yanyan210的個人專頁

之前嚟食過晚飯，價錢親民，地點又方便，所以都非常多人，趁新年前有得提早放假，一於過嚟食lunch😋▫️串燒沙嗲 $88/半打叫左雞肉同豬肉各3串，肉質厚實，外面燒到香口，內裡juicy，配合埋充滿花生香味嘅自家製沙嗲醬，泰正了▫️泰皇咖喱炒軟殼蟹 $128軟殼蟹即叫即整，都幾脆口，黃咖哩充滿椰香同蛋香，岩曬食唔到辣嘅朋友仔，另外仲加左蒜茸包($38)點咖喱汁食，脆卜卜嘅蒜蓉包吸收曬咖喱汁，泰惹味▫️泰式燒豬頸肉飯 $55原先齋點燒豬頸肉，睇睇下見到lunch set有燒豬頸肉飯，仲可以$25追加小食同送飲品，非常抵。豬頸肉幾爽口，燒到有啲焦香，配上特調泰式醬汁，好好味。追加嘅酸辣鳳爪沙律酸酸辣辣，好開胃。套餐加$22就可以升級要椰青，椰子水好清甜，椰子肉都好易畢嚟食🥥順帶一提，呢到既Lunch Set係12:00-17:30，唔駛加一，有時夜晚上堂前食個early dinner都唔錯啊！另外，單叫小食同小食拼盤份量都唔少，希望餐廳可以新增自選小食雙拼盤😆…查看更多

今晚同朋友慶祝last day😆揀左呢間以海膽為主題嘅日式餐廳嚟慶祝😋餐廳空間感十足，座位闊落，梳化位背後放滿酒樽🤎燈光唔會太暗亦唔會太光，幾好feel，仲有露台，可以出去吹吹風傾下計都幾chill🥂▫️前菜：蔬菜棒配鯷魚醬 $38 🥕🥒鯷魚醬係餐廳自家製嘅，用上多春魚，沙甸魚，牛奶同蒜蓉混合而成，味道鹹香，配合埋清爽嘅沙葛、蘿蔔同青瓜條點嚟食，幾開胃▫️生蠔 $78/隻 🦪今次揀左兩款生蠔，西班牙銀堡爽口鮮甜，蠔身亦厚，較重海水鮮味，加拿大Gailiano則相對creamy，同樣鮮甜，餐廳仲會插枝國旗仔俾你知食緊邊款，唔怕撈亂，好貼心🤍▫️日本海膽味噌甲羅燒 $328🦀餐廳招牌菜之一，滿滿既蟹膏，海膽同三文魚籽非常吸引，蟹膏濃香，海膽鮮甜，三文魚籽粒粒飽滿，鋪滿香脆嘅麵包，一啖放入口，好滿足！▫️蒜蓉牛油燒生蠔 $36/隻🦪雖然用上蒜蓉牛油，但一啖咬落去，仍然食到生蠔本身嘅鮮甜，唔會被蒜蓉蓋過曬，味道恰到好處👍▫️手卷 $16-20/件 🍣今次揀左4款，蟹籽沙律手卷 爽口開胃、三文魚手卷肉厚鮮甜、黑松露帶子手卷 爽甜嘅帶子配上濃濃嘅黑松露 亦出奇哋夾、蔥油甘魚蓉手卷，吞拿魚蓉食得多，甘魚蓉比較少食，都係特別體驗，不錯啊！▫️串燒 $10-30/串🍢喜出望外嘅係，一間位於銅鑼灣旺區嘅餐廳，串燒可以做到咁高性價比👍Special menu $10-30就可以叫到串燒，燒牛柳同雞骨豚肉腸都只係$10 仲要好juicy；豬頸肉食得多，雞頸肉真係未食過🙈原來都幾好味；蜜蜂芥末橫隔肌同蒜香羊西冷燒得岩岩好，唔會過熟，肉味濃好香口，串燒會配番岩味嘅醬汁，絕對不馬虎，即叫即燒，超用心製作！▫️松露薯條 $20🍟估唔到份量都幾多，即叫即炸，薯條香脆得嚟又完全唔覺油膩，配上松露醬 好香🤍🤍▫️Backpink / Earth $88🍹兩款cocktail都用上Vodka做base，Backpink 加左荔枝、紅梅、乳酸同青檸汁，口感比較清爽，容易入口；Earth 除左菠蘿汁，更加左Gin，酒味相對濃少少🤏酸酸甜甜 簡單清新，兩杯都好好味🥂…查看更多

店內除左播住懷舊歌之外，周圍都放滿復古擺設，好特別，氛圍感即時拉滿。一坐低，店員幫手清潔完餐具就會拎一大盤調味料俾你自由選擇👍▫️花雕醉美人鍋🐥有好多款湯底選擇，今次揀左醉雞湯底，新鮮雞件係另外用瓦煲仔上，唔會浸住湯咁上，可以湯滾即落，足足有成半隻雞，好抵！濃濃嘅花雕酒，岩曬冬天暖身驅寒，雞肉淥6分鐘岩岩好煮熟，嫰滑厚實，仲有陣陣花雕香味▫️珊瑚蚌一碟份量都唔少，爽口鮮甜，好新鮮▫️本地手切牛肉(細) 🥩打邊爐絕對唔少得一份靚牛肉，每片牛肉雪花分佈均勻，肉質鮮嫩，牛味濃郁，有入口即溶嘅感覺▫️娃娃菜打邊爐最鍾意娃娃菜，貪佢夠入味，吸收曬醉雞湯底，好夠味，而且呢度份量都唔少▫️鴛鴦滑小朋友先做選擇，直接食曬兩款滑✌️黑松露墨魚滑🦑墨魚滑起曬膠，鮮味十足，細味又有黑松露味，兩者都幾夾，唔錯。蟹籽蝦滑🦐🦐🦐真係見到原隻蝦喺入面，仲好多添，啖啖蝦肉，爽口彈牙，真材實料高水準！▫️脆鯇骨腩🐟好鍾意食脆肉鯇，嚟到都例牌食下，以為份量好少，點知都幾多，大大件，魚味濃又爽口，好正！▫️懷舊遮仔啫喱☂️細個去酒樓飲茶成日要食嘅遮仔啫喱，呢度都一樣有，仲會落埋花奶，而且仲係免費贈送㗎！兒時回億番曬嚟▫️懷舊糖不甩除左啫喱，仲有錦鯉魚糖不甩，店員會幫忙放入火鍋入面煮至軟糯，再將糯米剪件，均勻咁掛滿花生碎砂糖，簡直為成餐飯劃上完美句號。…查看更多

最近連續食左幾次烤魚，朋友見我咁鍾意食，就介紹左我嚟呢間正宗四川風味，非常貼近大陸口味嘅酸菜烤魚🐟餐廳內外都圍繞唔少魚嘅蹤影，名符其實小魚兒，亦以霓虹燈為主的裝修風格💈主打川菜有烤魚，雞煲，酸菜魚及串燒，而且可以自己用電話掃 QR code 落單，簡單方便又快捷📱▫️鮮九葉花椒 BB 豆花配江團魚 $348烤魚一共有 4 款種類同 9 款口味可揀，辣度和麻度亦可按照個人喜好選擇。我哋今次就揀左試肉質肥美、油份偏重，含有豐富膠原蛋白的江團魚，江團魚除左啖啖肉之外，仲冇乜細骨，岩曬我呢啲鍾意食魚又懶挑骨嘅人🙈由於我耐辣能力愈嚟愈低🥵湯底揀了ＢＢ麻同小辣的鮮九葉花椒 BB 豆花口味，配料本身已有木耳、豆腐、青瓜、紫洋蔥、大豆芽菜和寬粉等，份量其實好足，麻麻辣辣的湯汁滲入魚肉及其他配料，每一啖都非常滋味！我哋另外仲加左圓薯粉($28)，口感比起一般寬粉更加煙韌，配合埋越煮越濃稠嘅湯底更是惹味可口！▫️蒜蓉燒生蠔(3 隻) $88生蠔即叫即燒，蠔肉鮮甜多汁，咬落啖啖肉，配合埋炒香咗嘅蒜蓉，入口非常惹味▫️鹽燒牛胸爽 $38原先想叫牛胸爽火鍋料，但見到有鹽燒，鍾情於不熱氣不吃嘅我，當然要一試😛牛胸爽係牛胸前嘅脂肪，看似油膩，但實際上係一種軟組織，入口滿滿嘅牛油香，但一啲都唔油膩，口感脆而爽口，帶點韌勁，正！…查看更多

作為無貝不歡的吃貨，被朋友的海鮮相燒到🔥一於嚟個磯燒海鮮盛宴啦位於銅鑼灣的高質居酒屋🎎磯野水產選用日本海產每日新鮮空運到港，場中間更設置小型浜燒檯以縮短上菜時間，務求讓食客能夠第一時間品嚐到菜式，而且設有吧枱位置可以近距離欣賞師傅手藝。裝修亦充滿日本居酒屋風格，放滿酒樽、日本風掛布，臨近聖誕，仲佈置了很多聖誕裝飾，非常有心思！ ▫️前菜：蔬菜棒配鯷魚醬$34鯷魚醬由多春魚同沙甸魚醬混合而成，明明兩者獨立時 我是拒絕放入口的，但mix埋一齊味道鹹鹹哋，配合埋清爽嘅蔬菜棒🥕點嚟食，又覺得幾好味啵▫️鹽麴五花腩 $68/2串大推！平時唔喜歡食五花腩嘅我, 竟然想encore，五花腩燒得非常非常香，燒起即食完全無油膩感覺▫️鹽燒白鱔串燒 $88/2串白鱔肉厚有彈性，燒到有少少脆邊，食到鱔魚既鮮味▫️自家製免治雞肉棒 $58/串雞肉棒裡面加入左軟骨🍗食落口感不錯，配埋月見汁，令到雞肉滑滑的有蛋香▫️鹽燒時令鮮魚$688今次選用鹽燒嘅方法去烹調伊佐木🐟油脂分佈充足，皮香肉嫩，亦唔算多骨，鹹味恰到好處，魚油香配埋淡豉油同檸檬汁，更提昇風味！▫️兵燒貝類盛合 2人前 $698店員燒食材前都會逐一介紹，讓客人先了解海鮮材料，可以趁機影相打卡，今個貝類set有貴妃蚌、白貝，時令活蠔同越南大虎蝦。幾款海鮮都好鮮甜，肉質飽滿多汁。虎蝦肉質結實彈牙，蝦膏香甜；白貝仲用左燒酒煮，鮮甜之餘帶點酒香；西班牙活蠔火炙得剛剛好🦪有生蠔嘅口感但又暖暖哋，正！由於食到唔夠喉，另外再追加2隻文蛤($196)，同樣無失望，肉質鮮甜多汁，濃濃海洋feel！餐廳仲新推出左會員制🎏加入會員除左有全單85折優惠外，仲有$200現金優惠券同其他優惠添🎁…查看更多

嚟九龍城唔一定要食泰國嘢嘅, 今次趁住放半日假一於去食日本菜喇餐廳裡裡外外都以木系為主，令你置身於傳統日式居酒屋嘅感覺，氛圍感即時拉滿🎎座位寬闊，除左卡位，仲有bar枱，食客可以近距離咁欣賞師傅製作料理🍣店員溫馨提示Asahi啤酒($48/枝)做緊買一送一優惠, 雖然係lunch hour, 但難得放半日假, lunch hour都即時變happy hour啦🍻🍻 飲得啤酒, 就當然唔少得串燒了。十幾款串燒自選4款都只係$98 仲跟飲品或啤酒，今次就試左紫蘇沙錐魚、魷魚、燒茄子田樂、黑豚肉腸、明太子蓮藕、雞頸肉、雞翼，全部即叫即燒，燒得岩岩好，再呷一啖啤酒，爽呀！嚟到主菜 午市定食，每個Set都附送海鮮味噌湯、前菜▫️前菜&海鮮味噌湯沙律菜非常爽脆，配埋胡麻醬好夾。味噌湯好足料，除咗常見嘅豆腐同海帶之外，仲有蝦同蜆，令味噌湯鮮味再度提昇🔝▫️上戶刺身盛配迷你烏冬 $208刺身有帶子、三文魚、油甘魚同赤蝦，每款都好鮮甜，而且兩款刺身魚都係厚切，特別滿足！▫️牛舌薄燒配三文魚炒飯 $98牛舌同串燒一樣都係燒得剛剛好，肉嫩多汁，而炒飯粒粒甘香分明，帶有獨特燒香味和三文魚嘅鮮味餐廳環境舒適，服務態度友善，下次再嚟想試埋佢哋嘅日本象拔蚌刺身同生蠔😋…查看更多

哇哇哇 估唔到大圍屋邨藏住一間靚靚粉紅燒肉放題小屋🩷座位非常闊落，亦好乾淨，坐得好舒服，雖然係燒肉但都唔會覺得好大陣油煙味👍放題有3款套餐選擇，今次試左中間價錢$368嘅竹之燒肉，澳洲和肉油脂分佈平均，肉無經醃製，直接燒，肉嫰多汁，食出牛肉嘅原始鮮味除左肉類同海鮮，仲有壽喜燒同炸物，炸物比較驚喜，有牡蠣，多春魚，大蝦同芝士波波，新鮮炸起，粉漿夠薄，咬落脆口，食多幾件都唔覺油膩飲品同甜品方面，款式選擇多，有自家製無糖茶，芒果布甸，紫米露，啫喱，最後仲食多杯榴槤味雪糕，好好味😋😋😋…查看更多

原來上年食嘅旺角鴻星大閘蟹餐 都係東海飲食集團旗下嘅，今年再食東海旗下嘅東海薈，同樣係2皇1后大閘蟹餐🤤🤤沙田呢間分店，環境舒適，座位闊落，sofa位非常適一家幾口或三五知己聚🦀10月中完全係食大閘蟹嘅好時機，無論男男女女，啲蟹膏都多到瀉😍😍蟹囡嘅膏係半硬半流沙狀態，而蟹囝亦係流沙膏之中開始有白膏🥰兩者都完全滿足曬我最鍾意嘅蟹膏狀🦀🦀2皇1后餐除左清蒸大閘蟹外，仲有▫️金瑤雞絲羹▫️鮮拆蟹粉小籠包▫️豉油皇煎虎蝦▫️蜜糖叉燒併青瓜▫️鮮鳳梨黑豚肉▫️菌皇浸時蔬▫️暖心薑茶湯丸虎蝦煎得香脆可口；半肥瘦叉燒，肉嫰多汁；黑豚肉採用咕嚕肉嘅做法，炸粉薄，新鮮煮起 啖啖肉，非常惹味；最後送上熱辣辣嘅暖心暖胃薑茶芝麻餡湯丸為今次大閘蟹餐劃上完美句號🤎🤍…查看更多

繼上年試過呢間任食後，今年再同朋友食，果然無投訴！無論男男女女 啲膏都多到瀉😍😍10月中，蟹囡嘅膏係半硬半流沙狀態，蟹囝亦係流沙膏之中開始有白膏🥰兩者都完全滿足曬我最鍾意嘅膏狀三味真鍋除左有蟹任食，同時包埋火鍋任飲任食，加幾十蚊仲可以享用埋雞煲，飲品方面亦有多款選擇，有糖或無糖紙包飲品，汽水仲要係玻璃樽裝😃啤酒 你以為得雪花 獅威？No no no, 係有齊嘉士伯，青島同埋Asahi添，火鍋價錢真係同朋友嚟吹水飲酒都抵最友好嘅地方係就算同一齊張枱有朋友唔食蟹都絕對無問題，因為係可以分開價錢計，唔會逼你一個食蟹就全枱收食蟹價！所以冇藉口話唔食蟹就唔join飯局啦😉😉同時想幫職員澄清下，兩年都有食蟹，上年食繁忙時段，今年食尾段 第3場時間，但兩次嘅服務態度都好好，keep住主動問要唔要上蟹，要公定乸，又叫我哋飲薑茶，又主動放低紙巾，完全冇黑面或不禮貌，非常好，期待出年再食，保持水準，價格都盡量保持！哈哈…查看更多

平時成日經過呢座大廈，估唔到3樓會有間咁靚嘅意大利菜餐廳🤎一入去就俾兩大個酒櫃吸引住🥂環境舒適寬敞，有情調，而且仲有outdoor用餐區，睇落都幾chill▫️Tartare di manzo Piemontese牛肉非常多汁，嫰滑冇筋，配埋辣肉醬，Mozzarella cheese同脆脆，非常惹味▫️Tagliere di affettati selezione "Coccia Sesto”每週精選冷盤，有唔同款嘅ham, 辣肉腸，炸小麵包，橄欖，蕃茄乾，再配洋蔥醬，份量非常非常之多，好適合三五知己一齊食，試曬唔同款😋▫️Merluzzo Nero烤黑鱈魚，本身好鍾意食魚，Spiga將鱈魚整得皮脆肉嫰，熱熱哋嘅魚油香配埋檸檬汁非常開胃，好出色飲飽食醉後發現..食意大利菜但唔記得試埋pizza🥲都好 又可以留番個機會下次嚟encore😉😉…查看更多

最近經常去上水做嘢 等客期間去自私食住個tea先😋喺門口望入去幾開揚 仲有露天座位價錢又唔貴 仲唔駛加一添一於入去試下 但當日落雨，就冇坐露天，坐番喺室內啦▫️牛油果醬雞肉牛角包 $50原先以為沙律同薯條係2選1，但原來小朋友先會選擇，呢度兩樣俾晒你😍▪️心太軟配雪糕 $48雪糕有朱古力，雲呢拿，抹茶同海鹽揀，雪糕就真係要揀1款喇，今次要左抹茶，味道正常，但心太軟有啲失望，完全唔流心☹️餐廳人手夠，但有某位員工態度服務都一般，落單問下蛋糕有咩揀 答“蛋糕囉 藍莓呀 芝士嗰啲囉” 然後仲要走左去...叫番佢番嚟 仲要問“你要落呢個咩？”🙄🙄然後問雪糕有咩揀 又答唔出，要去問同事，其實4隻味都唔係好難記，咁都唔記得 有啲說不過去…查看更多

傳統中式飯店格局，除主打雞煲同魚鍋，仲有唔少小菜▫️老重慶奇味雞煲 $188要了小辣但非常惹味，仲有豆卜好入味，份量足▫️黃金蝦球 $88滿滿嘅鹹蛋黃，沾滿蝦肉嘅每一吋，簡直係賣飛佛😍真心唔錯▫️椒絲腐乳通菜 $88熱辣辣炒起，好有大排檔feel，夠鑊氣▫️花雕醉雞 $88雞肉唔鞋唔梅，滑得嚟重花雕味▫️皮蛋拌豆腐 $58醬汁幾特別，皮蛋連埋勁滑嘅豆腐一齊食，幾得意本身好鍾意食咸蛋黃黃金蝦球真係加曬分 好得會因為呢道菜而想再去食多啲😋😋…查看更多

lunch同朋友講開想走carbs佢就帶左我嚟食呢間牛🥩🥩lunch set價錢5x-7x左右都有👍👍但想走carbs, 就睇齋牛一望最平嗰隻300g都$180🥲🥲🥲減肥果然係要付出多啲🤣🤣🤣🙈照食啦 叫左300g醬汁要紅酒汁仲有味噌湯同嘢飲比較驚喜係除左汽水，仲可以要無糖茶，而且仲係樽裝，飲唔曬可以拎走，都幾好👍👍牛係好味嘅，就算煎熟少少都唔覺un本身費時食醬汁，但都係試少少😂😂紅酒汁都好好味啊，不過試一試就算了🙈…查看更多

公司樓下新開左段時間聽同事講happy hour都唔錯🥂🥂🥂但一直未試😂😂有晚同朋友附近食完飯 想坐多陣飲杯嘢🥃🥃醒起呢間 近近哋 就過左嚟試下叫左whisky sour, gin soda好耐以前飲過杯好好味嘅whisky sour自此每次飲cocktail都會試呢杯先😂😂😂但呢間都係一般般 唔算好味🥲🥲環境靜靜哋 唔錯🙂cocktail平均$100左右海港城嚟講 可以坐下傾下計非常抵👍👍…查看更多

去九龍灣做嘢 搵朋友食lunch佢介紹呢間 睇下價錢 正喎 270g牛都係$125仲要沙律，牛肉湯，飯任食早幾日去食荃灣另一間又係食呢類嘅，$180有300g, 有味噌湯同嘢飲，但都係小貴咁見到呢間 即試😁😁朋友叫左270g牛，我原先都一樣，但排隊時見到lunch限定宮崎縣豬扒，既然dinner時間冇 得lunch有，就即刻轉試豬啦牛唔錯但覺得少少un。可能朋友整得太熟🙈🙈然後試埋豬，ok wor, 不過唔知呢隻可摸耳唔全熟都食得，所以都係煎耐啲穩陣，但唔會覺得un同鞋，唔錯湯除左肉，仲有蘿蔔呢度走carbs一流👍…查看更多