yiyixd的個人專頁

發記腸粉粥品 相信元朗人都一定識佢 同區仲開多咗幾間分店分散人流 但教育路呢間分店食物質素同其他分店有好大差距 真心唔好食 腸粉仲要痴埋哂一pat嘢咁 上個月試過雞地果間都幾好 所以先咁快會返轉頭再食 點知轉分店就變咗另一件事粥.整體體驗都好差 坐低即刻問食咩 到落單前後問咗三次 仲會加啲碎碎念「仲未諗好呀？」其實又唔滿座 我又唔係真係諗好耐 比兩三分鐘人諗下食咩係咪咁難？.埋單係收銀前面又會比說話你聽「企哂係到唔知做乜」 啫係咁 唔洗下下都要話人嘅 食個飯啫 食到一肚氣為乜.本身無期望會寫食評所以無影食物相 留返張單證明我真係食完 真實感受嚟…查看更多

🔎日日香鵝肉飯店 (元朗)最近新開咗間鵝肉店 裝修幾四正 睇落都幾乾淨 就去試吓啦上網睇返呢間都有好多分店 不過係最近先開入新界區🔹全日套餐：滷水鵝肉飯 $66 凍飲＋$3已經包埋滷水蛋，豬肉條，豆卜，甜酸菜及時菜鵝肉會肥啲但好食啲 想食啖啖肉可以揀鵝片 會貴少少，豬肉條都幾好味 好似啲幾彈牙嘅丸咁，甜酸菜好有驚喜 好好味 甜甜酸酸又爽口！ 呢個飯量都幾多 我諗普通女士應該都食唔哂＋$24 配滷汁油菜 揀咗菜心 份量都幾多 配返滷水汁好食過平時蠔油菜心呀🔹潮式滷味拼盤（例）$128有豬大腸、豬耳、豬腩肉、紅腸、豆卜、滷雞蛋豬腸幾乾淨幾入味 豬腩肉最有驚喜 唔算好肥但又好淋 豬耳好爽 其他正常操作 豆卜吸哂啲滷水汁都唔錯🔹原盅健康鵝骨燉湯 $28好足料 鵝骨痴住果啲肉煲到勁淋 跟餐飲品加錢轉呢個湯就好抵飲了！📍元朗康樂路13-17, 21-25號鈞德樓地下7號舖🍴搵返相關地區👉🏻 #90sfoodieshare_元朗#食在元朗…查看更多

🔎木玥巷 (元朗)💛一坐低就會有合桃食 食住等仲要幾香口🔹木玥招牌紅燒牛肉麵 $96牛方面都幾多 有牛𦟌、牛筋、薄牛肉 全部都煮得好入味 份量仲好多 牛𦟌厚得嚟夠淋 牛筋好滑 薄切牛最重牛味 豆卜要浸下湯先食 湯底唔算濃所以亦都唔會好油 紅蘿蔔同白蘿蔔好大舊 但無渣🔹煎元貝干貝醬炒飯 $90好吸引 炒飯粒粒分明 蛋嘅份量亦都好足 元貝煎得好香又好大粒 絕對係夠鑊氣 不過就比起一般台灣菜清淡啲 食得清淡啲嘅朋友都可以選擇呢個炒飯🔹雙色鹽酥雞 $56每次嚟都會嗌 係幾好味 雞有啲南乳味 再加埋個柚子醬 仲要即炸熱辣辣 平時真係食唔到 美中不足就可能係呢個價錢可以份量多啲🔸木玥招牌水果茶 $38好飲！癲咗勁大杯 西柚+百香果為主 仲有啲鳳梨、梨、西柚、青檸係面 酸酸甜甜好好飲 甜度好適中 飲開走甜都唔覺甜 呢個價錢完全OK 🔸金沙抹茶奶泡 $32抹茶味濃得嚟係好飲嘅 唔會係cheap cheap抹茶味 我本身唔鍾意抹茶都唔抗拒呢杯*晚市設加一收費整體氣氛幾好 裝修精緻 又播住台灣歌📍元朗媽橫路9號富來花園地下17-18號舖🍴搵返相關地區👉🏻 #90sfoodieshare_元朗#食在元朗#我食在元朗你卻在大排檔…查看更多

🔎稚 (元朗)🔹汁煮豬軟骨 $70 +$30轉定食定食跟前菜、漬物、煎茶、味增湯、珍珠米推薦！豬軟骨煮得好淋 醬汁方面都好開胃 超配飯！另外仲有啲玉子、椰菜絲、醃紅黃蘿蔔加咗定食嘅話仲有芝麻醬玉子豆腐 好滑🤤 海蜇都幾爽口 飯上面都有飯素 不過如果多啲就更好了🔹大阪燒$78好高身好大份 無論醬汁定紫菜同埋木魚碎都好多 係元朗嚟講算係比較少日式餐廳有得食大阪燒 無得去日本又想過下口癮都唔錯🔹檸檬柚子雞翼（4隻）$42燒到脆皮仲有好多柚子醬 雞翼略乾咗啲 不過有柚子醬cover返就ok嘅🔹燒京蔥（2串）$28燒完咗京蔥會少咗啲蔥味 但就多咗份甜味🔹日本甜薯（2串)$28好味 夠淋又甜甜地 可以encore📍元朗俊賢坊18號權益大樓3號舖🍴搵返相關地區👉🏻 #90sfoodieshare_元朗#食在元朗…查看更多

羅東肉焿番 (元朗) -鹽酥一口雞魯肉飯 $54鹽酥雞size剛好 炸粉亦唔會厚 份量都唔少魯肉飯都出色 的確係台灣風味 亦都唔會過肥膩肉焿湯米粉（新竹米粉） $48肉焿湯都係一樣幾代表到台灣嘅食品 有時會太濃有時又會太稀 但係呢度就唔會啦 個芡做得唔錯 連埋米粉好好味 仲有啲豬肉同竹筍 芫茜同辣係必備！酥炸甜不辣 $32炸甜不辣係我食台式小食嘅首選 無揀拼盤係咁解🤣 堅正堅好味 果種煙韌嘅口感真係食唔厭 不過有時炸太耐會硬咗啲仙草芋圓1號 $34（三色芋圓、蜜紅豆、海藻水晶）有啲就有口感無芋頭味 有啲就相反 呢間就做得比較平衡 比較有咬口 食芋圓黎講 紅豆都係必備 1號仲配埋海藻水晶幾爽口幾夾檸檬蘋果西打 $25台式飲品又點少得經典嘅蘋果西打呢 思鄉必飲！ 加左檸檬感覺清爽啲 感覺無咁甜 …查看更多

🔎Zeppelin Hot Dog Shop (西灣河) 📍西灣河筲箕灣道57-87號太安樓地下A55A號舖-食齊柏林又唔一定食熱狗嘅 今次係太安樓掃黄就淨係嗌咗小食🔹雞塊 $20/9件相信大家都唔會去食金拱門 但又想食雞塊嘅話其實齊柏林都係個好選擇 仲要係即叫即炸 無雪藏味 加埋BBQ醬都幾好味🔹大薯條 $15食小食又點少得薯條 大薯條係用熱狗盒放滿 真係勁多勁抵食 仲要係粗薯條 仲要淋咗大量茄汁同千島醬 又好味又唔dry呀🍴搵返相關地區👉🏻 #90sfoodieshare_西灣河#食在西灣河…查看更多

🔎泰Yummy (元朗) 💛📍元朗教育路83號元達樓地下2號舖-泰Yummy Lunch 🔹海南雞飯 $55 凍港式奶茶 ＋$？飯底係用黃薑飯 薑味唔算好重 食落口好少嘅薑味就啱哂我食😂飯份量算多💛海南雞一貫去骨做法 雞都算幾嫩幾滑 份量亦足夠醬係自制泰式辣醬 配埋海南雞好夾好好食😋奶茶正常操作另外一讚佢地員工唔多 但每個都好快手好勤力💛…查看更多

🔎尚品百好冰室(西灣河)📍西灣河筲箕灣道160號地舖-40幾年歷史嘅冰室 雖然我對呢間冰室無感情 但都幾鍾意懷舊嘢 仲要裝修完環境舒服啲 整體食過好幾次味道都唔差 已成為非黃店嘅飯堂🔹鮮茄濃湯牛肋條通粉配黑松露油炒蛋及牛油餐包 $50 跟熱飲 凍飲＋$3鮮茄湯就無乜特別 唔會偏酸偏甜 有啲蕃茄蓉同薯仔 不過個牛肋條又幾淋幾好味黑松露炒蛋都好香好滑 餐包係厚多士都唔錯🔹ALL DAY BREAKFAST $56香煎牛扒、早餐腸、煙肉、蕃茄、沙律菜、焗豆、薯條唔想食飯就試下個all day 好似都幾多款咁味道正正常常 呢個價錢咁多種類都算唔錯不過配薯條又幾有趣 整體都幾好味 唔想食牛可以揀豬或者雞 都係同價…查看更多

🔎黃金雞 (筲箕灣) 💛 📍筲箕灣海利街6號海利大廈地舖-前排停業裝修咗幾日 想食都無得食 不過撞正疫情第三波 少左堂食都係買返公司食算啦-🔹招牌黃金雞飯 $40黃金雞飯即係海南雞飯，真心唔錯，雞嫩，油飯香得嚟唔油膩，醃蘿蔔絲酸酸地又幾開胃，仲有日式豆苖裝飾，飯一樣係跟湯一杯及兩款醬 有豉油汁同蒜蓉薑汁。仲有幾款都仲好想試 牛腩同麻辣手撕雞都想試 慢慢試哂佢先…查看更多

🔎沁沁麫 (西灣河) 📍西灣河西灣河街112號地下-🔹沁沁飯 $43 （限量發售🤣唔係次次都有秘製臘味雞油焗飯 配菜：臘腸、潤腸、臘鴨、滑雞首先臘鴨係用新鮮臘鴨 相當少有 比起一般食嘅係嫩啲而且唔會過咸，臘腸都係肥度適中，潤腸無怪味，滑雞就真係真心滑，個飯都幾特別 香得嚟又唔會太濃 淡淡地配返啲臘味係perfect match呀！🔸凍飲半價 +$5起…查看更多

🔎脆意雞 (筲箕灣) 💛 📍筲箕灣筲箕灣道273號地舖-🔹是日套餐：肉醬燴意粉 $41可轉螺絲粉或長通粉 配餐湯或飲品（凍飲＋$2）突然想食螺絲粉就轉左黎試下 正正常常無特別重點係個炸雞到 加$9可配一款小食 加左一件炸雞 好味喎 皮薄又脆 完全唔油膩 對於唔飲汽水嘅我嚟講食呢啲Pizza炸雞有檸茶飲實在太好🔹開心套餐 $45今次唔想食意粉 懶得揀就試左個套餐包一件Pizza、一件炸雞、薯角、雞寶2件、餐湯/汽水炸雞試過幾好味所以再加左$9要多件不過加埋就對於唔大食嘅我嚟講太多啦😹😂極高卡路里增肥餐就試下好啦 呢個配搭略為Dry左啲 🍴搵返相關地區👉🏻 #90sfoodieshare_筲箕灣#食在筲箕灣…查看更多

🔎三星台菜食堂 (沙田) 💛#黃店系列📍沙田沙田正街18號新城市廣場1樓128號舖-💛老闆FB支持抗爭，悼念周周學🔹麻辣三星麵 《牛腱、牛筋、牛肚》$82大推！湯底夠濃 都算係有少少辣麵質都幾有口感 無論牛腱牛筋定牛肚 都好淋好入味仲有d酸菜，蔥同埋菜 絕對可以encore🔹台式雞排魯肉飯 $76魯肉都幾香 雞排幾香口炸粉亦唔厚正正常常basic野 仲有半隻溫泉蛋同菜🔹炸甜不辣 $58煙煙韌韌幾好味 係香港好少食到係有加蒜嘅呢樣真係堅加分！加左蒜真係好味好多🔹甜湯 $49 (For 2 ppl)有三色芋圓、仙草、珍珠及紅豆芋圓幾有咬口嘅 仙草都幾滑 不過最大嘅問題係太甜 個人黎講就唔太接受到給果食得甜嘅又鐘意芋圓嘅可以試下…查看更多

🔎星河餐廳 (深水埗) 💛#黃店系列📍深水埗大南街374號-💛13/11罷市、與民主派候選人合作派餅🔹沙嗲牛米 配火腿、腸仔、煎蛋及多士 $30凍飲＋$3 外賣＋$1 （但外賣自取有9折）平時茶記都係30幾蚊得2-3款餸 呢間真係堅抵食份量夠多 食完飽左成日 味道仲要唔錯 外賣自取有9折 抗疫亦要支持黃店呀…查看更多

🔎御麵 (元朗) 💛 #黃店系列📍元朗裕榮徑11號好旺洋樓地下4號舖-💛義賣並將收入捐星火、請手足食飯、店內文宣🔹酥炸雞球飯 $50 凍飲＋$2即叫即炸 老闆都會提你小心熱 中間黃色嘅係加左黃薑粉 無加炸粉架睇落好似唔係好多 但因為雞球都算大件 份量都剛好嘅 d飯加左甜匙油 成碟清哂不過無留意原來可以加蛋 $55 早知加埋隻蛋就更加正啦間鋪座位唔多 繁忙時間可能要等下 不過有室外位置可以帶埋寵物一齊食 咁當然亦都方便吸煙人士…查看更多

🔎珍意泰國菜館 (筲箕灣) #黃店系列📍筲箕灣筲箕灣東大街39號地下-💛由6月起已經多次參與罷工行動🔹青咖喱雞肉炒飯 $50好少見青咖哩炒飯 都幾有泰國feel 味道唔錯好夠味亦都唔會好膩 不過要襯熱食 凍左會油d🔹香葉辣椒肉碎煎蛋飯 $52好味 食中d辣椒都幾辣😂😂 撈飯一流 肉碎都幾香口 隻蛋仲煎得好靚🍳…查看更多