OttoKaman的個人專頁

想同老Best輕鬆Chill下傾下偈，意外發現咗一間「寶藏餐廳」～就喺大館對面，出名食牛扒㗎！🥩✨餐廳燈光偏暗、氣氛幾有情調，裝修好西式，有一刻真係覺得自己唔喺香港～🇫🇷店員主要講英文，但廣東話溝通都冇問題👍 點完餐之後，佢哋會先送上暖笠笠嘅餐包 🥖，比我哋慢慢食住等主菜，好有格調又貼心！💛主菜方面，我哋揀咗 300g 肉眼扒 🥩 同 香煎比目魚 🐟，再加個 奶油忌廉焗薯片 🧀，兩個人食份量啱啱好～牛扒煎得火候十足，外層微焦、內裡嫩滑多汁，牛香撲鼻；比目魚更加驚喜，肉質新鮮細嫩、味道清爽，配埋牛扒一齊食完全唔覺滯；而個焗薯片真係意想不到咁出色！奶油香濃、焗得香口又惹味，令人一口接一口，停唔到～🤤💯飲品方面，我哋仲點咗 2杯 Cocktail／Mocktail（$150／2杯） 🍸🍹，價錢合理又好飲～食牛扒、啜下Cocktail、再傾下偈～整個氣氛真係寫意到不得了～💬💞呢度絕對係繁忙都市中一個 最理想嘅小休息站 ☕真心推介！🥂✨…查看更多

超IGable嘅黑白餐廳！整間餐廳以黑白為主調，層次感超突出，每一個角落都好適合打卡✨我哋一家4口叫咗2個Main + 小食，份量十足，好睇又好食！大澳蝦醬魷魚筒鮮鳳尾蝦炒意粉濃濃蝦醬超惹味 + 爽脆大魷魚筒同彈牙鳳尾蝦，Fusion又好味！古早手工煎肉餅 x 蟹肉鹹蛋黃燴意大利飯 飯粒燴上鹹蛋黃，每口都入味，配埋香脆肉餅，小朋友食到停唔到口！夢-森の家賣相超可愛❣️ 白朱古力蘑菇殼一刀切開，原來係草莓乳酪 mousse + 海綿蛋糕 + 草莓果茸，Oreo「泥土」配水果同花瓣，甜度剛好，好滿足💖🍟 三重芝士粗薯條小朋友最愛，芝士足料，焗得脆脆香口，每條薯條都拉絲，超邪惡！🥤 飲品同樣IGable，無論環境｜食物｜裝修都好適合朋友聚會、食飯、慶祝！仲係 Pets friendly 🐶…查看更多

一見到有燒肉 + 榴槤的配搭，立即約埋老Best去一探究竟! 日式居酒屋的格局，估唔到燒肉都幾多選擇，當中特別在是共5款無限refill嘅韓式前菜 + 比你包燒肉的新鮮生菜，餐廳係細心的。 成間舖坐位唔多，但係有裝修的，好適合放工後約埋朋友一齊嘆下美食吹下水~初初以為係燒肉match埋榴槤放題，原來是先燒肉再食榴槤做甜品：榴槤係超好味的正宗D24，可以任叫任食，果肉厚，未食個味聞落去又唔會好重，上枱仲要係凍凍地，味道超正，簡直係完全滿足榴槤控! 而燒肉，款式幾多，有牛有豬有雞有海鮮，雖然望落好似唔夠D大型連鎖店選擇繁多，但呢個價錢真係好抵食! 主食呢，仲有小有的辛辣麵，胡麻醬冷烏冬等等，都係任點任食! 一個價錢，多重享受！至於飲品及甜品，啤酒/果酒/果汁/汽水，都係任拎任飲，而甜品除咗榴槤，其實亦有雪條同Häagen-Dazs雪糕任食，總有一款啱你心意~…查看更多

中環商廈26樓，全落地玻璃設計，嘆美食嘆埋夜景🌃收工後約埋老Best嚟歎返餐好嘅，環境超Chill，舒服又放鬆，邊食邊望靚景傾下計，爽💓餐廳唔大，採用圍繞廚師嘅吧枱設計，全部即叫即製🍣試咗「梅．17品 Omakase」，由前菜、刺身、煮物到湯品與甜品，整個流程好有安排，勁滿足😌🦪 岩手縣生蠔：大大隻，甜美多汁，Creamy又冇腥味，日本生蠔真係永遠唔會令人失望！🍣 刺身：極新鮮，師傅仲叮囑唔洗點豉油㗎，因為本身已經好鮮甜啦～🦪🧡 北海道帆立貝海膽杯：平時唔多愛海膽都話好！完全冇腥味，清甜又爽滑，賣相都相當IGable🍣 海膽壽司：一大底海膽用紫菜包住上菜，海膽控必點！最後仲有超足料海鮮湯 + 時令西瓜🍉，完美收尾～老闆仲即場請我哋飲清酒🍶Happy Friday嘆住Sake睇夜景，疲勞即刻洗晒～…查看更多

突然好想食拉麵近近地去咗AIRSIDE橫濱家入去坐低環境相當唔錯喎坐位闊落坐得好舒服！同老公兩個人點了兩個招牌拉麵🍜😋 班馬大蒜牛油拉麵豬骨湯底加上醬油，成舊牛油加勁多蒜蓉，撈勻之後真係未食已經聞到好香，麵質剛剛好，唔會話太淋，索埋D湯汁，係正嘅! 😋辣味增拉麵老公鐘意食辣就點了辣味增，唔太辣，但好香口，叉燒半肥瘦剛好，高質的! 鐘意食辣必點~仲另外點左個好特別嘅小食 - 炭燒雞軟骨串呢個炭燒雞軟骨串，一上枱係驚喜的，真係好似串燒咁一大粒丸，食落啖啖雞肉，入面亦含有雞軟骨，一碟有3串，份量充足， 推介~記得點麵要選埋軟硬度，價錢亦好相宜，唔錯～列入絕對會再Encore之店…查看更多

又約住啟德的老Best食好西近近地去左AIRSIDE人氣大熱茶室Nana’s Green Tea，地鐵站一出就到，地點勁就腳！鐘意食抹茶芭菲朋友必到食店!2人晚餐可選套餐，有主食有飲品仲跟兩款甜品啱哂我地2個女子邊食邊傾~食物份量都OK，適合女仔食量，我地點了2款烏冬：柚子胡椒豚肉烏冬：清清地之選，好鐘意佢入口隻啖啖的柚子味，感覺好清新，夏天食仲啱FEEL，烏冬相當爽身，唔會煮得過淋係好正的，唔錯! 海老蕃茄豆乳烏冬：勁Juicy的選擇，成個烏冬好多汁，係由蕃茄同豆乳mix埋一齊，烏冬索哂D汁好惹味，烏冬亦好彈牙，好正！而非常IGable的甜品就揀咗：#黑芝麻白玉芭菲：好重芝麻味，喜歡食芝麻的姊妹們啱哂，甜品來說佢又唔會太滯同太甜，就算我唔係好愛甜品都覺得好OK，相當滿足#培茶生朱古力芭菲：推介生朱古力配搭，味濃如果唔想食野，茶店仲有超過50款飲品，都係高質嘅！唔食飯，tea time過黎飲杯野打卡都係一個好理想的地方! 推介推介~…查看更多

已經第3次嚟南瀛，每次都覺得自己去咗日本食好西。每次來到都必點甲羅燒，即場上枱即燒，仲要有專人幫手燒係又新鮮又正，今次仲點咗個鮮鮑魚，上枱仍然係新鮮識郁的，燒好後口感好彈牙， 好新鮮好好味。另外個廣島蠔，有手掌咁大隻，都係即開即上枱燒，每樣海鮮都係同樣新鮮，絕對高質之作! 主食我地就點咗牛肉烏冬同壽司盛，牛肉烏冬塊牛肉真係好大塊呀， 啖啖肉，唔勒之餘又唔會話好油，唔錯! 壽司盛就唔洗多講啦，水準持續係一流的。飯的份量剛好，唔會太多太飽影响我地食其他好野🤭仲有個鱈魚西京燒，食日本菜必食，勁好味😋加埋兩杯特飲同埋勁似日本居酒屋的環境，兩個人慢慢食撐枱腳好Relax的一晚!…查看更多

朋友住啟德知道開左四寶食堂就即刻相約最鐘意茶仔的我食飯😝難得靚裝茶仔，勁多選擇，樣樣都好正，簡直令我地選擇困難，四寶食堂啟德絕對稱得上是主題餐廳，裝修風格完全配合啟德體育園，用單車做裝飾，好特別👍🏻值得一提佢嘅養生燉湯餐只需另外$28茶仔有燉湯飲係高質嘅，仲要都幾足料蟲草花姬松茸都有！招牌瑞士汁牛河必點，多汁入味有鑊氣牛肉唔勒，非常唔錯，我至愛食牛河，呢個真係大愛～胡椒大蝦粉絲煲，粉絲勁入味，隻蝦亦好大隻啖啖肉，呢個粉絲煲份量大大份，加錢可以轉套餐，有飯有飲品，真係好抵食！我地仲點多個XO醬西蘭花炒蝦球，唔似一般茶餐廳咁油膩，炒得剛剛好，西蘭花好爽口，蝦球亦有好多好抵食，讚呀👍🏻最後亦必須提一提花雕雞奕，作為前菜係好正，凍食好開胃，整體嚟講呢餐係非常滿意，絕對會再嚟Encore❤️…查看更多

嘆火鍋當然是無限時食最過癮!旺角鍋霸有得揀2小時任食又或是加錢享受無限時，慢慢食慢慢嘆，食火鍋就應該要係咁! 鍋霸有好多款火鍋湯底任揀，亦可以選擇雙併，我地就揀咗辣和唔辣各一款 – 蕃茄濃湯豆腐雜菌涮涮鍋及台灣麻辣牛肉涮涮鍋， 蕃茄湯底好香濃，朋友最愛蕃茄湯就啱哂佢口味，而台灣麻辣亦夠哂辣，滿足哂愛吃辣的我，2種不同湯底都超足料，勁豐富，就算大家唔同口味都同樣食得盡興~打邊爐就緊係唔小得食牛肉，呢度有好多款不同款的牛，當中必讚安格斯肥牛，大大塊一淥即熟，保留牛味之餘配埋濃湯夠哂惹味，另外西班牙黑毛豬肉片，打邊爐必備好Juicy啖啖肉真係好滿足，除咗肉，仲有好多海鮮呀丸類蟹柳等真係應有盡有，連炸物凍食都有幾款揀，真係性價比奇高。食飽後每人仲有一款雪糕做甜品，何其滿足的一餐，下次想打邊爐又有一個落腳點啦！…查看更多

機票太貴返唔到鄉下，唯有去食日本菜一解思鄉情懷。約埋朋友一嘗人氣日本壽司店鮨政師傅為全日本人質素保証期間限定鰤魚，有多款料理選擇特別點了鰤魚幽庵燒一試果然要肥美魚種先食到啖啖肉，好味食日本菜當然要配埋日本生啤先夠盡興飲酒緊係要有小食配襯，炸八爪魚好香口，送酒一流耶講明日本壽司店，當然要試埋手扼壽司拼盤我們點了特上拼盤，魚生好新鮮肉質肥厚飯量亦剛剛好，食完都唔會話好滯，2個人食剛好，好滿足最後點多個炸軟殼蟹，為呢餐劃上完美句號炸物唔會話好多炸粉，食落去食到軟殼蟹味道夠香夠脆相當高質，果然是正宗日本壽司店出品聽講午餐都有不同優惠，下次中午又嚟再encore…查看更多

同朋友一起試了這間平民價燒肉，比想像中有驚喜好多選擇的一餐，吃了美國燒肉、牛魔王燒肉、椰子雞煲，雞煲勁足料，牛肉比想像中高質，唔錯～菜單款式真係多，打邊爐、燒肉都可以，老人家小朋友都啱食。全場卡位，地方闊落，員工熱情招待細心解釋。設有長卡位，適合大家庭或多人聚會。免費花茶、甜品、湯雞半隻足料，大件嫩滑好味。亦有多種牛肉選擇、美國牛，澳洲牛，日本和牛，牛肉靚有雪花，厚切～除咗白飯，紫菜飯，仲有小朋友好鍾意嘅冷麵🍜至於個椰子雞煲，員工會幫手睇火煮雞，同埋建議最佳嘅食法。椰子雞湯鮮甜味濃、雞嫩滑。很滿足的一餐！讚👍🏻…查看更多

朋友生日就緊係要搵間好野同佢慶祝下‼️知道神戶屋有得食放題之餘仲有大閘蟹送立即訂定枱約壽星一齊出嚟食好西位置好方便, 位於旺角兆萬，場內地方唔大，但係座位都好企理食物方面選擇好多呀，有日韓泰都有，魚生/ 鍋物/ 炸物都好多選擇今個月仲另配每人一隻大閘蟹，好正! 刺身拼盤一上枱，好吸睛，配埋乾冰上枱真係不得了整盤刺身有帶子墨魚三文魚腩甜蝦北寄貝鮑魚生蠔等，極其豐富最驚喜係跟埋幾隻好大隻的蟹腳，超正除咗生食，竟然連雞煲都有得食，超惹味辣度剛好，令人想一食再食雞肉嫩滑入味，推介! 另外必須一提佢地的燒菠蘿，好甜好好味，而榴槤炸彈都係係必點之作至於送的大閘蟹，雖然唔係好大隻，但係又估佢唔到好多膏，送嚟講真係都算高質喎放題啦喎～啤酒飲品任飲是必須的，亦有多款雪糕任食，真心滿足的一晚! …查看更多

Lunch行過湊湊，拎住$49可以食到D乜⁉️最抵必點 #美國特選級雪花肥牛 小火鍋，新鮮肥牛大大碟，湯底可選蕃茄湯/ 椰子雞湯，兩個湯底都好足料，香味濃，配埋新鮮蔬菜🥬手打蝦丸，真心性價比超高‼️日日識都制～至於 #清遠走地雞 小火鍋，鐘意食雞朋友有福了，新鮮爽口雞肉，同樣有齊蔬菜籃同配菜，一個人食絕對滿足餐廳由10月18-22日，一連5天，牛肉小火鍋$49，呢個lunch真係極之滿足…查看更多

聽過Flames好耐，終於等到老公得閒陪我去撐枱腳啦! 雖然是平日，但都差唔多8成滿座，未食已經知道質素絕對不錯！一坐低就有職員來serve，主要都是以英文落單，餐廳主打是手工Pizza及意粉，我們只有兩個人，所以只係點左幾個美食，已經好滿足啦❤️現場手工製作Pizza - 意式辣肉腸薄餅，即叫即焗，所以都會相對厚身，入口相當鬆軟好味，辣肉腸唔會好辣，反而好香口，令人食完想再食，好味道！黑松露蘑菇扁意粉 - 好creamy的意粉，但食落唔會話好濟，份量亦剛剛好，黑松露好香意粉夠入味，Good的👍🏻另外我地仲叫左個粟米片Loaded Nachos，前菜必備，香口惹味，兩口子傾下偈飲住杯荔枝特飲，配埋呢個粟米片，好relax好啱feel❤️Flames無論環境氣氛食物都係拍拖必選地點‼️…查看更多

我真係好鐘意食泰國菜，朋友為我慶生都特登揀咗間超好味泰國菜，當中主打芒果糯米飯生日 “蛋糕”，非常特別! 最有Heart係個 “蛋糕” 上枱時店家仲會為你唱生日歌，真係好鬼窩心! 除咗個芒果糯米飯高質外，其他美食都相當唔錯架! 鮮蝦柚子沙津: 好清新，柚子肉都多，好開胃啊～麵包咖哩軟殼蟹: 咖喱汁配麵包真係好好味，軟殼蟹好脆，食落好有咬口，唔怪得係店家推介之一! 酸辣椰汁雞湯: 呢個必試，好好飲，酸酸辣辣的好開胃，而且佢係好足料，椰香味重，好好味! 食泰菜必須要以馬拉盞炒菜，今次就揀咗炒椰菜苗，炒得乾乾好，唔會話好油仲要好爽好味～另外生菜包也是必須的，辣度剛好，完美。再食埋個海鮮炒粉絲，3個人慢慢嘆，再叫多幾支泰啤，過了一個幸福的晚上! 推介比同樣喜愛食泰菜的你！…查看更多