燒鵝湯館。叫左個二人餐有荔枝柴燒鵝、燉湯同菜仲有燒味有瀨粉。兩個燉湯好足料，椰皇燉嫩雞果然係皇牌，店員介紹時話無添加額外調味，用足足兩個椰皇水加椰子肉加雞所燉，椰粉至愛！ 雖然本人鍾意多湯少料，燉湯就無辦法，用幾多料去煲就有幾多味，真材實料抵讚。桂香切雞飯幾好，皮薄肉有咬口，唔太肥夠健康。叉燒就帶點少肥，因為叫叉燒無可能要瘦，瘦就柴。今次既叉燒食落去時太邪惡，送飯一流。不得不提隻燒鵝，正名「荔枝柴燒鵝」，店員話係精選五斤四重既鵝乸，會特別皮脆肉嫩，又學多樣野！👍🏻👍🏻😂 最緊要係有我出面食唔到既煙燻味﹐我估應該就係個荔枝柴既味。另外碗飯都出奇地好食，雖然我唔知係中國泰國定邊度既米，但隻米個質感好好，配埋D 鵝油，真係超好食。臨尾加少少錢可以買多兩支奶茶行住飲。整體黎計價錢合理，反正尖沙咀區晚餐從來都唔特別平。燉湯燒鵝飯超級推介！！…查看更多

First thing first: * 推介：蟲草花水鴨湯底、手切封門柳牛肉、滋補花膠仔蟲草花水鴨湯底，製作需時，但d 湯可以直接飲，有好多鴨肉，包括兩大隻鴨脾，仲有大白蘿蔔、杞子、蟲草花、龍眼肉等，個湯己經好飲，正！海鮮拼盤有蝦、鮑魚、蟶子、龍躉、仲有3款蜆類。海鮮都好新鮮+ 好味，只係蝦麻麻地，肉質有少少鬆散。我地好鍾意佢每份餸既份量都岩岩好。自選8款配料，肉類大概4片左右。平時食野，鍾意食款唔係食量，呢度每份既份量都岩岩好，方便我就試更加多款！推薦手切封門柳牛肉，好重牛味！滋補花膠仔件件都厚身+ 大塊！一定要試！黃沙豬仔潤就麻麻，本身好期待既朋友都無食哂！飲品方面，有燒酒、啤酒、黑啤、汽水、茶，大部分$10 罐，但叫呢個海鮮火鍋餐，加$20 就可以任飲！如果想飲靚d，可以散叫紅白酒、日本清酒、連威士忌、白蘭地都有😂😂👍🏻…查看更多

First thing first: * 有冷盤，有燉湯，正！* 推介：海鮮餐（會配埋新鮮鮑魚、多寶魚、海蝦、貴妃蚌、黃金蜆、蟶子皇、蜆，仲有安格斯牛肩肉+ 自選八款海鮮火鍋配料）平時少入九龍灣，今日剛好同朋友食左呢間位於九龍灣工廈內嘅鮮味粥底海鮮火鍋店。可能因為位於工廈，餐廳座位闊落。好多火鍋店都淨係做晚市，而呢間早午市都有做，但就有第二個名。一坐到埋位，店員就即刻遞上竹蔗茅根水、兩個冷盤、雞腳、醃青瓜、每人兩隻泰式蒜蓉焗青口，同每人一盅花膠燉雞湯。花膠燉雞湯非常足料，飲落去唔似有味精。套餐方面，我地揀左海鮮餐（有海蟹/ 龍蝦餐），都可以揀雞煲。如果鍾意食海鮮又大食，可以揀「大胃王海鮮套餐」，每位包一隻龍蝦同一隻蟹。每個海鮮餐都會配搭埋新鮮鮑魚、多寶魚、海蝦、貴妃蚌、黃金蜆、蟶子皇、蜆，仲有安格斯牛肩肉+ 自選八款海鮮火鍋配料。海鮮好新鮮，品質好過唔少火鍋店。食材新鮮之餘，份量仲好夠，夠哂飽。店員會等你食晒成個火鍋後，幫你撈個海鮮粥，可以落芫茜蔥同菜譜。其實真係好飽😂😂 無乜可能會食得哂成大煲粥。但建議點都一試，因為海鮮既精華入哂粥底度！：）…查看更多

First thing first: * 大埔工廈有board game 有現視睇既cafe* 推介飲品：黑牛（朱古力雪糕加可樂）玩board game 就要出太子旺角？大埔都有有得玩board game嘅cafe 👍🏻👍🏻位於大埔工業中心的FAMA，係自助式嘅Cafe。有好多款board game～ 我哋2條友，本身想去食少少野+ 飲杯嘢，就冇乜點玩board game 😂😂 但現場好多年青人+  庭玩。Board game 係cashier 到拎，每次只可以拎一款同需放低$100按金。交還board game時，便可取回按金。比較驚喜的是這間Cafe有電視節目看，是用投影機頭投射在牆壁上。我哋試咗白汁大蜆意粉和德國豬手，飲品點了黑牛（朱古力雪糕加可樂）及柚子梳打水。每款套餐都會附送餐包及餐湯。食物份量很多，味道與一般cafe 一樣，不過不失。不過我認為豬手整得太硬，下次整得冧d 會更好😂…查看更多

First thing first:* 入到去唔要花生記住叫佢拎走，慳$12 架* 菜位$12一位，成張單仲要收加一，小貴* 推介：醉嘉美雞同朋友喺九龍塘睇完戲成個商場好多餐廳已經開始要等位，food court 更加完全搵唔到位。我哋行左幾層見到王家沙唔使等有位就直接入咗去～ 王家沙其他分店我都食過，整體質素都平均，唔會話一間分店好好食，另一間分店好難食。醉嘉美雞係我最滿意嘅菜式，佢嘅雞唔係用碟上，係擺咗係一個有「福」字嘅細呈入面，真係好似拍戲啲酒呈咁😂😂 雞有酒味同香，份量比想像中多。但可能因為係冷盤雪住嘅緣故，雞咬落去肉質較硬，但放心，唔會係乾爭爭，係好味、有酒香浸住嘅嘉美雞～～～ 👍🏻小籠包有幾款，我哋揀咗最普通嘅豬肉小籠包，$52，5隻，正正常常～ 佢嘅皮唔會太厚，但肉汁唔係好多。王家沙炒飯同樣都係普通貨色，唔難食但都唔係特別好食。兩個人埋單$374，小貴。…查看更多

First thing first:* 環境安靜，無加一，但唔係太多服務* 推介：黑松露三文魚Pizza、安格斯牛沙律又係四人組合出動，夜晚八點幾到元朗食一間多國菜餐廳，最驚喜嘅係佢嘅Pizza。我地叫左個細既黑松露三文魚Pizza，有好香黑松露味。Pizza嗰皮同邊都好脆，唔算好厚，係一個食落去唔乾身嘅Pizza～ 早知佢咁好味，我哋四個就會叫一個大份，冇記錯好似淨係差$25～雞kebab，佢都係多汁，而且外面既包唔會好硬/ 好厚，味道唔錯。Kebab上到枱已經切開咗4份，我哋每個人拎一份好方便～安格斯牛沙律，牛肉好滑好嫩，有少少入口即溶嘅感覺！沙律菜好fresh~~ 👍🏻炸魷魚圈，正正常常，唔會淋哂，脆口，好味過酒吧！😂最普通嘅應該就係呢個冬陰公海鮮炒飯，佢唔係冬陰公嗰種酸，亦都冬陰公嗰種好辣，係個喺屋企都會炒得出嘅質素～～薯條厚身，兩位女士非常鍾意，但兩位男士就話薯條要幼身先好味～～ 口感同口味，各有所愛～～ 😂😂餐廳冇加一四個人埋單$608，如果下次嚟應該會再想食個Pizza同沙律～～～ 👍🏻…查看更多