唔寫OK的食評的個人專頁

身為一個”麵精”的我，有好的粉麵當然必定要去試一試。店子以三款高湯為主打，分別為黑高湯(以牛骨、牛腩及羅漢果為主材料)、白高湯(以魚湯為主材料再加上豬骨)及大高湯(以雞為主材料再加上金華火腿、豬骨等)，今日還有Special蕃茄豬骨湯底。初到貴境，先試試黑高湯米線啦。食物放得非常精緻，3個小蒸籠亦十分特色!!原以為牛湯會很濃郁，事實剛巧相反，一吃下去竟然覺得有些清淡，藥材味較濃之餘又不失牛味，比起單純濃陏牛味更為驚喜，大滿足。店員雖然推介黑高湯與葛粉絲為最佳拍檔，但我選擇了米線亦覺非當匹配，還是選舉自己喜愛的比較好~~而小食有12款選擇之多，幸好我一早就到，服務員向我逐一介紹，服務不錯^^。從餐單看出，1-12款小食應該由淡至濃排列，我建議選舉應該平均D就最好喇!終於我點了三款小食:馥郁溏心蛋，正，溏心得來竟然有紹興酒香，別具風味三鮮水餃，皮薄餡靚，雖然有上湯，外皮亦不鬆散，手藝不錯，可惜味道不突出和味腩片，少少辣，惹味非常！作為一個lunch價錢比較貴，但絕對值回票價，一定再來，下次必試大高湯陽春麵(雞湯)及酸梅炸蝦丸!!…查看更多

O岩O岩去完呢間食lunch, 估唔到咁好味呀我食左個牛肉什錦食飯($90) 朋友就叫左個焗魚飯($85)，大家share前菜有茄子、泡菜同煎餅(炸黃瓜), 同樣出奇的好食，連一向唔食茄子的我也吃過不停泡菜食落爽口不太辛辣，炸黃瓜就做得外脆內軟。主菜牛肉什錦食飯,飯同餸的比例大約3:7 再加上韓國特色醬汁,每一口都是餸，味道極佳略嫌味道過濃相反原來焗魚飯與日式青魚飯非常相近，燒魚加上檸檬汁，估唔到青魚肉伋亦能保持非常juicy, 可惜一條鯖魚較難送一大碟白飯。幸好我們將牛肉飯同白飯合二為一，兩者均恰到好處!以為一個普通的lunch 竟有如此的驚喜，so good ^o^。食個普通既都冇諗過寫下食評，所以冇影到任何相!!唉!冇相冇真相tim!PS:食完油煙味就少不免，環境總算唔錯!…查看更多

平時如果一個人去食Dinner，一般都以食物質素為優先考慮條件。但這次約了朋友一起共進晚餐，當然先選擇了環境，後選食物啦!! 千挑萬選，搵到了這間樓上café, 環境不錯之餘價錢亦唔太貴。一入去已經有一種很舒服的感覺，設計以白為主然後以黑線圍上，簡潔而且很像置身於平面世界一樣。可能時間尚早，我被安排了一個我最喜愛的位置—角位!好處是附近不會太多人(至少唔會4面都係人啦^^)，加上兩面窗可望到整個銅鑼灣夜景，街上下著滂沱大雨，氣氛一流呀!! 講番食物，選擇唔多只得ABC3個餐，我同朋友就點了其中兩個蜜糖烤雞扒燴意粉及芝士煎魚柳配薯菜。餐湯是蘑菇忌廉湯，蘑菇已磨成碎蓉，”菇味”十足又不用咀嚼，再配上脆卜卜的多士，口感味道都襯到絕!!主菜較喜歡煎魚柳，外脆內軟，魚肉不會一咬即散還有一些鮮嫩的感覺tim haha!烤雞扒味道不錯但略嫌太燶。因為想試下新口味，於是點了個完全唔識的甜品，反而更喜出望外。餡餅鬆脆香蕉味濃，一吃就停唔到口。相信係類似香蕉檸檬批掛!!總知，正!!可惜坐了兩句鐘就要交檯，飲料都是匆匆喝完便要離開!!I'll will be back!!必定會再來的樓上cafe. …查看更多

秀拉麵-最近有朋友對我說他目標是要吃盡在香港<<米芝蓮>>推介的食店，現已完成1/4。聽完後好有感觸，同時亦覺得這目標”幾型”haha ^o^。所以一向好食拉麵的我，冒死都要試試這間熱潮已退甚至已跌入深谷(在OpenRice)，卻曾獲得<<米芝蓮>>推介的秀拉麵。今非昔比，星期五晚7時多，不用排隊，內裏人流都只是小貓三兩隻賣相尚算可以，第一啖把湯喝下- 出事喇!!湯底density奇高，大量脂肪浮面，油膩得令人卻步，有種令人不想繼續吃下去的衝動，失敗!!肉方面，有腩肉/肩肉/豬頸肉，我選擇了肩肉後，看到師父以火鎗烹調肩肉，食客可以看著烹調過程，這地方做得不錯，可惜食落又真係燶左少少……半熟蛋絕對是水準之下，蛋白蛋黃近乎全熟，上檯賣相極差。麵與肉總算吃下了，湯剩下那麼多還是第一次，把湯喝乾是對拉麵師父的一份尊重....可惜... mission impossible!!其實以<<米芝蓮>>推介的食店作召來，應該有很大的號召力才對，但星期五晚不用排隊人丁疏落，OR接近一半劣評，足以證明秀拉麵的食物質素應該已大幅下降!其實去前我已有心理準備，預左”好睇唔好食”， <<米芝蓮>>除了以食物評審外，還看重環境、服務、賣相等等評級，但最重要的還是大多以外國人口味為主流﹐未必能踏踏實實地反映出港人的口味!!但這次結果，卻比我預期更差!!學政府宣傳話齋 “不可一，不可再”…查看更多

由於自己很懶，從沒有想到自己會寫起食評，但一向都有把食物拍下來和食下一些感覺的習慣。終於到最近決定下筆，把一路以來拍下來及寫下來的重新整理，寫成一篇篇的食評。寫了數篇食評，開始發現除了食物有分新鮮與否，原來食評也是一樣。不論菜單、環境、食物質素、味道等等都會不斷改變，所以食評亦必須要”夠新鮮”，才可以寫出最接近的精髓!!前幾天lunch就去了上環一個熟食市場，傳聞有一間卧虎藏龍的西班牙餐廳，我當然不會錯過這個食美食的機會。這間餐廳在熟食市場內開業的確有點格格不入，環境及價格都與附近的食市都相差很遠。粟米湯: 已經不能說這個是湯了，只可以以糊來形容，正因如此，除了粟米還是粟米，就像正在吃不用咬的粟米一樣，每一啖都充滿粟米蓉既清甜甚至有爽口的感覺，與一般西餐廳的鑵頭湯有天壤之別。再來是蘑菇意大利飯，蘑菇汁用上三種以上不用的蘑菇制成，香味湧出來似的，我還償出蘑菇汁內加入了芝士，吃下更有層次感。蘑菇汁更完全滲透於意大利飯中，很難想像以lunch咁短時間已能夠煮得這樣入味。以熟食市場來說，$68一個lunch 真的不便宜，但以食物質素來說，絕對值的!…查看更多

自從拉麵大戰展開，本來想以”魂”作為第一站，然後才征服全港最好食的拉麵。可惜當日6:30pm前去到已經截龍，結果第一站就變成豚王。卻是因禍得褔，不論是先入為主，還是真材實料，豚王已成為我心目中的No.1 (暫時)。但魂始終是必去之選，如果去不到心癮將會更大。這次比上次早了一點到達，有機會排隊一嘗魂的滋味。排隊時間雖然只有大約30分鐘，對我來說卻是渡日如年!!排隊環境極度惡劣，後巷、坑渠、污水、雜物都唔緊要，最慘絕人寰的是有隻曱甴不斷在我身邊徘回……..食慾大大降低!!經過這”死亡30分鐘”，心情同食慾都要時間才可平復過來。成功入店後，我用全力集中回在食物上。自己一貫作風，先點了個招牌主打麵”魂”。“魂”的點菜紙極為簡單只有四款拉麵選擇，麵也只有軟、普通及硬以供挑選。”豚王”卻有濃度、香油、蒜量、味噌等等選擇，各人可按自己喜好調較。我則比較喜歡“魂”這種風格，simple is the best!!太多選擇只會給店舖一個下台階，不好食只因食客自己配搭不佳。但“魂”這種不花巧，所有”味道”全由師父決定，我想試的正正就是師父的技藝，而不是吃”適合”自己的味道。“魂”所用的是粗身的麵條，同時這款麵條亦是我最喜歡的類型，粗身麵條好處是縱使吃得慢亦不容易變軟，比幼麵更為彈牙(點”普通”硬度已經足夠)，掛湯力也極佳，單以麵條來說“魂”也可勘稱最強!!!! 湯，豬骨味道不太濃郁卻非常吸引，吃到中段可加入蒜，湯底味道將會倍升，擔保令人喝至碗底。叉燒，肥瘦分佈均勻，最出色還是它的調味，調味平均而且非常入味，每一啖也能吃到濃濃的豚肉味，甚至入口即溶，上品之中的上品(但份量郤不多，建議另加”秘制叉燒”)!!溏心蛋，流心還可以接受，味道卻全無特色，既然是附送的，無所謂啦haha^^;“魂”的麵條及叉燒相信是眾多拉麵店之冠，好味程度爆晒燈呀!!但“魂”的拉麵同時是眾多拉麵店之中最細碗的啊，真的唔夠喉………查看更多

今日做完gym，諗住周圍搵下食，睇完OR都諗唔到食乜好，唯有左逛逛右逛逛，終於行過間門口裝修好有日本feel的魚生專門店，9:30pm後6折仲要掛上築地個名 ，姑且試試啦。終於點左個築地四色丼，四色分別是甜蝦、三文魚、魷魚、帶子。等食物其間唯有影下相啦，店內都充滿日本風味。一等再等，等完又等，追都追左兩次……結果！漏單!?等左30分鐘先話我聽漏單，唉!!!等左起碼45分鐘先o黎到個魚生飯，唔緊要我好快就調整好心情準備開餐(我唔想因為心情影響到我既胃口，我EQ都幾高下haha)。睇落的確唔錯，漬物好弱唔入味; 味噌湯好濃味噌味而且裏面有大量肉碎，整體夾得好好，但亦都係全個定食唯一值得表揚既物。溫泉蛋!?真係唔係咁buy….除左佢外表似隻煮過既蛋之除，我唔係好分到佢同隻生蛋有乜分別 lor……….入正題，魚生飯d魚生都冇乜問題勉強都算唔錯，三文魚d油反晒光咁，都幾肥美、甜蝦帶子刺身亦幾鮮甜、魷魚不過不失啦。但最失敗始終都係飯，好硬，醋味嚴重不足，食落口完全唔似珍珠米，令人失望。如果要讚都仲有野可以讚下既，就係Wasabi，味道好純唔太辛辣，裏面有很多”籽”，如果話佢地真係有用山葵磨成Wasabi都可以一信。好可惜，Wasabi幾好都冇用，點都唔會影響到全餐飯既味道，最多只能錦上添花，但絕對唔可以扭轉乾坤呢!!青苹果蘇打，送的，作為補償我的等候時間店內掛滿”築地市場”等唔同招牌，刺身質素又全完冇得比，我覺得佢地一係唔好標榜同”築地市場”有咁大關係，一係盡全力提高店內食物水準啦。最最最起碼都煮好個飯先啦。但以9:30pm後6折，$100有找o黎講，可以接受啦，推介就免喇........築地市場魚生飯!?咪玩啦 XD......…查看更多

香港既拉麵大戰認真精彩，無論前幾個月既四大拉麵食: 一風堂、豚王、魂同埋麵屋武藏，鬥過你死我活。到近期後起之秀周月、隱家拉麵工埸、舞心拉麵等等…咁多美食，正!!試都有排試呀~~~作為自己第一篇食評，好，我決定就以最好食o個間寫起!!哈哈~~先講講四大拉麵，可以咁pair up一下先，豚王vs魂，一風堂vs麵屋武藏。前者鋪頭較日式細細間，拉面都係由大師傅炮製，未食都已經加分。後者則比較有規模，坐位舒適，侍應都係well-trained，但拉麵就似工場式制造，冇乜heart 。”食景”定”食o野”就自己選擇，各有各好啦，如果一個人去食既話，個人就鐘意食”o野”多D!!其實原先想去慕名以久既魂，當日一放工就趕去，6:30pm前就去到。見到條人龍都唔係咁長諗住好快啦，點知未排隊佢話已經截左龍。唔係下嘛，咁早截龍，唔怪得條龍唔長啦。好彩我都有兩手準備，即刻再趕去附近既豚王。7點前到，排左半個鐘左右就有得食喇~~~豚王既拉麵以幼麵為主打(本人唔太like幼麵)，因為麵太幼，浸o係滾熱辣既湯裏面好易變得好淋唔彈牙(所以強烈建議軟硬度要點”硬”); 豚肉方面，豚肉味比較特出，而且份量都相對地多，可惜睇相都睇到肥瘦不均，差不多全塊都係瘦肉，所以食落都比較”鞋”。但以上少少的瑕疵一D都唔重要，拉麵的靈魂始終都係湯底，奶白色的豬骨湯味度濃郁而且唔肥膩，飲左第一啖之後差唔多停唔到口，真係第一次食野會有令人感動既感覺，可能再加上當日天氣極為寒冷，一啖熱湯變得更加渦心!!但豚王係眾多拉麵店中最出色既一間(個人口味而言)，湯底固然之係主要因數，其次就係佢隻溏心蛋。溏心蛋除左夠流心之外，最特別係有用醬油調味，除左軟滑的流心額外更加添一份清甜，比其他拉麵店又勝一籌。再者，話佢係配料最強亦唔太過，佢d秘制芽菜、雪菜仲加埋有生蒜可以自己壓碎放入碗裡面，夠晒惹味。食到中段仲可以落些芝麻增加湯底既香味，食到底都唔覺得滯。食到見到碗底個”多謝”，走既時候仲覺得好回味(呢d咪就係after taste lor)遲d一定要試下個海老王和元氣王先單以味度o黎計，豚王既豬骨湯係最濃郁可為四大拉面之首，anyway, I’m loving it!! 總評:環境濟迫拉麵、豚肉-普通豬骨湯- 一流/無得彈溏心蛋-最特色，有醬油調味，清甜配料最強!!…查看更多