盛女達人的個人專頁

濃湯雞米線附近有幾間，雲吞雞米線終於搵到，仲可以揀淮山麵、薯粉。呢次係我第二次幫襯，新開張去到7月31號有半價，真心好抵。湯不算很濃，有雞味，不算有味精，又砂鍋呈上。叫了雲吞雞米線，有五粒雲吞好大粒，今次嘅雞食落去好滑，第一次食有少少鞋。湯底食到最後比雲吞皮浸耐咗就淡好多。喺呢個food court競爭都好大，如果以原價出售，冇嘢飲，真係爭啲補充呢個food court啲凳係坐得唔舒服，繁忙時間預咗要搭枱。…查看更多

位於朗豪坊4樓嘅火車頭越南餐廳，樓底夠高有氣派, 裝修有情調, 非常值得再去. 餐牌有二人餐, 有選擇困難症的不用擔心. 前菜選了蒜香牛油雞中翼、青木瓜乾牛肉沙律、牛油果素菜米紙卷, 分量二人小巧輕盈, 有比較健康嘅沙律及米紙卷，適合女士再來主菜, 火車頭招牌湯河, 為什麼叫招牌呢真的有些期待, 原來餸料頗多，主要係以牛為主。我則點了豬頸肉撈檬，沒有湯底，比較冇咁肥，豬頸肉肥美香口。難得一見係飲品又比較健康嘅選擇，有熱羅漢果蜜點解可以咁細心呢。跟餐可以選擇加錢配甜品，朱古力心太軟係即叫即整，唔使等好耐就到，10分香口.位置方便, 食物質素又高, 下次一於再約朋友來…查看更多

朋友約我聚會，我第一時間想起這間酒吧餐廳，墨西哥食物特別，而且飲品選擇有很多。我的朋友也大贊不絕。有戶外的地方，怕冷氣凍的我就覺得非常好👍🏼。我們點了兩個開胃菜，墨西哥牛肉粟米餅(Beef Taco Salad), 有奶酪碎肉, 牛肉吃起來不像是牛肉以為是豬肉, 有牛油果，蕃茄及莎莎醬，有生菜在底，配上飲品，消暑納涼。粟米餅指金黃色炸的外層，現場脆炸，與沙律相得益彰。另外我們還點了雜豆墨西哥脆玉片，(Tex Mexican Nachos)附上牛油果醬及莎莎醬，墨西哥玉片可以直接占醬放入口，原來這個是全世界最受歡迎的墨西哥小食之一, 是餐前小食, 紅色的三角形脆玉片酥脆，放入口醒神抒除壓力。飲品我朋友點了普通橙汁，而我點了Peach, mango, passion fruit smoothie冰沙，喝下不像冰沙，冰打得好碎，甜滑的很適合女士。這兒氣氛很好，裝修幽暗適合聊天，墨西哥菜與別不同有驚喜及新鮮感，是一個Fantastic的用餐體驗，令人留下深刻印象…查看更多

之前行過見裝修，終於裝修好。想不到中大也有印度素食，現在真是多元文化。可惜的是沒有印度烤餅，今天不想食飯，點了No.1. 由於活蘭素食本身有其他分店，食物質素不成問題，味道不錯，炸咖喱薯仔球同夾麵包是辣的，環顧四周好像沒有水提供, 有罐裝飲品. 原來menu 上 coming soon 是印度特色飲料。可喜的是星期六開，不知有沒有人遠道而來呢？餐廳有印度員工, 顯示中大進步了。之前嘅素食餐廳生意不太好，希望呢間可以做長。…查看更多

之前約過朋友食兩次，在地鐵沿線好方便。中午嘅套餐非常抵食，來到晚市，原來都有，而且仲有點心。枱上有一盞蓮花燈，浪漫又溫馨又定神。散叫了秘製咕嚕猴頭菇，不得了，咬感軟熟好有肉感，功夫到家認真一流，難怪咁多人推薦沒有點錯。京式烤填鴨，配上甘筍絲，較健康，仲有類似油炸鬼嘅硬脆，口感不錯。為素食者帶來回味無窮。川式酸辣粉，有新豬肉碎，水晶粉，湯底辣辣地，味道仿真度高. 素食中菜各式其式，巧手天工。與朋友傾偈耐了都唔會被趕走。唯一覺得佢嘅餐牌就比較簡陋，雖然素食者都不太講究，要為了吸引更多非素食者來，我覺得花多一點心思亦無妨。…查看更多

點心拼盤，冇咗燒賣又冇咗腐皮卷，咁就$65...俾咗蘿蔔糕平價嘢，食水深左啲，而且落單之前冇同我講冇咗D野，會有替代...今日去到換咗新餐牌，飯類加咗價$10，加唔加價都係餐廳嘅決定，素食店經營有一定嘅困難，素食者選擇有限，不代表就任由餐廳安排。期望有質素。…查看更多

邊個話食甜品係女人嘅專利，呢度黎食嘅人還有男仔，冇錯同一枱全係男仔🧍‍♂️呢度啲甜品有窩夫有鬆餅，好大份，食完一份都幾飽可以唔使食其他嘢至於裝修就比較中性，所以也吸引男生來。女生的我就會吃一些比較滋潤的，幸好這兒冷熱皆有，叫了個南北杏雪耳燉木瓜，清甜爽滑，滋補養顏。還有桂圓紅棗杞子茶，用上伯爵茶底，不太甜，補身又醒神。呢度附近食肆林立，食完飯過嚟就最啱，或者直接約朋友來食個甜品當晚餐又得😍之後去附近掃小食。…查看更多

見新開餐廳就過嚟試試，之前網上睇冇一張係餐廳內部相，都估計可能真係好細，來到門口有人等位，一望餐廳入面其實只係一間茶餐廳嘅大細，椅貼椅，枱之間嘅距離沒有1.5米，全個餐廳只有40個位。旁邊一排是卡位，真心唔明坐喺卡位入面又點樣出去自助餐定嘢食呢？食物質素有特色的，蜜餞薯仔入味，有麻醬冷麵，麻辣涼皮，醋酸蕃茄，而且有新鮮生果西瓜波蘿。眼見都係長者來吃多，店主之後是否會按照原價收費，我覺得可以斟酌，例如如果長者收平$10，係益街坊可能較好。如果山長水遠慕名而來的就不必了。不過如果小店搞得成，區區都有這類嘅素食店也不錯，只是茶餐廳的格局，可以賣素，場場爆滿座無虛席，也是一個係新派素食嘅營運方式。…查看更多

終於食到芫荽湯底嘅拉麵，一共有兩款一個豬骨湯底，一個係純素，兩款食落都差唔多，都有香濃芫荽味，唔覺有味精，湯底係可以飲晒嗰隻。佢哋溫泉蛋又大隻，蛋黃又流心，好正芫荽豬是用蝶豆花染色，所以係紫色，望落去真係好新奇，好有特色，睇得出小店很用心。佢嘅素拉麵特登用咗五隻顏色嘅配料，別有用心，食素嘅人都照顧到，真係好少見。唯一美中不足的是小店位置比較少，人多的話真係要book定位。一周年紀念仲送埋櫻花蝦辛辣醬，又食又拎真心覺得開心🥳…查看更多

之前$98 早餐好難book, 又分時段咁6:30/8:00/9:30，晏左去冇位，早D book 8:00 怕未訓醒。唸住豪D$200 算啦，點知收左我$98 加一，咁好嘅，不過職員話唔知優惠做到幾時。幾多野食，分左幾個booth, 素食/ 麵食，中西合璧，好滿足…查看更多

幫襯過幾次了，粥店來講多選擇，比起其他粥店製作用心、有誠意。首先有甜品，桑寄生蛋茶養生又滋補，非一般嘅甜品。而且又有飯，口水雞飯、海南雞飯有特色, 能迎合不同人嘅口味。呢度有炸魚鯪魚球，我的最愛，新鮮爽滑juicy. 點上蜆芥汁，提升口感層次魚腩粥肥美, 粥底棉滑香甜，質素高。再來一個糖心皮蛋子薑，甜酸醒胃，吃得健康，十分解膩晚上都幾多人，一個人來的話可能需要搭枱，店員會提供透明分隔版，讓你食得安全衛生。…查看更多

兩個女仔嚟食上海菜，點了個一人餐$238咦竟然有八樣餸每碟需小，但加起來真的好大份。是日耶子雞湯好清甜，前菜點了個熏魚，小籠包有兩件好的骰，主菜叫咗個糖醋魚塊有菠蘿青紅色椒，又有津白，菜飯，仲有酸梅湯，甜品有芝麻湯丸，真係乜都照顧晒。另外我哋嗌咗個豆沙鍋餅不太油，素餛飩皮薄餡多，個人認為比較出色，可能個店名叫餛飩所以有返咁上下。店員仲會不時幫我哋添茶，服務周到。建議都係book位, 我哋有book位就張枱就好啲. …查看更多

新冠肺炎下，許多素食餐廳停業，佢偏偏開業，令一眾素食人士有選擇。政府實施進入餐廳需要掃針卡，對大家有保障。眼見只有小童冇打針吧？原址從前係走肉朋友，可能我好耐冇去食，我認為食物質素比以前更好。鎮江骨我覺得比以前更入味，中午有紅菜頭及酸辣湯，又有粥，多選擇，好似午餐升級版。食客走了以後店員都抹枱，感覺衛生。自助餐風險高唔高？我剛剛睇中醫（恆常的），佢話我條痢唔似中的人的體質，醫師說寒濕的人的容易中，呢個病專搵寒濕的人，如果唔係一間餐廳大家都係除口罩，點解坐得遠的中招，坐得近的冇事。我幫襯前早上收到檢查中心的陰性通知，又有中醫判咗我係低危人士，先放心去堂食。大家可以留意下自己身體體質是否寒濕，再決定會否堂食，亦可以調理下身體，可能就係最佳的預防（假如寒濕論成立的話）。…查看更多

唔知點解可以咁多嘢食見到自助吧超長嘅枱，未食已經好興奮🥰打邊爐燒肉蔬菜丸類，刺生花茶熟食湯壽司甜品糖水乜都有，心急唔想等就可以食住啲熱盤炸物先，應有盡有。最驚喜啲竟然晚上有點心，可以一盅兩件，真係兩件止的，不會多。蝦餃燒賣糯米雞牛肉排骨都有。打邊爐有三個湯底，自助，又有清水。遇上唔舒服怕熱氣嘅朋友可以自成一窩。有幾個細心為值得一讚1. 餐廳提供口罩袋2. 飲品有唔冷藏的，室溫飲品較好。3. 提供紙巾，張枱前面仲有空位，讓你手拿食物可以暫時放低，拎好匙羹牙籤飲管，先返埋位。唔使出嚟行多轉。早book位就可以有窗邊卡位…查看更多

未裝修時我已經留意咗佢，等咗佢好耐終於開啦。午市有一人套餐，有前菜同埋豆漿。手機落單，我朋友落手機時竟然落咗兩個水煮魚，幸好店員留意到問我哋有冇落錯，改返，店員好細心一讚手機落單冇得走蔥，可以同店員講。萬眾期待嘅酸菜魚，魚很滑，件數又多，米線好大兜。我哋叫店員比兩隻碗仔我哋，夾了四碗仍然很多米線。個人認為水煮魚就好味啲，米線就比較索麻辣湯底。之後我來吃套餐又平咗。可能新開未掌握呢區市民喜好，套餐平了$10，加多個前菜及鍋貼兩隻。越做越好，又坐得舒服，希望佢多啲生意…查看更多